منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» منتخبان عن ألمانيا وواحد يوغوسلافي.. كيف سيكون كأس العالم لو استمر الاتحاد السوفييتي حتى ا
اليوم في 4:35 am من طرف عبدالله الشندي

» أخيراً: يمكنك تنزيل كافة صورك على انستغرام، واستخدام الخدمة عبر المتصفح!
اليوم في 4:02 am من طرف عبدالله الشندي

» حرب كيماوية في منزلك.. خلط هذه المنظفات الشائعة يمكن أن يشكل خطراً لا تتخيلينه
أمس في 3:09 pm من طرف STAR

» النحس المزدوج يطارد محمد صلاح قبل نهائي دوري الأبطال
أمس في 3:09 pm من طرف STAR

» ديل بوسكي: محمد صلاح محدود الإمكانيات
أمس في 3:07 pm من طرف STAR

» 4 طرق مبتكرة لترتيب تطبيقات جوالك.. حيلة جديدة من Apple لتنسيقها جميعاً دفعةً واحدة
أمس في 3:07 pm من طرف STAR

» مرة بشارب ولحية ومرة أخرى من دونهما، ومليون مشاهدة يتحول إلى 25 فقط.. أخطاء إخراجية جديدة
أمس في 3:00 pm من طرف STAR

» ارتفاع درجة الحرارة يساعد في محاربة العدوى، فلماذا نتناول الأدوية الخافضة للحرارة؟
أمس في 2:52 pm من طرف STAR

»  الصدقة الجارية.. ما لا تعرفه عن العمل في ويكيبيديا
أمس في 2:50 pm من طرف STAR

» الكاكاو يغنيك عن النظارة الطبية.. باحثون ينصحون ضعاف البصر بتناول الشوكولاتة السوداء!
أمس في 2:49 pm من طرف STAR

» هل لاحظتم رقم الهاتف الذي ظهر بالحلقة الخامسة من "عوالم خفية"؟.. أحدهم حاول معرفة صاحبه، و
أمس في 2:41 pm من طرف STAR

» كأس العالم سُرقت عام 1966 وظلَّ الفاعل مجهولاً.. بعد 52 سنة الابن يعترف، ربما للشهرة
أمس في 2:39 pm من طرف STAR

» لَم نشاهد مسلسل "باب الحارة" هذا العام، لكن خسارة هذا المنزل أكبر.. أصحاب البيوت والكومبار
أمس في 2:39 pm من طرف STAR

» كلينتون وأمراء الخليج يعشقانها، ويطلبونها بالاسم.. هذه الأطباق المغربية يكشف سرّها طباخ ال
أمس في 2:31 pm من طرف STAR

»  القنوات الناقلة رسمياً لكأس العالم روسيا 🏆 (المفتوحة + التي تعمل بشفرة Biss)
أمس في 2:30 pm من طرف عبدالله الشندي

بحـث
 
 

نتائج البحث
 


Rechercher بحث متقدم


ما اتقول فيهن كانوا ........

اذهب الى الأسفل

ما اتقول فيهن كانوا ........

مُساهمة من طرف ابن الباديه في 2010-06-25, 10:57 am

ما اتقول فيهن كانوا
الشاعر/ احمد ارميله الفاخري

ما ااتقول فيهن كانوا .. اسماح المنازل وين مايدانوا.. اجواف يصهدن

ما اتقول فيهن حطوا... ........ رجّـاله ا حدود الله ماايتخطوا

عن واجب صلاة الفجرما ايتبطوا .... وذكر الجلاله ماعليه ايوانوا

اديارهم امقبل وين ما ايتوطو ....... قدام الجوازل نازلين ايبانوا

ما اتقول كانن قبل في هـاللـفة. .. قدّام الجوازل فيه بك نعرفها

تريس ولقيح ونجع داير ضفة...... رفقهم حليب وحب ماينهانوا

اصحاب المروة والحيا والعـفة... اللي لقربهم جيرانهم يطمانوا

منهم وم اللي سود روس شعـفها..خلـيـَـن هوادين الخلا سبحانو

ما اتقول فيهن ضاري............... كنا ننزلوا من قبل هالصحاري

واقناتن يلـقـّن من اشبوب بداري... ارعوده اتـّل ومزنته تدغانو

نبت قيقلانه في ا رمال قعاري.. بهارير لجـّاته اتقول اجنانوا

املاح البساط وطيبين الطاري... مـسـّع نهار اقدّرت ع النسيانو

عليهن انجيت هالب ايحوس مداري.. منازل اللي تحت التراب ادفانوا

الدايم الله مالك الملك الباري .. من هول السعير بقدرته ينصانوا

مسـيـّر احكام الكون وامره جاري ... رافع السما عالي بلا عمدانو

العالم بلفظ الجهر والمتواري .... تلاقيه يوم العرض ع الميزانو

جعل كل نفس لها ملف إداري.... وبما قدّمت لحسابها ترهانو

ما اتقول ياخرّامة................... نزل نجع واجد فيك دق ارمامه

شيابه اكرام ويعرفوا الكرامة ...... لا يشهدوا بالزور لايفتانوا

واحذاهم لقيح اسمان دار اكلامه .... ا صغار هله والرعيان فيه يعانوا

من يومن مشوا منك وفيك غمامة ... وريـبة وانا وانتي عدو نـشـّانوا

عارفه انجاك اللي ارقاق عزامه...... عليه يخطروا وايقول يانا يانو
ّ
ما اتقول وين تعـلاّ................ نزيل البداري والجوازل ملا ّ

رحـالينهم جـبـّن اتقول محلة....... علي هـَـود بين الربد والظلمانو

لقوهن هناك مطوحات الجلـّـة..... عقاير اكبار ابعاد ع القيطانو

منازل ابوادي طيبين الملة ............ ع الفطرة طبيعـتم صفا واحسانو

يجتنبوا جميع اللي ا محـرّم كله ... فناهم الدهر ولا نبيهم خانوا

قـدّام دارهم ديما اهناك امصلـّى.... طوايف ايجوه ويرفعوا لاذانو

ما اتقول فيهن سنـّـدوا يابابا..... ثناوي لقيح واجد بعيد عقابه

والجازل امقبـّـل صابـّـات ارقابه.... من ميحة بداري فاوّل الخرفانو

خلين منازلهم اللي جوّابه ........ من وادي المرا لاعند بالحيضانو

بوادي شوامس حيلهم ضرّابه .... لصيد الخلا واثقال ع العدوانو

فنتهم الدنيا هابتين وهابة ........ يامي ناظرة من اشداد ولانـوا

الدايم الله وين النبي واصحابه .... اللي ع الحياة بربنا استعانوا

ما اتقول بين انقوبة ............. ملـثـّم عليهن دَور داير كوبة

زناكيل جلبوبة ورا جلبوبة .......... كيف المراكب سنّدوا رحلانو

معا سيل متقاوي نزيل اشبوبه .... اليوم لولي واليوم لاخر ثانو

تناشوا ربيع ابساط فيه اضبوبة .... تظليمة اجباله كيف نوبة كانو

وللبل اللي ما كيفها مكسوبة... ماخير منه وطن في لوطانو

ما اتقول عمره جاهم ... ....... الجار الغريب وعاش في ردّاهـم

نـسـّاه الحبايب والقراب دفاهم.. جربهم القيهم هل كرم وامانو

غليو عليه اقبل العيش امعاهم .. ابعاد المواجع طيبكم جيرانو

بروايتين ورش وحفص حيل اقراهم.. اصواتم اتجلي ع الكدي لحزانو

مواعين ديما صافيات انياهم ....... لاعندهم لا زود لا انقصانو

ما اتقول فيهن قابـــل .... اركيـّب اسمان ونبتن متخابل

حطبهن هظاك السمح رايح ذابل... لجواف والروامص والحباب انعانوا

فيهم عزا مازلت ماني قابل ... ادموعي عليهم مالهن شي وانـو

ما اتقول يارجّـالــه ............ اركيّـب ضنا عثمان من جفـّـاله

لزياق البلط يقرن وهي تفـّالة .... كبيرة العقاير واسعة لركانو

من ميحة امزان ارعودها تلتالة... فاوّل تـكوبر نوّضـت وديانو

رقيت اتطوح فيه ع الجلجالة ... رقيق الحطب م الغوط والشطبانو

لمست ابساط اربد ايبان غزاله... جلايب , جلايب ملية الحيوانو

دبيب العدام هضاك له قـتـّاله .. ان لعبت اودارت ع الجمل حورانو

وتربع اوين القيض جا ميجاله .. تهلب ثقيل النوم ، م الرعيانو

من قبله اتجيه وفيه تاخذ داله ... قدام بلغـرب ديما لها معـطانو

ما اتـقـول ويـن الـذاكــر..... توضا لميعادالصلاه الباكر

سود م العرق جبّن اتقول عساكر ... اسماح الندا في الفجر ع الفرقـانـو

واصبح الغوش بخيرحامد شاكر . ... في احسن طناطين الزها طربانو

مااتقول يوم الشيـله ...... من جوف لـثـل وارقابه وجوف لثيله

نزل في امويزر نجع عيت ارميله.. اتقول في الناس القواري زانو

ولااتقول قدام الفقيه عويله.. في المغـرب تلو حزبين م القورآنو

ولا اقرب حليب وحمل و افي كيله ...مصرم علي هايج اقلالي قانو

الدائم الله اكملو هـم واكحيله .... وخلين منازلهم ايام زمانو

مااتـقــول بين الــجــــازل ... واخشوم الروامص نازلين منازل

ولا بات قبليهم لقيح زلازل ...حدايجه اكبار او زرق في للوانو

يسقوه الحليب اوما اتجيه مهازل ..ز الجار المجاور فيه ما يشيانو

مااتقول حــاش عـليهم... .. الشـول المقاوي لاسرح قبليهم

ولا اتقول كانت م الجريد اتجيهم ... قوافـل ولا دنّو اجمال اخشانو

ايحوس المدار عندي بعـد نطـريهم ...حبايب الله واكبر فـنـو افـنـيانـو

وفي اخرّ كلامي فاتحه انعطيهم ...... اجعلهم معا الصادق بـني عدنانو


--------------------------------------------------------------------------------


ابن الباديه
لواء
لواء

ذكر
عدد المشاركات : 1788
العمر : 53
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: ما اتقول فيهن كانوا ........

مُساهمة من طرف المارد الأصفر في 2010-06-25, 11:07 am

قصيده رائعــــــــــــه للشاعر الفد شيخ الشعراء أحمد ارميله كلمات قويه تعبر عن الأصاله وفيها من الحكم الكثير بارك الله فيك على نقلك أخي لهده القصيده المحاضره
avatar
المارد الأصفر
عقيد
عقيد

ذكر
عدد المشاركات : 767
العمر : 37
رقم العضوية : 1673
قوة التقييم : 8
تاريخ التسجيل : 04/05/2010

الرجوع الى أعلى الصفحة اذهب الى الأسفل

رد: ما اتقول فيهن كانوا ........

مُساهمة من طرف STAR في 2010-07-24, 10:09 am

مشكور على ما قدمت دائماً مميز اخى الكريم

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 119971
العمر : 33
رقم العضوية : 31
قوة التقييم : 198
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى