منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» العضو سيف التميمي يحتاج منكم الدعاء بالشفاء
اليوم في 1:19 am من طرف جمال المروج

» ﻧﻮﻳﺖ ﺍﻟﺴﻔﺮ ﻟﻠــﺮﻣﻠﺔ
أمس في 6:16 pm من طرف عاشقة الورد

» كلام لا يفهمه إلا العقلاء
أمس في 6:03 pm من طرف عاشقة الورد

» المنتقى .... من كلام أهل التقى
أمس في 5:42 pm من طرف عاشقة الورد

» بالصور: تعرف على السر وراء وضع البعض أكياس الماء أمام أبواب منازلهم!
أمس في 11:31 am من طرف STAR

» «بلدي طبرق»: الحكومة الموقتة أصدرت قرار لشراء المواد الكيميائية لمحطات التحلية
أمس في 10:52 am من طرف STAR

» ضبط مهربين بحوزتهم كميات كبيرة من مخدر الحشيش وحبوب الهلوسة جنوب إمساعد
أمس في 10:51 am من طرف STAR

» طبرق.. الكتيبة 108 تعدم قنطارا ونصف من المواد المخدرة
أمس في 10:51 am من طرف STAR

» تَقريرٍ ليوم الأثنين عن الحَركة اليومية للسُفن في ميناء طبرق البَحري
أمس في 10:50 am من طرف STAR

» إغلاق القُنصلية السُّودانية بالكفرة و مُغادرة الطاقم خلال 72 ساعة
أمس في 10:48 am من طرف STAR

» هل أنت جاذبٌ لـ”البعوض”؟.. العلم يجيب على ذلك
أمس في 10:48 am من طرف STAR

» الضمان الاجتماعي يأمر بصرف المرتبات.. و تفعيل “السُّلف للمتقاعدين”
أمس في 10:47 am من طرف STAR

» حلوى بسكويت الزبادي بالنسكافيه
أمس في 10:46 am من طرف STAR

» 3 نصائح للعناية بشعرك بعد البروتين
أمس في 10:46 am من طرف STAR

» كيف تنقذين شعرك وبشرتك من أشعة الشمس الحارقة؟
أمس في 10:29 am من طرف STAR

بحـث
 
 

نتائج البحث
 


Rechercher بحث متقدم


غنى الفنان عبدالله الرويش صبرك على بلواك فرد عليه شاعرنا الشعبي بوبكر رابح

استعرض الموضوع السابق استعرض الموضوع التالي اذهب الى الأسفل

غنى الفنان عبدالله الرويش صبرك على بلواك فرد عليه شاعرنا الشعبي بوبكر رابح

مُساهمة من طرف حمدى عريف في 2009-04-27, 11:20 pm

غنى الفنان عبدالله الرويشد
صبرك على بلواك-------ولاصبر غيرك عليك
ومهما الزمان شقاك-----ايجى يوم يصفى ليك
اصبر على سرك-----خليه فى صدرك
يصبر سوا وياك-----صبرك على بلواك

فرد عليه شاعرنا الشعبي بوبكر رابح

برد يحتوى على الحكم والمواعظ القيمة
==================================
صبرك على بلواك راه شجاعة------------ايقولوا ولايصبر عليك الغير
وطاعة الله ماخير منها طاعة-----------الخالق اللى بالخافيات خبير
وعيش كيف ماتلقى بكل قناعة-------وعلى مهلك ديما فى طريقك سير
عزيز نفس لاتبقى من التباعة---------ولاتخش فى مسرب ايكون خطير
ورفيقك ان ريته تم مالخداعة---------قص رفقته واترك طريقه خير
ان ماهضا تاخذهن جميع اطباعه--------واللى دايره كيفه اساع ادير
واسحا مالتهور من اريا الجماعة-------يرخوك وين ماتوصل لقاع البير
ولاتخالط العفنين والدشاعة-------ارقاق الغرض فيهم اساع اتحير
واحذر وخوذ الحذر مالطماعة------امفيت المصالح مالهم تفكير
ولاتصدق اللى رددوا ليشاعة------نقالة كلام ايشهروا تشهير
ولايرهبك سفاح جاب اتباعه-------ان تما إمانك بالعظيم كبير
واللى تفقده تبقى حتمت اضياعه-----وتريد عطوتا موحال كيف ايسير
وان تمت اموية جدولة دفاعة----------الوادى امحركله اشبوب غزير
وكل يوم تلفى عالبلاد ابضاعة------والشاطر القى لبضاعته تدبير
ويطيع الذكير الصلب للصناعة-------واللى هضا بافكاره اشكال ايدير
ومعروف كل حد يشكى بضيم اوجاعه------ويسمر الجرح ان دال بيه سطير
ويقولوا خطاها جيهة الزعزاعة--------والطير مايجيبه كان طار صفير
ودارك ان تمت ريحة بوزاعة-------------واجب عليك اتعول فالتغيير
وحتى النمل يبنى بيت طرح القاعة-------تقصير للتعب ياجد احذاه المير
وبيتت ضنى جاره احذاه جواعة-------يرضابها مفيت اللى عديم ضمير
وخاصة ان تمن باهيات اوضاعه-------ميسور حال متفرش فراش حرير
والمال راه مايشفع نهار شفاعة------ولايحول دونك ساعة التقصير
مهما كان واجد كاثرات اوضاعه------ان خشا اربا رزق السطير ايطير
وتجرك الدنيا شورها تداعه--------------وتجى معاك تزهالك تعيش امير
وتخليك سيد كلمتك موطاعة-----------وتزيد ترفعك يبقى نباك شهير
واللى قبل هايب دعكته وصراعه--------ايطيع ويبقى فى ذراك اجير
وبسبلة انك داير خطوط زراعة--------اتضيق بياح الله بالتحجير
وتنساه ثوب الفقر بورقاعة--------وتنسى جميع الحزن والتقهير
فالخير والنعيم اتغرق للقباعة--------ظلام الحياة ايردلك تنوير
وان لطت امعاك اتضيعك فى ساعة---------بالهم والكدا غفلة عليك اتغير
رباية مصايب للشقا وزاعة--------تقنيد كسره ما ايلايمه تجبير
وبوعقل مالساهل عليك اقناعه---------ولاو مستحق الشرح لاتفسير
وهالوقت حتى الطفل بو رضاعة---------واقظ لكل اللى حذاه ايسير
انكان مركبك تما قديم اشراعه--------مانك اللى مجبور عالتبحير
اذكر اللى قبلك حضرت اوداعه--------وكيد المعزى جاى عالتصبير
وراهى الناس بطبعها شناعة---------بسرك ايعولولك على تدمير
بين الحبايب للفتن زراعة------------خرابة ايزيدوا فى العلل تطوير
مواقف ايمرن فى الحياة ابشاعة---------الميت امسجل حى بالتزوير
وحق اليتيم اوكل ابكل جشاعة-------وهو مهلكة يفتح ابواب سعير
شافقين تحلف واحيين مجاعة----------ايريدوا زها زايل مداه قصير
الناس كى اللى نسيوا قيام الساعة------وناسيين ضيق القبر وتغسوير
يوم فيه تفشل فزعة الفزاعة------------باستجواب منكر عالخطا ومكير
وياعون من وفى العمر بطاعة-----------يستبشر بخير وهن اعماله خير
ومسك الختام ايكون للسماعة----------نصلى عليه رسولنا البشير
avatar
حمدى عريف
رائد
رائد

ذكر
عدد المشاركات : 589
العمر : 34
رقم العضوية : 99
قوة التقييم : 9
تاريخ التسجيل : 03/04/2009

الرجوع الى أعلى الصفحة اذهب الى الأسفل

رد: غنى الفنان عبدالله الرويش صبرك على بلواك فرد عليه شاعرنا الشعبي بوبكر رابح

مُساهمة من طرف بوالفرايس في 2009-05-12, 1:56 am

بارك الله فيك على المشاركه
avatar
بوالفرايس
لواء
لواء

ذكر
عدد المشاركات : 1508
رقم العضوية : 3
قوة التقييم : 40
تاريخ التسجيل : 03/12/2008

الرجوع الى أعلى الصفحة اذهب الى الأسفل

رد: غنى الفنان عبدالله الرويش صبرك على بلواك فرد عليه شاعرنا الشعبي بوبكر رابح

مُساهمة من طرف STAR في 2010-05-20, 8:43 am

مشكور على هذة المشاركة الجد قيمة

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله
avatar
STAR
النائب الثاني للمشرف العام
النائب الثاني للمشرف العام

ذكر
عدد المشاركات : 116952
العمر : 32
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى