منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» جحا والقاضي
أمس في 10:32 pm من طرف فرج جا بالله

» كرر ياعلا .. اوقول اغياب لبّاس العبا .. ضر الوطن
أمس في 7:41 pm من طرف naji7931

» "بنغازي" ابرز ماجاء في المؤتمر الصحفي
أمس في 6:02 pm من طرف عبدالحفيظ عوض ربيع

» داعش الإرهابي يعلن عن عملية نوعية
أمس في 6:00 pm من طرف عبدالحفيظ عوض ربيع

» تم نقلهم الى المرج
أمس في 5:55 pm من طرف عبدالحفيظ عوض ربيع

» ماتم الحصول عليه من ارهابى الشركسى
أمس في 5:49 pm من طرف عبدالحفيظ عوض ربيع

» صنع الله ينفي وجدو مرتزقة أفارقة في الهلال النفطي
أمس في 5:39 pm من طرف عبدالحفيظ عوض ربيع

» إجتمع رئيس الحكومة المؤقتة "عبدالله الثني"
أمس في 5:33 pm من طرف عبدالحفيظ عوض ربيع

» 6 غارات جوية مكثفة على تمركزات ميليشيات الجضران
أمس في 5:31 pm من طرف عبدالحفيظ عوض ربيع

» العافية بمدينة هون يستقبل عدد من الجرحي
أمس في 5:26 pm من طرف عبدالحفيظ عوض ربيع

» تقدم القوات المسلحة العربية الليبية
أمس في 5:24 pm من طرف عبدالحفيظ عوض ربيع

» شاهد قناه الكذب النبأ
أمس في 5:22 pm من طرف عبدالحفيظ عوض ربيع

» إقاف عملية حجز المواعيد في منضومة حجز مواعيد استخراج جوازات السفر
أمس في 11:02 am من طرف STAR

» التوزيعات النقدية لفروع المصارف التجارية بالمنطقة الشرقية للمصارف
أمس في 10:12 am من طرف STAR

» هل تنوي زيارتها قريباً؟ إليك أفضل 10 مدن ملاهٍ في أميركا
أمس في 9:47 am من طرف STAR

بحـث
 
 

نتائج البحث
 


Rechercher بحث متقدم


بعض القصائد الشعبية القوية

استعرض الموضوع السابق استعرض الموضوع التالي اذهب الى الأسفل

بعض القصائد الشعبية القوية

مُساهمة من طرف الفلوجة في 2009-04-12, 11:30 pm

كامـى اسـرار عجيبـه ..والمولـى خلـق لكـل شـى ترتيبـه
ورا الحى ما ياخد بغيـر نصيبـه وحيل الحياه احقوق ميـش افكـار
وياما اركبنا مـن حمـوق وديبـه ايامـا ونحنـا والزمـان عمـار
واليوم كل لحد منا نصيبه رضى به وراه قول يانـا مـا ايطفـى نـار
لوكان قول يانا كل حـى ايجيبـه اندير بدع مـاداره دهيـب اشـوار
والدنيـا الـى ماعندهـا ترجيبـه خلى عطيب النـاس كـوز اكبـار
وين ما اتبـرم عندهـا تصليبـه اتحط بوم فى مركز اطيور احـرار
واتخلى ولد الاجواد مالـه هيبـه ودمعه علـى خـده قـوى تيـار
_____________________________
الأجواد ياوقت وين .. اللي نجعهم دوم ناير
دوم نارهم كابرين ... ماعمر فكروا فالخساير
طعامه للي عابرين ... وقدرهم عالدميس فاير
عالباس شداد صابرين ... صناديد تلقاهم عصاير
وعالموت يزابوا واردين ... ولا ذل مالغازي وقهاير
كي السيل يجوه حادرين ... بقرح وزناد الدقاير
فزاعه للي جايرين ... حمالت أثقال الدباير
لذيذ عيشم واكلين ... قوتم مايجي فالشكاير
إن صابا جوه حاصدين ... رجال وصبايا حراير
وشاعر يقذر عالمراهين ... وغناي يفضفض مالمراير
للذيلي ماهم بتابعين ... مشهور شيخهم بالفخاير
ومايواطوا للضيم راضخين ... ولا ياكلوا حق ساير
أعفاف يباتوا جايعين ... ولاقوتم يرضوا بالصغاير
واليوم من دار الملايين ... عليه الناس تطاير
إن بوم داروه شاهين ... قناص لخيار الحباير
يرد فالصاع بأثنين ... فارس وماشد الذخاير
يفزع وماهو مالفازعين ... الاعذار يديرولا كثاير
وسلطان يبقى مالسلاطين ... وياشيخ ينادوه العشاير
حداث يديروه زين ... وهو مانطق بالثماير
ياوقت متعاكس وشين ... وأحوالك تجيب الغثاير
عالسراق ينقال أمين ... والحق قليل النصاير
الحاصل للعوج ناظرين ... ومالعمل صافن عقاير
زقوم فالبطون ماليين ... وبالربا رافعين القصاير
______________________________
كحيله والخيل والاجواد *** ثلاث انداد ***
بلاهن مايعمر ميعاد
اكحيله والناس الزينين أصحاب التاريخ المشهور
اللي عالسيه دارايين بحرهم ماهو كي لبحور
لهم مالماضي ساس متين لعازات الدنيا مديور
عرب للومه عدادين نباهم واصل كل برور
عرب ماتنقاس بلخرين اللي عفنيين حشى لحضور
عرب ماتفتن بين اثنين ولاشهدوا بشهاده زور
عرب عالزينه سباقين ايجوها لو خص القاطور
عرب ديمه نطريهم وين عليا وين الكيل يجور
بقوله ديمه نزالين العافي هذاك المبذور
بقوله ديمه كسابين لميل اذراها درم الزور
بقولة ديمة فكاكين لها ملى جاها عالفور
بقولة د يمة ركازين على لشراف اتقول اصقور
بقولة د يمة ركابين على الكوت الجاضى النكور
بقولة ديمة عزامين يجودو والعامات اشرور
بقولة د يمة ديارين عللى ما بالحمل ايثور
بقولة ديمة منغومين بها لمجاد عليهم واتانى ملهاد
هوينةقابل غيم خمود هوينة علم دار اذراع
هوينة زامن فيه ارعود هوينة والبارق شكاع
هوينة عزبنات القود هوينة جا سيلة دفاع
هوينة دار النجع احشود هوينهم لموبلاجماع
هوينة رايدهم ميجود يبوع تبويع البواع
هوينة شد على مغدود هوينة له ماحوتة طاع
هوينة فى اليوم الموعود هوينة صارمعاه اوداع
هوينة له خبرة وقصود هوينة يبوج علىالقعقاع
هوينة ذبة هود بهود هوينة والمنبوت انواع
هوينة خضر فيه العود هوينة بات السعى اشباع
هوينة رد عليه اردود هوينة مشوارة ماضاع
هوينة جاب خبر ميكود هوينة قال الوطن ارجاع
هوينةمالاشى حيدود هوينة مصياف ومرباع
هوين مرحلهم فى القود هوينة جابنهم لوساع
هوينهم مدوا فيه مدود مع لسناد بمال محشد مال احداد
_______________________________
احكمن خاطري
الشاعر: نصيب السكوري
احكمن خاطري ضيم الأوقات.. وما كل حد ينشكاله
وبقي تقول ما في صوات ..وها الوطن ضايق مجاله
وبقي دمع الأنظار فلات.. وحاست علي العدالة
وبقي البذر من غير الجهات.. وبقي الوقت دالة بداله
وبقي الحج للي خواجات.. والطيب قصر ما مشاله
وبقي السر يمسى وما يبات.. يمشي لصاحبه ينحكاله
وبقي الحق منبوذ بالذات.. وبقي الزور قاعد بداله
وبقي الشكر مو للكلهات.. للذيل عديم الرجاله
ولا نغيهبك بالحكايات.. ولا يريد يفرض سواله
ولا شعرنا بالكنايات.. ولا فيه كلمة رزاله
والناس جايبة في العلالات.. أمثال ينطقن ع السلاله
لا تركبه بو نعالات .. المول بوك يبقى عتاله
وتنباع في جرته بالصدافات.. ويبقى الذيب قمسه وكاله
والشيخ يشهرن فيه رايات.. واصحى تعيب مالك وماله
وراه الصلاة والسلامات.. على إلي ابعث بالرساله
شفيع أمته بعد الممات ..وهي بأمر جل جلاله
ووفى كيل ونقان غايتي.. نار في ليل وقمرة خمود اللوايا
وضان كردست في مقاييل.. وقصله تجيها روايا
وفيه في الجنايب قزاويل.. شميط غزل بين الصبايا
وحاشت على سمح كمبيل.. امبوج ابني في حطايا
وفي الصبح جنها مدابيل.. بناويت ربت سمايا
لا شاوشت ولاهي معاقيل.. اسماح اضراب الحوايا
العب حشوها لعب تجفيل.. تباعد وروح هتايا
وكيف حلبن جن مشاييل.. اقداحه رغاوي ملايا
لهن خدود كيف القناديل ..ولهن عيون سود وسهايا
برم ببيتهن نايل السيل.. ايام والعوايز وعايا
فيه الرحى دارت شليل.. بامهجات بيض النوايا
جايبت الحطب بالعناقيل.. اموالفات جي السرايا
اكلهات ما هم زعاعيل.. ولاهم اخفاف الروايا
وما يضربوا ضرب ثقيل.. ان جا طليب دون الجنايا
ولا عيب يسمع نزيل ..ولا امنتن بالحماية
حطاطت العدد فوق م الخيل.. لابست الدقر للسوايا
هل كوت لصار الوليل.. الاسند رفيع الشوايا
الدير يقسمه بالتشنتيل.. بروق ريح دارن ضوايا
ارشا منقطع من هجاجيل.. عليه جن قرطس ادثايا
سريب خطره عقل عويل.. برم في منازل كبايا
جدبهن مطول محيل.. وجروح فقد هلهن برايا
القول ودير حسبتك فيهن رحيل.. وكل حي عنده نهاية
وكل حي في الارض يدفان.. والله يلعنك يا الشيطان
واعمل الخير في الشر برهان.. يعاود عليك ادورانه
عندي العقل م الغيض مليان.. امغير ما نريد افلتانه
ولانا ذوراي وطشان.. ولا نصالحوا ع الخيانه
وراه الزين م الشكر ينعان ..ويصعب علي اقراضنه
وان كان عفتني حق عيدان.. وجرب البخش اشكعانه
وان كان هنتني راك تنهان.. ويصعب عليك اقندانه
وادي ذكر فيه صوان.. يجي بعرض وقت اجلبانه
عليه الرعد درا جرنان.. تكلم وزاد ادلفانه
تقول يصهدن فيه نيران.. رغاويه وقت اجلبانه
سلوك يقلبن شور غيطان ..علاهن عزق بادفرانه
لعب في البلط ثاب ريغان.. تراب صيف حرك اركانه
وراه الثلب كي يدير الصنان.. ويهدر يزيد اشلكانه
ما يعلقن فيه القعدان.. بعياطه اثناب اصردانه
صهيل كوت قدام فرقان.. الدور يقطعه باشبيانه
لا باس يا مريض البردان.. واصحى تنتكس من السخانة
واشحال خاطرك يا الزعلان.. يالي فمك طايب السانه
وطيت راك في غوط تربان.. كراعك يحيد انوضانه
والله ينقلك شور دفان.. والا تسندك خيزرانه
عليه كان في خيلك حصان ..اركب عليه شوف الهدانه
واصحى يغربك راه عيان.. والا يطيح بك في مكانه
الذلال لا حق فرسان.. يبطل ايديك اعجزانه
شيال للعلل طبع نسوان.. وما تدير غير العفانه
ولانك قدا قدر واحسان.. انت قداك غير الاهانه
وايام قبل والطبل رنان.. اخطيتوه وقت ازوامنه
واليوم يافتى درت جنحان ..يا معظم بدال شانه
حولي جفل بين عقبان.. ايش مصير اجريانه
دورا لابخه طير شيهان.. يبقى افزعه غير اثملانه
القول مارثه موش بهتان.. مرضوع في حليب الحنانه
والشعر ياخذن فيه شرطان.. وفي السوق راه ابيعانه
والي يسمعوا فيه شبان.. وشياب عارفين الضمانه
وحشى من اسمع ها الجرنان.. وامسامحين فيهن قدانا
وحق من فرز بين الاديان.. انك جبتني للشطانة
وحق شيخ شاهر البطنان.. نحرم عليك اقولانه
بندير هام في الشيخ فرجان.. نخليك كيف ارجفانه
وحق من بكر وقت الاذان.. طاح واستراح ..ذيب حاش وحصل جدي في مسراح
ويالعين سوك راح.. كنسها سميت الياس كان سمراح ..اعزاز دارهم
_______________________________
الله ياللي تخلق الناس بحساب يالله يا رحمن تلطف بحالي
اني قصدتك والرجا فيك ما خاب يا غافر الزله عليك اتكالي
اليوم دنيا والعمل صار بكتاب ارجاك من يوم شديد الهوالي
ارجاك ثم ارجاك يا رب الاسباب ترحم ضعوفي من ظلام الليالي
لا صار عندي مال ما كون طلاب تيجي المعزة بالغنا والحلالي
دل الفقر يالله بالبيت واطناب ما يرحم اللي له دين ومالي
لن جيت اشكو قفلت كل الابواب حتى الاهل ما يسمعون السؤالي
الا ابواب الرب ما يوم تنعاب اللي طلبها ينوصل بالوصالي
الناس بيهم صادق وبيه كداب والبعض بين وبين مثل العيالي
والبعض منهم من هلا الخير الاطياب ما يقبلون القاصرات الهزالي
الكرم فيهم والمحبة وترحاب ما يحسبون حساب رخص وغالي
يالله ترحم عالي الشان ما هاب تعطي يمينه ما تشوف الشمالي
واختم كلامي بالنبي عالي الباب ثم الصلاة عليه من رب عالي
_______________________________
خيرة العسل هو الحنون ؤ سعر الذهب في عياره
ؤما ئغر بك كبر عرجون صيص ؤ فيه المراره
ؤ كم قصرا امشيد ؤ مصيون اتخشله ئبان عاره

واللي عشق يعشق كحيلة العيون
اللي خدها يضوي كما قدح الشرارة
ؤما اترافق من الرجال الا ولد زين تراس ربة عصارة
واترك فجاوي اللي من الناس عفنين و العفن ماله ادبارة
والصدق في قول من قال
خيرت العسل هو الحنون ؤ سعر الذهب في عيارة
واهناك من الناس من كيف الذهب ؤ فات الذهب في عيارة
والبير ماه في قراره
وهناك اللي مثيلة كما التبن خفيف مرصوص في اشكارة
______________________________

بسم الله ابدا عبرتي والتعاليـــــل **** على شباب ضايع في دروبـــــــــــه
أبكيه رجل مايسوق الفناجيــــــل **** رجل يساوي مايساويه ثوبـــــــــــه
لاشب ضوه ولا انثنى للمعاميـــل **** ولاروحوا طرش المسايير صوبـــه
آخر همومه زينة الشكل تجميــل **** مثل العذارى لابدن بالخطوبــــــــــه
شباب فارغ كنهم والتماثيـــــــــل **** مثل العجاج اللي غدا في هبوبــــــه
والسوق بذه طاول السوق تطويل **** حتى بلاط السوق يعرف عيوبـــــــه
وازعج بنات الناس ياجعله الويل **** بارقام واجد خشها في جيوبـــــــــــه
وان طاعته بعض البنات المهابيل **** يضحك عليها بالحكي في عذوبــــــه
صور لها عشقة كبر شاطئ النيل **** والقصد بيّن والنوايا لعوبــــــــــــه
تكفون عودوها سلوم الرجاجيــل **** الجود والنخوة صفات العروبـــــــــه
عوايد عاشوا بها جيل مع جيــــل **** ودرب الخساسه عمرهم مامشوا به
______________________________


هناك ناس لا لمت الملام ايعدوا
وهناك ناس ما يندوا ولايتندوا

## هناك ناس عطيبا
انصار العمار ايدوروا تخريبا
ويزابوا على فعل الخطا والعيبا
ونقابل احذاهم خير بابا سدوا
هضوم هملى ديما اوجوه هزيبا
انجتم الزينا يلتووا ويردوا
وهناك ناس عاطيها الله الهيبا
لايطعنوا فى حق لا يتعدوا
متعاضدين فى عاقل امصفى شيبا
على قيس خطواته اخطاهم مدوا
نازل ابهم فى دار عز وطيبا
وين مانوا شد السبيب ايشدوا


## الناس اطباع
خلقهم المولى ياقرين انواع
هناك قوم فى سوق البلا بياع
ارواحهم على كبوت النار ايهدوا
اوبيش ما عطاهم ربنا قناع
اربايت عصر ما عمر ديهم مدوا
وديما عمار ابيوتم وساع
ايجودوا ابما فيهن الضيف ايودوا
وهناك صنف واخذهم ترف وضياع
هضول كيف تبيهم امعاك ايجدوا
ايباتوا ضنا جيرانهم جياع
وهم فى زرايبهم الخير ايبدوا
## اهناك ناس ابواهى
بهاهم هلب وصف الربيع الزاهى
ديما شوامخ رافعين جباهى
فى وجه ضالم حيط ساسا هدوا
وهناك ناس ديما غامضين دواهى
انساقوا معا درب الضلام وعدوا
لاينفعوك ولا عليهم ناهى
ولايقنعوا بالعرف لايعتدوا
______________________________
مفيـت الله ما عنـدي احبـاب ومفيت الصبر ما عندي دواء
اصحـاب الود تمـوا لي احـراب واصحاب الكره تموا لي حما
وعنـدي ليـل مالدنيـا غيـاب شمسـه فيه ما ضوت وطـا
وعنـدي حلـم عايش به سـراب زهـوه عين والباقي جفـا
وعندي اصحاب ما كيفهم اصحاب وعندي اعدا ما كيفهم اعدا
وعنـدي قلب كي ريش الغـراب وعندي قلب من نوره ضوا
وعنـدي عمـر ما طقّـا شبـاب من التقميـط لشّيب العضا
وعنـدي مال واصـل به اشعـاب وجا للسـوق ما عنده شرا
وعنـدي وطـن ما طقّـا شـراب نسـرح فيه في وقت الظما
وعنـدي بيـت خصّنـه اطنـاب اقلال العـرف داروا له سفا
وعنـدي كـم داروا له حجـاب بـخط الخـام ما منـا وقا
وعنـدي علـم مـرن به اتعـاب وما من نجـم في عزّه هـوا
ولاني عفـن ما عنـدي احسـاب ولاني زيـن مشيـول الثنا
جـانـا وقـت خيبنـا خيـاب نـا والهبـل تمينـا سـوا
وجـانا وقـت خـلانا اربـاب و جـانا وقت خلانا ضـرا
وجـانا وقـت خلانا اخصـاب وجانا وقت خـلانا حشـا
وجـانا وقـت خـلانا ديـاب وكلت يوم والباقـي صـوا
وجـانا وقـت ما درنا منـاب نلمـوا اليوم في وجبه عشـا
وجـانا وقـت جـلانا غـراب فتنـا الوطـن ولقينـا وتـا
وجانا وقـت جاب لنا اكسـاب الطيّـب راد والفاجـر طغـي
يدور الدهر ما عنده اسباب وروس الناس خلاهم اشطاب الجاهل فيه للعالم فتي
______________________________
يا ناسيين التوبة الدنيا علي ساس الغرر منصوبه اشقوا بالاخره
يا ناسيين حسابه يوم الحبيب يفوت فيه حبابه
يشيب صغير السن هول عذابه خمسين الف عام تحول غروبه
كيف الجراد المنتشر تدابه الناس بعصا وحده تجي مضروبه
قدام رب عادل يصدقوا كتابه يا نويرتي عاللي اكبار اذنوبه
يا ليتني م لمرض كنت اترابه يقول وين ما كبرت عليه الجويه
الكافر اللي مكمل ايام شبابه وشاب عالضلال الموحشات دروبه
وفوق الجحيم ظلمه تقول سحابه دخاخين ترقي تحتها الهلوبه
وجنه الخلد انهارها سكابه يردوهن اللي سيرتهم محبوبه
بالغيب كانوا يا منوا توابه عليهم ارضي الخالق وهم رضيو به
قالك مفاتيح السماء وابوابه اللي بقدرته يونس انجي بعجوبه
في بطن حوته في غريق شرابه ومعشر الجن ولانس ما يد روبه
فرج علين وجا سريع جوابه سامع اندا عبده عليم اغيوبه
يا ناسيـين التوبــة الدنيــا علــى ساس الغرر منصوبه اشقوا بالاخره
يا ناسيين الزره وهي ليمنه من ليسره اتبره
مصابي على ميدان شده حره لو كان تظهر عالحديد تذوبه
ويقولوا بعد كشف لحساب تعره عذار تحت وجه الله ما هي مطلوبه
لو كان يا كريم تغيثنا ها المره ساع نذكروك ودينا نشقو به
وهم في الحقيقة ميسين الكره بدنيا جديده خيرها يزهو به
من هاناك كلتهم مشي لمقره فريقين جلبوبه وراء جلبوبه
واصحاب المعاصي في العير وشره واصحاب المحاسن في النعيم وطوبه

ياناسين التوبه الدنيا على ساس الغررمنصوبه اشقوا بالاخره
يا نا سين الغصره بعد ينتفخ في الصور يوم الحشره
ويحضر الذنب اللي معدي عصره تقول امس عند الليل صاير دوبه
ولكن هناك مع العسر يسره واهناك رب غافر على سوق الشقاء مجلوبه
وما تطو لهم رحمه الله ونصره نين الجمل يبقى يكون هلوبه
مع عين لبره بلفراق او صره في كتاب ربي هكذى مكتوبه
من واحد عليم بعد الاجل وقصره طلبت الشهادة ساعة الغيبوبه
كامله تجي لاي ناقصه لاي عسره العبده الخايف رحمته موهوبه
يا ناسين اياته عطاكم انذار خالق الكون بذاته
متلكم عليه وتعرفوا حالاته نوار الربيع اللي عزيز اشبوبه
يبقى قش طاير وين ما لمساته نفت ايام قبلي شديد هبوبه
في القرآن واضح كل شي باثباته على السان سيدنا نبي لعروبه
الغايه العبد يتوب قبل اماته ويعرف احكام الفرص والمندوبه
لله يرتجع يندم علي ما فاته ويجعل افعال الخير هي مكسوبه
وانذكر بيوم لاخره تفيض قناته ادموعه علي خده تجي مسكوبه
برحمة عظيم الفضل من سياته ان دار هذي ما تقعد ولاشرشوبه
يا ناسيين التوبه الدنيا علي ساس الغرر منصوبه اشقوا بدينكم
يا ناسيين الشيله بعد لفه الكفان والتغسيله
ودخول قبر موحش في هذيك الليله شقا ليف طينه عالجسد مكبوبه
وسوال سائلين الهم عليك دليله يريدوا جواب لربهم يمشو به
شامل ثلاث ابواب في تفصيله وان كان جبتهن جاتك ذريح وذوبه
ربك ودينك واتباع سبيله * وحب الرسول الفايزين اصحوبه
ولكن ان صارت في الخبر تبديله احكام لا مر يا ساتر اتجي مقلوبه
ولا لك معاه قوة ولا لك حيله هناك الدباير كلها مذهوبه
امفيت ربنا ما فيه من تشكيله ونيتك اللي عندك تكون ركوبه
بيضا سواء لخره بعد تكييله اللي تزرعه تأكل طعام احبوبه
عليك بالنظيف وابتغي الوسيله الطاهره ان كان ربك تريد قروبه
القادر على رفعك دئما وع التنزيله مالك على غير الكريم عقوبه
ايخلص الخايف من ذنوب ثقيله ان طب الطريق وجا منظف ثوبه
يا ناسيـين التوبــة الدنيــا علــى ساس الغرر منصوبه اشقوا بالاخره
يا ناسيين الهوه اللي ظيقه ومظلمه من جوه
على ذكر مولاكم شديد القوه لهتكم اللي صيورها امخروبه
حذركم وقاللكم اخذوه عدوه ابليس الرجيم اللي جرر ملعوبه
بيه جاب يادم من النعيم وحواء وحرر قبيل فتنته واسلوبه
علي خوه نين اقتل وبقى هوه النادم بعد في الفخ جا عرقوبه
وشاله وبات العجز في هالدوه عنده وتمت حالتها منكوبه
جعلهم الله اسباب ردم السوه اغرابين صارت بينهم تلبوبه
واحد قتل واحد جا في صوه حفر لـه سفي فوقه رقيق الطوبه
بالله اقدعوهن لا وراء من توه ان كان في كلامي جن الفاظ اكذوبه
يا ناسيين الجيه **** بعد فقدكم للمال والذريه
ولا فيه قوت ولا بريق امويه ولا ظل حر الشمس تتقو به
قدام رب ما تخفي عليه خفيه ;توقف وما فيدك ولا سبو به
عليك الجوارح يشهدن بالسيه وتبقالك خصيم ان كان مي مشطوبه
ولا لك امحامي يتلي القضيه يغير اللي بالحق لك منسوبه
ولا من ضنا عمك تجيك سريه تدير عليك وتقدع المنهوبه
م الصحيح بدري ملغيه بين الحباب الرابطه مسحوبه
وتبرز النار الحاره القويه تشوي البطن فيها للشقى ما دوبه
امكمل ايام العمر ولياليه في لهو زايد ما نظر لعيوبه
خوجه منام الفانيه الخليه عدت عليهن عامها امحسوبه
والجنة يجوها مخلصين النيه ويصلوا مساكنهم بدون صعوبه
تضاوا بلولي والذهب مبنيه اقصوره وسراير فرشها مخضو به
والباسهم حرير وفي اديار هنيه علي نهر ما ينقص يزيد عذوبه
وخمر ولبن للشاربين شهيه وانهار من عسل ما فيه شي ايشوبه
وامعاهن اثمار منوعه منشيه بطيب الروايح كلها مسروبه
وفي سوره الرحمن كما حورية تعجب جميع اوصافها مرغوبه
من الياقوت والمرجان عال نقيه تحلف عليها جوهره مصبوبه
عطاهم الله الهم هذين هديه ازواج الهناء لاصحابها مجيوبه
والخاتمه الله بعينا جميله على فعل صالح في الغرف نرقوبه
يا نا سيين التوبه الدنيا علي ساس الغرر مبنيه اشقوا بالاخره
_____________________________

الفلوجة
نائب عريف
نائب عريف

ذكر
عدد المشاركات : 40
العمر : 42
رقم العضوية : 123
قوة التقييم : 0
تاريخ التسجيل : 12/04/2009

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف حمدى عريف في 2009-04-14, 3:35 pm

مشكوررررررررررر وارجو المزيد

حمدى عريف
رائد
رائد

ذكر
عدد المشاركات : 589
العمر : 33
رقم العضوية : 99
قوة التقييم : 9
تاريخ التسجيل : 03/04/2009

الرجوع الى أعلى الصفحة اذهب الى الأسفل

حمدي@@@@

مُساهمة من طرف ليبيا الغد في 2009-04-14, 4:20 pm

شكر أ شلرأ علي القصائد @@@@@@

ليبيا الغد
رئيس عرفاء
رئيس عرفاء

ذكر
عدد المشاركات : 144
العمر : 36
رقم العضوية : 112
قوة التقييم : 1
تاريخ التسجيل : 07/04/2009

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف بوالفرايس في 2009-05-15, 1:49 am

مشكور اخى على المشاركه القيمه

بوالفرايس
لواء
لواء

ذكر
عدد المشاركات : 1508
رقم العضوية : 3
قوة التقييم : 40
تاريخ التسجيل : 03/12/2008

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف STAR في 2010-06-10, 8:15 am

مشكور على ما طرحت بارك الله فيك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114821
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف STAR في 2010-06-10, 8:19 am

مشكور على ما طرحت بارك الله فيك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114821
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف ناصر العبيدى في 2012-10-11, 1:17 pm

رائعــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــة بارك الله فيك

ناصر العبيدى
جندي اول
جندي اول

ذكر
عدد المشاركات : 27
العمر : 46
رقم العضوية : 6003
قوة التقييم : 0
تاريخ التسجيل : 17/08/2011

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف فرج احميد في 2013-08-26, 12:09 am

رائعة تسلم

فرج احميد
مستشار
مستشار

ذكر
عدد المشاركات : 17243
العمر : 54
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف موسى العبيدي في 2013-09-10, 12:09 am

مشكورين على هذه القصائد الرائعه ومزيدا من العطاء والتقدم

موسى العبيدي
عضو جديد

ذكر
عدد المشاركات : 9
العمر : 56
رقم العضوية : 20115
قوة التقييم : 0
تاريخ التسجيل : 01/09/2013

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف عبدالحفيظ عوض ربيع في 2013-09-10, 7:15 am

لك الشكر مختارات رائعه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 71961
العمر : 50
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف العقوبي في 2014-01-10, 11:39 pm

قصائد  رائعه  بارك الله  فيك  و مشكوور ع المجهوووود

العقوبي
جندي اول
جندي اول

ذكر
عدد المشاركات : 24
العمر : 30
رقم العضوية : 1302
قوة التقييم : 0
تاريخ التسجيل : 07/03/2010

الرجوع الى أعلى الصفحة اذهب الى الأسفل

رد: بعض القصائد الشعبية القوية

مُساهمة من طرف dude333 في 2014-01-11, 10:54 am

احسنت احسنت  احسنت

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

dude333
مشرف المنتدى السياسي
مشرف المنتدى السياسي

ذكر
عدد المشاركات : 5527
العمر : 47
رقم العضوية : 9508
قوة التقييم : 36
تاريخ التسجيل : 11/01/2012

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى