منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
اليوم في 10:37 am من طرف STAR

» مباريات الخميش 8/12/2016 والقنوات الناقلة
اليوم في 9:39 am من طرف STAR

» مباريات الاربعاء 7/12/2016 والقنوات الناقلة
اليوم في 9:38 am من طرف STAR

» مباريات الثلاثاء 6/12/2016 والقنوات الناقلة
اليوم في 9:37 am من طرف STAR

» مباربات الاثنين 5/12/2016 والقنوات الناقلة
اليوم في 9:36 am من طرف STAR

» Sky Sport News HD Deutschland مجانا على قمر استرا 19 شرقا
اليوم في 9:34 am من طرف STAR

» قنوات الشرينج الناقلة للمباراة برشلونة وريال مدريد
اليوم في 9:31 am من طرف STAR

» ليبيا الجميلة كما لم تشاهدها من قبل.. فيديو
اليوم في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
اليوم في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
اليوم في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
اليوم في 9:16 am من طرف STAR

» خلفيات اندلاع الاشتباكات في مدينة طرابلس
اليوم في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
اليوم في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
اليوم في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
اليوم في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


حمد وحمد وحمد

استعرض الموضوع السابق استعرض الموضوع التالي اذهب الى الأسفل

حمد وحمد وحمد

مُساهمة من طرف حبة مسك في 2010-04-15, 10:41 am

حمد وحمد وحمد

الله ينعل الشيطان..فيه هذاك الراجل عنده ثلات أولاد..مسميهم (حمد)..

كل واحد منهم اسمه ( حمد) ..مرض الراجل ..طال مرضه..وينما أشرف ع الموت كلمهم وقال لهم
اسمعو وصيتي لكم ..حمد يارث ..وحمد يارث....وحمد ما يارث)..وقضى ومات

كل واحد قال نا نارث..واللي ما يارث هو أنت.
اختلفوا..وقالو نمشو للقاضي..وهم ما شين لقيوا جرة ناقة ..واحد قال :ها الناقة عورا...
واحد قال:ها الناقة عرجا
واحد قال: ها الناقة بترا

وصلو لنجع القاضي ..لقيو عنده عزومة ..ذابح حولي..القاضي راجل كريم ..
" بيته ديمه عامر بالخطار

في راجل ينشد على ناقة..قال لهم :صادفتكم شي ناقة.
قال له حمد الكبير: ناقتك عورا مع اليمين..
طار الراجل وقال: أيوه هى ناقتي..

وقال حمد الوسطي : ناقتك عرجاء مع اليسار..
قال الراجل أيوه هى ناقتي..

وقال حمد الصغير: ناقتك بترا..
قال الراجل أيوه هى ناقتي.. وين لقيتوها

قالوا : ما رينا لا ناقة ولا جمل
قال الراجل : لا..ناقتي عندكم..حلفوا ما نظروها..

قال القاضي لصاحب الناقة:صحيح ناقتك عورا وعرجا وبترا؟
قال الراجل : صحيح

التفت القاضي وقال : كيف عرفتوا أوصاف الناقة من غير ما تنظروها؟!
قال حمد الكبير: الناقة تاكل في العشب مع القرب الايسر..وعرفت انها عورة من اليمين...

وقال حمد الوسطي : الناقة توطا بثقلها ع الكراع اليمين .. عرفت انها عرجا مع اليسار..

قال حمد الصغير: بعر الناقة كوم واحد لو كان فيها ذيل طرطش البعر.. تعجب القاضي والناس من فطانة الضنا..

فضت هذيك العزومة وكل واحد مشي في حاله..
قالوا الضنا:ياسيدي القاضي نحنا تاعبين لك من غادي..عندنا مشكلة نريدوك تحلها لنا..
قال القاضي: الليلة ما فيه الا الصلاة على النبي وبكرة الصباح رباح..

لمباكر في الضحاه ..
قال حمد الكبير للقاضي : اللي طابخة الطعام البارح مش طاهرة

وقال حمد الوسطي : الشاه اللي كليناها البارح فيها سر كلب..

وقال حمد الصغير: ما تواخدني يا سيدي القاضي أنت فيك سر يهودي ..

قال القاضي : امهلوني للعشية..

مشي نشد الولية اللي طبخت الطعام
قالت : صحيح مش طاهرة..

نشد راعي الغنم قال : صحيح الحولي ماتت امه جاع تالاه كلبه رضع منها..

نشد امه قالت: وانت صغير رضعاتك جارتي اليهودية مرة والا مرتين...

في العشية
قال القاضي : الكلام اللي قلتوه كله طلع صحيح لكن كيف عرفتوا؟..

قال حمد الكبير: الطعام مالح الولية اللي مش طاهرة ما تستطعمش الملح كل ما تذوق تلقاه باسل تزيد الملح..

قال حمد الوسطي : شحم الشاه المفروض يكون بينه وبين العظم هبر والشحم البارح فوق العظم كي شحم الكلاب...

التفت القاضي لحمد الصغير وقال له:باهي انت كيف عرفت انه في سر يهودي؟

قال: عزومتك البارح سمحة ما خصصت لا خير لكن فراشنا عطيب صقعنا واليهود وكالهم سمح وفراشهم بالهون والنصارى وكالهم بالهون وفراشهم سمح والناس يقولوا: كل مع اليهود وارقد مع النصارى..

بعد الغدا
قال القاضي : ايش مشكلتكم؟

قالوا اسمنا واحد .. اسمنا حمد .. وبونا _الله يرحمه_وهو على فراش الموت قال :
حمد يارت .. وحمد يارت..وحمد ما يارت..اختلفنا ..ما عرفنا من اللي ما يارت..

قال القاضي : ساهلة .. عدو تريحو في هذاك البيت ..واللي نذز عليه يجيني وحده..

دز القاضي على حمد الكبير ..جاه ..
قال له : بوكم قليل الرحمة .. ما يريد لكم الخير .. مات وسيب لكم مشكلة.. لكن ان كان تريد تارت عدي جيب لي قطعة من كفن ابوك ..

قال الولد : والله ما نقدر يا سيدي القاضي نحل قبر بوي وندس حرمته..

دز القاضي على حمد الوسطي ..جاه ..
قال له : بوكم قليل الرحمة .. ما يريد لكم الخير .. مات وسيب لكم مشكلة.. لكن ان كان تريد تارت عدي جيب لي قطعة من كفن ابوك ..

قال الولد : والله ما نقدر يا سيدي القاضي نحل قبر بوي وندس حرمته..


دز القاضي على حمد الصغير ..جاه ..

قال له : بوكم قليل الرحمة .. ما يريد لكم الخير .. مات وسيب لكم مشكلة.. لكن ان كان تريد تارت عدي جيب لي قطعة من كفن ابوك ..

قال : القطعة تريدها صغيرة والا كبيرة ؟ والا نجيب الكفن كله..!

قال القاضي: هذا حمد هو اللي ما يارت .. غضيب شامس .. غضيب رب وعرب.. بوكم كان راجل عاقل .. الله يرحمه ويخفف عنه التراب الثقيل..


اعجبتني فنقلتها لكم

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف بوفرقه في 2010-04-15, 10:51 am

نقل رائع ياحبة مسك ....حتى ونت دوختنا مره حبة مسك ومره انس بن مالك....الله يهديك...وشكله الصغير ولد حرام من غادى الله و العليم هو الى امرضعته اليهوديه.....مشكور ياليد

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

بوفرقه
مراقب
مراقب

ذكر
عدد المشاركات : 34562
العمر : 50
رقم العضوية : 179
قوة التقييم : 74
تاريخ التسجيل : 30/04/2009

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف دلع ليبيا في 2010-04-16, 1:59 am

والله قصة حلوة ياحبة مسك والا انس بن مالك

والله عجبوني هالحمد الثلاثة عرافين المنجهين

كان نلقاهم ايبصرولي اشوي هههههههه استغفر الله

مشكور ياخوي حبة والا انس المهم قصتك حلوة

دلع ليبيا
مستشار
مستشار

انثى
عدد المشاركات : 15254
العمر : 16
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف حبة مسك في 2010-04-16, 12:13 pm

شكرا يا بوفرقة انعنك ما تغيب .
دلع ليبيا:
شكرا على المرور الرائع وجودك بين مواضيع هو الأروع

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف عبدالحفيظ عوض ربيع في 2010-04-16, 11:00 pm

مشكوراخى الكريم على هذه المشاركه الرائعه

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 71908
العمر : 50
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف رؤوف عوض الجبالى في 2010-04-17, 12:49 am

مشكور على النقل الرائع والمميز أخي الكريم وبارك الله فيك ..

رؤوف عوض الجبالى
موقوف

عدد المشاركات : 13087
رقم العضوية : 1166
قوة التقييم : 118
تاريخ التسجيل : 11/02/2010

http://www.facebook.com

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف حبة مسك في 2010-04-17, 10:24 am

عبدالحفيظ / رؤوف
اشكركم على المرور

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: حمد وحمد وحمد

مُساهمة من طرف c.ronaldo في 2010-10-25, 8:07 pm

مشــــاركه خبـــرهـا مــو هنـــا بلكــل.:.بــــــــــــــــــــــارك الله فيك...

c.ronaldo
مستشار
مستشار

ذكر
عدد المشاركات : 16314
العمر : 31
رقم العضوية : 559
قوة التقييم : 94
تاريخ التسجيل : 26/09/2009

http://tamimi.own0.com/profile.forum?mode=editprofile

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى