منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» كاتب أميركي يكشف كواليس لقائه بوليّ العهد السعودي أثناء خطاب ترامب عن القدس ورد فعله على ا
اليوم في 7:14 am من طرف عبدالله الشندي

» الأميران هاري ووليام شاركا في أشهر أفلام الخيال العلمي في تاريخ السينما سراً.. أحدهما ضرب
اليوم في 7:12 am من طرف عبدالله الشندي

» "لميس" تتجاهل "عمر" وتتجنَّب الجلوس بجواره أثناء تسلُّمهما جائزة فنية.. ومواقع فنية تركية
اليوم في 7:00 am من طرف عبدالله الشندي

» براد بيت يريد المواعدة مجدداً.. قصة علاقته بـ"جينفر الجديدة" التي تسبب له التوتر
اليوم في 6:58 am من طرف عبدالله الشندي

» ليست المرة الأولى.. هل سببت مريم أوزرلي الفشل لأوزجان كما فعلت مع "إيزيل"؟
اليوم في 6:56 am من طرف عبدالله الشندي

» في أول مرة له بالسعودية.. الشاب خالد يؤدي مناسك العمرة قبل حفله بمدينة الملك عبد الله
اليوم في 6:48 am من طرف عبدالله الشندي

» روماريو يقود حملة لإيقاف رئيس الاتحاد البرازيلي مدى الحياة
اليوم في 6:45 am من طرف عبدالله الشندي

» زوجة إيكاردي توضح موقفه من اهتمام ريال مدريد
اليوم في 6:43 am من طرف عبدالله الشندي

» تحديد مدة غياب أبوعجيلة عن الأهلي طرابلس
اليوم في 6:42 am من طرف عبدالله الشندي

» رونالدو يكشف دور ميسي في إنجازاته
اليوم في 6:41 am من طرف عبدالله الشندي

» الاتحاد الأفريقي يختار الليبي عطية للمشاركة في أمم المحليين
اليوم في 6:39 am من طرف عبدالله الشندي

» نيمار يحدد موقفه من الرحيل لريال مدريد
اليوم في 6:37 am من طرف عبدالله الشندي

» سكولاري: مدرب جريميو كان أفضل من كريستيانو رونالدو
اليوم في 6:35 am من طرف عبدالله الشندي

» زيدان يكشف رأيه في صلاح ويرد على التصريح القوي
اليوم في 6:34 am من طرف عبدالله الشندي

» كأس العالم للأندية 2017
اليوم في 6:32 am من طرف عبدالله الشندي

بحـث
 
 

نتائج البحث
 


Rechercher بحث متقدم


جدايا تفهم في الطب...

استعرض الموضوع السابق استعرض الموضوع التالي اذهب الى الأسفل

جدايا تفهم في الطب...

مُساهمة من طرف دلع ليبيا في 2010-10-03, 9:11 pm

يقول الشاعر ميلود بوسلة حيث يصور حوار بين الشاعر و جداه التي تعالج بالطب الشعبي :::



جدايا تفهم في الطب **دنيا وعجب *** ودكتورة من غير كتب

قالت جدايا ** نا عمري ماعرفت قراية
ولاحاجة سماها محاية **ولابيرو بالحبر يصب
ولاكراسة ولا براية**ولامعمل فيه تجارب
ولا قعمز طالب بحدايا** سمايا مانعرف نكتب
هدايا من العالي مولايا **دوايا راسي ومجرب
العيل اللي فيه العواية**نزازيه ويمشي يلعب

************************************

قالت مانعرف صورة **ولانعرف طب وتنتورة
لادمل عدن لادورة***لا أماس جراحة تلعب
ولانوقف فوق السبورة**باش نكتب سامي ورجب
العيل اللي رجله مكسورة**نجبرها تجبير عرب
نداويه ويمشي في شورة **ويبري كان الله كتب

***************************************

قالت مانعرف آله (السماعة)***بتلزمني في تشخيص الحالة
نا دوايا كل شيء قبالا ***بحاجات بسيطة مركب
مريضي بنجيبله العالة ***نولع في الكانون حطب
إن كان بطنه تجري سيالة *** بنطبخله براد عشب
ولانقوله برا ولا تعالا ** ولا ارجعلي تالي واتعب

**************************************

قالت نا مريضي يشفى *** وبدون يخش المستشفى
ولا اشعة تنزل في كشفه *** ولا وصفة ليه بنكتب
ولا شروبوا ياخذ بالرشفة ** ولا حبوب علي ثلاث وجب
نخرج ونداوي لين يشفي ***ان كان فيه احساسي يرحب

*******************************************

قالت نا جداك ذكية***ولا شيخ ضربني علي يدية
ولاحاجة سماها كلية ***ولاعطتني الأبلة واجب
نداوي في حاجة رسمية ***بنوصفها عنك تصعب
اللي عنده مرض الصدرية ***جغوم حلبة لازم يشرب
دوا اللي عنده حالة نفسية ***عسل مع كسبر ذايب

*******************************************


قالت نا جداك مرتاحة ***ولانطلب قرض ولاراحة
ولامدير في كل صباحة***يسجل في من هو غايب
ولانخدم كيف الطلفاحة ***بيغضب كان قصوا الراتب
نقولهالك بكل صراحة** إنت جيلك هذا يشيب

*******************************************


الشاعر ماعجباش الكلام اللي قالاته جداه علي جيله ...فرد عليها :

قلتي اللي بدك ***وخليتك قلتي ماسدك
ياجدايا كفي حدك *** نا جيلي ماهو سايب
جيلي واقف للي ضدك *** من العيب تقولي خايب
وجيلي من المصنع بيمدك **بحليب حكاك معلب

*******************************************


الجدة :

نا حليبك مانضوقه ***ولاني لحليبك محقوقة
حليب خامر قاعد في سوقه***عليه زحمة ودفان وقب
ونا سلم عنزي المطلوقة ***بيديا هاذم نحلب
لبني كيف المسك نشوقه***مالي الحلابة رايب

************************************

الشاعر :
قلها لبنك ياجدة ***باسل صامت مايتعدي
بيدير الفدة *** قارص صامت زي الشب
عنك بنرده ***تحشمت لقيته صاعب

*********************

الجدة :
إنت ترد بقر وتدير كبر ...ليش

لأنك جيل بلاعقيدة ***وجيل معادي أمه وسيده
والسبسي في إيده***راقي دخانه يعسلب
تي والله لوفيه جريدة *** تو تولي وتتأدب

**********************************

الشاعر :: أيام الضرب بالجريدة والعصا اللي تحكي عليها هاذي راحت ...

اليوم جيل جيل الحرية *** وكيف الراجل كي الولية
اليوم تمشي وين تبي هية ** تقضي في السوق وتحسب
ووخيك قاعد بالذرية **** ساعات غذاها يطيب

***************************

الجدة :

طيح مزالك مزالك ** ماصح خيالك
تي من هو بهالدوة يابالك ** عادات جدودك تقلب
جدك لو يسمع بأفعالك *** ماعاد عليك بينشد

*******************************************


الشاعر :
جدي شيباني ***موديله من عام الهاني
يقعاده كرعيه الزوز يلعب
مريض ويعاني ساعة بيرقد من المغرب

*************************

الجدة :

جدك موديله ****ماتلقي في البر مثيله
غير شنهو طاريله *** يروح من السوق يكعب
غير عاد في ليله ** ماعادش فية يطرب

*******************************************

الشاعر :

عاد ماك طبيبة **** شوفي موضوعه وسريبه
ومن بعد الغيبة *** ياريت الملقي يقرب
وسمحولي ياأهل الطيبة**ساعات الواحد يكذب
وتفهم جدايا في الطب ***دنيا وعجب ودكتورة من غير كتب

*******************************************
avatar
دلع ليبيا
مستشار
مستشار

انثى
عدد المشاركات : 15254
العمر : 17
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

رد: جدايا تفهم في الطب...

مُساهمة من طرف جلنار في 2010-10-03, 9:22 pm

مشكورة عالطرح الرائع
avatar
جلنار
مستشار
مستشار

انثى
عدد المشاركات : 19334
العمر : 29
رقم العضوية : 349
قوة التقييم : 28
تاريخ التسجيل : 19/07/2009

الرجوع الى أعلى الصفحة اذهب الى الأسفل

رد: جدايا تفهم في الطب...

مُساهمة من طرف محمد اللافي في 2010-10-03, 9:23 pm

دوا اللي عنده حالة نفسية ***عسل مع كسبر ذايب
جديده هذي في ناس تبيلها منها الخلطه هذي هههههههههههههههههه

تي والله لوفيه جريدة *** تو تولي وتتأدب
رقالها العزوز فلمت ههههههههههههههههههه

جدك موديله ****ماتلقي في البر مثيله
غير شنهو طاريله *** يروح من السوق يكعب
غير عاد في ليله ** ماعادش فية يطرب


هههههههههههههههههههههه تجرح وداوي لعزيز


ههههههههههههههههههههههههههههههههههههههههههههههههههههههههههه صقع صقع جديات
امنوره يادلع علي القصيده الرائعه


avatar
محمد اللافي
مستشار
مستشار

ذكر
عدد المشاركات : 27313
العمر : 38
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: جدايا تفهم في الطب...

مُساهمة من طرف دلع ليبيا في 2010-10-03, 9:31 pm

جلنار مشكورة على مرورك العطر

محمد اللافي مشكور على التعليقات الحلوة
avatar
دلع ليبيا
مستشار
مستشار

انثى
عدد المشاركات : 15254
العمر : 17
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

رد: جدايا تفهم في الطب...

مُساهمة من طرف المنجوه في 2010-10-03, 11:28 pm

ههههههههههههههههههههههههههههه
الله الله علي الاختيار
ههههههههههههههه
مشكورة اوخيتي
avatar
المنجوه
لواء
لواء

ذكر
عدد المشاركات : 2101
العمر : 38
قوة التقييم : 2
تاريخ التسجيل : 01/07/2010

الرجوع الى أعلى الصفحة اذهب الى الأسفل

رد: جدايا تفهم في الطب...

مُساهمة من طرف دلع ليبيا في 2010-10-04, 12:03 am

العفو ياوخيي

احلى شي فيها انها عجبتكم

مشكور على المرور والاطلاع
avatar
دلع ليبيا
مستشار
مستشار

انثى
عدد المشاركات : 15254
العمر : 17
رقم العضوية : 1253
قوة التقييم : 30
تاريخ التسجيل : 26/02/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى