منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» انست وشرفت
أمس في 1:27 pm من طرف عبدالله الشندي

» هل تعلم ما هي فوائد الشعير المغلي لن تصدق؟
أمس في 1:21 pm من طرف عبدالله الشندي

» لو أن الكاميرا لم تصور الحادثة لكان صعباً عليك تصديق ما حدث.. شاهد: فيديو صادم لطفل كاد أن
أمس في 11:27 am من طرف STAR

» الوحم.. وسيلة النساء لـ"السيطرة" على الرجال
أمس في 11:25 am من طرف STAR

» إيقاف مذيعة مصرية بسبب حديث "جنسي" على الهواء
أمس في 11:25 am من طرف STAR

» هندية انتحلت "صفة رجل".. وتزوجت امرأتين
أمس في 11:23 am من طرف STAR

» تعرف على أخطر سجن للنساء في إيران
أمس في 11:20 am من طرف STAR

» حدث في مثل هذا اليوم February 17, 2018
أمس في 11:19 am من طرف STAR

» مباريات السبت 17/2/2018 والقنوات الناقلة
أمس في 11:13 am من طرف STAR

» مباريات الاحد 18/2/2018 والقنوات الناقلة
أمس في 11:12 am من طرف STAR

» مباريات الاثنين 19/2/2018 والقنوات الناقلة
أمس في 11:11 am من طرف STAR

» مباريات الثلاثاء 20/2/2018 والقنوات الناقلة
أمس في 11:10 am من طرف STAR

» مباريات الاربعاء 21/2/2018 والقنوات الناقلة
أمس في 11:10 am من طرف STAR

» مباريات الخميس 22/2/2018والقنوات الناقلة
أمس في 11:09 am من طرف STAR

» ظاهره ( سايد لوب ) - ( side lobe ) و أستقبال الترددات خارج حزمه التغطيه
أمس في 11:07 am من طرف STAR

بحـث
 
 

نتائج البحث
 


Rechercher بحث متقدم


قصيدة الشاعر محمد بوهارون الزوى . من مدينة أجدابيا

اذهب الى الأسفل

قصيدة الشاعر محمد بوهارون الزوى . من مدينة أجدابيا

مُساهمة من طرف STAR في 2010-06-20, 11:30 pm

الشاعر:محمد بو هارون






خذيتي عقلي ما نحساب.. بطيف اعجاب .. ولكن هاب.. دخولك باب .. مدرج كلية الاداب
هلبتي بان عليك شعر .. اطوال حدر .. اشعل بحموره روسه غر
وخد اتقول شفاق قمر .. وبين حجاب.. غميزه راسمها كتاب
وزوق الباس ومشيه جر .. وبيض أكعاب .. وبسمه وتشهليل انياب
وهدب اتقول أحراب أتضر.. مغير أسباب.. أنجيكم ونقدم ونهاب
هلبتي جيتي راس فوق.. ورمش أيعوق.. ولبسك زايد زولك زوق
من أحسن موديلات السوق.. افخر لثياب.. اللي ع الصدر احنن ورطاب
امعاهن جسمك دوب أيتوق.. أثمارك طاب.. دريخه طبتي للقلاب
أنتي من يدفع فيك أحقوق.. وكتب اكتاب .. كما من حج البيت وتاب
اللي يشوفك بالعين أيروق .. الا اللي جاب.. وحاشك ننقنا جياب
بعد قيرك ف الريق أيذوق.. وحال عذاب .. المولى في حاله استجاب
الا خنجر حبك مرشوق.. الحق لجناب.. ونا قلبي من نظره ذاب
الخصر اللي خاوي معلوق ..برخو أعصاب .. امغير خراب.. أترجي فيه ومسع راب
هلبتي والساعة ف اليد .. ورمش ايغد .. امضلم ع المآقي الأسود
خلايه لولا ضي الخد.. أيعم ضباب.. طليس اتقول جناح غراب
أنتي خدك قابل يوقد.. شعل لهلاب .. كما بأرق في غيم سحاب
جميله وصفي ما حودد.. بدون أسباب.. أنتي سمحة وأنا رجاب
أشهاده ياعون اللي يمد.. لبيتك باب.. ويسمع منك رد اوجاب
هلبتي دورك ماح غزير.. اتقول حرير.. ثناوي طايح فوق ضمير
اللي يحوزك يبقى في خير .. بكل أحساب.. أنتي ريله فيد الكساب
سريبك يصعب ع التفسير.. امغير أكذاب .. أن قلت نجهلها لي انساب
خذيتيني وأنا غفلان .. وخيذة بوقه قوم لقوم
قعدت وباعدت الشيطان.. سرابي طيفك كيف النوم
وعيت ونا بيدي غرقان.. جرفني شوقك جيت أنعوم
انميدخ ما كينا كان.. أجرحت بغيرك حقا يوم
غلاك أسيطر ع الأذهان.. شريط أفكاري بك مرسوم
يداعب في بكل ألحان.. بزولك ننقني مغروم
أشهاده م الدين والأيمان.. أنما مافيك ومو متموم
جمال ايهبّل كل إنسان.. الا نا منك ضقت أهموم
قتلتيني مافيك حنان .. ظلمتيني ونا مظلوم
بعينك والرمش الفتان .. سقني نكهة كاس أسموم
انغيّب ونروق ونطمان.. ولكن جرحك نازف دوم
غراني زولك وقتن بان.. اللي لايمني كيف أيلوم
هلبتي تمشي في قفطان.. المنقوشات عليه ارسوم
أتخفي من قاري القارن.. الا احنا ناس أرقاق اعزوم
انطيحوا من بوخة دخان .. أنتي يا بال جمالك عون
بخصك شلتي عالستيان .. كتاب الكلية أمختوم
اغرق في صدرك دوبه بان .. اتزيدي بيه صفاء وعلوم
وهو بين افوافيك اطمأن .. عطاه الحي اللي قيوم
بعد صدرك منه ريان .. اضمي فيه انهب نسوم
ودورك حدّر ع المسلان.. الخصر اللي خاوي مقيوم
اشعل بحموره في للوان .. ثناوي منكوش وملموم
ولك زر وصنف السيقان.. وخدك بأرق بين أغيوم
الله اللي دارك سبحان.. جميله فوق الناس أعموم
أبمشيه هديتي الكيان.. مشيت علي سطاش كلوم
خذاني حلم اللي سهيان.. مشيت معاك لبر الروم
أحلمت ولوينا عرسان.. ومهرك دافع روحي سوم
كسيتك من عالي ألاثمان .. من أحسن حلي اللي منضوم
بقيتي قدام الشبات.. أثريه ولخرات أنجوم
وزفه مافي ها لزمان .. الدنيا تمتلك سلوم
اتحيي فيك معا لمان .. الموقف قدامك مقسوم
على الصفين وبعض أحيان .. العالم قدامك ملموم
ايصفقلك ومعلي شان.. ايهللك بالفرحة دوم
وبالعطر أتمطر لمزان.. جميع نبات الارض يقوم
جميع اللي شافك زهيان.. الا نا تبقي ليا دوم
أنبايع للناس وسلطان.. انراجي في الشي المعلوم
دخلت وطلعنا البيان.. شرف للزين اللي معصوم
طلعّت أنسلم ع الحبان.. جميع اللي ضاف ومعزوم
وعيت ونا في وسط أجنان.. أحلام وماشي في ديموم
أبنظره شديتي وجدان.. معاك وعاودلي مهزوم
ألقيت مكاني هو المكان.. انثغي تثغاي المفطوم
انلاقنا عند الميدان .. أنريد نعديله ملزوم
غبا لوحازنك بيبان .. وصار إرهاب.. بالانسحاب.. اندايش مامدعاك أنهاب
خذيتي عقلي ما نحساب .. بطيف اعجاب .. ولكن هاب .. دخولك باب.. مدرج كلية الاداب

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 119150
العمر : 33
رقم العضوية : 31
قوة التقييم : 198
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى