حــــرب بيــن القــديــم و الجــديــد ....

تذكير بمساهمة فاتح الموضوع :

عندي بعض شتاوي وغناوي العلم ع جديد والقديم

ابدي بالغناوي العلم:

مكسور خاطري من قبل مشوا عليه بشواش يا اجدد

بها فرحت نين بكيت طروالي قديمين ينشدوا

قديم كي لفي سوال تمسك عين عامين لاورا

لو كان يا قديم معاك انظرات خير ما دارت اجدد

نسيت بالقديم نطقت احذا جديد وجعته بكا

سفيت علي قديم رديم وان قصر جديد هو زاد نردمه

بالموت ما دعيت عليه اجعل قديم لا مال لا ضنا

هالب انريد جديد عيط قديم رديت لوراه

لنظار في جديد اعلقن قديم ما خذا غير سواهن

درت جديد ضاع قديم رديت للقديم ضاعوا كلهم

طروك يالقديم خطرت جضيت بك ياما بينا

من ناره قديم رميت يجاروا تلافوني اجدد

يطالب يريد غيار غلا قديم ميجاله هلب

غلا قديم وافي الكيل رادحات له موازين خاطري

وهذي بعض الشتاوي :

اتصدق مايصدقها حد /اقدم شالوني شور اجدد

يالقديم الله لا ايردك/ ماني ملك البوك وجدك

قديم انسيني لكن طز / جديد امعيشني في عز

جديد اديره في شان ايش / قديمك مازل اتقوليش

اجري جاي اجري يالجديد /لنكان مكان قديم اتريد

ايامي عدن يالقديم/ الدايم وجه الله كريم

ننساه قديم وينساني / ينطق فيها غير الساني

تربح يالقديم وعدي / ماملي راحت من يدي

حملنا يالقديم بلاك / القينا غيرك ونسيناك

برين يالقديم جروحك / ماتبكي غير علي روحك

الخاطر ماجبه تلويم / انقول جديد ايقول قديم

يالقديم غلاك شطبنا /رانا شور جديد هلبنا

يالقديم ايش معقبلي غير اوهام عجاج وقبلي

بأذن الله قديم انرده /حتي كان غيري عده

صوب جديد علينا لافي / نسنا لأول وجافي

يا الجديد قديم اعلمها /ليمها كي مااتليمها

خلاص درنا للعين جديد /غلا يردع لأول ويزيد

وانشالله يعجبوكم واي حد عنده قصائد ع الجديد والقديم مايبخل علينا

انشوخ عليكن يالنظار ,,,,,,,,,,,,,,,,,,بعد اقدم لكن ماصار

حتى والجديد احذاي .. قاطع لواي مازال لولي

قاطع يالقديم الوانا ,,,,,,,,,,,,,,,,,,,,,,نمشو ملتفتين ورانا

ايش جيب هذين لهذين ....قديم ونقناق جديدين

لطينا قديم اعربا,,,,,,,,,,,,,,,مكتوبلي انعاني لوعتا

ابراهيم بوعزيزه

اتقول عشمنا في القدم**اعلمناهم من هم لهم

اعشمي قيسه مأثر فيه قديم ما نزل دار راكحه

عمرك ريت جديد اصغي ** في لذعات قديم ايطير

قلت الخير يالقديم,,,,,,,,,,,,,لحقاتك ونامادرتا

حتى والجديد بين ايدي .. العقل مانسى يوم لقدم

حتي والجديد اطعمه ,,,,,,,,,,,,,,,,,,,,,,,,,يخطر عليك مازال القدم

مع قديم ريت ايام .. وجعتني اللي ماطولن

صحيتي رناااااااااااااااااااااد

وانقول ف الرجا وفيت ,,,,,,,,,,,,,,,,,,,,,,,,,قضيت ثلث عمري ياقدم

في لول بكيت عليه وباتت قديم عيني ناسيه
قديم ما عليه انموت خذت اسنين ناره وانتهت

في لول بكيت عليه وباتت قديم عيني ناسيه
قديم ما عليه انموت خذت اسنين ناره وانتهت

سفينا ع القديم رديم ::::::::::مع الجديد ناري والعة

سفيت ع القديم رديم ,,,,,,,,,,,,,,,,,,,,وانقصر جديد هو زاد نردما

العقل واخذه القديم .....ملاج ياجديدين ما لكم

الجديد قال


نار جديد اتريد الخاطر والخاطر يبكي من القاطر
امرايف يالجديد عليك الغاية كل نهار انجيك
ازاحوا غادي يالقدم جديد اينسي في الكم
قيسك يالجديد امقسي نين قديم العقل منسي
رمينا يالجديد عليك جميع اللي نبوها فيك
يالقديم ارفعنا ايدينا منك شور جديد ارمينا
منك يالقديم تبرن شور جديد انضاري جرن
العين انقوللها وانقول جديد ملكني عرض وطول




القديم قال


عمرك طويل يالقديم¥جبناك في علل لاقيتنا
تباعد ياالجديد بعيد*اقدم قدامك وين اتريد
ايش انديرولك ياالجديد*ان هف قديم غلاك يحيد
اشهاده من دينك ياعين*جديد ايجي كيف قديمين
أفداك خونته لله@ أطلق قديم فلي دارها
نارحت رحت يالقديم@ علي خطاك راني مسامحك
عالخونه حلف ياعين@ قديم نعرفه مايديرها
أنراجي قديم يجيب@ سلمت فيد مولاي كل شي
حتى والرجا مقطوع@ لليوم ياقدم شاغليني
قديم يوم لموازاه@ بكيت نا وهو ياما بكا
*العقل لوانشوخ عليه..ينسي أقدم وإيتوب عالجدد.

جديد اديري في شان ايش *** قديمك مازال اتقوليش

مع جديد دير الخير ,,,,,,,,,,,,,,,,كلي قديم ماعد ينفعك

لنظار واخذت عليه &&& بعد قديم ما عاد يقدرن

انسا قديم راه قديم ,,,,,,,وعدي لجديد راني وادك

لو كان الغلا كي ابعضا &&& تدويرة عزيز يا عين ساهلة

ذحت وماذحت الا واجد,,,,,,,,,,,,,,,,,,,مابيت غلا صافي ناجد

لاوي يالقديم اذراعي &&& فيك دواي وفيك اوجاعي

خذينا يالقديم عليك .....ايش ايردك وايش اينسيك

كديت يا قديم العقل *** لا طالك ولا طال نسوتك

نار اقدم عقلي شايلها ...ماتطفى نين ايجو هلها

ياالقديم ارقد متهني ... نار بعد نارك ماظني

مرايف وجاه منام ....العقل دار ليله ع القدم

جرينا يالقديم وراك ** رياضة موش على سباك

يالقديم خلاص ايسدك/مازلت امترس من جدك

مافيه خير قديم نظرنا ,,,,,,,,,,,,,,,,ولانحكو لناس اقدرنا