إعلانات المنتدي
المواضيع الأخيرة
بحـث
كأنك مفيش
3 مشترك
صفحة 1 من اصل 1
كأنك مفيش
كأنك مفيش ..شعر لأحمد فؤاد نجم
كأنك مفيش ..
برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش
..
***
يا فرحة قلوبنا رئيسنا ظريف ..
فُكهي
..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش
!!
***
مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش
!!
***
باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك
..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش
!!
***
دوشتوا دماغنا ” بجمال ” طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين
..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين
!!
ما تنهض يا ريس تلم الديابه ؟!!
ده شعبك غلابه ..
ومليان طيابه
..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس ” شريفك ” ماهوَّاش شريف !!
” نظيفك ” يا ريس ماهوَّاش نظيف !!
وحتى ” حبيبك ” ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب
..
لقيتكم سيادتك منعتوا الكلام !!
فقررت أحلم
..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!
***
حلمت إني شعب
..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ “أولاد علي”
ورجلي على جزع نخلة فـ “حلايب”
ومرتاح براسي على حِجْر مصر
وشوفتك ياريس ..كأنك ولي ..
كأنك نبي
..
فـ إيدك عصاية وليك معجزات
وانا
فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية
.. !!
أمانه عليك
..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و” الكتاب ” فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك
وإسحب ” جمالك ” وسيبنا وغور
كأنك مفيش ..
برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش
..
***
يا فرحة قلوبنا رئيسنا ظريف ..
فُكهي
..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش
!!
***
مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش
!!
***
باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك
..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش
!!
***
دوشتوا دماغنا ” بجمال ” طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين
..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين
!!
ما تنهض يا ريس تلم الديابه ؟!!
ده شعبك غلابه ..
ومليان طيابه
..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس ” شريفك ” ماهوَّاش شريف !!
” نظيفك ” يا ريس ماهوَّاش نظيف !!
وحتى ” حبيبك ” ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب
..
لقيتكم سيادتك منعتوا الكلام !!
فقررت أحلم
..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!
***
حلمت إني شعب
..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ “أولاد علي”
ورجلي على جزع نخلة فـ “حلايب”
ومرتاح براسي على حِجْر مصر
وشوفتك ياريس ..كأنك ولي ..
كأنك نبي
..
فـ إيدك عصاية وليك معجزات
وانا
فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية
.. !!
أمانه عليك
..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و” الكتاب ” فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك
وإسحب ” جمالك ” وسيبنا وغور
عبدالقادر بوعرقوب- نائب عريف
-
عدد المشاركات : 54
العمر : 68
قوة التقييم : 0
تاريخ التسجيل : 22/01/2011
رد: كأنك مفيش
ملم عيالك .. وجمَّع فـ مالك
وإسحب ” جمالك ” وسيبنا وغور
كلمات نابعة من المعاناة الحقيقية فكانت صادقه
وكان الختام حقيقة .... فقد استجاب القدر لكلمات الشاعر وحقق الأماني لكل الملايين ......... تقبل تحياتي
وإسحب ” جمالك ” وسيبنا وغور
كلمات نابعة من المعاناة الحقيقية فكانت صادقه
وكان الختام حقيقة .... فقد استجاب القدر لكلمات الشاعر وحقق الأماني لكل الملايين ......... تقبل تحياتي
ولد الجبل- مشير
-
عدد المشاركات : 7030
العمر : 80
رقم العضوية : 2254
قوة التقييم : 133
تاريخ التسجيل : 05/07/2010
رد: كأنك مفيش
مشكوريا استاذى الفاضل (ولد الجبل ) على التعليق
تمنياتى لك بدوام الصحة ومزيداً من مشاركاتك القيمة
تمنياتى لك بدوام الصحة ومزيداً من مشاركاتك القيمة
عبدالقادر بوعرقوب- نائب عريف
-
عدد المشاركات : 54
العمر : 68
قوة التقييم : 0
تاريخ التسجيل : 22/01/2011
amol- مستشار
-
عدد المشاركات : 36762
العمر : 42
رقم العضوية : 2742
قوة التقييم : 9
تاريخ التسجيل : 14/08/2010
مواضيع مماثلة
» مفيش ثوار ثاني ،،مفيش هيدقة ثاني ،،ثوار ليبيا،،شكر الله سعيك
» في السويد.. مفيش زبالة!
» مفيش مانع..شيرين
» مفيش طريقه نهرب بها منك!!!
» هرمنا+مفيش خوف تاني+يبو يحرقونا
» في السويد.. مفيش زبالة!
» مفيش مانع..شيرين
» مفيش طريقه نهرب بها منك!!!
» هرمنا+مفيش خوف تاني+يبو يحرقونا
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
أمس في 2:26 pm من طرف STAR
» الصلاة علي رسول الله+الاستغفار+ذكر الشهادة+كفارة المجلس
أمس في 2:24 pm من طرف STAR
» مباريات اليوم الاحد 17/3/2024 وقنوات الناقلة
2024-03-17, 1:39 pm من طرف STAR
» عرض سعودي "سخي" لضم نجم برشلونة
2024-03-17, 1:35 pm من طرف STAR
» وداعًا لحيلة الأرز.. حل سحري لإخراج المياه العالقة داخل الآيفون
2024-03-17, 1:34 pm من طرف STAR
» سرطان الأمعاء.. ما هي أعراضه؟
2024-03-17, 1:34 pm من طرف STAR
» مباريات السبت 16/3/2024 وقنوات الناقلة
2024-03-16, 1:14 pm من طرف STAR
» نصائح للتخلص من الإدمان على الهواتف الذكية
2024-03-16, 1:12 pm من طرف STAR
» بناء العضلات وتحسين الهضم| 8 مشروبات هي الأفضل لتعزيز صحتك خلال شهر رمضان
2024-03-16, 1:11 pm من طرف STAR
» البريكان يهاجم بنزيما.. ويوجه رسالة لمحمد صلاح
2024-03-16, 1:08 pm من طرف STAR
» قطع لحم الضأن المشوية وصلصة البيستو بالنعناع والخضروات المشوية
2024-03-16, 1:07 pm من طرف STAR
» مباريات الجمعه 15/3/2024 وقنوات الناقلة
2024-03-15, 1:05 pm من طرف STAR
» صح أم خطأ: إنزال الباب الخلفي للصندوق يحسّن استهلاك الوقود في البيك أب
2024-03-15, 12:58 pm من طرف STAR
» عادات قد تؤدي إلى الخرف.. احذروها
2024-03-15, 12:57 pm من طرف STAR
» توقف قلبه وفقد النطق.. مشروب يتنازله الجميع وراء سقوط لاعب فيوتشر وحالته الصعبة!
2024-03-15, 12:56 pm من طرف STAR