منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» بلدية بنغازي تسلم صندوق الزكاة مبلغ مالي كمساهمة منها لتوفير أضاحي العيد
اليوم في 8:57 am من طرف STAR

» ليبيا تخسر 40 مليون دولار من إغلاق “الشرارة”
اليوم في 8:57 am من طرف STAR

» المؤسسة الوطنية للنفط تؤكد إعادة فتح حقل الشرارة النفطي
اليوم في 8:56 am من طرف STAR

» الخطوط الأفريقية تحيل مليوني دينار إلى حساب الشركة الليبية للمناولة
اليوم في 8:56 am من طرف STAR

» الشركة العامة للكهرباء تعلن عن عجز متوقع اليوم بحوالي 1600 ميجاوات
اليوم في 8:56 am من طرف STAR

» وصول ستة ملايين دينار إلى مصارف سرت وثلاثة ملايين إلى مصارف بلديات الواحات
اليوم في 8:55 am من طرف STAR

» الخدمات المالية أوجلة تحيل رواتب شهر يوليو إلى المصرف
اليوم في 8:55 am من طرف STAR

» عنزة هندية ترعب قرية بأكملها.. شاهد كيف تبدو كـ"الإنسان"
اليوم في 8:52 am من طرف STAR

» يبعد عنا ٣١٠ سنوات ضوئية وعمره ٢٧ مليون سنة.. لهذه الأسباب الخليجيون متلهفون لرؤية "نجم سه
اليوم في 8:50 am من طرف STAR

» برشلونة يقاضي نيمار
اليوم في 8:46 am من طرف STAR

» هذا الممثل هو الأعلى أجرا في هوليوود
اليوم في 8:43 am من طرف STAR

» حدث في مثل هذا اليوم August 22, 2017
اليوم في 8:43 am من طرف STAR

» الصلاة علي رسول الله+الاستغفار+ذكر الشهادة+كفارة المجلس
اليوم في 8:36 am من طرف STAR

» (( نلقى فيك غالي / للشاعر علي شحات ))
اليوم في 8:36 am من طرف STAR

» حدث في مثل هذا اليوم August 21, 2017
أمس في 9:11 am من طرف STAR

بحـث
 
 

نتائج البحث
 


Rechercher بحث متقدم


رقادة ريح ....

استعرض الموضوع السابق استعرض الموضوع التالي اذهب الى الأسفل

رقادة ريح ....

مُساهمة من طرف حبة مسك في 2010-08-29, 1:22 am

حكى أنَ
راقد ريح وهم كثر ولا حصر لهم ، عنده سيارة بيجو 504 عائلية ، لا يملك من الثياب إلا قامشو أزرق باهت منجرب ، في جيبه بعض حبات التراب ، خرج من بيته ناويا العمل بسيارته ، أوقفته عائلة ليبية ، شايب وعيل وثلاث بنات وعجوز ، عيل بايخ ينتش في فودرة السيارة ‘ صاحبنا زامط وساكت ، بنات من الوزن الثقيل ، من قل الحركة في انتظار العريس الأحمق ، المهم اركبوا في السيارة ، قالوا لصاحبنا نبوا ونعطوك عشرين دينار ، طار من الفرحة ، ولع وشريل ونفخ اشدوقه ، ليله فانتزية نا والعيال والولية ‘ فيها كيلوان لحم خارجي بو سته جني ، ولا سقطتين من خفيف الوطية ، دجاجتين أعني ، وصلوا التميمي ، بعد سماعه قصص عن مختلف عائلتها ، عية اسليم جوزوا بنتهم لواحد سوداني ، ياعيب عليهم ، طبعا العجوز لو حصلت عرسان لبناتها من الاسيكمو لن تمانع ، عية هلال ولدهم مشى العراق ، خاصه العراق تريس ‘ علق صاحبنا . المهم نزلهم قدام حوشهم ، وما عنده علم ويركب فيها وعد الله ، واك علي واك ، يانا علي يا جدي . جدهم توفى ، والتموا الجيران ونصبوا الخيم والشاي تم يربخ ، وصاحبنا واقف ما عارف ربه بيش بليه . قمعز في خيمة العزاء ، يرجى شي واحد يقوله هاك ها العشرين جني ، ما عدل عليه حد ، قال نصيب والله غالب .
توكل على الله ، في جيبه ثلاثه جني ‘ قال نعبي بنزينه بجني ، ونفطر بالجني ، ونروح ، ركن على يمين الطريق ، ونزل من السيارة جنب استراحة من أقذر ثلاث استراحات في شمال افريقيا ، سمع واحد ينادي ، بوعزيزه بوعزبزه ، شنو حالك ، اياك طيب ، كيف انك ، مرحبا مرحبا ، لومينه واحد صاحبه من ايام الجيش يقولون له الناجي الزايط ، هكذا لقبه في الجيش ، ويا ويلك إذا حصلت على لقب في ليبيا ، يا بوعزيزه عندي لك حاجة ما صارت ، شني يا الزايط ، عندي لك بدالي عربية البدلة بدينار واحد فقط ‘ معقوله ، علي اليمين كيف ما نحكيلك ، بوعزيزه ضرب اخماس في اسداس ، قال والله ها القامشوا الممعفن نين صدى على جلدي
ما فيها شئ ان كان متعت روحي شوي ، وين ها البدالي يا بو الزايط ، اهن معاي في السيارة ، تبي وحده ، موش مكروه ، واشترى بوعزيزه البدله العربية وكانت هنا بداية النهاية ، دخل المطعم ، وخذا سندويش مفروم وشيشة كازوزا ، ودقهن وحمد ربه ، ودخل للحمام بيش يغير دبشه ويلبس البدلة العربية ، الحمام ارتفاعه لايقل عن 2.5 المتر وعرضه حوالي 90 سم وفيه فوق روشن ( شباك ) حديد اصغير امشبك بحماية تهلب باكو شاي اخضر موش احمر ، خش الحمام ، سكر الباب ، وسلح أو حول القماشو ولمه كله في يده لفلوفه وحده ورماه بكل ما اوتي من قوة من روشن الحمام ، المهم ولان صاحبنا راقد ريح أصابت رميته وطب القامشو بره ، فتح شكارة البدلة العربية ، وطلعها ، فإذا بها سورية من غير سروال ، فأسقط في يده ، وتمتم عليك راقدة ريح اليوم باين من اوله ، شن ديرت في روحي ، يانا علي ، عليك فضحية ، وتصبب عرقه ، شني ها المصيبة يا ربي ، خبر يفلق الجعب الإيطالي ، ايش اندير توا ، اخيرا هديت اعصابه وقال ما هو نايض ما هو نايض ، لبس السورية ، طبت لعند ركبه ، تلصص على زبائن الاستراحة ، هدي الجو ، فتح الحمام بشواش ، وسلحب شور السيارة ، وهو منحني الظهر لستر ما تبقى من ساقيه ، واركب ورد شور هله ، ولع شريط غناوي علم لحميد السعيطي ، وجت غناوه على فاقهه (( خاطره او مزاجه )) والغناوه هي (( تقول راضعين معاه علقت الياس فينا طولت ))، وشهق شهقة قوية عبرت عن راقدة ريح اكثر من مليون ليبي .

نقلت عن أقلام ليبية بمعرفتى لكاتبها ---- جابر سعد

منقول ....


عدل سابقا من قبل حبة مسك في 2010-08-29, 1:23 am عدل 1 مرات (السبب : تعديل كلمة)

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
حبة مسك
مشرف
مشرف

ذكر
عدد المشاركات : 3906
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: رقادة ريح ....

مُساهمة من طرف محمد اللافي في 2010-08-29, 1:40 am

هههههههههههههههههههههههههههههههههههه
هههههههههههههههههههههههههه
هههههههههههههههههههههه
عليك بخت ههههههههههههههههههههه
مشكور حبه مسك ضحكتني والله
avatar
محمد اللافي
مستشار
مستشار

ذكر
عدد المشاركات : 27313
العمر : 37
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: رقادة ريح ....

مُساهمة من طرف جلنار في 2010-08-29, 1:52 am

خبر يفلق الجعب الإيطالي ههههههههه
مشكور عالطرح الرائع
avatar
جلنار
مستشار
مستشار

انثى
عدد المشاركات : 19334
العمر : 28
رقم العضوية : 349
قوة التقييم : 28
تاريخ التسجيل : 19/07/2009

الرجوع الى أعلى الصفحة اذهب الى الأسفل

رد: رقادة ريح ....

مُساهمة من طرف الكابتن في 2010-08-29, 8:56 am


مقطتفات من القصة :
وصلوا التميمي .......
ونزل من السيارة جنب استراحة من أقذر ثلاث استراحات في شمال افريقيا ...
الراجل شكله جاينا ههههههههههه
مشكور حبة مسك


-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
الكلمة الطيبة صدقة
A good word is charity
avatar
الكابتن
المشرف العام للمنتدي
المشرف العام للمنتدي

ذكر
عدد المشاركات : 14581
العمر : 49
رقم العضوية : 1
قوة التقييم : 423
تاريخ التسجيل : 15/08/2008

الرجوع الى أعلى الصفحة اذهب الى الأسفل

رد: رقادة ريح ....

مُساهمة من طرف المرتجع حنتوش في 2010-08-29, 8:58 am

مشكور
avatar
المرتجع حنتوش
مشرف قسم المنتدي العام
مشرف قسم المنتدي العام

ذكر
عدد المشاركات : 21264
العمر : 25
رقم العضوية : 121
قوة التقييم : 41
تاريخ التسجيل : 10/04/2009

الرجوع الى أعلى الصفحة اذهب الى الأسفل

رد: رقادة ريح ....

مُساهمة من طرف c.ronaldo في 2010-10-25, 8:58 pm

مشــــاركه خبـــرهـا مــو هنـــا بلكــل.:.بــــــــــــــــــــــارك الله فيك...
avatar
c.ronaldo
مستشار
مستشار

ذكر
عدد المشاركات : 16314
العمر : 32
رقم العضوية : 559
قوة التقييم : 94
تاريخ التسجيل : 26/09/2009

http://tamimi.own0.com/profile.forum?mode=editprofile

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى