منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» الصلاة علي رسول الله+الاستغفار+ذكر الشهادة+كفارة المجلس
اليوم في 8:52 am من طرف ولد الجبل

» تهنئة بقدوم شهر رمضان
اليوم في 8:50 am من طرف ولد الجبل

» ................................
أمس في 9:57 pm من طرف mohammed.a.awad

» ركني/نبض قلبي/
أمس في 2:26 pm من طرف مكرونه جاريه

»  عناوين الأخبار ناسا: ثقب أسود سرعته 4.7 مليون ميل بالساعة طلب بيانات مالية قد
أمس في 1:57 pm من طرف mohammed.a.awad

» قائمة «ساسة بوست» لأهم الاكتشافات العلمية والتكنولوجية في الأسبوع الأول من 2017
أمس في 1:55 pm من طرف مكرونه جاريه

» شفشفه
2017-05-24, 3:21 pm من طرف لاجواد نا بنتهم

»  مقتل النقيب “منصور التيح”، أمر مشاة البحرية، بانفجار لغم أرضي.
2017-05-24, 9:03 am من طرف mohammed.a.awad

» *اكلات سهلة حارة x حارة*
2017-05-24, 12:15 am من طرف ساندي سلام

» قرار مجلس الوزراء رقم 131 لسنة2012 بتقرير بعض الاحكام في شأن
2017-05-22, 9:01 am من طرف neno55

» الأسبرين يقلل خطر الإصابة بسرطان البروستاتا القاتل
2017-05-21, 10:11 pm من طرف محمدالغرباوي

» درنه_الآن
2017-05-21, 7:52 am من طرف ولد الجبل

» عاجل الدول الكبرى تدين
2017-05-21, 7:48 am من طرف ولد الجبل

» الفلسطيــني الي يذخر والذي شارك في الهجوم
2017-05-20, 7:53 pm من طرف عبدالحفيظ عوض ربيع

» تمت السيـطره علــى "سوق_العرب"
2017-05-20, 7:47 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


جلسة تراثية

استعرض الموضوع السابق استعرض الموضوع التالي اذهب الى الأسفل

جلسة تراثية

مُساهمة من طرف حبة مسك في 2010-07-13, 10:28 pm

ها نحن نلتقي لنعلن أن التراث زاد... ونبث لكم أشعار وأقوال (الأجواد)... ولنسافر معاً عبر كلمات الأولين... التي كانت و لا زالت منهجاً يسير عليه عشاق التراث...
في هذه الجلسة سنبحر بكم في بحار التراث... و نغوص داخل الكلام الطيب...

مقاطع من قصيدة :
الرفق
للشاعر : ابراهيم الزرزور

هناك ناس ما ساعة اتطيق رفقهم
وهناك ناس تحزن وين ما ترافقهم
هناك ناس ايغلو
وينما اترافقهم رفقهم حلو
ما عمرهم دار الخراب انزلو
وما عمر والي عالصواب سبقهم
وهناك ناس من جوا مثيل السلو
حتى ان كان من بره الله زوقهم
هناك ناس الطوله
حرفتهم ديما يختشو مالمولى
اكرام وعصاره هل نفوس خجوله
ان عاشرتهم ماعاد شي تطلقهم
حتى لو ترافقهم العمر بطوله
حرام ما يديرو فعل به تزمقهم
هناك ناس عصاره
يستاهلوه الشكر مالشعاره
وهناك ناس فيهم كل شي خساره
مغير ثقل فوق ارضه الله خالقهم

حكاية عن ( العقول )

كان والدها مشهوراً بالتوفيق بين الناس لطيبته وحكمته فسألته الابنة كيف تستطيع التوفيق بين المتخاصمين؟ فقال لها إن اختصم لدي اثنين (عاقل وهبل)ناخذ مالعاقل ونعطي مايرضي الهبل لان المثل يقول (العتب علي صاحب العقل) فقالت الابنة : وان تقاضا لديك اثنان (بعقولهم)؟ فقال الوالد : ذوي العقول لا يأتون الي... لانهم سيحلون مشاكلهم بأنفسهم... الم تسمعي المثل الذي يقول (عطيني صاحب عقل نحكي نا وياه)
والشاعر يقول : اللي معاه العرف ما يتوصا
ايدير ما ايليق ويقبلوه اصحابه
فقالت الابنة: وإذا أتاك اثنان (هبل)؟ حينها يا ابنتي يقع والدك في مأزق!
ويقول الأجداد إن للعقول أنواع وهي :
عقل عامر
وعقل ثامر
وعقل دامر


من غناوي الرحا

القزون ما زال قزون و الدمع مالي عيونه
يذوح بين الحواشين ويقول وين الحنونة
الحرث يبي الملاحيح واللي يباتو سهارى
يلحو لحيح المجاريح عطو نومهم للفقارى
ضنيت ما في الضنا خير وربيتهم نين داجو
تموا كما خلفة الطير وين نبتوا ريش فاجو


نصيحة !!
من الشاعر : أبو بكر رابح

ما كل عوام بحار
ولا كل صياد صايب
و لا كل من طار طيار
ولا كل من شاب شايب
ولا كل سكات صبار
ولا كل من عاب خايب


افطن للدنيا
للشاعر والفقيه والقاضي..مفتاح بواعميه الفاخري

الدنيا قديمة حالبة الدهر في قدح
مالكبر بادت نين بانن ضلوعها
تبكي وهي تضحك وتضحك ما البكا
قليل اصلها ما تغر والي بنوعها
وان كان قلت عندي بوع نلحق حدودها
ارتاح يا فتى بوعك ايجي دون بوعها
وعالحال ما تجر الطرف عالناس كلها
وتقعد اتسفي في الخلا في صروعها

بطون النسا
للشاعر : عبدالله بو الروين

تجيبن كبير الشان يابطون النسا
وتجيبن اللي للموجعه حمال
وتجيبن اللي فزاع في ساعة الكدا
واتجيبن اللي قتله صحيح حلال
وتجيبن اللي جوفه امعبا بالهوا
نفيخ وزفير معا خليط هبال


الحكمة في غناوي العلم والشتاوي

ارحم خلايقك في لرض واللي مريض عافيه يا لله
باهي اللي الارزاق عالمولى وما هن عالعرب
قسام العقول رزين عطا وحود و وحود ما عطا
صيوره الحي ايموت وماله نبا فيت العمل
برام واخذك يا عقل ياريتا مرض نين ينشكا
ايجيك امر توحل فيه حتى وانت قاريه تجهله
الدنيا كيف شراب الطل زهاها عمرا ما طول
الدنيا حطاطا وتشيل معاركا مو فارس خيل
ياليام الكن نقلابا عام اجداب و لاخر صابا


جروح

جروح كامدات الروح طبيب ما علي داهن ايجي
جروح كاسرات العظم طبيب ما علي داهن ايجي
جروح طارشات الوذن طبيب ما علي داهن ايجي
جروح سالات القلب طبيب ما علي داهن ايجي
جروح عاميات العين طبيب ما علي داهن ايجي
جروح ساحنات الكبد طبيب ما علي داهن ايجي
avatar
حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: جلسة تراثية

مُساهمة من طرف STAR في 2010-07-19, 5:39 pm

مشكور يا غالى على ما قدمت دائماً مميز بكل ما تأتى بة الينا شكراً لك على هذا الطرح الرائع يا بركة المنتدى وى انتظار القادم منك يا اطعمة

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 115527
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى