غناوي علم وشتاوي اتصدق

الاسطوره كتب:اتصــــــــدق
اتصدق ماصدقها حد ......اللي قتله مرهون ايرد
اتصدق مازلت امصدق.....عزيز بعد ياسات انطق
اتصدق وايدي فيد اجدد .........اقدم ماطلقولي شي يد
اتصدق من غيبت القدم......... نرقد وانوض علي هم
اتصدق مازالن لنظار......... ايديرن وين ايهف نهار
اتصدق ماصدقنا صار....... غلاهم من عازت الانظار
اتصدق لوما خوف الله ........الغالي هلبتا لضناه
اتصدق مانصدق في حد .........عزيز بعد في قوله رد
اتصدق وين ايهف علي ....قديم ايغلبني فالدي
اتصدق وين اصير اخلاف....... انرايف عالولاف ارياف
اتصدق مازال المرهون.....ايدز ونا صاحب واشون
اتصدق مازلت امراجيه....غني والعيل بين ايديه
اتصدق من ساعت ممشاك....وهو لاتو العقل امعاك
اتصدق ما نحساب اتسير............ غوالي يلتفتو للغير
اتصدق ما نحساب اعزاز ....ايبعيوك بكلمة تقاز