منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» ليبيا.. خبر كان.. عاجل
أمس في 10:39 am من طرف عاشقة الورد

» حيل سهلة وسريعة تزيدك جمالًا وانوثة
أمس في 10:26 am من طرف عاشقة الورد

»  فوائد ترتيب المنزل وتنظيفه.. أكثر مما تتوقع!
أمس في 10:18 am من طرف عاشقة الورد

» جزء من الطلاب المتقدمين للكلية العسكرية توكرة للإنضمام للقوات المسلحة العربية الليبية
أمس في 10:16 am من طرف STAR

» بالصور مركز شرطة القرضة أبشع الجرائم بمدينة سبها
أمس في 10:14 am من طرف STAR

» الأمهات القاسيات هن الأفضل.. هذه أمثل طريقة للتعامل مع أطفالك!
أمس في 10:13 am من طرف عاشقة الورد

» هكذا يبدو شكل "الكوكب القزم" الأصغر في مجموعتنا الشمسية
أمس في 10:10 am من طرف عاشقة الورد

» لماذا يُصاب الأشخاص بانتفاخ تحت العين؟
أمس في 10:03 am من طرف عاشقة الورد

»  عليكم ارتداء الجوارب خلال النوم .. إليكم الأسباب
أمس في 9:55 am من طرف عاشقة الورد

» مصر توافق على تجديد تصاريح سيارات الليبيين بالقاهرة لـ6 أشهر
أمس في 9:50 am من طرف STAR

» «العامة للكهرباء»:تركيب أبراج الطوارئ لربط (طبرق القعرة) غدا
أمس في 9:49 am من طرف STAR

» اتفاق مع «المالية» ينهي اعتصام الموظفين بمطاري طبرق والأبرق
أمس في 9:49 am من طرف STAR

» مطاري الأبرق وطبرق يباشران حركة الملاحة الجوية
أمس في 9:49 am من طرف STAR

» «محلي الموقتة» تعد بترقية منتسبي الحرس البلدي ورفع رواتبهم
أمس في 9:49 am من طرف STAR

» الأرصاد: سماء غائمة في الغرب .. مع احتمال سقوط أمطار شرقًا
أمس في 9:48 am من طرف STAR

بحـث
 
 

نتائج البحث
 


Rechercher بحث متقدم


أحكي يا وادي جيب علل

استعرض الموضوع السابق استعرض الموضوع التالي اذهب الى الأسفل

أحكي يا وادي جيب علل

مُساهمة من طرف الاسطوره في 2010-05-01, 3:17 am

أحكي يا وادي جيب علل
هذي قصيده أعجبتني و حبيت نعرضها في المنتدى بس للأسف مش عارفه أسم الشاعر اللي قالها
وياريت أي حد يعرفه يذكره لنا
وان شاء الله القصيدة تنال أعجبكم
أحكي يا وادي جيب علل .. علينا مل .. أحكايات الماضي لول



أحكي يا وادي جيب علل .. علينا مل .. أحكايات الماضي لول
أحكي يا وادي ماضي كان .. احكيلي عنه هاك سبب
أحسب روحك فى هالمكان .. أستاد وقدامك طالب
أنت وادي كيف الوديان .. لكن تاريخك يعجب
ونا شاعر عندى وجدان .. لذكراه الماضي نطرب
انفاخر بيه خفا وبيان .. انجيبه فى ايدي امرتب
نشدتك يالله الرحمان .. اتحكيلي وانا نكتب
على تاريخ ايام زمان .. انهم ماكانو فيك عرب
اسماح النزله فى شطبان .. اتفوح بنوار امخظب
اتحول وهى فيها غدران .. لهلها والقود امشارب
دلال لعيت ام الحيران .. ربيع تخابل فيه اعشب
طرابه فى عزه وامان .. زهايا والعون ايهبهب
عرب نادى عامر مليان .. عرب كانو عز الهارب
انجاهم خايف مالعدوان .. ايسالوه بدين امطالب
انكان اوصلهم ما ينهان .. خلاص امفيت الله غالب
اولو يفنوا دونه افنيان .. اجواد وهدين درايب
عرب كانو في ايام زمان .. لهم تاريخ اولاد كعب
امسجل عنده فى ديوان .. التاريخ وبحروف دهب
خدو غنداق وعز وشان .. الله كمل .. عليهم والعون امقابل
لهم هيبه بين العربان .. انصار شكل .. وحاست والبارود عكل
لى هاضه راكب شعنان .. ايجي صايل .. ايسابق والروح امسبل
ايخشوا فى وسط النيران .. ايحيد الغل ..المعنى والمقصود احصل
..
احكى يا وادي عالجهاد .. الى فالتاريخ امسجل
احكيلي عن ماضي لجداد .. علل الواضح دى امفصل
ونا شاعر شعبي مجاد .. انجيبه فى ايدي امسلسل
احكاياتك تاريخ ابلاد .. ظناها صبوا للمحتل
وراو بلانا ما ينعاد .. التاريخ ولا ايتكمل
احنى سجلنا فيه امجاد .. التاريخ الليبي لول
بهن يشعل توره وقاد .. احنى صبينا دون ادول
منلي حاكم بالجلاد .. وضالم بالناس اينكل
وعم بضلمه عالبلاد .. ومبنى حكمه عالباطل
ضنانا عالحيين اسياد .. التركي عالغير امفضل
ما يبدا دينه سداد .. لهم ميري ولا يرحل
احنا الى عندناه اعناد .. احنا اللى خليناه اوحل
بعد صبينا بالمرصاد .. فهم جبري بالسيف اقبل
انا بالباطل ما ينقاد .. الحر ولا يرضا بالدل
ايساعد فينا غير اسعاد .. وفينا مجبور ايجامل
ليا عند احداش الميلاد .. منين جانا غازى صايل
اعتاد مع عده وافراد .. الطليانى تم ايهيل
وقوات اتكيد العداد .. اتقال عالشاطي تنزل
انضر كم وكمين ابلاد .. هفاها دمرها بالكل
اموات وجرحه عالسناد .. مرامي والدم ايسيل
مناظر شوم اتير احقاد .. وتزرع فى القلوب الغل
وتم لقواته حشاد .. بعد شاطى لبلاد احتل
اجيوش اتقال اتقول جراد .. زحف بيهن فوق امقبل
بتموين وعده وعتاد .. بعقدت لمعلم راحل
سمعوا بيه ظنا لجواد .. التموا من كل قبايل
وتم اينادي للجهاد .. الطبل اتقول ارعود ايتل
وجاته ملتمه جراد .. مع كل جلاوي ترسل
وتمن منقرنات عقاد .. ايهدن مليانات زعل
لاقن سطر اجاه اقصاد .. التمن مسيول وسايل
فقص تم الحاقه وقاد .. اعلى صوت البارود عكل
وعاد الى تابت قوصاد .. وعاد الى غير ايهمل
وعاد الى جاسر هداد .. وعاد الى روحه عقل
وعاد الى دمه بداد .. وعاد الى مليد اقتل
اجله تم وقصرن لوعاد .. رحل وين الصاع تكيل
امحمل مالراس الملهاد .. ايجي فوق اكحيلي صايل
امجبر بتجبيره سواد .. رفيع اشواه عريض كفل
ايمزق فالديره قناد .. ولا تقعد فى ايديه نعل
اتقول ايهفن فيه ابراد .. عليه منل المعيان اسمل
والبي حمد لاوي العظاد .. ويهدم والعود ايزلزل
مجروح وجرحه بداد .. ايفيع والدم ايسيل
علهم لاهد فوق جواد .. امنين البنديره نزل
نهار وراسم فيه مزاد .. وفيه الدلال ايدلل
نهار وحازوا فيه امجاد .. نهار وداروا فيه عمل
ايشرف لولاد والاحفاد .. ايحيد مالقلوب الغل
عرب كانو فرسان اشداد .. الى مالماضي لنا هل
فراسين امتاعين اعناد .. اكرام وفكاكين وحل
وفى لوطان نباه شاد .. ليا بر السودان اوصل
ليا مصر وتونس وتشاد .. مشاهير نباهم ينعل
اصحاب اعقول وهل ميعاد .. وقطاع امتاعين شكل
الدين ايردوا فيه زواد .. سوا قصر والله طول
ايجوه ولو طال الميعاد .. الى ايسالوه بدين احصل
ولا منهم يلقا ملباد .. سوا يرقا ولا ينزل
احنان ورقاعين بياد .. وهل خير اصحاب فضايل
ولا يرضوا ضيم استعباد .. الموت ولا العيشه فالدل
وهل شيخ انصار الميعاد .. بسلطانه يربط وايحل
قليد ايقود وما ينقاد .. اجوادي حلال مشاكل
على جلاسه حلو ارداد .. ولايق فى لبسه خايل
بكاط اصلي مافيه بياد .. اقماشه فى مصر امفصل
وفوقه مبروم الجداد .. اجبالي من النوع الخايل
وهالفارس لصار اعناد .. ايجي فوق اكحيلي صايل
وفزاع وماهو لباد .. ومتسمى وماعمره دل
وديمه للومه عداد .. وفكاك لعيت ام اشمل
عرب جودا وعزم اشداد .. عرب كانت ما اتفاسل
اتجود ولا تبخل بالزاد .. ولا حتى فالسنين القل
ولا عنهم زله تنعاد .. ولا فيهم مالعيب مقل
ولا منهم والي رقاد .. ايتنخ لين ايدور الضل
ولا يشكوا من ضيم كساد .. ولا ايعانو من ضيم كسل
من الفجر اينوضو جراد .. مدابيل اصحاب مشاغل
الى هاضه كيف المعتاد .. اينوض بحاجه متكفل
امه يسقى والله وراد .. شراب امه طلاي ايبل
امه ايدور والله رواد .. امه قايم ولا راحل
امه غازى ولا رداد .. رحيله ديمه متواصل
ولا ايتهنى فوق اوساد .. ولا فى مقيال ايقيل
ولا يقعد ولاهو قعاد .. ولا والف رقده فالضل
ولا يعزف ولاهو جباد .. ولا يعرف توبير نخل
ايحط عالنار البراد .. ويشرب طاسه مستعجل
ويمشي فى قيس المقصاد .. امه راكب ولا نازل
ايعرم فيه انواد انواد .. ايكوم فيه اكوم سبل
ويدرس فيه امه بجواد .. امه بناقه وام بجمل
ايدري فيه على لجهاد .. بمدره فى كوم ايبنتل
تبارك فاض بخيره زاد .. احبوبه كادت من كيل
صلاعي اتكيد العداد .. ايبلهم ماى كي ليبل
اغلبها فى لونه يرباد .. اتشابه فالشكل اتماتل
امه لقصور مدينه عاد .. امه ولا ينبان جهل
وقال الوادي يا نشاد .. على ماضي ناسك لول
امغيب لقنك جباد .. غواشي ماضي ما يكمل
احكايات توايخ ابعاد .. ايهفن بشعار امهيل
انتا ماك امعاصي لجداد .. امفيت على قول القايل
اشوية شياب وبياد .. الواحد فى الميه يوصل
الباقي ماتو تحت الحاد .. الى ايطيب رحيله يرحل
بعد راحوا منى لجواد اصحاب التاريخ الحافل
جفوني حتى مالزراد .. ابقي غير الشاطي والضل
ولا عاد ايجينى صياد .. اغبي حتى مالصيد اكمل
امهيم ظاربنى الكساد .. كان تقدر دورلي حل
ونا رديت عليه ارداد .. بكلمات وفيه انجامل
بقولة كان المولاى راد .. ايصخرلك غيم امزنكل
ايبان امظلم دار سواد .. امسحب فيه الريح اتجل
ايلمد فى مزنه حشاد .. ويرزم فيه الرعد ايتل
البارق فى وسطه وقاد .. بغيظ اشابيب اتنزل
ايهيل لا نقص لازاد .. خداهن سبع ايام اطول
شرابه يرقه السناد .. اشعابك فى الحال ايسيل
ايعبن فى وسطك بداد .. اتنوض بغيظك متحمل
اتجي هايض لونك يرباد .. اتحرك فى الارض اتزلزل
اتعمد تيارك مداد .. ليا عند المالح توصل
وتزهر من بعد نكاد .. ايحيد الغل .. ايطير انكان اهناك شكل
وترجعلك كيف المعتاد .. ادراز ايبل .. وضان مع نجع امزنكل
احلام انكان الملا راد .. ايدير ولل .. ايهي لسباب ايسهل
ايحققهن ربي جواد .. انكان اقبل .. دعانا فاعل وايفعل

الاسطوره
مستشار
مستشار

ذكر
عدد المشاركات : 7580
العمر : 30
رقم العضوية : 110
قوة التقييم : 70
تاريخ التسجيل : 06/04/2009

الرجوع الى أعلى الصفحة اذهب الى الأسفل

رد: أحكي يا وادي جيب علل

مُساهمة من طرف ادريس بوزويتينة في 2010-05-08, 9:56 pm

مشكور بــــــــــــــــــارك الله فيك

ادريس بوزويتينة
فريق اول
فريق اول

ذكر
عدد المشاركات : 4426
العمر : 31
رقم العضوية : 102
قوة التقييم : 11
تاريخ التسجيل : 03/04/2009

الرجوع الى أعلى الصفحة اذهب الى الأسفل

رد: أحكي يا وادي جيب علل

مُساهمة من طرف الاسطوره في 2010-05-09, 1:11 am

مشكور علي المرور بارك الله فيك

الاسطوره
مستشار
مستشار

ذكر
عدد المشاركات : 7580
العمر : 30
رقم العضوية : 110
قوة التقييم : 70
تاريخ التسجيل : 06/04/2009

الرجوع الى أعلى الصفحة اذهب الى الأسفل

رد: أحكي يا وادي جيب علل

مُساهمة من طرف STAR في 2010-06-21, 7:44 pm

مشكور يا غالى على ما طرحت بارك الله فيك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114682
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: أحكي يا وادي جيب علل

مُساهمة من طرف الاسطوره في 2010-06-22, 2:37 am

مشكور علي المرور

الاسطوره
مستشار
مستشار

ذكر
عدد المشاركات : 7580
العمر : 30
رقم العضوية : 110
قوة التقييم : 70
تاريخ التسجيل : 06/04/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى