منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» نادي الاتحاد قبل قليل
أمس في 5:35 pm من طرف عبدالحفيظ عوض ربيع

» باب بن غشير طرابلس
أمس في 5:33 pm من طرف عبدالحفيظ عوض ربيع

» طرابلس الهلال الاحمر يطلب ممر امن
أمس في 5:30 pm من طرف عبدالحفيظ عوض ربيع

» هام عاجل طرابلس علي العائلات الموجودة في محيط المناطق الاشتباكات
أمس في 5:29 pm من طرف عبدالحفيظ عوض ربيع

» انقطاع التيار الكهربائي على عدة مناطق بالمدينة #طرابلس
أمس في 5:27 pm من طرف عبدالحفيظ عوض ربيع

» جهة مدرسة براعم النصر باب بن غشير
أمس في 5:25 pm من طرف عبدالحفيظ عوض ربيع

» كتيبة ثوار طرابلس التابعة لهيثم التاجوري تقتحم غابة النصر
أمس في 5:20 pm من طرف عبدالحفيظ عوض ربيع

» السيطره على قاعة السلسبيل للمناسبات و محطة الوقود
أمس في 5:18 pm من طرف عبدالحفيظ عوض ربيع

» اغلاق الطريق الرابط بين جزيرة جامعة العرب الطبيه الى جزيرة مصنع الاسمنت
أمس في 5:15 pm من طرف عبدالحفيظ عوض ربيع

» السيطره على مساحه كبيره من منطقة قنفوده
أمس في 5:13 pm من طرف عبدالحفيظ عوض ربيع

» ابطال الكتيبه 309 يسيطرون على غرفه عمليات
أمس في 5:11 pm من طرف عبدالحفيظ عوض ربيع

» قاعة الاسيل للمناسبات بقنفوده بعد تحريرها
أمس في 5:05 pm من طرف عبدالحفيظ عوض ربيع

» استشهاد البطل " عبدالله التواتي "
أمس في 5:02 pm من طرف عبدالحفيظ عوض ربيع

» شاهدوا قصر دونالد ترامب الاسطوري المزخرف بالذهب والالماس!
أمس في 4:57 pm من طرف عبدالحفيظ عوض ربيع

» تفاصيل خفض الإنتاج اليومي للنفط
أمس في 9:52 am من طرف STAR

بحـث
 
 

نتائج البحث
 


Rechercher بحث متقدم


هناك ناس تكرههم من اوّل ليله

استعرض الموضوع السابق استعرض الموضوع التالي اذهب الى الأسفل

هناك ناس تكرههم من اوّل ليله

مُساهمة من طرف اشرف ادريس البشكية في 2009-05-24, 9:17 pm

هناك ناس تكرههم من اوّل ليله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *
هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
* * *
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله
* * *
هناك ناس تكرههم من اوّل ليله
وهناك ناس ما يهُونوا سْنين طويله

للشاعر سعيد شلبي

اشرف ادريس البشكية
عميد
عميد

ذكر
عدد المشاركات : 1123
العمر : 29
رقم العضوية : 168
قوة التقييم : 3
تاريخ التسجيل : 27/04/2009

الرجوع الى أعلى الصفحة اذهب الى الأسفل

رد: هناك ناس تكرههم من اوّل ليله

مُساهمة من طرف حمدى عريف في 2009-05-27, 10:10 pm

قصيده جميله وشكرا اخى اشرف

حمدى عريف
رائد
رائد

ذكر
عدد المشاركات : 589
العمر : 33
رقم العضوية : 99
قوة التقييم : 9
تاريخ التسجيل : 03/04/2009

الرجوع الى أعلى الصفحة اذهب الى الأسفل

رد: هناك ناس تكرههم من اوّل ليله

مُساهمة من طرف مى لمزينى في 2009-05-27, 10:22 pm

السلام عليكم :الست معى ان البيتين التالين كثر وجودهم فى هذا الوقت
(( الصفات)) التى وصفهم الشاعر :
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
تحياتى مى لمزينى ..

مى لمزينى
رائد
رائد

انثى
عدد المشاركات : 458
رقم العضوية : 229
قوة التقييم : 13
تاريخ التسجيل : 25/05/2009

الرجوع الى أعلى الصفحة اذهب الى الأسفل

رد: هناك ناس تكرههم من اوّل ليله

مُساهمة من طرف STAR في 2010-06-10, 8:23 am

مشكور على ما طرحت بارك الله فيك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114609
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: هناك ناس تكرههم من اوّل ليله

مُساهمة من طرف المارد الأصفر في 2010-06-10, 9:49 am

شكرا لك أخي المميز على هدا الأختيار الرائع بارك الله فيك

المارد الأصفر
عقيد
عقيد

ذكر
عدد المشاركات : 767
العمر : 35
رقم العضوية : 1673
قوة التقييم : 8
تاريخ التسجيل : 04/05/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى