غناوي علم وشتاوي ع المرسال

تذكير بمساهمة فاتح الموضوع :

نمْشي شَوْر عزيز ابْطُولِي ما فَرَّغ سِرِّي مَرسولِي.

"رويعي الفاخري"

***

انْدزُّوا في الْمرْسال وراه تبَطّا يَومَيْن الْحقْناه.

"عوض الفاخري"

***

غَيْر تهَنّا يا مرْسالِي وَيْن بطَيْت مشَوا عقّالِي.

"عبدالكريم بوسيف"

***

رُوْحَك يا مرْسال طويلة نَرْجا نحْسابَك ماشي له.

"عادل اليتيمي"

***

مرْسالِي طَوَّل في القَدْعة عارفّا مَوْش بلا بدْعة.

"موسى معيتيق"

***

مرْسالِي طَوَّل في العَوْدَة ثارِيته يخْدِم بالسَّوْدا.

"بولطيعة علي"

***

اللي ضَرَّتْنِي في الْمرْسال عَرَب حرفتّا قِيل وقال.

"صالح بورَحمة"

***

مرْسالِي يذّارَى عَنِّي خاف عَلَيّ يا خايف منِّي؟!

***

يا مرْسالِي مانَك صافي لا رَيتَك لا رَيْت اوْلافي.

"رويعي الفاخري"

***

حَتّى كَيْ مرْسالِي طَوَّل رَدّ عَلَيّ أَطْوَل م اللوَّل.

"جمال القبايلي"

***

فِيْه اللي شاطِر في الفَزّة مَو كلّ امْرَيْسيل يدزّه.

"موسى بونقاب"

مراسل المتموح جانى.... نبى نفرحه به بكانى

مارسالين وراء مراسالى ...دزيت او ماجانى والى

مراسالى ما جاب جديده ...رد عليه ايطوطح فى ايده

انقول احبابى - وناخد الليل انقول ياغيابى ومازلت نشارف عليهم عابى - قاعد انهفى عالرميص الطافى - كليت فرجاهم زهرتى وشبابى - هى قولت الغناى عبد الكافى - ومازلت فيهم مااقبلت اغلابى امع ياسم خاسر ابشوط اضافى - تسديده قويه نين هزت بابى ابكورة امسددها على اتشافى وشال كاس دوريهم قريب اقرابى - وخرف على مطراى كم صحافى ومانلت لا حاجه امفيت اتعابى واخسرت بين جمهورى وبين احلافى لوكان غير خطيونى حسبت احسابى - كفيل الزمان ابنسوة الى جافى كل يوم نلقاهم على مصابى مابيت نعرف هالسر الخافى الى قبل ميطيقوا انهار غيابى - تموا ابعاد وكارهين اصدافى نحلفلك انى مريوح لاتشقابى - ساحرينى سحاره القدافى - مازلت ياناصر انقول اولافى - الشاعر سعد بورجعه

أطريني يا مرسال احذاه *** انما رقرق ماعد ترجاه

مرسالين مع مرسالي مافرغ سري لوالي

أنسناهم دزو مرسال تغيرنا من حال لحال

غبت ومرسال امعقبلي ياغالي كي ريح القبلي

ارياح النبا ماحجرن احجر عزيز حتي وينما

مالولاف سهاري جني صبيت اعظامي باعني

أرياح نباكم يالقدم علي اطرطش فالملتم

يالي طريتني يالاه رقرق عزيز ريتا شي علي

مالولاف سهاري جني صبيت اعظامي باعني

الفاخرى
عزيز كل مالا بعد _ايش قلت يالمرسال بينا
افتوحه
كيف الدوه يامرسالى_ تما يزاحو الغوالى

عليه ما يهونوا يوم اعزاز خاطري عايش بهم

عليه ما يهونوا يوم اعزاز خاطري عايش بهم

مارسالين وراء مراسالى **دزيت او ماجانى والى

ودك ادير مرسالين ... ان خاب هضا هضاك يوصلهم

قال المرسال الي قاله...مسكين اوعدا في حاله

جيتك جي مع مرسالك واجعني ياغالي حالك

كبير عقل يامرسال ......جاحد الصادقه خايف علي

أمغير علي دزت مرسال تغيرنا من حال ألحال

جيتك جي مع مرسالك واجعني ياصاحب حالك

لك اكرا يامرسال لوكان اتجي بلي انريدها

جاء مرسال جاء مرسال جاء مرسال
قديم ايلكلك ركب في لنضار شلكلك

اعمد اعزاز يا مرسال......والغايه تجيني الا بهم

من قبل اتقول اللي قاله*يا مرسال عزيز ايش حاله

جيتك جي مع مرسالك واجعني ياصاحب حالك

ننشـد فـي جيـاب فتاوي .... قــال انضــرهم فــي جــلاوي

مرْسالِي طَوَّل في العَوْدَة ثارِيته يخْدِم بالسَّوْدا.

مالولاف سهاري جني صبيت اعظامي باعني

السلام عليكم ورحمة الله وبركاته
ادارة ومشرفي واعضاء وزوار
منتديات عيت ارفاد التميمي
كل عام وانتم بالف خير
وينعاد عليكم بالصحه
وتقبل الله منا ومنكم الصيام والقيام وصالح الاعمال
الاخوة ادارة المنتدي والمشرفين والاعضاء
في منتدي الغناوي العلم والشتاوي
جميع الفواهق موجوده واللي موش موجوده فيه كوكتيل غناوي علم وشتاوي
ارجو من الجميع التقيد بعدم تنزيل اي موضوع جديد وهو موجود من قبل
اكد علي الموضوع وكان مالقيتا اكتب في الكوكتيل او غطيتك ايام الصقع
ومشكورين علي التعاون للرقي بالمنتدي وبارك الله فيكم
أخوكم
العاشق الصغير