* لوكان فيك نصيب *

لشاعر
عثمان بلال لامين بو اقصيبي الحبوني
****
لوكان فيك نصيب *
غصبا علي الايام طرح اوطيب * ايسير قسمنا
يا اللي غالي ***
غلاك نين مايفداك عندي والي
اوديما ملامح صورتك
في بالي *** واضحات ما لحظه عليه اتغيب
وان كان هو سرح يسرح
امعاك خيالي *** وان كان هو حكي عقلي ايجيب سريب
احكاية غلاك اللي
كبر تمالي *** رفيق اوعزيز او خيرة الصاحيب
امعاك انت نزهي
والحياه تحلالي *** او ما العيش دونك في الحياه ايطيب
يا سبايب نوحي *** اويا
روح جوا ساكنه في روحي
يا ريت يبقي كاتبك
في لوحي *** المولي او من عيني اتكون قريب
وانروق اونبني من
جديد اصروحي *** وننسي شقاي او لوعة التغريب
بيك يا علم يبرن
جميع اجروحي *** اوليش ما ايطيبن وانت لي طبيب
وان كاني اخطيت دناك
مو مربوحي *** بلاك ما عليه اطعمه عمري عطيب
غصبا علي فرقانا ***
ايسير من الدنا لو رايدا مولنا
كنيب خاطري يزهي
عقاب زمانا *** امعاك في الغلا قبلا الراس ايشيب
او كنيبها عيني اللي
سهرنا *** كي الناس تاخذ من المنام نصيب
العالم الله ابما
ايسير امعانا *** سبحانه امقر كل شي تسبيب
دعيته ايجيبك يا
عزيز احذانا *** ربي اوربك ما عليه صعيب
لوكان فيك نصيب ***
غصبا علي الايام طرح اوطيب *** ايسير قسمنا
الشاعر هيثم الحبوني *****
غصبا علي هل الكون ***لوكان
كاتبك لازم غلاك ايكون***واتم فرحتي
لوكان كاتبك مولنا
*** غصبا علي ماصار في مرجنا
ناخذ امعاك ايام
تمحي دنا *** اوتبقي حياتي في بياض اللون
او ننسي احزاني وين
جاب احزانا *** الخاطر امكدر عيشتا بلهون
او تبقي امعاي في
زها فرحانا *** اوننسوا كدرنا ياعزيز ايهون
وانبدل زماني بيك
خير ازمانا *** كيف النصيب ايجيبني مرهون
اف حوزت غلاك ابقوتا
يسفانا *** او يحكم علينا دوم فيه انكون
او يبقي عزيز
ابنورتا يا لانا *** كي ما قمر تزهي عليه اعيون
سحبني خيالي في
الرجا خلانا *** او جابن افكاري ضن فيه اضنون
ضنك ايجيبن ياعزيز
احذ نا *** طيب اوزها الايام كيف اتكون
والا ادير في وسطها
ريغانا *** واتكدر الخاطر فوق ما مكيون
اوتقلب حياتي من
نعيم هنانا *** ال جورالزمان واضيق شراغبون
وايردن اجروح القلب
تفضي خانا *** او نبقي ابروحي في الخلا مركون
غصبا علي هل
الكون***لوكان كاتبك لازم غلاك ايكون ***واتم فرحتي
عندما وصلت هذه
القصيده الي الشاعر سيف عقوب رد عليه بقصيده اتقول
الشاعر سيف عقوب
****
غصبا علي هل الكون
***لوكان كاتبك لازم غلاك ايكون***واتم فرحتي
غصبا علي القو
قاحه *** لوكاتبا مولاي شي في لواحه
انطولا غلاك
اونتركا مرداحه *** سريب البكا واتهب ريح العون
والبخت بيك
انباشرو باصلاحه *** من بعد ميله او حالتا البلهون
والعين هلي كاينا
نواحه *** تنسي عذاب شافت ابكمن لون
اوكل حد نعرف وين
هو مطراحه *** اوتجلي ضبابه عاميه لعيون
نزهي انروق
انقولها ابصراحه *** ان كانو اقسم مدعي غلا حبون
حتي انكان عني
بعيد ازاحه *** اودوني اودونا ياعرب واشون
ايجيني او يبرن هل
الكنين اجراحه *** اونقهر عرب ورت بياض اسنون
نرجي او نصبر ما
ايسير اطياحه *** ولا يوم عندي ايجي دونا دون
او هل الوقت طيري
امقيدين صراحه *** اوعارف غلاي امعاه نا ما ايهون
ما اتقول واهم
لاكلام وقاحه *** عندي دليل اموثقا او مضمون
والعقل عامر سيمتا
النصاحه *** علي طيب نيه او قدر لي مصيون
اويارب قرب رجعتا
اومرواحه *** اويقسم غلا صاعب علي مرهون
غصبا علي هل الكون
***لوكان كاتبك لازم غلاك ايكون***واتم فرحتي

***********************

كلمات رائعة للحبومي ..احسنت الاختيار

مشكوعلي المرور
بارك الله فيك

مشكورعلي المتابعه

بارك الله فيك

اخي الاسـطوره (كلام اسطورة اسم على مسمى)

مشكورين على المرور الاكثر من الرائع
والاضافات الجميله

مشاركة مميزة تشكر عليها