منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
التميمي لرفع الصور و الملفات


المواضيع الأخيرة
» التجهيز لعقد اول جلسه للبرلمان فى طبرق
اليوم في 2:28 am من طرف بوفرقه

»  وصول طائرتان أباتشى اليوم
اليوم في 2:17 am من طرف بوفرقه

» كل ماهوا جديد علقسم
أمس في 11:45 pm من طرف عمران فرج المغوارى

» عبرعن وضعك الحالي بغناوه او شتاوه
أمس في 11:41 pm من طرف عمران فرج المغوارى

» استطلاع لـ"BBC": إيران أكثر دولة مكروهة فى العالم.. وإسرائيل الرابعة
أمس في 9:02 pm من طرف الكابتن

» شركاء الوطن. عندما تنزل النوائب، تجد إخوة لك لم تلدهم أمك.
أمس في 9:00 pm من طرف الكابتن

» بالصور.. 15 فكرة غير مألوفة للاستفادة من صناديق الأحذية
أمس في 8:59 pm من طرف الكابتن

» فضل صيام ست من شواال ..
أمس في 8:56 pm من طرف الكابتن

» تمتعو بصور مظاهرات الليبيين ضد الثوار "جديد"
أمس في 8:56 pm من طرف الكابتن

» هل تصدقون ان الثوار اللصوص شرفاء
أمس في 8:54 pm من طرف الكابتن

» بالصور.. تعرف على موضة المجوهرات الفرنسية لموسم الصيف
أمس في 11:48 am من طرف عبدالحفيظ عوض ربيع

» 400 ألف دولار ثمن قفاز محمد على كلاى فى "معركة القرن"
أمس في 11:45 am من طرف عبدالحفيظ عوض ربيع

» قائمة سوداء لرجال الأعمال الممتنعين عن التبرع لصندوق "تحيا مصر".
أمس في 11:34 am من طرف عبدالحفيظ عوض ربيع

» أفضل 10 هواتف ذكية بأسعار تناسبك
أمس في 11:27 am من طرف عبدالحفيظ عوض ربيع

» بالصور.. أقدم وأجمل القلاع التاريخية حول العالم.
أمس في 11:20 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


موسوعة "غناوي الرحى"

استعرض الموضوع السابق استعرض الموضوع التالي اذهب الى الأسفل

موسوعة "غناوي الرحى"

مُساهمة من طرف عبدالحفيظ عوض ربيع في 2010-03-18, 4:11 pm

غاني الرحا - "غناوي الرحى" موسوعة

1) هلي طلب يطلب الله   يقول يا كريم المعاطي
والعبد خليــــك منـــا   لا يشيعك لا يواطئ

2) سوال النبي يا معدي   على الجار وصا نبينا
ولا حد قسما على حد   غير ونسه الدار زينة


3) وين ما بكي عيل الجار   حليب الشوايل مشالة
وين ما قعد طايح الدار  حبس الأولى لين شالة

4) القافلـــــــــــــة الأوليــــــة   فيهــــا مليــــــح يـــداري
برك جمالة على ظهر   وقال بر عتوا للضراري

5) نوض يا ولد وأسهر الليل   ودير العشم في ذراعك
ورانك تصاحب الخاين   كان قابلة سوم باعك

6) دم الــــردي مــــــــــا يــونس   واصنتـــواياجماعــــة
واللي خذي القول في خوه   كيف من نتش من ذراعه

7) واحد توكل على الله   واحد وكيله ذراعه
واللي توكل على الله   شرا العز والذل باعه

8) أوقات في الصبر عله   وأوقات يبري العلايل
وأوقات حملك تقله   وتزيد فوقه عدايل

9) العين للعين ميزان   والقلب للقلب راجع
وبنادم يجيبوه الإحسان   ويبعدوه المواجع


10) يا صاحبي ما يغرك   اللي يضحكو ما يدومو
والحوت في الموج عوام  وهما بلا ماء مايعومو

11) ليا غلقت الباب طيبة   ما يغلق الله بابه
يجي من هداني الغيبة   شئ ماقرينا حسابه

12) لا تهربوا ولا تذلوا   اللي مصوره الله جايز
ومن سيله لا تولوا   طفح لين فات الركايز

13) لا تهربوا ولا تذلوا   يامدرجحين الأكمامي
رآهم وراكم يعلو   والموت راهو قسامي

14) اللي ما قري ما عرف فرض   ولو يتوب مازال جاهل
واللي ما مشي ما عرف الأرض   ولا يوردك عالمناهل

15) الذلال ما هوش محسوب   غير عيلته حاسباته
كان مات ما هوش مرحوم   وكان عاش كده حياته

16) نوصيك على سابق الخيل   والبندقة اللي قصودة
وأنشد على بنت الأجواد   ضناها يجو لجدوده

17) ما يرقد الليل مديون   ولا يحمل الذل مانع
ولا يغسل العرض صابون   ولا ينجر القلب صانع

18) السعد تبديل الأقدام   والصبر كنز الفقاري
والصمت سلطان الأحكام   والجار صابون جاره

19) أن شاكيت شاكي منو وازن   وأما خصيص العقل ما تشكيله
حتى الجمل كان الغرارة زقلة   محال ماتتبت عليه عديله


20) أنســــــــــى الطمــــــــــع   ينســاك فقـر الدنيـــــــــا
وأحفر علــــــــــــــــــــــى ساسك   وجدد بنيــــــــــــــــــــا

21) الإسعاد ماهي بالأجهاد   ولاهي بكبر الجهامة
ولا صايبه فـــــــــــــــــرغت زاد   ولا صبر عقبه ندامة

22) الصاحب على الصاحب يلز الحربة   يهون اللحم ويهون عمر فاني
والصاحب اللي مايلتقه في الكربة   خليك منا صحبته لا قاني

23) في الواسعـــــــــــة   الأصحــــــاب يا ما منهــــم
وفي الضيـــــــــــــــــــــق   ما تلقاش واحد منهم

24) اللي بني يعرض الساس   يصب الحجر شغل قوة
واللي عرف يعرف الناس   أهل الكرم والمروة

25) فيه ناس   تقعد ناس ديمة ديمة
وفيه ناس   يظلمها الخير ظليمة

26) بنادم ليا ضاق صبره   والأوجاع ما طاق داها
الأيام تمرض وتبري   والصبر هو دواها

27) صبرنا وجي صبرنا خير   واللي قسملك تناله
وحبيبك ليا كان يبغيك   هو اللي يقولك تعالي

28) العين تنظر   والعقول توازن
والوذن تسمع   والقلوب مخازن

29) كبر التبرييف للباف   وطول الخطا للنعامة
وبنادم ليا كان عراف   شكار روحه ذمامه


30) ما فيش في الناس متموم   ولا في الشتاء ليل دافئ
ولا في البحر بئر معلوم   ولا في العدو قلب صافي

فن شعبي يخص المرأه ان لم نوثقه ذهب ادراج الرياح في عصر العولمه

حاولت في هذا الموضوع جمع معلومات عن غناوى الرحى

وجمع الغناوي بطبع وتنسيقها في شكل ملائم للقارئ

غناوي او هجاوي الرحى أشعار حكر على المرأة ...

فقبل ظهور المطاحن الحديثة كانت المرأة تعاني الكثير من التعب ..
وتبذل الجهد العرمرم .. في إدارة الرحى بواسطة يد تصنع من الخشب ..
تسمى الشظ .. فقد كانت تسلي نفسها أثناء إدارة الرحى بالغناء ..
فيخرج النغم مختلطاَ بصوت الرحى ..
ومن يسمعه يجد فيه الكثير من التعبير عن التعب والمشقة الذي تلاقيه المرأة ..
ومن أغاني المرأة على الرحى يظهر الرمز واضحاَ ...
وفي بعضها يظهر المعنى واضحاَ ودون استعمال الرمز ..
وفي معظمه الشكوى من تعب إدارة الرحى .. أو ما تلاقيه المرأة وهي حساسة جداَ ..
بطبيعتها التي حباها أو ميزها رب العالمين بها .. من فراق الحبيب ..
وبعده عنها .. فنجد كثيراَ من الأغاني تعبر فيها المرأة عن الحب الوطن والأسرة و البكاء ..
على الأطلال ..

ففي هذه الأغنية التي تقول

الله يعينهم لولاف أخطروا عاونوني ع الرحى ...


تدعو المرأة الله لأن يعيش حبيبها الذي ذكرته أثناء إدارة الرحى ..

فكأنه قام بمعاونتها بذكرها له ..


الله يعِيْنهم لَوْلاف اخْطَروا عاونَوْني عَ الرّحَىَ.

اخْذِي الليل بالساعات اسْمُوْر نَيْن يا لِيْد تَطْحَني.

اطْرِي بعِيْد ياك ايْحِيْد النَّوْم يا رحَىَ دَوْرَد عَلَيْ.

اللي اتْكِيْد في البَذّار تكامَل عَلى ايْدي رَمُوْها.

القَمْح والشّعِيْر اَرْدَاع تَلْقَيْه يا رحَىَ في شهادْتِك..؟!

تحْسَابَي الليل طوِيل الفَجْر جاك بَوْقَة يا رحَىَ.

لَيْش يا شعِيْر اتْدِيْر سمار وانْت عابِي عَ الحَسَك.

لِيْد ما اتْجِي للنار محا ذنُوبْها ضَيْم الرّحَى.

مازال الشّعِيْر شعِيْر عَلَيْه لُو جَرَى سَيل الولي.

نَقِّي وسَرّبي يا لِيْد المَيْر لا يداعِيك عَ الغَثَر.

اشْظَيْظ الرّحَى كّذّاب يْشاكِيْ بشِيْ مَو صايْده.

لُو كان الشّعِيْر ايْدِيْر قْصُور يا رحَى راك بانْية.

اِن جاك الشّعِيْر اكْلِيْه حِنِّي عَلَيْه مَيْ ساعة عَدَد.

واجِد تمَنَّيْناك سنَة المَيْر يا ضَيْم الرّحَى.

ازْعَمَا يا كلَل لِيْدَيْن برَاد حَيل والاّ م الرّحَى.

قلِيل يا شعِيْر نجاك احْصلْت بَيْن لِيْدَيْن والرّحَى.

وأخرى تتحدث إلى يديها اللتين تألمتا من إدارة الرحى ..

عن البيوت التي كانت عامرة بأصحابها وأصبحت خراباَ ..

اللي واجع اليدين خرابات بعد زين يارحى ...

ويقول أحمد يوسف عن الرحي :
إن الرّحَىَ ليست مُجرَّد آلة خشنة ثقيلة.. إنها أحد مُتنفّسات المرأة في البادية..
فالمرأة الليبية البدوية "تَفْزَع" في كثيرٍ من الأحيان إلى ضجيج الرّحَىَ..!
خاصة في سكون الليل.. على ضوء الفنار.. حيث يتماهَى الصوت البَشَري..
الأَنِيْن الأُنثَوي الحزين مع صوت الحَجَر.. وصوت القمح المَج راجل يعجبكوش:

نا العَيْن وانْتُو نظَرْها ونا لِيْد وانْتُو لصابِعْ.

ونا لَرْض وانْتُو مطَرْها بلاكَم اتْصِيْف المرابِعْ.

اِن كان رَبِّي عَطَاك يعِيْنَك عَلَى الدَّهر دِيْمة.

ترْمِي عَصَاتَك من اِيْدَك عَوْجا توَلِّي سقِيْمة.

الابِل طْوال العَرَاقِيْب وَيْن شَيّعَت ما تْواطي.

تطْوِي الوطَا طَيّ في طَيّ طَيّة طوِيل البْسَاطي

امْصَبِّي عَلَيْ واسِع الجال ويقُول زِيْدي بلُوله.

يَشْبَع اللي كان جَيْعان وان غاب جارْهم يرسلُوا له.

اللي طلَب يطْلِب الله ويقُول يا كرِيْم المعاطي.

والعَبْد خَلِّيك منّه لا يرفعَك لا يواطي.

زِيْن النّخَل في العَرَاجِيْن وزِيْن المْرَا في السّوالِف.

وزِيْن الذّهَب في الموازِيْن اِن كان طاح في ايْدَيْن عارِف.

يا رَيتْنا ما ضنَيْنا وَقتاً نوَيْنا الفْراقي.

واللي ضنَىَ ما تهَنّا واللي ما ضنَىَ بات شاقي.

لَولاد ما يعملوا خَيْر ورَبَّيتّم نَيْن صارَوا.

وانْهَفِّت عَلَيْهم كما الطَّيْر ووَيْن نَبّتَوا الرِّيْش طارَوا.

ناري عَلَى اللي غَرِيْب في بلاد ما هي بلاده.

والفَم يَضْحَك ويَلْعَب والقَلْب صابِغ سوَاده.

ما يَوْجْعَك غَيْر من مات ودَانَوا عَلَيْه اللحايد.

كَلاّ غَرِيْب البلادات يعَاوِد بْطُول المدَايد.

يا طالْعاً فَوْق في الجَوّ ابْنِي عَلَىَ الصِّحّ ساسَك.

ويا حارِث الشَّوك مِن تَوّ اتْشُوف العَجَب في دْرَاسَك.

فاعل الخَيْر هَنِّيْه وبالفَرْح تَزْهَىَ ايّامه.

وفاعل الشَّرّ عَزِّيْه توَلِّي عَلَيْه النّدامة.

يا رَيتني طَيْر ونْطِيْر وجناحي عَلَيْ لَرْض هافي.

انْجي لغَوْشكَم يا غَوالي انْمَيْعِد ونَقلَع ارْيافي.

والشايلة شَمّلَوها ملَت ضَرْعها بالشّمَالي.

والحايلة سَفّرَوها جابَت لذِيْذ الوْكالي.

القَلْب صَنْدوق للدَّسّ وعِلّة البنادِم لسانه.

والوذْن تَسْمَع الحِسّ والعَيْن تنْظِر بيَانه.

يا سعَد مَن غايْبه جاه ويا فَرحته يا دلاله.

ونا غايْبي طال مَرْجاه مشْتاقَة لتَوقة خَيَاله.

وهذه امرأة عمياء تخاطب أطفالاً يلعبون إلى جانبها:

يا عوَينكَم يا اعْوَيلة اللي صايدِيْن العَوَافي.

اللي تنظروا في بعَضْكَم واللي ترقدوا الليل وافي.

شَيْناه يا قِلّة المال ودَيْن الرّجال الشّحايِحْ.

اِيْواطِي الباهي العَصْرَان وشَيْبه بلا كبْر لايِحْ.

يا رَبّ خَلِّصْ عَلَيْ خَيْر نَيْن نخلْصُوا مِن جبَاهم.

ناسَاً تحَاحِي عَلَى الطَّيْر مِن خَوف ياكِل عَشَاهم.

اَجْعَل كلّ مَمْدود مَرْدود واجْعَل كلّ عَوجَا سقِيْمة.

واَجْعَل اخْطُوْرهم أَوْلافي معَا هَبّ لَرْياح دِيْمة.

البَيْت لُولا استَارَه يقِلّه نسُوم الهَبايب.

والنَّجْع لُولا اكْبَارَه ما ينْقدِع فِيْه عايب.

ما كَيْف خَيلهم خَيل دِيْمة عَلَفِّن بْزايد.

أَصايل اسْمَاح الصّهِيل ايْجَلَّن عَلَيك الغَدَايد.

حاذي المساعِيْد تَسْعَد حَتَّى بمَشْيَك معاهم.

وان كان حاذَيْت لَنْذال ايْغَبَىَ صوابَك احْذاهم.

ما يقْعدَن غَيْر لَصْيَات شَيْنات والاّ امْلاَحي.

لا سْبِد مِن قَولْهم مات أَمّا امْرَاض والاّ جْراحي.

نا اكْبرتْ واحْدَاب ظَهْري وعَيْني حَوَتّا ضبَابَة.

وازْعَمَا راه وَيْن قَبْري وفي وَيْن قِبلة ترابَه.

نا داي لُو صادَف اجْبَال اطْوَال عالْيات القنَايف.

يَبْقَن ضحاضِيْح ورْمال وهِن قَبل مَنْجىَ الخايف.

العَيْن للعَيْن مِيْزان والقَلْب للقَلْب راجِع.

بْنادِم ايْجِي بلَحْسان ويْبَاعْدَنّه امْواجِع.

و هذه المرأه تشتكي فارق الغاليه ولدتها وظلم الاقرباء

يا سعد من قال أمي ومن بيتها واجباته

تاريك يا ام جنه يا تعس من فارقاته

اخيه مامر ريقي واحيه ماحر دايا

واللي حسبته حبيبي ظهر عدو من ورايا

يا ميمتي يا وديده يا غاليا ما تهوني

جيتي عليا بعيده لمني تشيع عيوني

يا حاسه اللي انحسه يا ساهر الليل دوني

يا ميمتي لو نشاكيك نخبرك ما طرالي

نسقط عيوني نبكيك وانسهرك ليالي

بيت الام مهدوم وجامع بلا بوها خالي

ورزق الا بلا خوي مقسوم يصفى قليل اللمالي

يا ميمتي يا وديده يا غاليه في الضماير

سوال النبي والعقيده تعالينا يوم زاير

بو سرج فضه وبو فرس مريوحه

ياناس خلوله الطريق بروحه

ياطير ياطاير لي السماء توطى نزيدك رويشه

وعلي قد ريشك احجابات ونجيك ياسيد عيشه

ياريت خوتي ثلاثين واولا عمّي بزايد

ما ياكلوا لقمة الدين ولا يلبسوا جرد بايد

يا خوي كانك وخيّ إنت الراي وانا الدباره

كانك وخي النساوين حتى غلاي خساره

عيني تراجي في الفرس وسيده

مراجات قايد من بلاد بعيده

ياعين عوتدك بشبح الغالي

هبل من هبل ما دار كيف هبالي

الحب مادارلي شيء والكره مادار حاجة

نقعد عليكم كما البي سلطان واخذ مجازة

تريت المحبة تشرهيب والمعرفة بالجلاوي

سية حبيبي كما جرح هلٌي ماله مداوي

لا قابلوا شبح لا نبح ولا من يدل الذهيبة

كان القطا داير الحس والريم داير جليبة

مايوجعك غير اللي مات وحازم عليه اللحايد

كلا بعيد الجوابات ايروح بطول المدايد

الثلب لو شاب وحداب وطال السفر بالمعاشي

بيعيه ياصاحب النــاب وخــودي بحقه حواشي


هني صحبتنا تحاكي ريافها على الغايب المنتظر فلذة كبدها

أنا القلب بايت يخمم والعين باتت سمورة’

على حيكم يا عزيزين يالندرة وين شورةْ

سريرن ذهب لريلي فيه وسمس الضحى فيه غابت

جي دونكم يا بعيدين وكبدي من الوحش طابت

هيا نجوم الثريا زعم السزي وين داره

وكال عشب الحنية وقاد للشيخ ناره

ما فيه غير عجاجات والا الغربة يحومن

اللي حازكم يا عزيزين انظاري على من يومن

يا عين خيرك ترفي انشاء الله خبر خير دايم

ومطول دموعكم تشفى جباهلك ما بي ايلايم

القيت دارهم بالحلاويق ومراحهم لوَّلاني

حدر دمع عيني دلافين لوما لزمته عماني

مثلتكن يا عيوني كيف الشنان البايد

رشاشيح ما وصلن وهلنا بعاد الردايد

ساهيتكن يا عيوني باشي تصبرن عن فراقه

كفوا الدمع وارحموني محال نبدو رفاقه

زعم يا الغايب تجينا بعد طولت الوحش بيّه

من الدمع رانا هفينا روينا الصحارى أميّه

يا ريتني ما عرفته ولا شبّلي ليه خاطر

تباعد على شبحت العين وخلى دموعي قواطر

يا درانا وين جيتك عليّ خطر زول غالي

ويا ريتني ما لقيتك انحسه اريافي لجالي

اثبتن واشبحن زين طلحات والا بعاير

ولا كان ريتن الغالي يا ما لكَنْ من بشاير

صبرتهن ما نفع صبر كففتهن جنِّي ذوارف

عميّات بالدمع لنظار يبكن اللي موش عارف

لي عين بالدمع تنهال ولي قلب كاتر خيابا

على ونس غالي على البال واليوم دونا مجابا

رحلتو وخليتو زهاوي بالي

ونبي المحطة في القطا من تالي

عندى قلب ما يحمل بلاك

وعندى عين جافيها النوم

وعندى كبد ذوبها غلاك

وعندى عقل ركبنى اهموم

وعندى صبر كملتا امعاك

وعندى عزم جافنى اليوم

وعندى عمر عدا فى رجاك

وعندى لهفة اتشوفك كل يوم

بلاه ما يسير طحين ..... القلب راه ريسوم الرحا

وهذه مجموعه هجاوي من ما تغنت به امهاتنا لتبعد الكلل وتهون عليها

تعدرت ماجابهم عدر وحلفت ماصدقوني

وقولولهم يطلقو النار وكان يقدرو يحرقوني

ياقلب يامذهب الكلب غير ليه ماتكافي بنادم

لانك اصغير ويوروك ولانكش في الراي عادم

إن عاب صاحب لا تعابيه راه صاحب العيب نادم

إيزل القلم فيد قاريه يابال عقل البنادم

ما يعجبنك تباريق دون ما ادوس الدخايس

راه ولد سقطة الريق أتجيبك لدار النقايص

يا فاعل الخير لاقيه ويا فاعل الشر نادم

اللي يعابيك لا تعيبه راه صاحب العيب نادم

يا حاج لو ريت هلنا زينين ماهم وعـارا

ما يضربوا غير بالسـيف ويتحزموا ع الغــدارا

هلنا وضناوين هلنا وهات قرعتك يا معاشي

هلنا اليا صار ما صار ايجو معريين الشواشي

لا عندنا دونهـم دون ولا زول يردع غلاهـم

اجعل زنادي يكـذب زول العدو كين جاهـم

غرب وخش الرقاريق وجن موج الابحار دونه

يا الله يا عالين فوق حجب على زول خونا

يا ولد العز صحيت بي الفعل كلامك عطاني

شي بيه يا خوي تميت نشعر ونكتب غناني

نا يا خوي أنوصيك الدم الردي ما إيونس

أنشد علي بنت الاصول كيف الكحيله المجنس

العفن رانك اتماريه ورانك اديره قميرك

غير فوت عنه وخليه يوحل مع ناس غيرك

اللي حابك وايش بيدير واللي كارهك وايش داير

وبلا الله ما شي بيصير وبالله كل شي صاير

غير خيركن ياعيوني نوم الهنى ماعاد جاكن

فى القايله بتوجعوني وفي الليل كاثر ابكاكن

في سبيل الرحى عامرا لبيت بوملك واسع مـداره

طول أيامه ونجـيه عليه ما أنمو جو سماره

عز الولد عقل و إزناد وعز البنات الرزينة

و عز الوطى سيل بداد إيخلف نوارير زينة

يا ولد سقاطة الريق اتجيبك للدار النقايص

ما يعجبنك تباريق دون ما توق التخايص

اللي كاسبك كاسب الخير عليه ما تميل أخدودي

ها يا رحا يا رحـيا وين ما نلومك تجـود


هذه رحاتنا ثقيلة ومانا علهيا قـوادر

تعالي يا وديـد يا أم السوالف حوادر

طحن الرحا شين مكروه لا نقبله ولا نريده

يخطر علي الغوالي اللي في البلاد البعيدة

نا يا رحا وين نطريك يخطر الغايب عليـنا

ينهال الدمع ويجـيك يبقي دقيقك عجينة

عيب الجمل قلت النقل و عيب الحصان الحراني

و عيب الولد قلت العقل إيظهر جوارح اللساني

لا تشد حتى أتلجم وتقنط أبدود الشريحه

ولا أتعل حتى أتوجم بالك الكلمة فضيحة

مرحول واربع مراحيل ومرحول هاذا امباته

ومرحولكم يا غوالي شغل خاطري قبل ماته

ما نرقد الليل كله ولا نضحك ولا أنجامل

من طول ياسكم يا غوالي الخاطر ذبل غير حامل

أجعل كل ممدود مردود وأجعل كل عوجه سقيمة

وأجعل مخطرك يا الغالي معول مع الريح ديمه

إللي باتها في المواعيد تنباع بسوم غالي

و اللي باتها في الملاحيد حالها كيف حالي

الصبر عند العرب مر وعند العوارف شجاعة

اشريه يا زايد العقل لوكان مولاه باعه

اللي ما قرا ما عرف الفرض حتى إن تاب مازال جاهل

واللي ما مشى ما عرف الأرض وما يوردك عل المناهل

وهناك نوع اخر من أغاني الرحا حيث يكون فيه حوار بين الأم وأبنتها

او بين امراتين و يعرف بالثنائي

ونذكر منها:-

البنت:- حمامات لبروج تعالن أعطني نباكـن

الغالي اللي مضحكه عاج قالن برم من حذاكن

الأم:- يا بنت نادي علي هلك لا تحملي كين عابو

بيت بوك مبني ع الـعز وفيه إرجال يتنابــو

1 من المرفقات
الرحى - الرحا : تعريف .

من كلام العرب :
كانت المرأة سابقا تصنع كل احتياجات البيت بنفسها باستخدام أدواتها التقليدية . .
ويعد ( الرحى ) من أهم أدوات البيت سابقا وهو مسمى يطلق على أداة طحن الحبوب بأنواعها قمحاً أو شعيراً أو ذرة أو غيرها

أما حب (الهريس ) فلا يطحن وإنما يدق في ( الهاون ) المخصص له ، وهذه الأداة ضرورية وتستخدمها المرأة يوميا لطحن حبوب القمح
حيث تصنع بمسحوقها خبزا لأفراد الأسرة .
يتكون الرحى :
من قرصين مستدرين يرتكزان فوق بعضهما البعض ومصنوعين من حجر الجبل المتماسك الصلب ويكون القرص السفلي ثابتا بينما يكون العلوي قابلا للدوران وتصنع فيه فتحه دائرية في منتصف القرص العلوي ويثبت في وسطها عود من الخشب يبلغ طوله حوالي 4سم ويسمى (قطب الرحى) .
تثبت عصا طويلة في طرف القرص العلوي لإدارته وتكون حركتها دائرية
ومحورها يكون العمود الخشبي المثبت على القاعدة وأثناء الدوران يوضع الحب المراد طحنه من خلال الفتحة الدائرية التي بوسط الأسطوانة العليا بحيث يتسرب الحب بين الأسطوانتين الحجريتين وينطحن أثناء ذلك ومن المفترض أن تكون أسطح الأسطوانات متساوية وملساء خاصة الجهتين المتطابقتين اللتين يمر الحب من بينهما لكي يكون طحنه ناعم يوضع فراش عبارة عن قطعة من القماش ليسهل جمع الحبوب المطحونة وإعادة الحبوب التي لم تطحن جيدا للرحى مرة أخرى وتستمر العملية حتى يطحن الحب ( البٌر ) كله . ؛
وبمعنى آخر :
الرحى تتكون من دفتين سفلية وعلوية لا يوجد بينهما حاجز ويثبت في وسط الدفة السفلى مسمار من الحديد يدخل في فتحة دائرية بقطر خمسة سنتيمترات تقريباً بالدفة العلوية التي تثبت بها قطعتين من الخشب على جانبي المسمار تسمى (الفرش) ويسمى هذا المسمار (قلب الرحى)، وفى طرف الدفة العلوية يثبت قضيب من الخشب بطول قبضة اليد ويسمى (الشظ) يمسك به أثناء (الرحى) الطحن.

وأثناء طحن الغلال تردد النساء بعض الأهازيج التي من شأنها أن تخفف عنهن عناء العمل، وعادة ما تحمل هذه الأهازيج إشارات معينة نحو موضوع ما ، وتختلف الأهازيج من أداء فردى من قبل امرأة واحدة ، إلى أداء جماعي تشترك فيه عدة نساء كما تختلف أنواع الأهازيج، فمنها ما يشبه (غناوة العلم) ومنها ما هو قصيدة من عدة أبيات وتسمى أهازيج في التراث الشعبي بــ (المهاجاة) أي المحاكاة بين المرأة والرحى . .

وقد اشتهرت أسطورة شعبية عن بداية استخدامها عندما غاضبت إحدى النساء زوجها وقررت هجره حتى ينطق الحجر وبحكم أن الحاجة أم الاختراع فقد أوصى

إحدى العجائز بتدبير هذا الأمر فقامت بصنع الرحى وعندما استمعت الزوجة

إلى صوت الرحى عدلت عن قرارها ..!

وتقوم النساء بإدارة الرحى مع إنشاد بعض القصائد الشعرية الخفيفة بنغم معين يتماشى مع صوت الرحى كنوع من التسلية عند القيام بهذه العملية الرتيبة وقد يكون ذلك مجالاً لبث الأشجان وإثارة المشاعر الخفية ..!

وهذه امرأة عمياء تخاطب أطفالاً يلعبون إلى جانبها:

يا عوَينكَم يا اعْوَيلة اللي صايدِيْن العَوَافي.

اللي تنظروا في بعَضْكَم واللي ترقدوا الليل وافي.

شَيْناه يا قِلّة المال ودَيْن الرّجال الشّحايِحْ.

اِيْواطِي الباهي العَصْرَان وشَيْبه بلا كبْر لايِحْ.

يا رَبّ خَلِّصْ عَلَيْ خَيْر نَيْن نخلْصُوا مِن جبَاهم.

ناسَاً تحَاحِي عَلَى الطَّيْر مِن خَوف ياكِل عَشَاهم.

اَجْعَل كلّ مَمْدود مَرْدود واجْعَل كلّ عَوجَا سقِيْمة.

واَجْعَل اخْطُوْرهم أَوْلافي معَا هَبّ لَرْياح دِيْمة.

البَيْت لُولا استَارَه يقِلّه نسُوم الهَبايب.

والنَّجْع لُولا اكْبَارَه ما ينْقدِع فِيْه عايب.

ما كَيْف خَيلهم خَيل دِيْمة عَلَفِّن بْزايد.

أَصايل اسْمَاح الصّهِيل ايْجَلَّن عَلَيك الغَدَايد.

حاذي المساعِيْد تَسْعَد حَتَّى بمَشْيَك معاهم.

وان كان حاذَيْت لَنْذال ايْغَبَىَ صوابَك احْذاهم.

ما يقْعدَن غَيْر لَصْيَات شَيْنات والاّ امْلاَحي.

لا سْبِد مِن قَولْهم مات أَمّا امْرَاض والاّ جْراحي.

نا اكْبرتْ واحْدَاب ظَهْري وعَيْني حَوَتّا ضبَابَة.

وازْعَمَا راه وَيْن قَبْري وفي وَيْن قِبلة ترابَه.

نا داي لُو صادَف اجْبَال اطْوَال عالْيات القنَايف.

يَبْقَن ضحاضِيْح ورْمال وهِن قَبل مَنْجىَ الخايف.

العَيْن للعَيْن مِيْزان والقَلْب للقَلْب راجِع.

بْنادِم ايْجِي بلَحْسان ويْبَاعْدَنّه امْواجِع.

و هذه المرأه تشتكي فارق الغاليه ولدتها وظلم الاقرباء

يا سعد من قال أمي ومن بيتها واجباته

تاريك يا ام جنه يا تعس من فارقاته

اخيه مامر ريقي واحيه ماحر دايا

واللي حسبته حبيبي ظهر عدو من ورايا

يا ميمتي يا وديده يا غاليا ما تهوني

جيتي عليا بعيده لمني تشيع عيوني

يا حاسه اللي انحسه يا ساهر الليل دوني
يا ميمتي لو نشاكيك نخبرك ما طرالي

نسقط عيوني نبكيك وانسهرك ليالي

بيت الام مهدوم وجامع بلا بوها خالي

ورزق الا بلا خوي مقسوم يصفى قليل اللمالي


يا ميمتي يا وديده يا غاليه في الضماير

سوال النبي والعقيده تعالينا يوم زاير

بو سرج فضه وبو فرس مريوحه

ياناس خلوله الطريق بروحه


ياطير ياطاير لي السماء توطى نزيدك رويشه

وعلي قد ريشك احجابات ونجيك ياسيد عيشه

ياريت خوتي ثلاثين واولا عمّي بزايد

ما ياكلوا لقمة الدين ولا يلبسوا جرد بايد

يا خوي كانك وخيّ إنت الراي وانا الدباره

كانك وخي النساوين حتى غلاي خساره

عيني تراجي في الفرس وسيده

مراجات قايد من بلاد بعيده

ياعين عوتدك بشبح الغالي

هبل من هبل ما دار كيف هبالي

الحب مادارلي شيء والكره مادار حاجة

نقعد عليكم كما البي سلطان واخذ مجازة

تريت المحبة تشرهيب والمعرفة بالجلاوي

سية حبيبي كما جرح هلٌي ماله مداوي

لا قابلوا شبح لا نبح ولا من يدل الذهيبة

كان القطا داير الحس والريم داير جليبة

مايوجعك غير اللي مات وحازم عليه اللحايد

كلا بعيد الجوابات ايروح بطول المدايد

الثلب لو شاب وحداب وطال السفر بالمعاشي

بيعيه ياصاحب النــاب وخــودي بحقه حواشي


هني صحبتنا تحاكي ريافها على الغايب المنتظر فلذة كبدها

أنا القلب بايت يخمم والعين باتت سمورة’

على حيكم يا عزيزين يالندرة وين شورةْ

سريرن ذهب لريلي فيه وسمس الضحى فيه غابت

جي دونكم يا بعيدين وكبدي من الوحش طابت

هيا نجوم الثريا زعم السزي وين داره

وكال عشب الحنية وقاد للشيخ ناره

ما فيه غير عجاجات والا الغربة يحومن

اللي حازكم يا عزيزين انظاري على من يومن

يا عين خيرك ترفي انشاء الله خبر خير دايم

ومطول دموعكم تشفى جباهلك ما بي ايلايم

القيت دارهم بالحلاويق ومراحهم لوَّلاني

حدر دمع عيني دلافين لوما لزمته عماني

مثلتكن يا عيوني كيف الشنان البايد

رشاشيح ما وصلن وهلنا بعاد الردايد

ساهيتكن يا عيوني باشي تصبرن عن فراقه

كفوا الدمع وارحموني محال نبدو رفاقه

زعم يا الغايب تجينا بعد طولت الوحش بيّه

من الدمع رانا هفينا روينا الصحارى أميّه

يا ريتني ما عرفته ولا شبّلي ليه خاطر

تباعد على شبحت العين وخلى دموعي قواطر

يا درانا وين جيتك عليّ خطر زول غالي

ويا ريتني ما لقيتك انحسه اريافي لجالي

اثبتن واشبحن زين طلحات والا بعاير

ولا كان ريتن الغالي يا ما لكَنْ من بشاير

صبرتهن ما نفع صبر كففتهن جنِّي ذوارف

عميّات بالدمع لنظار يبكن اللي موش عارف

لي عين بالدمع تنهال ولي قلب كاتر خيابا

على ونس غالي على البال واليوم دونا مجابا

رحلتو وخليتو زهاوي بالي

ونبي المحطة في القطا من تالي

بلاه ما يسير طحين ..... القلب راه ريسوم الرحا

اخيه مامر ريقي ***** واحية ماحر دايا
واللي حسبته حبيبي **** ظهر عدو من ورايا .

ياميمتى يا وديده ***** ياغليا ماتهونى .
جيتى عليا بعيده ***** لمن نشيع عيوني .
ياحاسه اللي انحسه **** ياساهر اليل دوني

ياخوى كانك وخى **** أنت الري وانا الدباره
كانك وخى النسا وين **** حتى غلايا خساره

ياميمتى ياوديده **** ياغاليه في الضماير
سوال النبي والعقيدة**** تعالينا يوم زاير .

القلب صندوق للدس وعلة البنادم لسانه *** والوذن تسمع الحس والعين تنظر بيانه
ياسعد من تسمع غيابه جاه ويا فرحته يادلاله *** وناغايبى طال مرجاه مشتاقة لتوقه خياله

يا ريتنى طير ونطير ولا حمامه فريده نرقى على العلو ونسير ونجى لبيتكم يا وديده

الودن تصنت الحس والعين تشبح بيانه والقلب صندوق للدس وعلة لبنادم السانه

يا ريت خوتى تلاتين وولاد عمى بزايد ما ياكلو لقمة الدين ولا يلبسوا جرد بايد

*لا عندنا دونهــــــــــــم دون ... ولا زول يردع غلاهــــــم
* اجعل زنادي يكـــــــــــــذب ... زول العدو كين جاهـــــم
*يا حاج لو ريت هلـــــــــــنا ... زينين ماهم وعـــــــــارا
*ما يضربوا غير بالســـــيف ... ويتحزموا ع الغـــــــدارا
*تمنيت خوتي ثلاثــــــــــــين ... وأولاد عمي أبزايـــــــــد
لايعنقرو علي الرميـــــــــــمة .. ولايلبسو جرد بايــــــــد
*في سبيل الرحى عامرا لبيت ... بوملك واسع مـــــــداره
طول أيامه ونجــــــــــــــــــيه ... عليه ما أنمو جو سماره
* اللي كاسبك كاسب الخير ... عليه ما تميل أخــدودي
* ها يا رحا يا رحــــــــــيا ... وين ما نلومك تجــودي
* يا فاعل الخير لاقــــــــيه ... ويا فاعل الشر نــــــادم
* اللي يعابيك لا تعيــــــبه ... راه صاحب العيب نادم
* يزل القلم فيد قارئـــــــه ... يا بال عقل البنــــــــادم
* ما يرقد الليل ميجــــــوع ... ولا يسمره عظم بــاري
* ولاينستر صاحب العيب ... ولاينفضح من يـــداري
* هذه رحاتنا ثقيلــــــــــــة ... ومانا علهيا قـــــــــوادر
* تعالـــــي يا وديــــــــــــد ... يا أم السوالف حوا در
* طحن الرحا شين مكروه ... لا نقبله ولا نريده
* يخطر علي الغوا لــــــي ... اللي في البلاد البعيدة
* نا يا رحا وين نطريـــــك ... يخطر الغايب عليـــــنا
* ينهال الدمع ويجـــــــــيك ... يبقي دقيقك عجـــــــينة
* بلاه ما يسير طحين ..........................القلب راه ريسوم الرحا

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
نائب المشرف العام
نائب المشرف العام

ذكر
عدد المشاركات: 65797
العمر: 48
رقم العضوية: 13
قوة التقييم: 194
تاريخ التسجيل: 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف المرتجع حنتوش في 2010-03-18, 8:42 pm

مشكور علي الموضوع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
ليبيا فوق الجميع

المرتجع حنتوش
مشرف قسم المنتدي العام
مشرف قسم المنتدي العام

ذكر
عدد المشاركات: 21261
العمر: 22
رقم العضوية: 121
قوة التقييم: 41
تاريخ التسجيل: 10/04/2009

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف c.ronaldo في 2010-03-19, 1:04 am

الكبد في راحات الوقت !!! يبرم الياس فيها عالمهل...

c.ronaldo
مستشار
مستشار

ذكر
عدد المشاركات: 16314
العمر: 29
رقم العضوية: 559
قوة التقييم: 94
تاريخ التسجيل: 26/09/2009

http://tamimi.own0.com/profile.forum?mode=editprofile

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف عبدالحفيظ عوض ربيع في 2010-03-19, 9:39 am

لكم الشكرعلى المتابعه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
نائب المشرف العام
نائب المشرف العام

ذكر
عدد المشاركات: 65797
العمر: 48
رقم العضوية: 13
قوة التقييم: 194
تاريخ التسجيل: 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف c.ronaldo في 2010-03-19, 3:42 pm

بلاه ما يسير طحين ..... القلب راه ريسوم الرحا...

c.ronaldo
مستشار
مستشار

ذكر
عدد المشاركات: 16314
العمر: 29
رقم العضوية: 559
قوة التقييم: 94
تاريخ التسجيل: 26/09/2009

http://tamimi.own0.com/profile.forum?mode=editprofile

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف ادريس بوزويتينة في 2010-03-19, 6:13 pm

مشكور علي الموضوع

ادريس بوزويتينة
فريق اول
فريق اول

ذكر
عدد المشاركات: 4426
العمر: 28
رقم العضوية: 102
قوة التقييم: 11
تاريخ التسجيل: 04/04/2009

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف عاصي في 2010-03-19, 8:34 pm

*لا عندنا دونهــــــــــــم دون ... ولا زول يردع غلاهــــــم
مشكور على الموضوع الرائع

عاصي
نائب عريف
نائب عريف

انثى
عدد المشاركات: 65
العمر: 35
قوة التقييم: 0
تاريخ التسجيل: 02/03/2010

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف عبدالحفيظ عوض ربيع في 2010-03-19, 9:23 pm

لكم الشكرعلى المرور

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
نائب المشرف العام
نائب المشرف العام

ذكر
عدد المشاركات: 65797
العمر: 48
رقم العضوية: 13
قوة التقييم: 194
تاريخ التسجيل: 03/02/2009

http://tamimi.own0.com

الرجوع الى أعلى الصفحة اذهب الى الأسفل

سليمان الخفيفي

مُساهمة من طرف طيب ليبيا في 2010-03-30, 12:03 pm

تاهت الخطوه على الدرب البعيد
والمشاعر همها ذاك السؤال
هو صحيح الحب به عبد وسيد..؟
انت سيدي وانت عمي والخوال

طيب ليبيا
عميد
عميد

ذكر
عدد المشاركات: 1005
العمر: 39
قوة التقييم: 8
تاريخ التسجيل: 20/01/2010

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف عبدالحفيظ عوض ربيع في 2010-04-03, 9:00 am

لك الشكرعلى المتابعه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
نائب المشرف العام
نائب المشرف العام

ذكر
عدد المشاركات: 65797
العمر: 48
رقم العضوية: 13
قوة التقييم: 194
تاريخ التسجيل: 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف STAR في 2010-07-31, 11:44 am

مشكور على ما قدمت

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





STAR
إداري
إداري

ذكر
عدد المشاركات: 103626
العمر: 29
رقم العضوية: 31
قوة التقييم: 150
تاريخ التسجيل: 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: موسوعة "غناوي الرحى"

مُساهمة من طرف عبدالحفيظ عوض ربيع في 2010-07-31, 11:26 pm

لك الشكرعلى المتابعه المستمره

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
نائب المشرف العام
نائب المشرف العام

ذكر
عدد المشاركات: 65797
العمر: 48
رقم العضوية: 13
قوة التقييم: 194
تاريخ التسجيل: 03/02/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى