إعلانات المنتدي
المواضيع الأخيرة
بحـث
ما اتقول فيهن كانوا ........
3 مشترك
صفحة 1 من اصل 1
ما اتقول فيهن كانوا ........
ما اتقول فيهن كانوا
الشاعر/ احمد ارميله الفاخري
الشاعر/ احمد ارميله الفاخري
ما ااتقول فيهن كانوا .. اسماح المنازل وين مايدانوا.. اجواف يصهدن
ما اتقول فيهن حطوا... ........ رجّـاله ا حدود الله ماايتخطوا
عن واجب صلاة الفجرما ايتبطوا .... وذكر الجلاله ماعليه ايوانوا
اديارهم امقبل وين ما ايتوطو ....... قدام الجوازل نازلين ايبانوا
ما اتقول كانن قبل في هـاللـفة. .. قدّام الجوازل فيه بك نعرفها
تريس ولقيح ونجع داير ضفة...... رفقهم حليب وحب ماينهانوا
اصحاب المروة والحيا والعـفة... اللي لقربهم جيرانهم يطمانوا
منهم وم اللي سود روس شعـفها..خلـيـَـن هوادين الخلا سبحانو
ما اتقول فيهن ضاري............... كنا ننزلوا من قبل هالصحاري
واقناتن يلـقـّن من اشبوب بداري... ارعوده اتـّل ومزنته تدغانو
نبت قيقلانه في ا رمال قعاري.. بهارير لجـّاته اتقول اجنانوا
املاح البساط وطيبين الطاري... مـسـّع نهار اقدّرت ع النسيانو
عليهن انجيت هالب ايحوس مداري.. منازل اللي تحت التراب ادفانوا
الدايم الله مالك الملك الباري .. من هول السعير بقدرته ينصانوا
مسـيـّر احكام الكون وامره جاري ... رافع السما عالي بلا عمدانو
العالم بلفظ الجهر والمتواري .... تلاقيه يوم العرض ع الميزانو
جعل كل نفس لها ملف إداري.... وبما قدّمت لحسابها ترهانو
ما اتقول ياخرّامة................... نزل نجع واجد فيك دق ارمامه
شيابه اكرام ويعرفوا الكرامة ...... لا يشهدوا بالزور لايفتانوا
واحذاهم لقيح اسمان دار اكلامه .... ا صغار هله والرعيان فيه يعانوا
من يومن مشوا منك وفيك غمامة ... وريـبة وانا وانتي عدو نـشـّانوا
عارفه انجاك اللي ارقاق عزامه...... عليه يخطروا وايقول يانا يانو
ّ
ما اتقول وين تعـلاّ................ نزيل البداري والجوازل ملا ّ
رحـالينهم جـبـّن اتقول محلة....... علي هـَـود بين الربد والظلمانو
لقوهن هناك مطوحات الجلـّـة..... عقاير اكبار ابعاد ع القيطانو
منازل ابوادي طيبين الملة ............ ع الفطرة طبيعـتم صفا واحسانو
يجتنبوا جميع اللي ا محـرّم كله ... فناهم الدهر ولا نبيهم خانوا
قـدّام دارهم ديما اهناك امصلـّى.... طوايف ايجوه ويرفعوا لاذانو
ما اتقول فيهن سنـّـدوا يابابا..... ثناوي لقيح واجد بعيد عقابه
والجازل امقبـّـل صابـّـات ارقابه.... من ميحة بداري فاوّل الخرفانو
خلين منازلهم اللي جوّابه ........ من وادي المرا لاعند بالحيضانو
بوادي شوامس حيلهم ضرّابه .... لصيد الخلا واثقال ع العدوانو
فنتهم الدنيا هابتين وهابة ........ يامي ناظرة من اشداد ولانـوا
الدايم الله وين النبي واصحابه .... اللي ع الحياة بربنا استعانوا
ما اتقول بين انقوبة ............. ملـثـّم عليهن دَور داير كوبة
زناكيل جلبوبة ورا جلبوبة .......... كيف المراكب سنّدوا رحلانو
معا سيل متقاوي نزيل اشبوبه .... اليوم لولي واليوم لاخر ثانو
تناشوا ربيع ابساط فيه اضبوبة .... تظليمة اجباله كيف نوبة كانو
وللبل اللي ما كيفها مكسوبة... ماخير منه وطن في لوطانو
ما اتقول عمره جاهم ... ....... الجار الغريب وعاش في ردّاهـم
نـسـّاه الحبايب والقراب دفاهم.. جربهم القيهم هل كرم وامانو
غليو عليه اقبل العيش امعاهم .. ابعاد المواجع طيبكم جيرانو
بروايتين ورش وحفص حيل اقراهم.. اصواتم اتجلي ع الكدي لحزانو
مواعين ديما صافيات انياهم ....... لاعندهم لا زود لا انقصانو
ما اتقول فيهن قابـــل .... اركيـّب اسمان ونبتن متخابل
حطبهن هظاك السمح رايح ذابل... لجواف والروامص والحباب انعانوا
فيهم عزا مازلت ماني قابل ... ادموعي عليهم مالهن شي وانـو
ما اتقول يارجّـالــه ............ اركيّـب ضنا عثمان من جفـّـاله
لزياق البلط يقرن وهي تفـّالة .... كبيرة العقاير واسعة لركانو
من ميحة امزان ارعودها تلتالة... فاوّل تـكوبر نوّضـت وديانو
رقيت اتطوح فيه ع الجلجالة ... رقيق الحطب م الغوط والشطبانو
لمست ابساط اربد ايبان غزاله... جلايب , جلايب ملية الحيوانو
دبيب العدام هضاك له قـتـّاله .. ان لعبت اودارت ع الجمل حورانو
وتربع اوين القيض جا ميجاله .. تهلب ثقيل النوم ، م الرعيانو
من قبله اتجيه وفيه تاخذ داله ... قدام بلغـرب ديما لها معـطانو
ما اتـقـول ويـن الـذاكــر..... توضا لميعادالصلاه الباكر
سود م العرق جبّن اتقول عساكر ... اسماح الندا في الفجر ع الفرقـانـو
واصبح الغوش بخيرحامد شاكر . ... في احسن طناطين الزها طربانو
مااتقول يوم الشيـله ...... من جوف لـثـل وارقابه وجوف لثيله
نزل في امويزر نجع عيت ارميله.. اتقول في الناس القواري زانو
ولااتقول قدام الفقيه عويله.. في المغـرب تلو حزبين م القورآنو
ولا اقرب حليب وحمل و افي كيله ...مصرم علي هايج اقلالي قانو
الدائم الله اكملو هـم واكحيله .... وخلين منازلهم ايام زمانو
مااتـقــول بين الــجــــازل ... واخشوم الروامص نازلين منازل
ولا بات قبليهم لقيح زلازل ...حدايجه اكبار او زرق في للوانو
يسقوه الحليب اوما اتجيه مهازل ..ز الجار المجاور فيه ما يشيانو
مااتقول حــاش عـليهم... .. الشـول المقاوي لاسرح قبليهم
ولا اتقول كانت م الجريد اتجيهم ... قوافـل ولا دنّو اجمال اخشانو
ايحوس المدار عندي بعـد نطـريهم ...حبايب الله واكبر فـنـو افـنـيانـو
وفي اخرّ كلامي فاتحه انعطيهم ...... اجعلهم معا الصادق بـني عدنانو
--------------------------------------------------------------------------------
ابن الباديه- لواء
-
عدد المشاركات : 1788
العمر : 59
رقم العضوية : 648
قوة التقييم : 34
تاريخ التسجيل : 24/10/2009
رد: ما اتقول فيهن كانوا ........
قصيده رائعــــــــــــه للشاعر الفد شيخ الشعراء أحمد ارميله كلمات قويه تعبر عن الأصاله وفيها من الحكم الكثير بارك الله فيك على نقلك أخي لهده القصيده المحاضره
المارد الأصفر- عقيد
-
عدد المشاركات : 767
العمر : 43
رقم العضوية : 1673
قوة التقييم : 8
تاريخ التسجيل : 04/05/2010
رد: ما اتقول فيهن كانوا ........
مشكور على ما قدمت دائماً مميز اخى الكريم
-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
مواضيع مماثلة
» ما القيت فيهن غير ... مراد البرعصي
» راحوا الله الله كانوا كانوا
» عليش انديرو فيهن
» ماتقول فيهن كانو
» اتقول امس
» راحوا الله الله كانوا كانوا
» عليش انديرو فيهن
» ماتقول فيهن كانو
» اتقول امس
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
2024-04-17, 1:56 pm من طرف STAR
» إجازة في اليونان... ميلوس وجهة سياحية هادئة ومغرية بالاكتشاف
2024-04-17, 1:54 pm من طرف STAR
» تحديث جديد على واتساب يثير غضب المستخدمين
2024-04-17, 1:51 pm من طرف STAR
» ماذا يحدث للجسم عند تناول بذور البطيخ؟
2024-04-17, 1:48 pm من طرف STAR
» فطيرة الجبن الحلزونية
2024-04-17, 1:48 pm من طرف STAR
» هل تعلم ما هو سر وضع المضيفات أيديهن وراء ظهورهن على متن الطائرة؟
2024-04-16, 12:57 am من طرف mohgafar
» طرق فعالة في تنظيف الزيوت المنسكبة على الأرضيات في منزلك
2024-04-15, 3:07 pm من طرف STAR
» أفضل 30 وجهة سياحية.. بلدان عربيان ضمن القائمة
2024-04-15, 3:06 pm من طرف STAR
» السيارة الخارقة.. لامبورغيني هوراكان STJ بقوة 631 حصاناً
2024-04-15, 3:06 pm من طرف STAR
» خطوات تحميل واتساب الذهبي 2024.. الإصدار الجديد ضد الحظر
2024-04-15, 3:05 pm من طرف STAR
» قوارب الشاورما
2024-04-15, 3:04 pm من طرف STAR
» الصلاة علي رسول الله+الاستغفار+ذكر الشهادة+كفارة المجلس
2024-04-15, 3:01 pm من طرف STAR
» مباريات الاحد 14//4//2024 وقنوات الناقلة
2024-04-14, 10:34 am من طرف STAR
» أطعمة تحتوي على بروتين أكثر من البيض.. تعرفوا إليها
2024-04-14, 10:30 am من طرف STAR
» المنسف الأردني بالسمن البلدي
2024-04-14, 10:26 am من طرف STAR