منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
اليوم في 10:37 am من طرف STAR

» مباريات الخميش 8/12/2016 والقنوات الناقلة
اليوم في 9:39 am من طرف STAR

» مباريات الاربعاء 7/12/2016 والقنوات الناقلة
اليوم في 9:38 am من طرف STAR

» مباريات الثلاثاء 6/12/2016 والقنوات الناقلة
اليوم في 9:37 am من طرف STAR

» مباربات الاثنين 5/12/2016 والقنوات الناقلة
اليوم في 9:36 am من طرف STAR

» Sky Sport News HD Deutschland مجانا على قمر استرا 19 شرقا
اليوم في 9:34 am من طرف STAR

» قنوات الشرينج الناقلة للمباراة برشلونة وريال مدريد
اليوم في 9:31 am من طرف STAR

» ليبيا الجميلة كما لم تشاهدها من قبل.. فيديو
اليوم في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
اليوم في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
اليوم في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
اليوم في 9:16 am من طرف STAR

» خلفيات اندلاع الاشتباكات في مدينة طرابلس
اليوم في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
اليوم في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
اليوم في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
اليوم في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


قـــــصيدة الــــــغوط المرحـــــــوم روفــه الدعـــبوب

استعرض الموضوع السابق استعرض الموضوع التالي اذهب الى الأسفل

قـــــصيدة الــــــغوط المرحـــــــوم روفــه الدعـــبوب

مُساهمة من طرف يوسف منعم امهدى في 2010-02-24, 2:39 pm

قصيده للشاعر المرحوم ( روفه الدعبوب الرفادي ) وهي حوار مابينه وبين
( الغوط ) وهو عباره عن سهل مترامي الأطراف جنوب منطقة التميمي وفيها توثيق تاريخي مهم عن تلك المنطقه ، يقول الشاعر :
يا غوط جرتّن عليك نزالي ويانك اتصّهد اليوم منهن خالـــــــــــي

جرة عليك مطارح وجرة أركيب فيك واجد ســـــــــــــــارح
أسياده الواحد كي الطير الـجــارح عليه هيبته والوطن صيته مـــــــــــالي
صنديد فوق من وافي نصيه قارح أوين ما قفز يلحق الريم الفالــــــــــــي
أجواد ضيفهم بايت بقدره بــــارح عالجود والكرم شاكر الله العالــــــــــي
مو كيف حالي بتت فيك البـــــارح في جنب سدره ما احذايا والــــــــــــي

( الغوط )
كانن علي سدادي نواجع ابوادي من اصلاب سعــــــادي
جلاية أهمومه وين نق الصــادي وحماية الطليب اللي لفاهم جالـــــــي
علي لا تخطرهم أتجي بــــــدادي الدمعه وما تمسح غباين بالـــــــــــي
علي كل طاره تاركين نضـــــادي اديار يصهدن ياهن اليوم خوالــــــي
طالب المولى والرسول الهـــادي عليه ايعودوا والزمان ايوالــــــــــي

( الشاعر )شين خلو اديارك وقاعد اتصهد اتخوف اللـــــي زارك
عالجوع والعطش باتوا جفا خطارك لافيك ظل ولا ذرا لا يالـــــــــــــــــي
اتقول فوق منك دايرات معــــــــارك عجاجك ايثوب والرياح عوالـــــــي
بالله قولي طالب اليوم عمــــــــارك وما فيك حاجه مالحياه اتوالــــــــي

( الغوط )وسع بالك وصفي كلامك قبل عل اسوالـــــــــك
وهناك شي واجد يجهلوه أمثــــالك بالشرح تبيله امدد وأجالـــــــــــــــي
لا بوك لا عمك علي حكالــــــــــــك اللي يعرفوني حالهم من حالــــــــي
علي يشهدوا بالحق راهم بالـــــــك ونا عذوتي فوق الحروف متالـــــي
انكان فلحوا مضمون صابه مالـــك وانكان رودوا يلقوا ربيع ايوالـــــي
ماهم اللي كيفك أرقاق مسالــــــــك نكارة جمايل واليدين خوالـــــــــــي
أنت هو اللي موحش وشين خيالك لاكاط فوقك لا لبست أجبالــــــــــــي
وانكانك مشيت تقول مشية هالـــك أصلاب حيط مايريدن الكعب العالي
حتى فالجلوس مضايقك سروالــك والله يا ولد مدعاك شاغل حالــــي

( الشاعر )ياغوط شين كلامك ويصعب عليه ما نريد الطامـــــــك
وانكان لك ملام علي عل ملامك ولا توجعك مني ان لق اسوالــــي
أحكيلي عاللي نازلين أوهامـــك وايش فرقهم عنه الجيل التالــــي

( الغوط )
بينكم سناحه ومشية اطناشر يوم عالرواحــــه
لا تمولوا لانكم تريس أفلاحــــه ولا فالشدايد ضربكم قتالـــــــــي
أسمله عليكم رايمين الراحــــــــــه وهي دلو لا مليت أرشاها بالــــــي
واتشيل قوتكم مركب اتجي طفاحه أوان الرخا واسع عريض الجالــي
أوين البحر يصعب عللملاحــــــــه هناك وين تذكر صحيح اسوالــــي
لازرع قدامك ولا صياحـــــــــــــه مخلي وقدامك الهود الخالــــــــــي
وتلقى ارياقك مر فيه كلاحـــــــــه ونادم عليها تركتي واهمالــــــــــي
والجيل لولي جاهد ايريد اصلاحه وفي عيونهم ديمه عزيز وغالــــي
وقاريين ما نزل الله في الواحــــه ما سكين في يدين الكريم العالــــي
والغيث يطلبوا للبير وان نزاحــه من غير ربهم مالهم طمع في والي
كسابة اكحيله فالشقا والراحـــــه أشداد العزايم في كدر لاجالــــــــي
ركابة قصير القين بو طراحـــــــه قناد الطوارف وين جاك يشالـــــي
اصحاب الفريق اللي سعيد صباحه متقادي نزوله بالنظر يزهالـــــــي
صلاة النبي عالمال فيه سماحــــه سوا لا نشر واللى مراحه مالــــي
وكحيله ان مدت عندها نطراحــــه اتصيد الخواطر والعقول اتوالــي
وفالليل وين ما حاشت تجي زناحه دنين حشوها تحلف نحل جلجالي
وسيدها وراها بدقرته واوشاحـــه صعيب دنوها ماهي قليلة والـــي
ويعفن الا تعفين في مطياحــــــــه والغزيها لا دفن لا غسالــــــــــي
هذاك جيل عدا جد في مطراحــــه جيل منعكس ما خش ساعه بالي
امغير كي اللي يلعب عللدرجاحـــه واللي تقدمه يرجع ابها للتالــــي




( الشاعر )ياغوط ديك باهي وريتني موال عنه ساهــــــــــــي
وماني امعاك سليم توا لاهــــــي مستاحش أونسني وفضي بالـــي
كم جيل عاشرته زمانه زاهــــي وكم جيل ريته في كدر واهوالــي
وكم قرن مر عليك زين وباهـــي وكم قرن عديته اتصهد خالـــــي
أنت يزمطن فالناس فيك دواهي واللى بالخلا رايد عليك العالــــي

( الغوط )
الخلو موش معاره ربك خلق كونه ودار مســـــــــــاره
ونا احكايتي تصعب علل فســاره طويل سردها ياخذ امدد واجالـــــي
من يادم وحوا تاخذ الخبــــــــاره ترتيب لاعند الزمان الحالــــــــــــي
أول جيل جا داير اسلاح احجـاره ماله مقر يذوح ديمه جالـــــــــــــي
وجوني بعدهم اللي اقسا جبـــاره وبيوتهم سطوهن نحت في لجبالي
امغير دور تلقى فالوطـــــاه اثاره تستاعض وتلقاهن صحيح اقوالي
وجاني بعدهم جيل باستــــــقراره أواطن بنا فوقي قصور عوالـــــي
وفوقي فنا كله وخليـــــــــت داره وفات ما بنا للبوم فيه يشالــــــــي
وجاني بعدهم جيل فيه حضـــاره وقسم وطاتي بالجسور عزالــــــي
الخير عمني تميت في نخضــاره وجنه جميله فالعيون انوالــــــــي
عليه كتب ربك بشد امطـــــــــاره وسلط علي اهبوب ريح قبالــــــــي
قلواه نين ماخلا حطب بثمــــــاره واخليت مالبشر تميت نصهد خالي
ولاعند توه قاعدات ابيـــــــــــــاره علي ما فعل تشهد بدون اسوالـــي
وقوما لفتلي جاهله ونـصــــــــاره وقوم من قبايل بربري واندالـــــــي
ودوم في بعضهم شانين الغـــــاره أسلاحهم الحربه والسيوف مجالي
رسيم حربهم ما يوم تطفى نـــــاره ولا يحلوا لا يحرموا جهالــــــــــي
وياما لفولي من أجواد عصـــــاره ومن نجد مروبي ضنا لهلالـــــــي
تونس مرودها عفا هــــــــــي داره ويونس يسير القصر بين ادوالــي
عليك قال حازني ابواب بالســكاره امفيت فزعتك مالي نجا ياخالـــــي
وراس جدكم سوس علي مزيـــاره فارس امعدي فوق روس مشالــي
بنا سور درنه حط تحت جضــــاره وتواطا ابناه وكان صيته عالـــــي
وكانن منازل هلك في هالطــــــاره كسابين للغره ولم أبهالـــــــــــــي
وخليت وين ماشد الزمان اوتــاره أوين النواجع شالهن اليطالـــــــي
وجاني لكم شايب امنالشــــــــعاره أوهاجا علي خلوة الراس العالـــي
أوذاكر العلبه اللي شهير اصـداره وغوط بو هفيره فالمراض ايوالي
أوفرج علي الله رد أنــــــــــــواره أوعاود طويل العمر من لاهالــــي
وراقوا بعد عقدة الريق أمــــراره في وسط حفره رملها هيالـــــــــي
ايحدثوك مازالوا شهود اكبـــــاره علي سنين عاشوهن امعا ليطالي
وعايرتني بالخلو موش مـــــعاره مكاتيب ما فيهن سبب من والـــي
وامسك كتاب الله شوف اســطاره القرأن حكمه ومنبع الأمثالـــــــي
كيف قصته عزيز هو واحمــــاره وين ما نكر قدرة الله العالـــــــــي
وعدا علي قريه وهي منهــــــاره وقال هذي ما تعمر خريبة جالــي
وهو مات مية عام قرن اعــــباره أوين ناض يحسابه الفجر التالـي
أستغفر بعد نور الله أفكـــــــــــاره وراعا أحماره وهو رميمه بالــي
ربك عظيم وقدرته جبــــــــــــاره ورجع حي يرزق كيف قبل وتالي
را الوقت في يد الكريم مســــــاره وبذكر النبي نختم عليك أسوالـي

( الشاعر )
ياغوط يامو جاري فيك ثاريتك علي أمـــــــــــــواري
نشدتك علي خلوك وجبت سهاري عجيبه الدنيا كل يوم بحالـــــــــي
أتبين الخافي والشهـــــير أتواري تبني العش وتهدم القصر العالــي
ولايعجبك فيها أشـــــــبوب بداري أتثني عليه بوجد ريح قبالــــــــي
ومرات بالفوايد اتبايعك وتشاري ومرات بالخساير سوقها دلالـــي
تضحك وتبكي خافيه لـــــشراري غداره وماظامن نجاها والـــــــي
ياغوط فيها حايرات أفـــــــكاري الدنيا وما فيها أطامن بالـــــــــي
ناحرت ونريدك أنتا دبـــــــــاري أنتا أمعاشرها أمدد وأجالــــــــي
نا كيف فيها ينعدل مـــــشواري وهي دروبها أمعوجات أقبالــــي

( الغوط )ينعدل باموره وصلي صلاتك قبل يوم أنشوره
واذكر الله في رقتك والثــــــــــــــــــوره وقول يالله ديمه عليك أتكالــــي
وأحسب احساب القبر اللي معدي شوره وقول يالله تصلح جميع أفعالـي
لا تغربك الدنيا اللي مـــــــــــــــــغروره أتعزك أيام وتقهرك فالتالــــــي
جميع ماخلق ربك فنا ســـــــــــــــيوره ولافيه شي ايدوم غير العالـــي
ابجاه الكتاب اللي نزل بالـــــــــــسوره ايصلح الله حالتك وأحوالــــــي



والى اللقاء في قصيده أخرى لنفس الشاعر
وشكرا ،،،

يوسف منعم امهدى
لواء
لواء

ذكر
عدد المشاركات : 1661
العمر : 26
قوة التقييم : 11
تاريخ التسجيل : 05/02/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف ادريس بوزويتينة في 2010-02-24, 2:51 pm

مشكور اخي يوسف

ادريس بوزويتينة
فريق اول
فريق اول

ذكر
عدد المشاركات : 4426
العمر : 31
رقم العضوية : 102
قوة التقييم : 11
تاريخ التسجيل : 03/04/2009

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف يوسف منعم امهدى في 2010-02-24, 3:06 pm

العــــــــــفو اخـــــــــــي ادريـــــــــــس ويــــــــــــنك اليــــــــــــوم غيـــــــــــــــــــاب

يوسف منعم امهدى
لواء
لواء

ذكر
عدد المشاركات : 1661
العمر : 26
قوة التقييم : 11
تاريخ التسجيل : 05/02/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف المرتجع حنتوش في 2010-02-24, 3:19 pm

مشكور اخي يوسف

المرتجع حنتوش
مشرف قسم المنتدي العام
مشرف قسم المنتدي العام

ذكر
عدد المشاركات : 21264
العمر : 24
رقم العضوية : 121
قوة التقييم : 41
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف الجاظي في 2010-02-24, 6:17 pm

اشكر الاخ يوسف على هذا الاختيار لانني من محبي الشعر الشعبي الاصيل
واقول للاخ يوسف نريد ان نطلع اكثر واكثر على شعر الملرحوم روفه الدعبوب
بارك الله فيك اخ يوسف
( الجاظي)

الجاظي
عريف
عريف

ذكر
عدد المشاركات : 81
العمر : 41
رقم العضوية : 187
قوة التقييم : 0
تاريخ التسجيل : 03/05/2009

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف يوسف منعم امهدى في 2010-02-24, 10:14 pm


العـــــــــــــفو اخــــــــــــــوتــــــــــي الكــــــــرام عـــــــلي المـــــــــــــرور الــــــــــــرائـــــــــــع

يوسف منعم امهدى
لواء
لواء

ذكر
عدد المشاركات : 1661
العمر : 26
قوة التقييم : 11
تاريخ التسجيل : 05/02/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف عبدالحفيظ عوض ربيع في 2010-02-28, 6:37 am

مشكوراخى الكريم على ماقدمت

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 71908
العمر : 50
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف ابن ادم في 2010-02-28, 7:11 am

مشكور اخى يوســـــــــــــــــــــــــــــــــــــــــــف
على هذه الابيات الجميله

ابن ادم
فريق اول
فريق اول

ذكر
عدد المشاركات : 4390
العمر : 44
رقم العضوية : 282
قوة التقييم : 19
تاريخ التسجيل : 18/06/2009

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف بوفرقه في 2010-03-01, 1:33 pm

نقل رائع بارك الله فيك تسلم على الجهد الطيب

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

بوفرقه
مراقب
مراقب

ذكر
عدد المشاركات : 34562
العمر : 50
رقم العضوية : 179
قوة التقييم : 74
تاريخ التسجيل : 30/04/2009

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف يوسف منعم امهدى في 2010-03-01, 3:54 pm

العفو اخوتي الكرام علي المرور والمتابعه - اخي حفيظ - اخي بوفرقة -اخي فرج عوض


يوسف منعم امهدى
لواء
لواء

ذكر
عدد المشاركات : 1661
العمر : 26
قوة التقييم : 11
تاريخ التسجيل : 05/02/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف STAR في 2010-06-20, 10:39 am

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114651
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف يوسف منعم امهدى في 2010-07-09, 4:09 pm

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة

يوسف منعم امهدى
لواء
لواء

ذكر
عدد المشاركات : 1661
العمر : 26
قوة التقييم : 11
تاريخ التسجيل : 05/02/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف المنجوه في 2010-07-10, 2:46 am

مشكوووووووووووووووووررررررررررررررر

المنجوه
لواء
لواء

ذكر
عدد المشاركات : 2101
العمر : 37
قوة التقييم : 2
تاريخ التسجيل : 01/07/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف دلع ليبيا في 2010-07-10, 2:49 am

مشكور ياخوي يوسف

اختيار رائع للقصيدة

ربي يعطيك الصحة


دلع ليبيا
مستشار
مستشار

انثى
عدد المشاركات : 15254
العمر : 16
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

رد: قـــــصيدة الــــــغوط المرحـــــــوم روفــه الدعـــبوب

مُساهمة من طرف يوسف منعم امهدى في 2010-07-10, 2:06 pm

شكرا لتشريفكم متصفحي على الدوام وهذا تقدير منكم وكم يسعدني تواصلكم على الدوام دوما" تقبلوا مني أرق التحايا دمتم بكل الود والسعادة



****************************************
المـــــــــــــــــــــــــــــــانـــــــــــــــــــــــــــــــــيا






يوسف منعم امهدى
لواء
لواء

ذكر
عدد المشاركات : 1661
العمر : 26
قوة التقييم : 11
تاريخ التسجيل : 05/02/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى