بعيد مكانه / الشاعر سعد أكنيش الفاخري

من طرف المارد الأصفر 2010-06-13, 10:09 am

مرايف علي غالي بعيد مكــــــــــــــــــــــــانه
انريـــده وما طلــــته أيـــــام غـــــــــــــلانا
بعيـــــــــــــــــــــد اديـــــــــــــــــــــــــــــــــارا
ا نريده وما طلته اخرب مشـــــــــــــوارا
وفكرت قلت انطول فيه ازيـــــــــــــــــــــــاره
بالك ايعود امعاي كيف زمانـــــــــــــــه
بغيابه وتمويحه ولوعــــــــــــــــــــــــــت نارا
ديمة العين ابدمعها سهـــــــــــــــــرانه
هي عزمها بالهون مي صبـــــــــــــــــــــــارا
واللي قبل عاطيها حنان ارخــــــــــــانه
تذرف عليه ابدمعها منهــــــــــــــــــــــــــارا
لابت نهار اتكف لا هو جــــــــــــــــــانه
مشينا وماريناه شينك مــــــــــــــــــــــــــارا
ورداً انظاري من هناك حــــــــــــــزانه
وحيل حزنهن عاللي علي تــــــــــــــــــــواره
الغالي اللي وافي زمان امعـــــــــــــانه
امرايف علي غالي علي بعيـــــــــــــــــــده
دارا ونابيـــدي صحيح انريـــــــــــــده
فقدته ونا عندي عليه اكبــــــــــــــــــــــيده
ما اتحمل يـــوم ايغيب عن مالقـــــانـه
من يوم غيبته تغرد اتقول غـــــــــــديــــده
عليه وعلي هجره اللي فاجانـــــــــــه
جفاه راه لو مني اولا هو بيـــــــــــــــــــده
مكتوب عالجبين امصخره مولانــــــه
امرايف علي غالي اطاول موحـــــــــــــــه
واسباب غيبته من هله موش ابروحه
وهو في افوادي ماكنات اجروحـــــــــــــه
ما اقدرت لا لحظة علي نسيانـــــــــه
مني انعاود سيته ممسوحــــــــــــــــــــــه
شقيقه اللي سبب النا اهجرانــــــــــه
وانكان هو رفض ما رد شي مربوحــــــه
نصبـــر علي جرحي ولا ليهانـــــــــه
عفيف نفس ما نلبس اللي مسلوحـــــــه
ولا خاطري ينزل اديار عفانــــــــــه
حتى كان فيما فات كان طموحــــــــــــه
دناك يابعيد الدار يا مشكانــــــــــــه
علي نظرتك تغرد العين لحوحــــــــــــه
لا اصبرت لا دمعي اقرب انزحانـــه
كما سيل مداعي مع دردوحــــــــــــــه
في عام مرجع جايدات امزانــــــــه
كم بير منه خارمات اميوحــــــــــــــــه
شرابه تفلت كي املي معطانــــــــه
الحاصل بلاك اكبيدتي مجروحــــــــــه
وإنما تندري راهو الشوق عمانــه
غايبات الخاطر جميع افروحــــــــــــه
ماعد بعد هجرك زها زهانـــــــــــا
ياللي عليك العقل كاثر نوحــــــــــــه
مكتوب فيك ما ينفع ايضيع شقانـه
اخمم ابقي منها كثير اصروحــــــــه
اخسارة غلا غالي غـــلاه رزانـــه
ماعد بعدها دار شي الروحــــــــــــه
ينفع ولاعد دار ما ولانـــــــــــــــه
ابقي مالكدر سارح وغاب وضوحــه
من ساعة اللي غابت عليه افلانـه

[b]