غناوي وشتاوي علي دار عزيز ... دونكم الهن يا عيت ارفاد

تذكير بمساهمة فاتح الموضوع :

ربيع دار فيه العقل يحسا به زها عا ود بكاء

كنيب النصيب يجيب عزيز فيك يا دار نقعدوا

مازال ياالعين ايجول العقل في جلاوي اديراهم

حاست خذيتها للدار عميتها وما نريدها لها

لو كان كــل شيء يا عين يلقى إلا موح دارهم

إن نامت العين تجيـب سريب نـاس موح دارهــم

يطافــــر نهـدى فيه العقل واجعة موح دارهـــم

خلا قديم لنا دار واللي موش مليوع مايجي

انحودد ايامي فيك عطيت عهد يادار لجلهم

مليت من البكا فى الدار وطاول تصويتها على

كبيه يا العين الدمع على عزيز داره مقابله

بكيت فيك نين ابطلت ان جاء عزيز يادار اشهدى

لو كان مابكيت أمرضت للدار جيت وإعزاز خايلو

حتى وهى خلا تنزار مازالت عزيزة دارهم

بقيتي خلا واوهام رحل عزيز يا دار وسيبك


شتاوي

ماعندى للعين ادباره عزمى رق اوجت لدياره

ان كان بكيت ما فيها شئ ان جت لديار عزاز علي

انظاري مازالن هن هن يحوسن كي لدار يجن

بكا عيني في وسط الدار خلوج وسمعت صوت حوار

تباكن كيف تجن للدار عزام العزاية يا لنظار

دار عزيز علي خلوتها مانرتاح الاجلوتها

اتقول ولي صالح يادار عليك نبرم ليل نهار

الله الله يا دار عزيز البوم على الساس مراكيز

دار عزيز خرابه تمت كل البوم الجالي لمت

الله غالب يا دار انجيك امرايف على اللى كانو فيك

دمعى وسط الدار تمصا كيف ماصات اخر طاسه

لدار بقت كي ملك الجد انغايب مده ونعاود

حتى كان عزيز تواره مقطوعه سره في داره

نمشى واعى او مانى واعى شور الدار خفيف كراعى

ان ردينا منك يا دار نا والعين طوال عمار

عطيت نوع وين هلبت**هضا عزاي في دار القدم

مية حي وحيه ايطارح**عاللي تموا غير مطارح
-----------------------------------------
وسلمتووووووووووووووووووووووووووووووووووووووووووووووووووا

شكراً عــ المرور ... صحيت خوى اسماعيل والى عندة ايزيدنا وما يبخل بلكل

الدار جيتا واندمت *** يوجع لقيت حالي وحالها

انعم انعم

شكرا للمرور والى عندة ما يبخل علينا بلكل

شكراً والى عندة يزيدنا

مرايفين ياغالي عليك انمسوا ... بريافنا ياريت يوم اتحسوا

عليك دار كنتي دار..........وعليك دار يادار باقيه

عالفايته انديرو عزم .. وانراجو اللي قاسمتلنا

الصبر ما قضى حاجات .... و عدن ايامه في الرجا

داوانــــــــا جديد اليـــوم....العين فالقدم راح سـوها

ياريت الغلا ماصار ... وجا حيل كيده علي

افراق العزيز صعيب تخريج روح ياناس واعره

فراق عزيز من مولى *** مكتوب غير عينى جاهلة

عزيز غاب يوم اشغلك..............انسيه ويش لو كان قلت لك

دار عزيز أكرهت أنجيها *** فيها ناس وهو ما فيها

كنيب ينصفن ليام=لنل زمان حاملين ظلمهن

ربيع دار فيه العقل يحسابه زها عاود ابكا

علي مساربك يادار...........نجو اوقات واقوات نوهموا

لو كان ياديار عزيز *** تزاحن شوي نين تقربن

العقل قالي بالعقل ..... ادير عزم وديار خاليه

تسكب اتريد الدار**من كثر البكا طاحت غفت

عالدار لو مطرتي عام .....بلا عزيز ماهي مربعه

شور الدار انظاري عدن**نت الياس ذوايح ردن

طبيبي ابقي مرهون=وياداء العقل نشكيبك المن

ننهي العين يمشي العقل**بلا عزيز ما عاد يقدرن

دارعزيزانجيه سرقه بكي وكبدي منحرقه

العقل و الدليل مــــــــــــــــــــــــعاك . و الروح ويش باقـــــــــــــــــــــــــــــــــــــى يا علم

العقل حط ايديه وراه بعدكم ما يبيش غلا

بروحه مشى للنار .. يستاهل الخاطر لذعها

اول العمر اوتاليه .. تخميم فى دنا صاحب الدنا

غيابه عليها طـــــال.....عزيز نين داره مسوتها

لو كان مابكيت أمرضت للدار جيت وإعزاز خايلو

دار عزيز اوهو خاطيها مقوا عزمي قاعد فيها