منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» الصلاة علي رسول الله+الاستغفار+ذكر الشهادة+كفارة المجلس
أمس في 11:22 am من طرف STAR

» صورة: خط ملك المغرب يثير دهشة المتابعين!
أمس في 11:03 am من طرف أحميدي مريمي

» "إنه أخي والله أخي".. طالبة طب سورية تتفاجأ بجثة شقيقها المعتقل في محاضرة لتشريح الجثث
أمس في 11:02 am من طرف أحميدي مريمي

» ليبيا.. خبر كان.. عاجل
2016-12-04, 10:39 am من طرف عاشقة الورد

» حيل سهلة وسريعة تزيدك جمالًا وانوثة
2016-12-04, 10:26 am من طرف عاشقة الورد

»  فوائد ترتيب المنزل وتنظيفه.. أكثر مما تتوقع!
2016-12-04, 10:18 am من طرف عاشقة الورد

» جزء من الطلاب المتقدمين للكلية العسكرية توكرة للإنضمام للقوات المسلحة العربية الليبية
2016-12-04, 10:16 am من طرف STAR

» بالصور مركز شرطة القرضة أبشع الجرائم بمدينة سبها
2016-12-04, 10:14 am من طرف STAR

» الأمهات القاسيات هن الأفضل.. هذه أمثل طريقة للتعامل مع أطفالك!
2016-12-04, 10:13 am من طرف عاشقة الورد

» هكذا يبدو شكل "الكوكب القزم" الأصغر في مجموعتنا الشمسية
2016-12-04, 10:10 am من طرف عاشقة الورد

» لماذا يُصاب الأشخاص بانتفاخ تحت العين؟
2016-12-04, 10:03 am من طرف عاشقة الورد

»  عليكم ارتداء الجوارب خلال النوم .. إليكم الأسباب
2016-12-04, 9:55 am من طرف عاشقة الورد

» مصر توافق على تجديد تصاريح سيارات الليبيين بالقاهرة لـ6 أشهر
2016-12-04, 9:50 am من طرف STAR

» «العامة للكهرباء»:تركيب أبراج الطوارئ لربط (طبرق القعرة) غدا
2016-12-04, 9:49 am من طرف STAR

» اتفاق مع «المالية» ينهي اعتصام الموظفين بمطاري طبرق والأبرق
2016-12-04, 9:49 am من طرف STAR

بحـث
 
 

نتائج البحث
 


Rechercher بحث متقدم


قصائد عن الإبل

استعرض الموضوع السابق استعرض الموضوع التالي اذهب الى الأسفل

قصائد عن الإبل

مُساهمة من طرف STAR في 2010-07-02, 10:00 pm

تستاهله عز و دلال
تستاهله عز و دلال --- سود المناسم سمحة المنقار
ماذا رفعتي من حمول ثقال --- و ماذا قطعتي من قفات اقفار
اماليك ما تحمل تعيش بلاك --- يرموا عليها و يسكنوا لدوار
تجي مشوخة تكند معاها اهمال --- ليا اشّندلت ترفع غبار الدار
عليها الوصية من اولاد هلال --- و الجازية تشعر على الخوار
خيار الكسوبة الشايمة ام خلال --- تحل النظر و تزيد في الاعمار
و لا حقهم تعطي مخازن مال --- وياما قزنتي من ظراري صغار
تجي الروس تتكركب على الاشفار --- تقول الجحاف مصقعات اضمار

الدنيا بدت ماعاد يعجب حال --- مشى جيل ظهرولك وراه اجيال
خشوا المدينة و تبعوا الاظلال --- و لا عاد جايبهم قداك العار
و يتقابلوا جملة على الميال --- اناهو اللي يفوز و غرسته تخضار
و تركوا كحيلة سايبة تجيال --- الا الولف جايبها قدا الاوكار
ورخصت الخيل و غالية لبغال --- توا البغل بوزنته دينار
راسم عليها السوق و الدلال --- و الخيل رخصت ما لها دوار
و بنعاوده ياسر كثر ابسال --- شاعر و نحكيلك على ما صار

راحت ايام عز و غلاك --- يا شايمة نارك على الفرسان
اولادًا يلكوا في الثقيل وراك --- و بيهم تلوجي واسعة لركان
و ييه ييه ما داروا على سباك --- تركوا الحوالي و لبسة الكتان
يعزوك و يحسوا مواجع داك --- و بيهم كحيلة في الخلا تطمان
و وين ما تسيري يعزموا رفقاك --- و ما يسيبوها الشايمة ليلان
قيمي الغريد و جردي في بكاك --- على اولاد غية بذرهم ما بان
و خشي الفيافي و اهملي بضناك --- و ديري الرفيق الريم و الودان
و ساعات ندورس أني ننساك --- و ساعات عندي غايبة لذهان
و ساعات نتفكر ايام غلاك --- و راحت ايام عزك مع لفتان
للشاعر ضو العساف رحمه الله

البل أم السيقان رقاق
البل أم السيقان رقاق --- زها و عز الخاطر لا ضاق
البل أم السيقان العوج --- في البر تلوج --- ابابير تقب بلا موج
عز المحروج --- المتغشش و أيامه عوج
جاشه ممروج --- من وطنه بيهج هجوج
تولّيله دوج --- تسافر و تخش الرقراق
و تقل حروج --- سلاحه و اميه و مذاق

البل أم السيقان طوال --- بصراير مال --- تخلص كل منهو مُسال
ترقا الاجبال --- و تترقب عالكل طوال
يا زهو البال --- عليك وصف من أولاد هلال
عز ام اشمال --- كحيلة رفاعة الأثقال
و تخش رمال --- ما يلحقهاش الذلال
و تدير اجوال --- هي و ولد الريم ارفاق
و تمشي تنجال --- لياد اماليها حذاق

لو ريت البل --- و هلها ما يطيقوش الذل
لا احتاج ارحل --- يسرج نص الليل ايقل
و يخش قبل --- في وين القبلي يقتل
لا يعرف ظل --- لا خرطش لا ذاق غلل
زي طير نحل --- يأكل في جرامين عسل
بجد و نزل --- و لقاه الجود مخبل
خير مفصل --- لسلس و شقارة و نفل
ميت يهمل --- لا قيد لا دار عقل
ناقة و جمل --- مربيهم في البر خول
من الفجر زعل --- بسلاح منظم و عمل
قاتل الاريل --- كلا من لحمه لين فضل
قول مفصل --- جبته ع الولد البنداق
ما دار نخل --- ولد ما كسبه غير نياق

البل أم السيقان رقاق --- زها و عز الخاطر لا ضاق
للشاعر عبد الله الزناتي رحمه الله

يا ما لاه يا بنت الإبل
يا ما لاه يا بنت الإبل --- سيادك وين عدوا للعمل
يا ما لاه يا بن الحنينة --- سيادك وين عدوا للمدينة
بديو شبح زولك كارهينه --- ذاقوا الليم و ايكال الفجل
و كنتي قبل في زمزم و نينة --- و سي حران حيرانك همل
و كنتي قبل تطري سمينة --- يفوت الصيف ما يخشك رحل
خيار الكسب ياللي عارفينه --- اركوب الخيل و بنات الخول
و تبغي سيد ما يرفع عوينه --- يضرب ريم قدامك جفل
يقلك باطلة يجيبك سمينة --- تبدي كيف فرقان الحجل
رافع بندقة و الاريل عوينه --- يشرب بر من ثديك عسل
تبغي صقر ما يحنث يمينه --- ما تبغيش قراض البصل
مركب طنجرة و يقلب في عينه --- قبالة شبحته متعت فسل
غاب سنين ناسه فاقدينه --- حصل عمل يخدم في الدول
سيب عيلته و سيب جنينه --- كاسب صحته كيف الجمل
تبغي صقر ما يحنث يمينه --- ان جاك الغير يضرب ما يذل
جميلك بان وقتن ما مشينا --- قطعتي رمال و خشوم الجبل
وردتي بيار اميتهم ضنينة --- فيهم غير زرزور النحل
كسب البل بتعقب سنينه --- يا ما لاه يا بنت الإبل
اعتزنا فيك يا شينك غبينة --- داير كرهبة سيدك حصل
يبي النافطة يبي البنزينة --- انفلقت قومة ليها نزل
و جاء للمدن جوه ملاقيينه --- جاء عيان في الورشة انسبل
عشرة جنيه قالوله اعطينا --- مد اطناش على ربي اتكل
ركب و دار دورها هوينه --- خش في سرولة صابه خلل
و نور الدين ياللي عارفينه --- حصل عمل في الظاهر نزل
تبع عمل في الشركة هوينه --- كلا ناقته راحت ضلل
امالي الزرع هاللي راعيينه --- حطوا ناقته في فندق التل
وقتن جيتهم قالوا اعطينا --- هات فلوس و انطح هالجبل
في وسط المجزرة راسك هوينه --- سيادك زوفرو ذاقوا الغلل
يا ما لاه يا بنت الشنينة --- و البازين و وريق النخل
يا حضار صلوا على نبينا --- أنا استغفرت ما تقولوا جهل
للشاعر نور الدين العزومي رحمه الله

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114683
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: قصائد عن الإبل

مُساهمة من طرف فرج احميد في 2010-07-04, 2:55 pm

قصيدة رائعة مشكوراخى استار

فرج احميد
مستشار
مستشار

ذكر
عدد المشاركات : 17243
العمر : 54
رقم العضوية : 118
قوة التقييم : 348
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: قصائد عن الإبل

مُساهمة من طرف STAR في 2010-07-05, 4:49 pm

الله يخليكم وينجيكم على هذا المرور الرائع يا بركة المنتدى اجعنا ما نفقدوكم

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114683
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى