منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  جزيرة ســـردينيا جنة إيطالية علي الأرض
اليوم في 6:05 pm من طرف عبدالله الشندي

» هولندا.. تجربة إشارات مرورية لمستخدمي الهواتف الذكية
اليوم في 6:00 pm من طرف عبدالله الشندي

» بحيرة كومو فى ايطاليا جمال علني وممرات سرّية
اليوم في 5:57 pm من طرف عبدالله الشندي

» تعرفوا على اروع جزر اليونان
اليوم في 5:56 pm من طرف عبدالله الشندي

» زيارة الى أذربيجان، اكتشفوا اروع معالمها
اليوم في 5:54 pm من طرف عبدالله الشندي

» وادي اشكيالار.. "جنة موغلا الخفية" في تركيا
اليوم في 5:53 pm من طرف عبدالله الشندي

» تعرفوا على مدينة ديربان الجنوب أفريقية
اليوم في 5:51 pm من طرف عبدالله الشندي

» تعرفوا على جزيرة ايشيا الايطالية روعة في الجمال
اليوم في 5:49 pm من طرف عبدالله الشندي

» ماذا تعرف عن سلوفاكيا؟ شاهد الطبيعة الخلابة لهذا البلد الرائع في الفيديو
اليوم في 5:45 pm من طرف عبدالله الشندي

» زيارة الى الإكوادور أرض المغامرات
اليوم في 5:44 pm من طرف عبدالله الشندي

» زيارة الى مدينة "ألميريا" الاسبانية، تعرفوا عليها
اليوم في 5:40 pm من طرف عبدالله الشندي

» جنيف .. عاصمة الساعات والأثرياء والسلام
اليوم في 5:39 pm من طرف عبدالله الشندي

» انست وشرفت
اليوم في 5:36 pm من طرف عبدالله الشندي

» قائمة البلاد الاكثر امانا في العالم
اليوم في 5:33 pm من طرف عبدالله الشندي

» منطقة مدور الزيتون
اليوم في 5:31 pm من طرف عبدالله الشندي

بحـث
 
 

نتائج البحث
 


Rechercher بحث متقدم


هناك ناس..

استعرض الموضوع السابق استعرض الموضوع التالي اذهب الى الأسفل

هناك ناس..

مُساهمة من طرف الفهد في 2010-09-20, 12:19 am

من الروائع وقد أجزم بأنها أروع ماقيل من قصائد الشعر الشعبي عن الناس وأصنافهم عُمرهذه القصيدة 77سنة تقريباً
اهناك ناس تكرههم من اوّل ليله للشاعر المرحوم: سعيد يونس شلبي قصيدةشعبية نظمها الشاعر في سنة 1933ف وساجله فيها عدد كبير من الشعراء


اهناكناس تكرههم من اوّل ليله = واهناك ناس ما يهُونوا سْنين طويله

اهناك ناس حبايب = واهناك ناس تكرهْم بْغير سبايب

ولا عقل عامر كيف عقل الخايب = ولاوْجوه تَنْدى كي وجوه بخيله

اهناك ناس يا مَحْلاهم = واهناك ناس ماتَقْدراتعيش بلاهم

واهناك ناس حسْدِيَّه وسُود نْياهم = ثْياب بِيض منبَرَّه وجَوَّه نِيله

اهناك ناس غَوالي = حتى ان باعَدوا ما كَيفْهم لاوالي

حمَّالين للسَّيَّه ابْطَوعة بالي = علي خطّْهم ما عندهم تحْويله

واهناك ناس عشْرتْهم خَطَا طَوّالي = مكتوب في جباهِهم خَراب العَيله

واهناك ناس تعْزم واليدَيْن خَوالي = واهناك ناس تَبْخل والجّيُوب ثقيله

هدايات مالرّب الكريم العالي = وبُو طَبْع ما تنفع مْعاه الحيله

اهناك ناس ما تَقْبلهم = واهناك ناس لك غايه تْجول لْهَلهم

واهناك ناس لا دارَوْا خَطَا تحملهم = واهناك ناس في عَقْلك لهم تجْفيله

واهناك ناس عالحَيِّين لا تجْملْهم = اللي تْجيك منهم مالْها تبديله

ولا يفْرقْوا ظنِّي الا بْعَمَلْهم = ما حَدْ علي التّسْعه مْزَوّد لَيْله

واهناك ناس ما يَنْسوا اللي صارْلهم = يردُّوه بعْباره ووافي كَيْله

واهناك ناس لا هبّْ الهْبوب خَبَلْهم = ونسْيَوا اللي عدَّى وضاع جميله

ولا خير في اللي ما يْبات عَلَلْهم = ولا فالخَـــلِيل انكان فاتْ خليله

اهناك ناس يا مَبهاهم = واهناك ناس تُوعدْهم وما تَلقاهم

وانقابلتهم تَلقى العَذَارْ معاهم = امْجَهّْزيَّنه ما عندهم تعْطيله

كلامْهم اللي قالَوْه ضدّ انْياهم = انكان بَحّروا ينْوُوا عل التّقبِيله

احتار في مْوَدّتهم اللي ماشاهم = مربّْيِينَّه شاطب وحَار دليله

لصحاب كيف في صفّ العدو تلقاهم = صحْبتْهم مْعاك مغير نَصْب وحِيله

قِريب نقْصهم منَّك بعيد وفاهم = مَشْيُول عالدّبَر في حمْلهم تمْيِيله

مفتوح عالخْساره بَيْعهم وشْراهم = السّتْرَه مْع بو صَاحْبَين قليله

اهناك ناس اماره = واهناك ناس ماظنِّي يساوُوا باره

واهناك ناس تلقى سَعْيهم فالكاره = وأرزاق واجْدَه غيرالنّفوس بخيله

والمال في قليل العزْم راهْ خْساره = حتى وهُو حَكيم بعلْم في تعديله

واهناك الفقير وما يسَيّب عاره = حتى إنكان ما عنده الْيَدّ طويله

وإن ما كان في جَيْبه قضا من جاره = علي قيْس نِيتَه ربّْنا يعطيله

مَوْكار الصْقُوره ما تْجيه حْبَارى = ولا مْرَوّمَه تَلْحَق ثمَنْ لاِصيله

وحظّك اللي ترْميه مالبذّاره = يَطْلع بْعَينه تحْصدَه وتْشِيله

والجَّدِي لو تقَوَّى نين فات حَكاره = ان يَبْقى علي شَيْل الحْمُول هَزيله

وشْوف الجمّل حتى إن خفّ عْباره = صِليبه علي حمْلَه اخْرى ترْمِيله

شديد العَصَب حَمَّال في مشواره = قطّاع الفيافي وين مَدّ رحيله

إن راد ربّْنا ما حَدْ يسيِّب كاره = الرّاس راسْ والواطي ان زالو ذيله

اهناك ناس يا مَبسَلْهم = لا غَريب يَقْبلهم ولا من هَلْهم

واهناك ناس في الحَيِّين شَيْن عَملْهم = ذكَرْ نخِيل لا رَمْيَه ولاتظْلِيله

عَلْقم وحَنْظل وين ما تاكلهم = وان رافقتهم يبْقَوا عليك عَدِيله

وان نازلتهم بالدّار جار لْهَلهم = علَيْ عيْب عَيّل يجْردُوا بالعَيْله

علي جارهم ديما يزيد عَلَلهم = قْلال الْعنَا لا جَتْ الدلو ثقيله
َّ

avatar
الفهد
عميد
عميد

ذكر
عدد المشاركات : 1186
العمر : 48
رقم العضوية : 1322
قوة التقييم : 2
تاريخ التسجيل : 10/03/2010

الرجوع الى أعلى الصفحة اذهب الى الأسفل

رد: هناك ناس..

مُساهمة من طرف دلع ليبيا في 2010-09-20, 12:33 am

اهناك ناس يستاهلوا التكريم لتميزهم امثالك ياخوي فهد

مشكور على ماقدمت
avatar
دلع ليبيا
مستشار
مستشار

انثى
عدد المشاركات : 15254
العمر : 17
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

رد: هناك ناس..

مُساهمة من طرف بوفرقه في 2010-09-20, 7:35 am

فيه ناس رفقتم ابها تسلا.........وفيه ناس رفقتم تجيب العله....مشكور على الموضوع

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
avatar
بوفرقه
مراقب
مراقب

ذكر
عدد المشاركات : 34632
العمر : 51
رقم العضوية : 179
قوة التقييم : 76
تاريخ التسجيل : 30/04/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى