منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  من أي نوع من الأسماك أنت ...؟؟
اليوم في 12:48 am من طرف jassas

» هذه العادات الـ9 نمارسها بطريقة خاطئة يوميًا
اليوم في 12:18 am من طرف jassas

» سنن مهجورة
اليوم في 12:01 am من طرف jassas

» الصلاة علي رسول الله+الاستغفار+ذكر الشهادة+كفارة المجلس
أمس في 8:22 pm من طرف ولد الجبل

» قال أحدهم : الكلمة وليدة الفكر وبنت القلم
أمس في 6:52 pm من طرف ولد الجبل

» الدنيا غريبة !!!
أمس في 6:49 pm من طرف ولد الجبل

» اجمل ما قال نجيب محفوظ
أمس في 6:30 pm من طرف ولد الجبل

» عودة بعد غياب😊😊
أمس في 8:22 am من طرف مجروحة ولي جارحني غالي

» نقص السيوله في ليبيا
أمس في 5:58 am من طرف ولد الجبل

» خذ العبرة أيها الحي
أمس في 5:50 am من طرف ولد الجبل

» شتاوي منوعة
2017-02-25, 3:20 pm من طرف shda libya

» شاهد: ماذا حدث لرجل فتح نافذة طائرة لالتقاط صورة
2017-02-25, 1:42 pm من طرف ولد الجبل

» صور: من بين الكثبان والغابات البعيدة.. إليكم أجمل الفنادق المعزولة بالعالم
2017-02-25, 1:38 pm من طرف ولد الجبل

» مباريات الخميس 2-3-2017 والقنوات الناقلة
2017-02-25, 10:24 am من طرف STAR

» مباريات الاربعاء 1-3-2017 والقنوات الناقلة
2017-02-25, 10:23 am من طرف STAR

بحـث
 
 

نتائج البحث
 


Rechercher بحث متقدم


عمركم سمعتوا عن حاجة أسمها (البغدده) ..

استعرض الموضوع السابق استعرض الموضوع التالي اذهب الى الأسفل

عمركم سمعتوا عن حاجة أسمها (البغدده) ..

مُساهمة من طرف حبة مسك في 2010-02-18, 10:42 am

أخواني و أخواتي

السلام عليكم ورحمة الله وبركاته

عمركم سمعتوا عن حاجة أسمها (البغدده ممكن الغالبية سمع الكلمة ..
فيه طالب سافر لبريطانيا يحضر دكتوراه في العلوم الإجتماعية .. وكانت رسالته بعنوان (البغدده ) طبعا الأنجليز ما عرفوش ما هي البغدده ولا وين تقع .. وبالتالي سألوه .. شنو يعني بكلمة البغدده ؟ وما علاقتها بالعلوم الإجتماعية أو علم الإجتماع .

أخينا حاول يوضح الموضوع ولمدة أسبوع ولكنه فشل في تعريف البغدده نظريا .. فطلب من أحد الدكاترة السفر معه إلى بلاده حتى يتعرف على البغدده على أرض الواقع .. طبعا من كثر فضول أحد الدكاترة الأنجليز وحبا في المعرفة قرر الدكتور أن يسافر مع أخونا الطالب إلى بلاده ليتعرف ويزيد معرفة عن هذه الظاهرة الاجتماعية اللي أول مرة يسمع بيها

المهم سافروا الدكتور الأنجليزي مع الطالب.. وعند وصولهم إلى المطار .. بدأت قصة البغدده مع الدكتور
ففي المطار كانت الدنيا كلها أمفنصه ومكشرة عن أنيابها .. أبتداء من عمك الحاج اللي يلوح في حقائب المسافرين تلويح (وعلى طول حدفته) وأنتهاء بضابط الجمارك اللي من كثر حرصه المملؤ بالحسد أضطر إلى تفريغ أنبوب معجون الأسنان الخاص بالدكتور .. ناهيك عن جماعة الجوازات والتشحيط اللي بدون مبرر واللي يوصل لأكثر من ثلاث ساعات

طبعا الدكتور ما أهتمش بالموضوع وقال في نفسه ربما فيه أخبارية عن تهريب مواد ممنوعة أو شئ من هذا القبيل .. بعد خمس ساعات طلعوا من المطار .. وخارج المطار جاهم صاحب سيارة خاصة عرض عليهم أن يوصلهم إلى وسط المدينة .. من كثر الأرهاق وافقوا .. وشالهم السائق لسيارته واللي كانت من نوع مازدا (موديل جحش) - والقزاز اللي جنب السواق رانه بكاتشفيته -

قول ركبوا الجحش وهناك كانت المفاجأة التي تنتظر الدكتور .. السيارة - تصرف - يعني الدخان اللي أطلع فيه شر من سيارة الفليت (كان مازال تتفكروا فيها) .. وما تنسوش أنهم نزلوا مرتين أيد فوا في السيارة بعد وقوف مفاجئ .. والدكتور مازال موسع باله (برود أنجليز) قال في سبيل معرفة البغدده كل شي يهون

وصلوا للفندق الوحيد اللي لقوه فاضي هاذيك الليلة .. فندق ناقص خمس نجوم .. دخلوا للفندق وقعدوا واقفين أكتر من ساعة في الاستعلامات اللي فاضية أتنش .. وبعد الساعة جاء السيد موظف الاستعلامات نصف صاحي من قلة النوم .. ومن ....... ، وبكل تكشيخ متأدب .. قاللهم : خيركم من صبح ربي أتضبحوا .. بشوية عليكم .. بالكم تحسابوا روحكم في فندق (هذا بيرقو محترم) .. خير بلاكم ؟؟؟
(تعني تفضلوا في لغة ..... )

رد عليه صاحبنا (الطالب العربي) .. أحنا آسفين على الأزعاج .. أحنا نبوا غرفة لشخصين .. المهم .. بعد أسلوب مملؤ بالتكشيخ والتفنيص واللي في غاية الأحترام (فيه تنفيص محترم.. مش أتقولوا ما فيش) .. تحصلوا على غرفة رائعة تطل مباشرة على المنور المملؤ بعبق المجاري ومرتع خصب لجميع أنواع الناموس والحشرات الغير ضارة مثل الصراصير والذباب البارد (يعني حتى لو كملت حكة فليت .. قاعد .. قاعد)
وفي الغرفة مفاجآت سارة أخرى في أنتظارهم .. السراير الحديثة (موديل من عام جدي وجدك) والبطاطين الأسبانية حديثة جدا (مصنعة سنة 1911) .. والكثير الكثير ..

جماعتنا من كثر الوقوف في المطار وفي صالة أستقبال الفندق ومرورا برحلتهم الشيقة من المطار إلى الفندق .. كانوا تعبانين ومرهقين .. وقول رقدوا بعد جهاد مع الناموس والذبان البارد .

في الصباح .. فاقوا من النوم .. وكل واحد ينظر للثاني ويضحك .. طبعا الضحك ليس بسبب الراحة اللي شافوها!! .. فكما يقال شر البلية ما يضحك .. باختصار كانت وجوههم مليئة بالطبابيع والكدمات من أثر قرص الناموس والحشرات المفيدة!!

هنا سوف يبداء مفعول البغدده مع الدكتور الانجليزي ..
ذهب الدكتور للحمام ليغتسل .. وعند دخوله للحمام ولما شاف وجه في المرايه) راكم أتقولوا عليها مكسورة) بدا يتمتم بعبارات غير مفهمومة دلالة على عدم الرضا .. و اللي زاد الطين بله المياه كانت (تلج) .. المهم وفي أثناء ما الدكتور يغسل في وجهه والصابون في عيونه .. أنقطعت الميه .. وخرج عن طوره .. وبدا يربد ويزبد ويلعن و ........ خرج من الحمام والصابون مازال على وجهه وفي عيونه وقال للطالب العربي:
(بعد الترجمة طبعا) واااااو .. هاذا شنو .. أنتو وين عايشين .. هاذا شنو ايسموا فيه

وهنا .. وبلغة الواثق من نفسه .. وبكل فخر وتفاخر قال الطالب العربي : هادا هو البغدده

أرجوا يا دكتور أن تكون فهمت معنى كلمة البغدده

منقول ... مع بعض التعديل


حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: عمركم سمعتوا عن حاجة أسمها (البغدده) ..

مُساهمة من طرف التميمي 1 في 2010-02-18, 3:52 pm

أخي حبى المسك ..... لم تذكر لنا أسم البلد .. أو جنسية الطالب ...لتعم الفائده كل الاعضاء ... ولا يتعرضوا ... { للبغدده } ..

لك تحياتي/ التميمي 1

التميمي 1
عريف
عريف

ذكر
عدد المشاركات : 71
العمر : 42
قوة التقييم : 2
تاريخ التسجيل : 03/02/2010

الرجوع الى أعلى الصفحة اذهب الى الأسفل

رد: عمركم سمعتوا عن حاجة أسمها (البغدده) ..

مُساهمة من طرف ابن ادم في 2010-02-18, 5:26 pm

مشكور اخى حبة مسك
فعلا بغدده ما بعدها بغدده

ابن ادم
فريق اول
فريق اول

ذكر
عدد المشاركات : 4390
العمر : 44
رقم العضوية : 282
قوة التقييم : 19
تاريخ التسجيل : 18/06/2009

الرجوع الى أعلى الصفحة اذهب الى الأسفل

رد: عمركم سمعتوا عن حاجة أسمها (البغدده) ..

مُساهمة من طرف محمد اللافي في 2010-02-18, 5:44 pm

مشكور حبه مسك صدقني هذا ما قبل مرحله البغدده البغدده صح الاصليه يعني مازاااااااال

محمد اللافي
مستشار
مستشار

ذكر
عدد المشاركات : 27313
العمر : 37
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: عمركم سمعتوا عن حاجة أسمها (البغدده) ..

مُساهمة من طرف حبة مسك في 2010-02-18, 7:05 pm

أخي التميمي1 : البلد عربي ... وشكرا لك على المرور.
فرج عوض : أشكرك على المرور الدائم وتحياتي .
محمد اللافي : إن شاء الله ما فيه بغدده الغرض المزحة فقط .

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: عمركم سمعتوا عن حاجة أسمها (البغدده) ..

مُساهمة من طرف عبدالحفيظ عوض ربيع في 2010-02-20, 9:15 am

مشكوراخى الكريم على هذا الموضوع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 72050
العمر : 51
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: عمركم سمعتوا عن حاجة أسمها (البغدده) ..

مُساهمة من طرف c.ronaldo في 2010-10-25, 11:05 pm

شكـآآآآآآآآآآآآآآآآآآآآآآآآآآآآآآآآآـر ع المشـــاركة الرائعــــــــــــــــــه...

c.ronaldo
مستشار
مستشار

ذكر
عدد المشاركات : 16314
العمر : 32
رقم العضوية : 559
قوة التقييم : 94
تاريخ التسجيل : 26/09/2009

http://tamimi.own0.com/profile.forum?mode=editprofile

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى