زعما ياقمر راه منهاس

زعما ياقمر راه منهاس...........وغونن وسالن ادموعه
والله مانظر سو لاباس...............بوعين قر مهلوعه
بوخد كي ضي وناس...............والا برق داير شلوعه
غثيثاتخابل اكداس ...................نين كايده في نسوعه
علي زول للبس سطراس................لباس كلماجد نوعه
موش لبس ميع انجاس...........والله لبس موضه شنوعه
هي شوف مكرومه خماس........لا انجشرت لي دنوعه
وتوالي بطرزالحلاس...............وفارس ومودون بوعه
في يوم علو الحساس................والراس واعر بيوعه
وشراهن بنار ورصاص............ونبات كم كبد مقطوعه
شياهين من نسل برعاص...........نواره الجبل في ربوعه
موش زغزغي موش قرناص......كيف بدرها في طلوعه
بلاش جرجره هالقصاص.........وهالعقل منصوب نوعه
من عين ريم حصحاص.............فيه خلفت مي بطوعه
اسوقط انظر وخلاص.............كبرت نارها في ضلوعه
من نار الغلا داه نساس.........وان كان ضاع سبه ضيوعه
يبنيه عالخيا بنيه الساس............اللي ان تم ساهل وقوعه
وديما بلولاف هتراس...............وديمه العين مخدوعه
يهاوولها بالغلا ناس.................وتعشق وتصبح ولوعه
وتالف تخش الركاس...............تنزح درار وتزيد فوعه
وتجود نين تيبس ايباس...........وترق نين تذبل فروعه
نباته اللي فارض ترفاس.............بدرت وجنها دفوعه
وهلها مشاهير وافراس..........قداعت العدو في طموعه
لاياخذوا بالغراس.............ترباي نفس وطرود جوعه
ولاقيطنوا فالخصاص..............غوشهم يزهن انجوعه
هالبيت كوحلوا بقاص..............جديد نشو سمح القلوعه
قدامه ربط بواجراس.................صهيله هرير السبوعه
اللي مالعرن خشن اقفاص.........اشداد الحصانه المنوعه
جملهم متين القلاص..................ان هدر يدير قربوعه
رعد زام في مزن يتراص......صيم غواطين سمحه رتوعه
وين شال لباس الخراص..............وقادا لذيذ الطبوعه
ابريق شق مالح برفاس..........فارياح الشتا في صقوعه
ورفقهم الطيب اجناس..............مرابط تقي في خشوعه
لايحط صادقه وينداس...............ولايضايقوه بدشوعه
هضول هلك ياريم لشرس........رتاعه الوعر بوجبوعه
واللي ماشرب نار لاقاس......حتى ان قال ريتوا بروعه
مازال في هالمقباس.................نارك وفرقت بتوعه
معاها سميت الياس.................اثاين وقاضن دروعه
هاذاك الثقيل ازاحه مزاحات عذوه السيل....

مشكور ياحمدي علي الشعر

مش منهاس ريح روحك يا بو عريف

مشكورين يابوالمرتجع ويا بو مكتوبة

امنور يابوعريف مكشور جدا"جدا"

مشكور على المرور اخى مومن

منور ومشكور ياحمدي

شكرااخى اشرف
على مرورك الطيب

احسنت نتظر منك الجديد