منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» الصلاة علي رسول الله+الاستغفار+ذكر الشهادة+كفارة المجلس
اليوم في 11:22 am من طرف STAR

» صورة: خط ملك المغرب يثير دهشة المتابعين!
اليوم في 11:03 am من طرف أحميدي مريمي

» "إنه أخي والله أخي".. طالبة طب سورية تتفاجأ بجثة شقيقها المعتقل في محاضرة لتشريح الجثث
اليوم في 11:02 am من طرف أحميدي مريمي

» ليبيا.. خبر كان.. عاجل
أمس في 10:39 am من طرف عاشقة الورد

» حيل سهلة وسريعة تزيدك جمالًا وانوثة
أمس في 10:26 am من طرف عاشقة الورد

»  فوائد ترتيب المنزل وتنظيفه.. أكثر مما تتوقع!
أمس في 10:18 am من طرف عاشقة الورد

» جزء من الطلاب المتقدمين للكلية العسكرية توكرة للإنضمام للقوات المسلحة العربية الليبية
أمس في 10:16 am من طرف STAR

» بالصور مركز شرطة القرضة أبشع الجرائم بمدينة سبها
أمس في 10:14 am من طرف STAR

» الأمهات القاسيات هن الأفضل.. هذه أمثل طريقة للتعامل مع أطفالك!
أمس في 10:13 am من طرف عاشقة الورد

» هكذا يبدو شكل "الكوكب القزم" الأصغر في مجموعتنا الشمسية
أمس في 10:10 am من طرف عاشقة الورد

» لماذا يُصاب الأشخاص بانتفاخ تحت العين؟
أمس في 10:03 am من طرف عاشقة الورد

»  عليكم ارتداء الجوارب خلال النوم .. إليكم الأسباب
أمس في 9:55 am من طرف عاشقة الورد

» مصر توافق على تجديد تصاريح سيارات الليبيين بالقاهرة لـ6 أشهر
أمس في 9:50 am من طرف STAR

» «العامة للكهرباء»:تركيب أبراج الطوارئ لربط (طبرق القعرة) غدا
أمس في 9:49 am من طرف STAR

» اتفاق مع «المالية» ينهي اعتصام الموظفين بمطاري طبرق والأبرق
أمس في 9:49 am من طرف STAR

بحـث
 
 

نتائج البحث
 


Rechercher بحث متقدم


بعد فرقاها عين الحر

استعرض الموضوع السابق استعرض الموضوع التالي اذهب الى الأسفل

بعد فرقاها عين الحر

مُساهمة من طرف STAR في 2010-06-20, 10:55 pm

بعد فرقاها عين الحر ...... انسى هاجر ..... سهول جبلنا والعنقر

بعدما قسمتلى يا ناس ..... فى حال الياس ...... امفارق بوممشوط اكداس

اشربت المر ومر الكاس ..... ومر المر وطعم امر ومر اكثر

وشوق الشوق معاك اكبر .... ونبقى يبقى طيفك هاس ونتذكر

بجرح ايجر ايزيد خطر .... اتجيـــبه الاوهـــــام وفســـــر

اوهامك يا خايل الالباس بدور حدر .... وجوف ظمر هميل البر

امجدى فى اتراب الظاهر ..... بعدما قسمت قول انسيت

وســــــــيب البــــــــيت ..... وهاجر بوهذب امفاليت

انخاف ليالى وطنه جيت الايخطر .... نزل حادر دموع بحر

وبركان الياس تفجر .... الريم اللى فى زوله غاليت غلاء كابر

ومتيسر الحال انظر ..... وضاع غلانا متبخر

وياما فى شأنه عانيت اسنين المر ..... الا انفكر بريم قور

ومنه فى القول انخطر ...... وياما ع الصفره طقيت انقول ابشر

الله يستر ولى حضر ...... مثيل اللى يحرث فى بحر

وياما فى زوله راجيت اسنين اتمر ...... وكم شهر بدمع ايسر

فى شأنه بودور ضفاير ..... بعدكم يا عين الشراد

انــــســــــيت اســــــناد ....... وطنى من الوادى للواد

انعده كيف ثمود وعاد فى الغابر ...... اوطان حجر من القادر

توارو بالريح الصرصر ..... بعد جابو الصخره للواد ناس حضر

زعيم كفر اكحيله عقر ..... قعد تاريخه مساطر

بعد فرقتها يا (غرس الله) ...... سمح الطله ريم الفله

لريل هلى الخاطر ظله ..... اللى صوبه ما قدرت انعله فى حال خطر

ودمع ايسر ومو صابر ..... وتقوى نيران السامر

وكيفى عنك تخلى اليوم هجر ..... معايا جر انسى هاجر

وسيب (الزنتان) وسافر ...... وطنى (البى) اللى فى محله صيد زهر

اشنق وخسر وراح ادمر ...... بطليان وخون الغادر

اللى صارنا ما صار له جيوش الشر .... وقوم اكثر ايريح أندر

ولحقه التالى (المجبر) .... وطن الصقر اللى يتعلى شبه الحر

وما يحدر مشى غادر .... فوين (عبدالواحد) يجلى وامخاطر

فى سجنه امر ...... بعود ليجر بوصف (الكردون )ايخبر

ولانى على ماضى ماولى لا خاسر .. . .... ومتكسر ولا جاسر

ولا رابح فى الحرب تفر ...... على بو حاجب كيف اهلله هلى فر

بشين خبر فى يوم اغبر ..... مع غيرى راح يعاشر

مكتوب من المولى خلى وامسطر .... الله قدر الجوف اجمر

وراء بوخد اتقول قمر ...... ما نبقى فى الوطن اكله وامسافر

وبنهاجر وعيشى مر ..... بعد فرقه بوجلال يكر

بعد ما قسمت سمح القد ..... اتراب الوادى سيبناه

اللى ناره دوم اتوقد .... وسامرها راقى مقواه

منه بالدمع انبدد ...... امذيبل حالى فى سباه

اللى دونه دارولى سد ...... كتبه دوم انعيش بلاه

حلال انسيب تراب الجد ..... الوطن اللى مشهور اسماه

الحاء و الواو اليف امتد ..... الميم ودال اتجى عقباه

انسيب اترابه وانسى رد ..... الواد اللى يدفق بماه

وياريح الغربه غرد ...... اليوم الماضى سكرناه

ماضى بودور امر جد ..... لريل غالى سود احجاه

يامطراى نظيف الخد ..... حكم العالى فوق سماه

الدنيا و الاقسام تباعد ..... تباعد من قلت عشقناه

امفارق وطنى قرب الحد ..... موطن خوتى فارقناه

وحالفله حالف ما انرد ...... قدا (اعزيز) ولى يالاه

ويا (نصر) الثانى و(خالد) ..... واما (بوبكر) دفناه

تهنى وسط القبر رقد ...... وكيفه وطنى فارقناه

بعد فرقة بدور اسود ...... الزول اللى خاطرغالاه

والوطن اكله ينشد ....... وكم من شاعر خطبناه

من دوز مغرب (لسود) ...... الصيد اللى مشهور اغناه

لمشرق(مراد) جبد ..... سريب ونيسه واسمعناه

وفيها (الرعاش) يمجد ....... و(حسين الريانى) امعاه

انعده وانزيد نعدد ....... سريب الماضى قفلناه

بحرف الشعر معايا هد ...... على من هاجر وانسيناه

وقولو (لميلاد سعد) ...... ايرد على الماضى اللى تاه

انعده وانعده وانعد ..... تعدى والتاريخ طواه

وتايب سيبناه اقطاف ...... الماضى وسريب الغيات

التسعه وثمانين احرف ...... عشت ايامى معكوسات

بكسر التايوتا ونشاف ...... مع اصحابى دينه ما فات

وامراض العيله واخلاف ..... .. وفيها سيبت اقرايات

رخى مولى العضلات انضاف ...... وخامسها (معز) ومات

وحالم يا خويا بزفاف ........ يضرب فى حوشى بالذات

نزل دمعى ماهو نشاف ....... ايدير بحور مع موجات

الدنيا يا خويا خراف ...... بعد فرقه سمح الصيفات

ايسيل دمعاعيونى هاف ...... وفيا الشيب خذا غايات

انديرو للرجلين اكتاف ....... قدا لجبال الغربيات

امفارق لباش الشفاف ...... امغرب (تيجى) والنخلات

الدنيا سيبها تنعاف ....... ادور مع دورة لوقات

اتخلى الصقر يولى باف ...... اتخلى لجواد فى حالات

زعيم الامه يبقى حاف ...... اليا دارت وان الدورات

ينادى يبغى سبع احلاف ........ ما يلقى منهم عيطات

عندى منها شوق املاف ..... عبره من الماضى اللى فات

خات (خالد) قالو جاف ...... ايموت على فراشه موتات

خلت (طارق) فى لوقاف ........ ومسجون فى وسط حديدات

وابن (القاسم) فى لكتاف ...... وفيه تنفذ لعدامات

بعد مغرب غربه طاف ........ يعانى فى اوقات شديدات

ولانى على الماضى واقطاف ....... ولا تاريخ مع الثورات

امغير الوقت عليا لاف .......... اجيب من الماضى فى عبرات

متوارى بودور اعطاف ....... راح اغبر بشين خبر قفل مواله سكر



العنقر :::: جبل تحتضنه الحوامد وهو من اعلامها

غرس الله :::: الشاعر محمد عمر غرس الله

البى :::: يقصد المجاهد على الشنطة

أندر ::: احد مشايخ الحوامد سقط شهيدا فى سنة 1917 فى معارك العجيلات

المجبر :::: احد مشايخ الحوامد استشهد بعد ان نفذ فيه حكم الاعدام فى الحوامد 1923

وسيب الزنتان :::: المقصود سالم عبد النبى الزنتانى

معركة شميزة انتصر فيها 100 مجاهد على 3000 من جنود ايطاليا مناطق داخل الحوامد

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114683
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: بعد فرقاها عين الحر

مُساهمة من طرف دلع ليبيا في 2010-06-20, 11:03 pm

الدنيا يا خويا خراف ...... بعد فرقه سمح الصيفات


صح لسانك ياستار

كلمات رائعة

مشكور

دلع ليبيا
مستشار
مستشار

انثى
عدد المشاركات : 15254
العمر : 16
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

رد: بعد فرقاها عين الحر

مُساهمة من طرف ابن الباديه في 2010-06-20, 11:15 pm

يا "ستار" هذول ما يعرفوش الشعر ، فكنا منهم يا راجل ، توا بالله عليك هذا شعر :
"اشربت المر ومر الكاس ..... ومر المر وطعم امر ومر اكثر

وشوق الشوق معاك اكبر .... ونبقى يبقى طيفك هاس ونتذكر"

ابن الباديه
لواء
لواء

ذكر
عدد المشاركات : 1787
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: بعد فرقاها عين الحر

مُساهمة من طرف STAR في 2010-06-21, 10:18 am

مشكورين ع المتابعة

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114683
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى