منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
أمس في 10:37 am من طرف STAR

» مباريات الخميش 8/12/2016 والقنوات الناقلة
أمس في 9:39 am من طرف STAR

» مباريات الاربعاء 7/12/2016 والقنوات الناقلة
أمس في 9:38 am من طرف STAR

» مباريات الثلاثاء 6/12/2016 والقنوات الناقلة
أمس في 9:37 am من طرف STAR

» مباربات الاثنين 5/12/2016 والقنوات الناقلة
أمس في 9:36 am من طرف STAR

» Sky Sport News HD Deutschland مجانا على قمر استرا 19 شرقا
أمس في 9:34 am من طرف STAR

» قنوات الشرينج الناقلة للمباراة برشلونة وريال مدريد
أمس في 9:31 am من طرف STAR

» ليبيا الجميلة كما لم تشاهدها من قبل.. فيديو
أمس في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
أمس في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
أمس في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
أمس في 9:16 am من طرف STAR

» خلفيات اندلاع الاشتباكات في مدينة طرابلس
أمس في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
أمس في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
أمس في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
أمس في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


( ملحمة ضويه)>>

استعرض الموضوع السابق استعرض الموضوع التالي اذهب الى الأسفل

( ملحمة ضويه)>>

مُساهمة من طرف الفهد في 2010-09-13, 10:16 am

نحن جميعاً نعرف الملحمة الجميلة التي كانت بين الشاعرين الكبيرين المرحوم إبراهيم بوجلاوي،
والحاج أحمد بورميلة، عندما تشببا بابنة الهوني (ضويه) وكانت وقتها طفلة صغيرة والتي ابتداها بوجلاوي وقال:

لوكان يا ضويه تكبري في ساعه ونا مع الشباب تسير لي نقداعه


وكان حاضرا ابن عمه شاعرنا الكبير احمد بورميله وكانت لضويه اخت فارادها بورميله لنفسه زوجه وقال:

لوكان ياضويه بنت عيت الهوني نسيبه وسلفه قلت لي اتكوني


واستمر شاعرنا بورميله في نظم القصائد والتي تمدح (ال الهوني) ومن امثلة ماقال:

عندي العقل متولع بعيت الهوني غليوا نين تمولي شراب اعيوني


وقال ايضا:

نويت المقام القيت عيت الهوني خير من جواريني ومن واشوني


وهذة عبارة عن رؤوس ابيات لقصائد طوال
ويسرنا الان تقديم هذة القصيدة والتي قيلت في نفس السياق والتي يقول مطلعها:

جينا علي هون مركز انسابي هل بوكعابي .. يضاون مضاوة بارق اينابي

وقبل ان اقدم لكم هذة القصيدة يسرني ان اقدم لكم ابيات طريفه قالها المرحوم بوجلاوي
موجها الكلام فيها الي ( الهوانه ) حيث قال:

مبرك عليكم لقوه .. لا نحدروا لانقدروا ع الرقوه.. مغير ناكلوا
مبرك عليكم نسبه .. لشايبين كبار مودرين الحسبه
لا للغلم يمشوا يحطوا كسبه .. لا يحضروها في نهار السقوه
امغير متاكي .. إن ناض منا الواحد ينوض يكاكي
يضالع تقول حاضر نهار دعاكي .. فيه مطانين الخيل علّي يقوه


وحتى لااطيل عليكم هيا نستمتع بهذة الرائعة لشاعرنا الكبير الحاج احمد بورميلة الفاخري:

جينا علي هون مركز انسابي .. هل بو كعابي .. يضاون مضاوات بارق ينابي
جينا علي هون مركز الفية .. اللي لهم ضويه .. اللي ع البناويت فيها مزيه
سماحه بلا كيل هيل(1) معطيه .. عيون من يرابي .. انحوزه او هو فوق م الغيم غابي
كيف هذي مافيش ضني وليه .. في الجيل العقابي .. ولا م القديمين فاسم العرابي
حزام من لها وصف دون السريه .. تضامر تشابي .. وقدودها معابي ديار ونواوير فيهن اقصابي
وسيدها علي راس قومه قليه .. يجنه اسرابي .. الخيل المعاكيف يوم القلابي
عليهن صناديد ماهم رعية .. اسماح النقابي .. لباسة البرانيص فوق الجبابي
جينا علي هون جيه خفيفه .. خطم زول كيفه اعلوقا نظيفه .. والفاظا لطيفه ودوره ستيفه .. خطر اللي كان لنا عريفه
اوحاسن بلا عيب حوسة عسيفه ..من فاهق يبابي..سكايب بدا دمع الانظار دابي
وانحجرن مواريد مشراب ريفه ..انهلب اجلابي ..وانسيبه ان ماتم داير حسابي
انعد كما مير مسحوب سيفه .. اللي قبل عابي .. عليهن مشا شور تصغير قابي
جينا علي بلاد سمح العلوق .. حزام الشلوق .. السابق اللي وين ساب اللحوق
يديها سريعات كيف البروق .. نصيها زناكيل المايح ايتوق .. واللايم ضبابي تجوّشن معا لمس قرن الركابي
عليها شهير اسم دون الفروق ..امجرب ارهابي .. فارس يهابوه كيف الذوابي(2)
سريته علي نار حمرا اتسوق .. ان شالن اترابي .. وكثرة مشالات سود العصابي
خطرها غلا زول عينه اتعوق .. ونا شي مابي ..جيته وعاودت كابر اعيابي
علي طرف عود ازيان شينك خزوق .. مقرون الحجابي ..لواني بلا ملح لي العذابي
جينا علي هون مركز الناس .. اللي العقل هاس ..غلاهم وزاد داس سلطان ياس
امعلق نواشين واخد الكاس .. نلقانه اعرابي .. قداما علي طول ساهل اغلابي
ابليت بجرانين غية افلاس .. اتكمل عقابي .. لفتلي ونا وين هالب شبابي
عيون من ارقي حام فوق المحاس .. قطع قفل بابي .. امطوح مناشيب صادن اجنابي
علي من سفا دور مايح اكداس ..امغير من اخيابي .. انقدع وما ريت موقف ايجابي
وماتصير نين الذيب يلبس مداس ..ويشيب الغرابي ..لحضرة جنابي.. تسهيلة عطيبات كيف الكبابي
جينا علي بلاد بو نقش خيره .. اللي كما الليره .. مول المجاديل فاتن ضميره
حزتن طوابير قوه كبيره .. من سحبه اتغابي .. معا وسط غابات شكل الزرابي
ناوي احتلال نقطة خطيره .. نخيل وطوابي ..وغرود ومكانات فيهن مخابي
اوساقت بلا ضي ليلة امغيرة .. بالقاتل الرابي .. اوشدة اركان حرب نسوا انسابي
قدرة اللي دار للريح ديره .. اتسوق السحابي .. وعلم لداود فصل الخطابي
جينا علي بلاد كاحل الاساور .. جميل التصاور .. والفاهق اللي قبل بريان ثاور
وحوش الميخوذ باتن معاور .. علي كبر مابي ..ضراب الحسابات واجد مشابي
وني وجه لوعات فضلة محاور .. وقل المحابي .. وبعد المواريد بيد اكتابي
وانهالن بعد جيت فيهن انشاور .. اكبار جن مجابي .. اداعن مداعات سيل الروابي
علي ترك موال من داه جاور .. مضيع صوابي .. ومخادع وما زال نايل اعجابي
جينا علي بلاد شوف المجّمم .. عيون المكمم .. اللي من جرانين ياسه انخمم
انقولك وميكود وضعي متمم .. في جمر هابي .. انافخ ومازلت ضارب اطنابي
وعارف اللي هناك واخرا مصّمم .. انقدم اطلابي .. وسمح التواصيف ما يعتني بي
عللي لهم ثنا زين لازم انعمم.. نتيحه جوابي .. تلميده اصداق بنت كبدة اجرابي
وبوها قرين راس عندي حمّيم..من اول اصحابي .. وصالح يشيل قرعتي في غيابي
الراجل اللي ان شاف عرقي محمّم .. يجدد اثيابي .. يخيله بلا قول ماله مزابي
وهالب المعاديل كيله مطمم ..ارواح لي قابي .. مدايد عديدات ماهن وجابي
جينا علي هون مركز انسابي .. هل بوكعابي .. يضاون مضاوات بارق ينابي

الفهد
عميد
عميد

ذكر
عدد المشاركات : 1186
العمر : 47
رقم العضوية : 1322
قوة التقييم : 2
تاريخ التسجيل : 10/03/2010

الرجوع الى أعلى الصفحة اذهب الى الأسفل

رد: ( ملحمة ضويه)>>

مُساهمة من طرف بوفرقه في 2010-10-14, 5:38 pm

شكرا على هذا الطرح الرائع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

بوفرقه
مراقب
مراقب

ذكر
عدد المشاركات : 34562
العمر : 50
رقم العضوية : 179
قوة التقييم : 74
تاريخ التسجيل : 30/04/2009

الرجوع الى أعلى الصفحة اذهب الى الأسفل

رد: ( ملحمة ضويه)>>

مُساهمة من طرف جلنار في 2010-11-25, 12:19 pm


جلنار
مستشار
مستشار

انثى
عدد المشاركات : 19334
العمر : 28
رقم العضوية : 349
قوة التقييم : 28
تاريخ التسجيل : 19/07/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى