منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» صورة لقرد نادر تغير حياة ملتقطها للأسوأ
أمس في 3:58 pm من طرف STAR

» من هي "عزرائيل النساء" في داعش؟
أمس في 3:56 pm من طرف STAR

» فهد يأكل "خنزير بري" حيًا
أمس في 3:50 pm من طرف STAR

» حدث في مثل هذا اليوم July 25, 2017
أمس في 3:47 pm من طرف STAR

» طفلة إيزيدية تعرضت للاغتصاب 180 مرة من الدواعش
أمس في 3:46 pm من طرف STAR

» "ستجعل أعداء أميركا يرتعدون خوفاً".. ترامب يطلق سفينةً حربيةً بتكلفة 13 مليار دولار هذه مي
أمس في 3:45 pm من طرف STAR

» مشاهد ساحرة لطيور الفلامينغو في بحيرة الملح وسط تركيا
أمس في 3:45 pm من طرف STAR

» 4 أمور على المرأة القيام بها
أمس في 3:41 pm من طرف STAR

» العضو سيف التميمي يحتاج منكم الدعاء بالشفاء
أمس في 11:23 am من طرف ولد الجبل

» الصلاة علي رسول الله+الاستغفار+ذكر الشهادة+كفارة المجلس
أمس في 10:00 am من طرف STAR

» العيب في الزمان والا فينا ؟؟؟
2017-07-24, 9:17 pm من طرف الكابتن

» فارق الراتب بينهما يصل إلى 5 أضعاف.. مذيعات BBC طالبن بالمساواة مع المذيعين
2017-07-24, 9:10 pm من طرف الكابتن

» وُصول مُعدات وتجهيزات خاصة بمنظُومات الإنترنت إلى غات
2017-07-24, 9:09 pm من طرف الكابتن

» اهالي طبرق يمهلون النواب والحكومة أسبوعا لحل مشكلة المياه
2017-07-24, 9:25 am من طرف STAR

» انطلاق الامتحانات العمليّة والسريريّة بكلية التقنية الطبية بجامعة طبرق
2017-07-24, 9:25 am من طرف STAR

بحـث
 
 

نتائج البحث
 


Rechercher بحث متقدم


شوق الغريب لداره .. الشاعر: علي شحات

استعرض الموضوع السابق استعرض الموضوع التالي اذهب الى الأسفل

شوق الغريب لداره .. الشاعر: علي شحات

مُساهمة من طرف ابن الباديه في 2010-07-01, 5:52 pm

شوق الغريب لداره .. وصابر علي بعد الجبا وامراره .. مشتاق للقدم

شوق الغريب الجالي الفايت بلاده من أمدد وآجالي
المطرود جبر من وطنه حبيس ليالي موحشات يخفن في بصيص نهاره
الغايب زهاه مع غياب غوالي أنحاز وطنهم تحت العدو وحصاره
وكل يوم يفني في أعداد أهالي والجرم الوحيد الرفض لستعماره
بلوايح حقوق البشر لامُبالي ويهدد بكر القرن للنفاره
أغتال كم من عيل تقول هلالي وكم بنت غره من أربات عصاره
اللي بوصفه فاقت الريم الفالي وطويل ماح سالفّه علي ظفاره
في التابوت زفّت والدما شتوالي خرخوط زينها تحت اللحود تواره
وكم طفل في عمر الزهور ايوالي صباحه عللي ناظرين بشاره
داسه حديد أمجنزرات عوالي هشّم وحاضن دفتره وحجاره
شوق الشهيد أفدا الوطن الغالي لملاقاة ربه يوم كشف اسراره
مشتاق اللقا غالي امصيّف حالي بخطوره مع بعده ولوعة ناره

الشوق زرابه الخاطر ارغب ماضي قديم زهابه
شوق وطن خالي طايلات أجدابه فوق م السّير بومه غفير أوكاره
لبارق إيخثّق عقربه لهلابه شبوبه أمدخّن قاطبات أمطاره
سفّ المواطي والعلا وأرقابه وسيوله اتطوّح في العذا ع الطاره
ونبّت ربيع أمخضبات أعشابه رقمه وشيح ولسلسه واشقاره
عفا بغو روّح رايده يشلابه الدافي دلال الطوق والخواره
نيست الخالي منيت الكسابه رفّاعة مقام اللي اقلال أقداره
سلوم للبها ذيل العرب يرقابه ولروس التريس الخيّره ودّاره
فيه بجّدت نسيت الظيم أتعابه هي والغزال مع طيور حباره
وجت شايله م الني نين غلابه وحاشت اتدادي مقدره وسكاره
علي نجع في المبدور دق أطنابه ملفاه للغرب والضيف والدوّاره
حليب كسر صافي فاض عالحلابه منها وروّا ضيفها والجاره
أحماة شيخ لا حدّث لذيذ وجابه طويل صمت صمته كايد الثرثاره
والقاصر اللي ماله دموم قرابه محسوب في حسابه من حساب صغاره
وان صار الخطا والعيب م العايابه والعايب حكا ع الظلم باستهتاره
يلقا صقوره ع الكلا ضرّابه قساوة ذراع وفرسنه وجساره
مغاوير كسّر حيلهم ركابه للكوت المتلّ اللي لذيذ مصاره
اللي امنين حس بلذع قرن أركابه إيقنّد أطراف الدير في مشواره
أسباع وينما عالي الحس تنابه اليوم المظلّم جايبين أفخاره
كمين هزّ جاهم في خياب خيابه وعاود امواطي في الوطا منقاره
وتابعين راي الخير من شيّابه تلايت كتاب الله وان أفجاره
شوق من معاهم عاش سن شبابه لغوشّم ومو قابل حياة حضاره
مشتاق اللقا منحاز طال غيابه عني ونا مازلت في تذكاره

شوق الغريب اللافي علي وطن مو وطنه أو وطنه جافي
الراحل بلا رادة وخوفه خافي في قلب واخذ م الهموم اعباره
شوق درب غابي تحت ردم السافي لمرور القفول وجرت السفّاره
شوق قلب عاشق مشتهي القوافي بليغة المعاني واضحة الاشاره
اللي لا أقتباس ولاخبر خُرافي ولا هو خبر تعجيز للفساره
وتلمس احساسات الخليل الوافي اللي طول ليله سامرات انظاره
وبهن يقتنع ع الشوك يمشي حافي العاشق اللي م الشوق حاس مداره
باسلوب سلس وايحرّك الشوق الغافي وع العاشق ايبرّد لوعته واقهاره
عفيف لفظ مو تجريح لذع مشافي ولا بوصف فاحش مكتسي الدعاره
ولا يشتهي ع الجيد عقد ارعافي فوق جسم بالميدي اكسي بمهاره
ويجوز للخيال يزيد وصف إضافي و يطرد الحشو بفن الاستعاره
مضمونه لدى السامع دواه الشافي والراوي الدي اللي نقي يختاره
وبالناقد الجيد نوصلوا المرافي و الناقد الحاقد نتركوه يساره
وحتى انكان شعري مو غليلي شافي واضحات عند السامعين آثاره
دليلي ذكي والزاد ود اولافي وما ايتوه من تبّع دروب كباره
وارضيت قول بوطاهر زعيم اسلافي الشاعر ايبرّد لوعته بأشعاره
وعلي قول يانا مغتني من كافي لا نريد نسلّف ولا نمتاره
وعلي من عليه يزيد جمر اريافي نريد السلام ختام للقذاره



ابن الباديه
لواء
لواء

ذكر
عدد المشاركات : 1788
العمر : 53
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: شوق الغريب لداره .. الشاعر: علي شحات

مُساهمة من طرف المارد الأصفر في 2010-07-01, 8:37 pm

الله الله قصيده رائعــــــه أخي الفاضل بارك الله فيك وفي الشاعر المتألق علي شحات
avatar
المارد الأصفر
عقيد
عقيد

ذكر
عدد المشاركات : 767
العمر : 36
رقم العضوية : 1673
قوة التقييم : 8
تاريخ التسجيل : 04/05/2010

الرجوع الى أعلى الصفحة اذهب الى الأسفل

رد: شوق الغريب لداره .. الشاعر: علي شحات

مُساهمة من طرف STAR في 2010-07-24, 10:04 am

مشكور على ما قدت دائماً مميز اخى الكريم

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 116925
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى