نامل التفاعل من محبى غناوى العلم والشتاوى من هنا

من طرف **عبدالحفيظ عوض ربيع** 2010-09-23, 9:09 pm

غناوة العلم موروث شعبى له شعبية واسعه فى ليبيا وغناوة العلم تتبع سياق معين ولها معانى كثيرة ولكل غناوة مرادف لها اما ان تكون غناوة مثلها ويقال اختا او شتاوه ويقال بنتا .
واليكم مثال
الغناوة : ان كان البكاء امنعوه.... انغدو وين من ضيق علمنا
الشتاوة: كان البكيا فيها قوله......ضيق العلم ايش انديروله
الغايه من الموضوع هو يقوم العضو منا كتابة غناوة والعضو الاخر ياتى بغناوة بنفس معنى الغناوة السابقه اوشتاوة كما فى المثال والذى ياتى بها اولا يكتب غناوة وهكذا.
ارجو التفاعل من محبى غناوى العلم واليكم غناوة
كان ياعزيز ابكاى........عليك دين ويش ايخلصه
عزيز قال ما أنخطاك ... أن جاك نوم راني جايك
نص الليل مشى يا دوبة ... نضنا تمينا نشلوبة
-----------------------------
اتذوح فى اوهام اعزاز وتقول هنا ياما جيتم
ذاحت ذاحت ما لقيتم حق العين ادموع عطتم
----------------------------
عليهم أن طال النوع ... أتبات على الجلا يا جارها
سيورك تجلا يا جاري ... ملي يشالن ع الطاري
جار الجار عليه هوا ... نارك في الخاطر من جوا
----------------------------
ان كان ابكاى عليك اديون ..ايش اللى فكك يامرهون
لو كان انطالب من جدى..مرهون ايموت اوهو يدى
----------------------------
اختا: قدم هم حدود زهاي ــــ العين ما تغالي غيرهم
بنتا: يوم بيوم العمر يعدي****وانتي غير اقدم ماتبي
---------------------------