غناوي علم وشتاوي ع الجرح

تذكير بمساهمة فاتح الموضوع :

مكتوب يالعين عليك .. ومقدر اتجي في دربهم

وينك ياضماد اجروحــي ..... راني واكلها في روحي

نقفللكم فاهق الجرح بها الغناوة القوية........دونه لحم بريان////مشكاي جرح ما القيتله دواء.......واسلمتو

أنداوي في جرحي ويزيد سببها منك يالبعيد

انطاحت الشمس ايطيح ياعوينه اللي ماجرح

الجرح كل يوم ايزيد تعال فايش ترجا ظرني

الجرح ما ايريد احركه ... يبقا نهار لوكان تلمسه

موديما ظلااااااااااام او ظلم ايجن اوقاات ياعين تنفرج

يالقديم ايش اللي درتا كيف ابري جرحي قشرتا

الجرح كل يوم ايزيد تعال فايش ترجا ظرني

وين اتحم عليا لوعه _ من تسطير اجروحه نوعا

ضماد ياعزيز الجرح مقسا ايديه مو ماوي علي

طباب خاطري المجروح صفق إيديه مولاقي دوا

سقط ادماه دار غدير...قديم جرح لولاف ياعلم

مجروحين اجروح كبيره _ حط ايدك اتبان صغيره

انريد نلمسك يا جرح ... ونهاب فيك من قو الوجع

دونا لحم بريان...مشكاى جرح ماطاله دوا

تباعد ما تقرب لاشي***اجروحه ملتمات علي

كذاب من يقول العين...عليها عنا نين تنجرح

مجروح جرح شينك جرح يجرح الله يا عين جارحك

حتي والجروح اكبار عزيز غيبتا هي الواعره

جرح المرهون علي كبره @@@@ لم ومانحسابه يبره

بياسك انداوو فيه...الجرح قاس يبرا ياعلم

جابولي مرض لولاف***وامسكو قول لأباس عندهم

جروحك يامرهون تمادن *** تقول امفجرهن بن لادن

غلاك عظم كسره قند ، جبّاره شكى قال كادني

عزيز امخلي فينا اجروح _ اكبر ويزبن عالروح

العقل لو عرفنا داه ... ميعازة امداوي ياقدم

نكمد الجرح لين انموت ..الا عزيز ماني امفارقه

خانوا غلاك انســـاهم***** ما تجبده مدعاهـــــــم
غير مســــــارك عنهم***** ماعاد تقرب منهـــــــم
ولا تهيــــم في ذكراهــــــم
اطوي خلاص اوراقهـم***** ما تنخدع باشواقهــــم
عدي طريق جديـــــده***** لا دمـــع لا تنهيــــــده
وانســــي ســـريب غلاهــــــم
باعــوك يا شاريهـــم*****ما تقولـــــي نبيهـــــم
تمــــو عليك ابعــــاد***** ما يلمكــــم ميعــــــاد
خســــــاره وفـــاك معاهـــــــم
يا قلـب ما تكافيهـم*****ســــــياتهم تكفيهــــــم
داروا الخطـا بيديهـم***** الله والنبـــي اتخليهــم
ولا تسيـــر فــي ممشاهـــم

خايف العقل يجول ... يلقى الجرح ويغيب الدوا

العين جرحه تقريـــظ ... تقطير الدوا مى حامله

يـــا طـبـيـب اتـركـنـي .. ماتقدره جـرح العزيـز هلكنـي...كذا حيدها ايدك
حــيـــد وســـيـــب ..يكيدك الجرح اللي كنيني مطيّـب ..
جيتك ونا عارف الظـن تخيـب .. أمغير راي ناسي هو اللي رابكني ..
جرحـي مغـوّر للعظـام معيّـب ..أسبابه الخاين بالخطـا هتّكنـي ..
أحسبته علي قوله حنون وطيّـب ..القيته من ايدي التالفه ماسكنـي ..
عشمنا فصوبه ما حسبته يغيّـب ..ردود الغلا جـا بالجفـا سلّكنـي ..
يـــا طـبـيـب اتـركـنـي .. ماتقدره جـرح العزيـز هلكنـي ..

عجيب كيف عندك ساهله تجرحني ** ادير الخطا وتقولي سامحنى

ادير الخطا وتجافي
تبعد وتنسا ماتعد اريافي
وجميع ماعطيتك بالجحود اتكافي
وتندم بعدها اتقولي ريحنى ....

يـاخــاطرى ريحــنى ,,, وانســا غلا غالى اللى جـــارحــنى ,,, باللـــــــه سلتـــــــك ,,,