(شتاوة وغناوة علم علي الياس والقديم )

من طرف **عبدالحفيظ عوض ربيع** 2010-08-19, 10:02 am

غيات عقبهن ياسات~~~مااهناك شي علايل كيفهن

عويله الغلا من الياس دوايح قزازين يشغلو

سيل الياس خدانا سرقه لاغيم لاشكع برقه

ستين ياس بوهن ياس ان غاب ياس ماراي وبرن

زويت يالياس عزيز بفيت لادز لاني فزع

دونك يالجديد اجروحي راك اتعوزني في روحي

درت غلا طق اسبوع~~بيكي علي عامين ادمع

خلصت من ديون الياس العين لاعليها ولالها

حتي والمواير ياس غلا عزيز مانتركه

حتي الياس امتومج له مايموت غلاي الابجله

جنين غلانا من الياسات تقلب هك وهك ومات

تبديله غلا بياس كواين لغيري ماجرن

بإدن الله قديم انرده @حتى كان لغيري عدا

بعد رديم الياس شفيت نار لولاف لهلبت

بعد ماكان الياس خصيم اليوم امسلم لي تسليم

ترهن ياعين ولابده بعد الياس وطول المده

جيش الياس اليوم تحطم من موج غلايا متلطم

ديب الياس بعد صادفني رحب بي وطول عرفني

ديب الياس سمعته عوه في خلاق غلايا جوا

ديب الياس عليا هازي في شلاق غلاي ايوازي

ديما الياس بصرواخري بعد لولاف يقسمو

رباني ونا قزون الياس بوي وانا جبنينه

اطلق سراحنا بالله انطني خديت عمري ياياس

ازعما يا ايام الياس اتنين معاي ايش طولكن

احصل دواي فيد قديم واحصل قديم فيد غيرنا

اتقول راضعين معاه علقت الياس فين طولت

أتباب كل يوم ابراي مسكونه الغلا مالها دواء

ءاخر طبيب جا للجرح....اوحل وقال جيبوله اقدم
_
اتعبي ياعزيز وراك _صدقة كان صوبك ماقسم

موش كله من الياس حتي الوقت موداير اشوي@

اتشيب وانت في مصباك~~~العقل لوايشاكيك بالوجع

اجروحت غلاي اقشرن~~~كلاسطيرهن هو لولي

ارضيت بالجفا والياس انسيت ناس كانوا منايتي

أصحيت للغلا تالي~~~واجعانتي ايامي الهالبه

رحيل خاطري مغلوب من الياس لابات لاركح

سقوها سموم الياس تحسابه دوايا نو برني

شارك الياس خلويدين سبايب لطوطك ياعين

صبالي وزيز الياس نساني غلا موبرداتي

ايسير في غلاك رجوع بعد الياس لوكان ياعلم

صيور صبرنا ماحيه الياس مو علي طول عمرنا

الياس وارتة ميراث جدي مات لبوي عقبه

امفيت يالياس انموت مني غلاي ماك واخده

الياس امعسكر في لقسام انريده يرحل دار اخيام

الياس مالقي مايدير القي حداي لولاف شالهم

اللي خلتني بين وبين اقدم دزو ياالجديدين

اللي عجبتني في لولاف انرايف ويجوني برياف

العين مخليها مرهون قطيعت كبده علي كانون.

اللي ماعمره دار اولاف ايقول اسمور الليل قطاف

العقل القيت ياس من غير الجضر

العقل في النهار ايدوج وفي الليل ميعادالبكاء

الدار اوعزيراونا اجرعطيم ياباكيلهن

الشيب اركبني من يالاه عزيزاللي ماصر ضاه

الخاطر بين اجدد واقدم تهلع ماضني يلتم

الخاطر ديما يالقديم~~اطرافه طارح للتلويم

ألجديديقدم والقديم ايبيد@الاقديم الغلا ديما غلاه جديد

الخاطر ضل ورا مرهون@انضر خاتمته كيف اتكون

العقل مالكه القديم~~~ميراث ماعطي والي اقرع

طارح فراش الياس العقل نام نومه ريحه

طلمن خاطري الياس في غلانا مزارعه

غلاي وين دار اثمار مشي له الياس وقطعه

بابعني ياياس اجباري للوقت اووقتي شاري

انيدر جديد وماني رضي~~~خايف من تكرار لماضي

ايام الياس مكتوبات لهن اجل ياعين يكملن

الياس وين جاه الموت جميع ضناه وصاهم علي

الياس مالقي مايدير مسك غفير في دار الغلا@

الياس رقدلي في لفراش قعد راقد ونا عساس

الياس باعني للوقت والوقت ماشراء نين باعني

الياس ابقي لي من الصاحيب علي ينشد وين انغيب

القسم لاظني عالدنو عزيز فيه ياطول عازتي

القيته الياس الحنون يبكي معاي حالي واجعه

العقل واخد مرهون~~~رهينه عليه دين الغلا

العقل امتومح للياسات اللي ماوخر برضه مات

العازه والياس رفيق عزيز غاب خلاني لهن

الخاطر يحسابوه سليم.طلع مسكون بصوب قديم

الخاطر بين اجدد واقدم تهلع ماضني يلتم

الخاطر ايكبد فيه الدم@انقول اجدد ايقول اقدم

أقدم مازالوا هم أقدم.أجدد ماعندي بال لهم

إقدم انمكر فيهم وانكيد@حداهم داير صوب جديد

اقاب منانت غير اوقاب~~~الشيب ايجبنة لوعات

أشفقت يامداوي الجرح~~اسمله علي ناشايله

أغنيت اوضنيت أوشبت _ وانموت والقذم في خاطري

ادير اللسنه هك اوهك~~~النار انطفوها واتك

ارضي يياسهم وانسي عزاز مرجاهم طول

اسين ياعزيز وياس~~~اللي خاطري في خلقن

اطريقها عزيز اهدلت الها زمان عيني مابكت

ابدار الغلا من الياس دفيت مات عرقا ماخلب

ابرمت بي ناوايا~~~طفاي نار مرهون مرتبك

ابكاي علي خوتام اليد ابكا عيل ولديه فقد

اتجوني ديما يالولاف ... أتزيدو في امغير ارياف

اتصادق ماريحلي شي@أن غاب قديم جديد ايجي

اتصدق من غيبت لقدم@نغفي وانوض علي هم

اتفيك دمع عالولاف فجيه موطروي اتشاوري