منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..

انضم إلى المنتدى ، فالأمر سريع وسهل

منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
منتديات عيت ارفاد التميمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» عناصر غذائية تنشط الغدة الدرقية
راس البيت يقول ...ياموشايل حمول منعدل واحد اوواحد مايل  Icon_minitime1أمس في 2:13 pm من طرف STAR

» رونالدو يصب غضبه على الحكم الرابع بعد خسارة مدوية للبرتغال
راس البيت يقول ...ياموشايل حمول منعدل واحد اوواحد مايل  Icon_minitime1أمس في 2:13 pm من طرف STAR

» ما الأفضل الاستحمام ليلا أم صباحا؟
راس البيت يقول ...ياموشايل حمول منعدل واحد اوواحد مايل  Icon_minitime1أمس في 2:11 pm من طرف STAR

» الصلاة علي رسول الله+الاستغفار+ذكر الشهادة+كفارة المجلس
راس البيت يقول ...ياموشايل حمول منعدل واحد اوواحد مايل  Icon_minitime1أمس في 2:10 pm من طرف STAR

» كبدة دجاج مقلية مع حمص بالبصل
راس البيت يقول ...ياموشايل حمول منعدل واحد اوواحد مايل  Icon_minitime1أمس في 2:10 pm من طرف STAR

» مباريات الثلاثاء 26/3/2024 وقنوات الناقلة
راس البيت يقول ...ياموشايل حمول منعدل واحد اوواحد مايل  Icon_minitime12024-03-26, 3:24 pm من طرف STAR

» جولة على الجسور القديمة... معالم شهيرة صمدت على مر التاريخ
راس البيت يقول ...ياموشايل حمول منعدل واحد اوواحد مايل  Icon_minitime12024-03-26, 3:21 pm من طرف STAR

» هل يجب أن تحدد سعة شحن بطارية هاتفك الذكي عند 80%؟
راس البيت يقول ...ياموشايل حمول منعدل واحد اوواحد مايل  Icon_minitime12024-03-26, 3:19 pm من طرف STAR

» تتلف أنسجة الدماغ.. ابتعدوا عن الزيوت المعاد تسخينها
راس البيت يقول ...ياموشايل حمول منعدل واحد اوواحد مايل  Icon_minitime12024-03-26, 3:18 pm من طرف STAR

» قطايف بقشطة
راس البيت يقول ...ياموشايل حمول منعدل واحد اوواحد مايل  Icon_minitime12024-03-26, 3:15 pm من طرف STAR

» برقم خياليّ.. السعودية تريد خطف ليفاندوفسكي
راس البيت يقول ...ياموشايل حمول منعدل واحد اوواحد مايل  Icon_minitime12024-03-25, 1:58 pm من طرف STAR

» طبخة اليوم: "رز على دجاج"
راس البيت يقول ...ياموشايل حمول منعدل واحد اوواحد مايل  Icon_minitime12024-03-25, 1:57 pm من طرف STAR

» السياحة في إسبانيا... حدائق مختلفة تمزج بين الطبيعة والفن
راس البيت يقول ...ياموشايل حمول منعدل واحد اوواحد مايل  Icon_minitime12024-03-24, 2:30 pm من طرف STAR

» إبراهيم دياز يكشف موقفه من المشاركة مع المغرب في أولمبياد باريس
راس البيت يقول ...ياموشايل حمول منعدل واحد اوواحد مايل  Icon_minitime12024-03-24, 2:29 pm من طرف STAR

» منها اللوز.. أطعمة تساعدك على النوم بشكل أفضل
راس البيت يقول ...ياموشايل حمول منعدل واحد اوواحد مايل  Icon_minitime12024-03-24, 2:29 pm من طرف STAR

بحـث
 
 

نتائج البحث
 


Rechercher بحث متقدم


راس البيت يقول ...ياموشايل حمول منعدل واحد اوواحد مايل

3 مشترك

اذهب الى الأسفل

راس البيت يقول ...ياموشايل حمول منعدل واحد اوواحد مايل  Empty راس البيت يقول ...ياموشايل حمول منعدل واحد اوواحد مايل

مُساهمة من طرف STAR 2010-07-05, 10:11 pm

ياموشايل حمول منعدل واحد اوواحد مايل شديد شد حيل العقل

اخوتى محبى الشعر الشعبى حبيت انشى موضوع خاص بالبيت القائل
ياموشايل حمول منعدل واحد اوواحد مايل شديد شد حيل العقل

على ان يتضمن جميع ماورد من اقوال الشعراء الشعبيين عليه

الشاعر : ادريس سعيد الشيخي
5\12\2009
********
احمول عديده امعاهن ايموج وفالحياه تصعيده
ايرمز مع اللي صايبه واتكيده ايرد ينعكس نبقى عليه انحايل
انقوله اهموم الوقت موش جديده والدنيا فنا واللي عليها زايل
ايقول ربنا ضامن ارزاق عبيده عليه متكل رانى وسيع بلايل
********
احمول ثقيله فيهن اللى مايح واخذ ميله
والله هو اللي قادر على تعديله كلامى امصوقر موش قولت قايل
من ضلع يادم دار له الحليلة ونجا نوح من زاعب سماه السايل
وخالق الكون وجاد فى تفصيله ودار العبيده فالكتاب دلايل
عظيم هو للى خالق النهار وليله وداير احدود الكل طاغي صايل

الشاعر : محمد حامد الشيخي
10\12\2009
********
احمول اتشيب اثقال غير ما منهن شكى لا ريب
ومامن صلايب عالحمول امطيب ثقيل حملهن فوق الكتوف عدايل
وفيهن اللي له وقت موش اقريب يزاقه مع زق العرا ايتمايل
وانكان قالك صايد هناه و طيب عليك ياكبير ,, العقل ,, غير ايحايل
********
ما شكى من داهن احمول له زمان ايموج هو وياهن
متصعد ابهن ما سال في مرقاهن ولا فى طريقه جن ادروب سهايل
احمول وين ما مالن ايميل امعاهن علايل ايسوقن فى رحيل علايل
واجروحه ضميد الوقت ما داواهن متقرض ابراس اجلمه دمه سايل
وارياحه اتلاطش فى سحاب سماهن عليه من هناك ومن هناك ولايل
واهموم وين هفنّه ايحوس امعاهن حوست بناتيل القصيل الحايل
والله هو اللي قادر ايفك عناهن عظيم الرجاء فكاك كل وحايل


الشاعر : صالح بوعياد الشهيبي

13\12\2009
............
شديد عزم من يوما اوعي شايلهن مالن اولا طاحن ولا وصلهن
ترهدن وما يلاه من يعدلهن وحازه ابساط معطش وجور قوايل
وزادوا صلايب فوقهن واحملهن شقي عظم صادنه نصيب هوايل
وايام عمر لا باتن ولا قيلهن والراكب ايقول اللغب عليش اتخايل
ومسع اعيونه للبطال حولهن وعارفين حبل الحمل عظمه طايل
وايزيد زايدا مسع اخطاه ختلهن ولا عزم كى عزمه امفيت قلايل


الشاعر : محمد على مومن
::::::::::::::

(( يامو شايل احمول منعدل واحد , واحد مايل شديد شد حيل العقل ))
********
احمول عتاله احمول شيلهن واعر على الشياله
وهو شالهن بالغصب فرقة حاله عطيب الجهد عالوقت غير ايحايل
وهو الوقت زايد عالبسال بساله فيه ذايقين الملح ناس قلايل
اللي يشكروا ولغيرهم طباله ابقولهم اجواد وهم عقاب وذايل
مداحة اللي عنده طمع فى ماله اللي بالحرام امعبيين وكايل
خليك انت فى جاله وهم فى جاله بعيد خير من دنوه ردى الفعايل
********
ياما دانا احمول ع الغوارب والصلايب قانا
شديد شد حيل العقل فى اصبرانا شديد عزم ناسف ع الكتوف ثقايل
اوحيل الحمول ابثقل ميل زمانه وفواهق اكبار امخلفات علايل
ايجازيبهن ماقال منهن يانا امفيت دمع ف الثلث العقابى سايل
الشاعر فوزى المنصورى
احمول ويامه طوح وراه وحيلهن قدامه
منهن ايموج اتقول فى دوامه انغاب منعدل , مايح جديد " ايخايل "
تقانن عليه وناويات اختامه لكن ابحيل العزم فيهن صايل
صابر وصبره ما ايجيب ندامه شفا ايوب صبره من كثير علايل
ويوسف ارمى فى بير شين ظلامه وبالكذب جابوهن عليه دلايل
عليك عقل دوخنى بقو عزامه سوا المنعدل شايل سوا المتمايل
::::::::::::::
ايموج ابنقله متصعد اوحادر ماشكا من ثقله
سوا المايله شايل سوا المنعدله تضايق اوقات اوللافراج اتخايل
اوصاحب السعد يلقى اللى ايحطبله اونا سعد عقلى اعزوم تلايل
اولايجى الحنظل فى مكان الدقله اولا البوم موكار النداوى طايل
الشاعر حبيب الصنقرى
شيلته مسهلها للي منعدل والمايله يعدلها
اللي اتعل يا شيخي دار غبيوا هلها اللي يفزعوا يوم اللطاش ولايل
بنايت المبوج فى هذيك الجلها ركابة اللى ما ايحمل لمس الجايل
على نجعهم وقتا ايبان هلها جضيض حشوها جضت نحل يشايل
عقاب ليل تصريدة انياب جملها اتحيد غمامه من اكبود ملايل
و كبيرهم ايدبر ادبارته مجملها عليهم انكان اعلموا وادى سايل
ايشدوا الرحيل ورايده فاولها نين ينزلوا فللي عفاه جدايل
********

الشاعر صالح الشلمانى

ياموشايل أحمول منعدل واحد او واحد مايل شديد شد حيل العقل..

.ياموصالب* صلايب أخرا عالحمل والله غالب

وأحموله علي ركنه اوضيق مهالب ....او راقي صعوده في صهيد قوايل

"موجب " زمانه جا اصدافه "سالب ".... إيعرعز اودوبا عالطريق إيحايل

زمان دايله قسوا اوقــــو مخالـــب.... عزاه غيرقولت كل طاغي زايـــــل

ألاانت ياالشاكي نص "ِقدرك" حالب.... ياعوينك اللي عندك احمول عدايل

. ياموشايل .؟
احمول صلبت.. فوق مالحمول المايله وهلبت

اولافيه عقلي عيب لاأنكلبت.... أولازمزكه لافيه شين خصايل

أوخلفة الدار ابحمد ربي جبت.... وأكراها عليهم هذا قول القايل

ألانا علي شكواي تبت اوشبت.... اوثقلن اخطاي اومشيتي أتمايل

أو "لاحد" تلقا يا امسلف "سبت".... اومديول في يوم اللقا يا دايل

*************


الشاعر : اكرم الكاسح الدرسى
::::::::::::
احمول اتكدي احمول شيلهن خلف شقا واتردي
ماشي ابهن طاوي جبا ومعدي ابهن مانريد انطيح لاانتمايل
ولانريد عينه وين نوصل حدي امفيت مالكريم اللي عليه تكايل
جمل من جمل والصبر طوعة يدي حتى والحيا ماتمد غير جطايل
وحتي ونا ليام ديما ضدي وفي خاطري فشن اكبار غلايل
شايل احمولي خطوتي ماتهدي فالوطن متغرب بهمي جايل
وننهى افعيني حد لاتجّدي صيورها تفراج كل وحايل
ايام الصغا سا تنقلب وتعدي يبدل الله بالخير عام كلايل
********
احمول اكبار احمول كيدهن شايل مسا ونهار
احمول لاحقه للقبر لونقبار ماهن علي ابنادم احمول سهايل
ياالله ياعالم بكل اسرار وعالم خفا صدري وماهو شايل
من ياس داير دور مايندار ومايوم رينا ياس زين فعايل
ايريد عزقتي بالقو فوق النار غير في اعزومي مالقيش فلايل
ولوكان ماني عالشقا صبار ولوكان ماني من اثقال عدايل
ولوكاني لظلم الحيا دنقار راني امطوح في سفيل سفايل



الشاعر اكرم الشلمانى
::::::::::
يامو شايل احمول منعدل واحد و واحد مايل شديد شد حيل العقل

ويا مثقلـــــــــــــــــــــــــــــــــهن احمول واجدة كيف الجبل شايلهن

مجبور عقلنا ينتل وهو قابلـــــــهن امقدر ايعيش العمر حمله شايل

فوق من اكتوفه غصب هو حاملهن مـوش رد دين ولا ردود جمايل

واللي توجعك تعزق وما تنشلهــــن احبال التعب يرقن ابدلوك فايل

احمول واعرة يا صاحبي مثقلهن احمول ثقلهن جا فوق ما اتخايل

ولوتسالني انردك ابقول اجهلهن أصليت الحكاية ثاقلة ع القــــايل

وموش نوع واحد ع الدبر ناتلهن من كل صنف مشـــــكلات نتايل

ومن يوم يومه عقلنا طاعلهن مفطوم ع الحمول وشي ماهو نايل



شاعر : ناصر بوعجيله الشيخي
::::::::::::::::
صلايب صلب فوق من احمول زمان فيه ايقلب
ساير ابهن مازال مو متغلب.... من خوف ينقدوه وخوف قول القايل
ما من ادروب امعوكرات امهلب.... مشاهن وحبل الحمل عظمه طايل
وامفيت خالقه مالحد شكى لا طلب.... اللي كل شى فيده وبامره زايل
********
احمول ثقيله ومع حملهن ياخوى فيهن ميله
شايل امعاهن عالكتوف عديله.... وطريقه ارمال اسيوفها اتمايل
بطلان غير مو قادر ايقول القيله.... سواق حرش سواقه وسوطه عايل
********

الشاعر : عبدالمولى زيدان
:::::::::::::::::::
احمول اثقــــــــــــــــــــال صعيب حملهن واعر على الحمّال
مامن اللى حمله خفيف ومال ....فى شيلته صارن اظروفه حايل
ومامن اللى حمله رزين وزال ....ابصبره وحكمه جايبات بـدايل
والحمل الثقيل نشيل ياعقّال.... بروحى مجرب موش قولت قايل
اوّلّهن لامانه رافضتها جبال .... رزين حملها طول الزمان تهايل
وثانى احمولى مونةِ الرّحّال.... ليوم اللقا متقـــــــــابلين نزايل
وثالت حمولى وين ماننسال.... على فعل درته فالزمان الزّايــل
والرابعه خايف امْـــن الشمال تاخد كتابى ولا الجنه طــايــل
يا ماشايل,احمول منعدل واحد اواحد مايل, شديد شد حيل العقل
*******
شايــــــــــــــــل يـــــــــامــا.. حملى مثيل الكون وزن احجامه
معَبّى يتمايل فايضات اجمامه ....واحل ف شيله مالقيت وسايـل
العقل منّه يحوس فى دوّامه.... احمول القـــيامه دايرات علايـل
والحمل فيها بحسبته وجرامه ....ويا ويل حملى كان فيه رذايل
رقيب وعتيد وكل حد باقلامه.... يكتبــوا مــادرت منّه نايـــــــــل
وهاذا الحمل اللى صعيب اقيامه.... القرءان جـابـلنا عليه دلايل
وماهوصعيب عللّى كبيرمقامه يفرج جميع كروب هللى سايل
مانيش نا شاعر قوى كلامه.... نسر د الحمل اللى عليه انحايل
صلاتى وسلامى عالنّبى اختامه.... المولى الكريم مشرفه بفضايل
يا موشايل احمول منعدل واحد اواحد مايل شديد شد حيل العقل



الشاعر الصابر ادم موسى الورفلي
يامو شايل.. احمول منعدل واحد او واحد مايل..شديد شد حيل العقل
احموله كوم
منوطر ومارقن عليه اعزوم
قوي ممسكه حتى انكان ايعوم
شديد الفحل حمله عليه تمايل
اوقات ينعدل يحلى امعاه النوم
واوقات يمتلص ماعد ايجيبه جايل
سماحة العلل يجمل وهو منظوم
قليل دوته مامن معاني شايل
يقتل ويدفن في جضر واهموم
ايهوّن ابهن مشوار ياسه طايل
كن غيره العقل ايشيل مو مضيوم
احمول واجده ماشي عنهن حايل

الشاعر بوبكر الحوتى
يأشلماني أحمول وأجده فوق ألحمول أمقاني
بلا أوقا رادبهن علي زماني..... أوحادر أمعا ميراد غابي حايل
أنعكر أونسهل أبكيد أنعاني ..... قأطع ألواي ألحمل حيلا مايل
وأحمولك أللي في ركن مالركاني ..... وأتقول يأريتن أحمول عدايل
أوحق من خلق يادم حسدتك راني ..... حتى ونت تمشي في صهيد قوايل
جميل قابله حتى أوموبراني.....ضي ألنهار عليك زاد فضايل
أونا ألليل بسدوله رخا غطاني.....ومصادرات بالشرقي أمطار هذايل
فوق رقبتي قدم هلب مسلاني..... حملي أللي واثق أبقولي شايل
أيذاوح ألا فالروح موش أمواني..... أوناعشت مانعرف دهاء أوخصايل
أوماينطق ألا بالذكر دوم ألساني..... أوفالحق مانخشى علل من قايل



الشاعر عبدالله الشلمانى

شديد شد حيل العقل يموشايل احمول منعدل واحدولاخرمايل

شدحيل العقل
احمول مايلة شايل علثرالثقل
وبعدالمسافة مــــن مكان النقل .... وراقيبهن شلضم اجبال تخايل
لاتشيلهن في طـــــــايرة هيرقل.... لافي كراهب لارحيل زوايـــــــل
احمولك اتشيلهن في كنينك زقل.... وسايل اتساعد ماهناك وسايـل
واسماهن ا هموم ويدقلنك دقـــل.... واجدين خلنهم هشيم دقايـــــــل
دواهن الصبروقطعهن بالهقـــــل.... مع دفنهن تحت الرديم الهايــــل
واللي مايواريهن اتراب الحقـــــل ....اتركن علي ايسارالطريق عدايـل
وبينك وبينهن دير ساس امعقـل.... مبني ابطوب نسيان الزمان الطايل
وجامل ان صادفت الوجوه الشقــل.... وحايل ابماتقدر عليهن حايـــــــل

الشاعر عيسى العرابى

موش امبالى,, فى وقت سابق والزمان التالى
فاهق غراره ماحكاه الوالى.... دفين حجر فى هوبج اتراب مهايل
خذنه مســاهب فى مدار الخالى ....قيس فى فراغه للفراغ بدايل
استلهم افكاره من اوهام نزالى.... وين ماتراخن مالظلام سدايل
انتبع مساره وين ضاق مجالى.... فاو الخلا قابل على جمايل
.............

هاضا حاله ,اللى ماعرف مشكاه مايرثاله
منهن قريت ارموز فى رساله.... بداهن ادريس وجن ابيوت جزايل
هزن كيان العقل شد ارحاله ....امشرق على سوق الرحيل ولايل
الشاكى شكا ويريد رد عجاله.... واحنا عدايل تحت كيد عدايل
الدنيا قديمه للفلك بداله.... يوم برد فيه اويوم قيظ شعايل
سبحان من بناها فى فسيح مجاله.... اوخالق مراطب من اجذور فسايل
نخيل استوى واخذ احدود كماله.... ثوابت اثماره فالهواء بمشايل
اوعرف فروق الخيل للخياله.... اجودهن اكحيل اومن اكحيل سلايل
اوخالق الكون ابنسوتا وارجاله.... اوروح وحى نازل مالسماء برسايل
اوكبل اطيور حرار فى كباله ....عقاب وقتن ماتن امات هزايل
من جاله طليعة بيت صايف ماله ....منام خطف والا جاء وليد غلايل
اللى بالفتا مشهور مانفتاله ....غير قلت نوفى فالحساب مكايل
امعا من سبقنى ياك ناخذ داله ....التاسع العاشر فى عدد لاوايل

رد الشاعر عبدالقادر بوالحاج الجرارى

شايل همه..مامن اللي شايل عليه امغمه..
شايل سوايا من قريب الدمه..منهن ايكابر اليوم غيرايحايل

وغيبه اجواد كانت الا تسمه..شيالت الطايح واسنين عكايل..





شايل غيضه..واطي علي نفسه مايريد قريضه

ذراء للزمان يجرن علي تنفيضه..ارياح يبرمن ماهن خمود قوايل

يالعقل هونها العين مريضه..انهاست لاتاخذ ابقول القايل
اللي رادبه مولاي طيع اوريضه ..فيده ايبدل كل حالن زايل..

شيل اصبر..ديمه الكبير رايه سقيم ايدبر

تمقل الدنيا بشواش لاتكبر..انضاقت الها لازم ادير بلايل
لاتغربك ديمه الصيت ايخبر..اتنوض بالهبد واتفوت مامن خايل.

رد عبد الرواف جاد المولى الرفادى
شديدشدحيل العقل ياماشايل...احمول منعدل واحداولاخرمايل
ياماكامي....شديدشدحيله نين رق عزامي
ايدثمرامخليني اتقول امحامي....علي كل هم انديرفيه عزايل
اوكي انقوله كنك ايقول ايامي....متعاكسات من مطراقديم اوطايل


/////////////////////////////////////////////
لا اعلم من هو صاحب رأس البيت الى عارفة يعطينا اسمة الله يرحم والديكم

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
STAR
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 126388
العمر : 39
رقم العضوية : 31
قوة التقييم : 211
تاريخ التسجيل : 08/03/2009

https://tamimi.own0.com

الرجوع الى أعلى الصفحة اذهب الى الأسفل

راس البيت يقول ...ياموشايل حمول منعدل واحد اوواحد مايل  Empty رد: راس البيت يقول ...ياموشايل حمول منعدل واحد اوواحد مايل

مُساهمة من طرف محمد اللافي 2010-07-07, 12:46 am

ايموج ابنقله متصعد اوحادر ماشكا من ثقله
سوا المايله شايل سوا المنعدله تضايق اوقات اوللافراج اتخايل
اوصاحب السعد يلقى اللى ايحطبله اونا سعد عقلى اعزوم تلايل
اولايجى الحنظل فى مكان الدقله اولا البوم موكار النداوى طايل


حاظر يا اطعمه جاري البحث علي اسم الشاعر عندي جماعه توا يجبوة

المهم نشهد بالله انك ابدعت في الموضوع والقصائد الرائعه

ربي يعطيك الصحه

*************************************
محمد اللافي
محمد اللافي
مستشار
مستشار

ذكر
عدد المشاركات : 27313
العمر : 44
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

راس البيت يقول ...ياموشايل حمول منعدل واحد اوواحد مايل  Empty رد: راس البيت يقول ...ياموشايل حمول منعدل واحد اوواحد مايل

مُساهمة من طرف STAR 2010-07-07, 10:13 am

الله لا ايغيبكم يا غوالى اجعنا ما نفقدوكم يا بركة المنتدى

على هذا المرور الرائع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
STAR
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 126388
العمر : 39
رقم العضوية : 31
قوة التقييم : 211
تاريخ التسجيل : 08/03/2009

https://tamimi.own0.com

الرجوع الى أعلى الصفحة اذهب الى الأسفل

راس البيت يقول ...ياموشايل حمول منعدل واحد اوواحد مايل  Empty رد: راس البيت يقول ...ياموشايل حمول منعدل واحد اوواحد مايل

مُساهمة من طرف ابن الباديه 2010-07-07, 7:03 pm

اشكرك "ستار" على هذه المشاركة المتميزة التي تحتوي علي قول سمح متميز لشعراء متميزين ومعطمهم معروفين لكل المتابعين للشعر الشعبي في ليبيا ، وحتى الموضوع متميز ويصلح لكل زمان " الشعر الحي" ، حيث هناك انواع اخرى من الشعر تنتهي صلاحيتها بانتهاء الحدث او المناسبة التي قيلت فيها وذلك انا اسميه "بالشعر الميت". وما ورد في هذه المشاركة يناسب ظروف معظم الرواد
وفي اعتقادي انه اسهام متميز .

شوف مثلا الشاعر حبيب الصنقرى ايش ايقول :

شيلته مسهلها ... للي منعدل والمايله يعدلها ....
اللي اتعل يا شيخي دار غبيوا هلها ... اللي يفزعوا يوم اللطاش ولايل
بنايت المبوج فى هذيك الجلها ... ركابة اللى ما ايحمل لمس الجايل
على نجعهم وقتا ايبان هلها ... جضيض حشوها جضت نحل يشايل
عقاب ليل تصريدة انياب جملها ... اتحيد غمامه من اكبود ملايل
و كبيرهم ايدبر ادبارته مجملها ... عليهم انكان اعلموا وادى سايل
ايشدوا الرحيل ورايده فاولها ... نين ينزلوا فللي عفاه جدايل

هذا مثال واحد فقط ، والردود الاخرى للشعراء الاخرين لا تختلف في الرصانة والقوة عما قاله الصنقري.
avatar
ابن الباديه
لواء
لواء

ذكر
عدد المشاركات : 1788
العمر : 59
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

راس البيت يقول ...ياموشايل حمول منعدل واحد اوواحد مايل  Empty رد: راس البيت يقول ...ياموشايل حمول منعدل واحد اوواحد مايل

مُساهمة من طرف ابن الباديه 2010-07-07, 7:14 pm

كمثال اخر شوف الشاعر : "محمد حامد الشيخي" أيش ايقول :

ما شكى من داهن ... احمول له زمان ايموج هو وياهن
متصعدابهن ما سال في مرقاهن ... ولا فى طريقه جن ادروب سهايل
احمول وين ما مالن ايميل امعاهن ... علايل ايسوقن فى رحيل علايل
واجروحه ضميد الوقت ما داواهن ... متقرض ابراس اجلمه دمه سايل
وارياحه اتلاطش فى سحاب سماهن ... عليه من هناك ومن هناك ولايل
واهموم وين هفنّه ايحوس امعاهن ... حوست بناتيل القصيل الحايل
والله هو اللي قادر ايفك عناهن ... عظيم الرجاء فكاك كل وحايل
avatar
ابن الباديه
لواء
لواء

ذكر
عدد المشاركات : 1788
العمر : 59
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

راس البيت يقول ...ياموشايل حمول منعدل واحد اوواحد مايل  Empty رد: راس البيت يقول ...ياموشايل حمول منعدل واحد اوواحد مايل

مُساهمة من طرف STAR 2010-07-07, 10:34 pm

اعضاء دائماً متميزين سواء فى الردود او الاطلاع او المتابعة او التعقيب على اى شئ يخص المنتدى او تنبية او او او.....الخ؟؟



هكذا ينشئ المنتدى ويكبر ويصل الى جميع انحاء العالم فــ المنتدى ليس محصور على سكان المنطقة او على عائلة آل ارفاد او على ليبيا فقط بل يشاهد فية الزوار والاعضاء من جميع انحاء العالم فــ المنتدى تسمية بمنتديات عيت ارفاد ليس ليكون محصور لعائلة آل ارفاد فقط بل لتشتهر بة المنطقة والزوار والاعضاء من خارج العائلة يعرفون بأن هذا المنتدى يخص او يتبع عائلة آل ارفاد..فأى شئ فى المنتدى يكون فى وجهة الاعضاء من عائلة ارفاد فـ لنحافظ علية ولا نبادر بــ لكتابة او بنسخ ولصق فقط بل نتابع كل صغيرة وكبيرة من اجل الصالح العام لأسم عيت ارفاد فــ لنكن يد واحدة من اجل المنتدى فــ لنكتب مواضيع قيمة ولنتابع المواضيع المكتوبة بأدق التفاصيل ولنكتب عبارة شكر لصاحب الموضوع او المواضيع المكتوبة فى جميع آرجاء المنتدى
فكتابة شكراً او يعطيك العافية لصاحب الموضوع تجعلة يزيد نشاطة فى المنتدى ويبادر ببذل المجهود لجلب مواضيع قيمة للمنتدى
فــ شكراً لربما تكون كلمة تتكون من اربع حروف فقط ولا يستغرق كتابتها بضع ثوانى لكن فعاليتها كبيرة جداً فصاحب او كاتب الموضوع عندما يدخل على موضوع كُتب من طرفة ولا يجد احد مُطلع علية سوف يحبط ويقلل من مشاركتة فى المنتدى
لكن عندما يدخل على موضوع لة شخصياً ويجد الجميع مُطلع علية وشاكرة على هذا الموضوع سوف يزيد نشاطة فى المنتدى
******
معاً لنجعل المنتدى فى افضل صورة ولا نطلع ونغادر بل نكتب عبارة شكراً لصاحب الموضوع
.............
شكراً لكم جميعآ شكراً لمن قام بالرد على جميع مواضيعى فى جميع ارجاء المنتدى شكراً لمن قام بالتعقيب على مواضيعى شكراً لمن قام بقراءة الموضوع وليس مر علية مرور الكرام شكراً وشكراً لكم جميعآ يا غوالى....



تقبلوا تحياتى لكم جميعآ..اخوكم... STAR يا غوالى

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
STAR
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 126388
العمر : 39
رقم العضوية : 31
قوة التقييم : 211
تاريخ التسجيل : 08/03/2009

https://tamimi.own0.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى