غناوي وشتاوي علي دار عزيز ... دونكم الهن يا عيت ارفاد

تذكير بمساهمة فاتح الموضوع :

ربيع دار فيه العقل يحسا به زها عا ود بكاء

كنيب النصيب يجيب عزيز فيك يا دار نقعدوا

مازال ياالعين ايجول العقل في جلاوي اديراهم

حاست خذيتها للدار عميتها وما نريدها لها

لو كان كــل شيء يا عين يلقى إلا موح دارهم

إن نامت العين تجيـب سريب نـاس موح دارهــم

يطافــــر نهـدى فيه العقل واجعة موح دارهـــم

خلا قديم لنا دار واللي موش مليوع مايجي

انحودد ايامي فيك عطيت عهد يادار لجلهم

مليت من البكا فى الدار وطاول تصويتها على

كبيه يا العين الدمع على عزيز داره مقابله

بكيت فيك نين ابطلت ان جاء عزيز يادار اشهدى

لو كان مابكيت أمرضت للدار جيت وإعزاز خايلو

حتى وهى خلا تنزار مازالت عزيزة دارهم

بقيتي خلا واوهام رحل عزيز يا دار وسيبك


شتاوي

ماعندى للعين ادباره عزمى رق اوجت لدياره

ان كان بكيت ما فيها شئ ان جت لديار عزاز علي

انظاري مازالن هن هن يحوسن كي لدار يجن

بكا عيني في وسط الدار خلوج وسمعت صوت حوار

تباكن كيف تجن للدار عزام العزاية يا لنظار

دار عزيز علي خلوتها مانرتاح الاجلوتها

اتقول ولي صالح يادار عليك نبرم ليل نهار

الله الله يا دار عزيز البوم على الساس مراكيز

دار عزيز خرابه تمت كل البوم الجالي لمت

الله غالب يا دار انجيك امرايف على اللى كانو فيك

دمعى وسط الدار تمصا كيف ماصات اخر طاسه

لدار بقت كي ملك الجد انغايب مده ونعاود

حتى كان عزيز تواره مقطوعه سره في داره

نمشى واعى او مانى واعى شور الدار خفيف كراعى

ان ردينا منك يا دار نا والعين طوال عمار

قوييييييييييييييييييييييييييييييييييييه بكل
مشكوووووووووووووووووره (((((((ارياف))))))))))

مشكورين وبارك الله فيكم علي الموضوع والردود

والدار يابعيد ابعدك تطرد اتقول غادي وجايها

طرواهم زها للعقل... حتي وهي بعيدة دارهم

خايف شور الدار انجرك ... ما نلقى والي ونضرك

شلت دنوبك كان نهيتك.......وان شلتك لدار عميتك

دار قديم مازلت انجيها نذكر في ماضي فيها

مي كتب:شلت دنوبك كان نهيتك.......وان شلتك لدار عميتك

لاماتشيل عليك أذنوب ماتاخذ رايك لاتوب
مشكورة مي على مشاركتك

الدرسى كتب:خايف شور الدار انجرك ... ما نلقى والي ونضرك

بيدي شور الدار انتكي بالعاني في العين انبكي
بارك الله بك على مرورك

[quote="منتصرال جويفي"]بعيد دار مو يالاي وقريب غير ماني طايله

يسارب قريب ايضيع العمر بين لوهام والقدم

خايف للدار انعديبك...... من غادي نوحل في جيبك

قدامي وقيس انضري الدار غير ياما دونها

منوره اختي ارياف ومنورين كل الاخوه اللى ردوا بصراحه الجميع في المستوى بارك الله فيكم

انفتش في دار الغياب ضباب اطلقني شور ضباب

دار قديم اسباب اجروحي نحلف ونحنث في روحي

دار قديم عليها حالف غير الحي عليش ايوالف

نحلف ونحنث في روحي دار عزيز دواء لجروحي

الدار ياقديم ابعدك حلفت مانجيها وجيتا

ابقيتـــي يـــادار الغيــــاب .... زعــازيع وظلمــة وضــباب

الدار الي كنت انجيها طير البوم ايغرد فيها

دار عزيز خرابه تمت كل البوم الجالي لمت
يا دار عزيز انت كنك متدردر جيت الا منك

مشت لدار وملقيتهم حق اعزاز العين عطتم

صحيتي على الفكرة الحلوة .. ننتظر المزيد ,و تحياتي ~

كنيب النصيب يجيب عزيز فيك يا دار نقعدوا

ف الدر لو قعتي عام كلا عزيز مو جاييك

الدار بعد هاضاك العز,,,اليوم خلاها شين ايلز
الله الله يادار اعزاز ,,,بقيتي للبومه مركاز

اتقول جيبني ع الدار حتي وهي خلا عارفين خلو الدار مرض تمالي منها نين تردي حالي ا

ولد برقة كتب:يللى بعيد امفارق
ويللى خذيت العقل نومى سارق
عندى عليك ارياف منه شارق
ارياف شين فى كبدى امولع نار
يابعيد الدار
ماخطيتنى فالحلم ليل نهار
ديما معايا.......يابعيد الدار

مشكور خويا وصديقي عل الأبيات الجميلة وحبيت انقولك
من غادي ملطوط وشارق يابال اللي غالي فارق

بكيت في جلاوي دار....كنيب توقظولي ياقدم

كنيب النصيب يجيب عزيز فيك يا دار نقعدوا

انخاف يادار انجيك ... يخطر دلال ريته معا لقدم

غابو ع الدار عواقلها ..جدوا ناس وماهم هلها

ع الدار كي اتجو من هنا...تكوبها عطو نوع واهلبو

ايام وفيك عزيز مسمح عليك يادار برمتي..........