شتاوى جدد فى المنتدى وجدد على الاعضاء.........

من طرف **STAR** 2009-04-07, 9:24 am

تذكير بمساهمة فاتح الموضوع :

شـــــــــــــــــــــــتاوات....

من سيات عزيز انحسوا..غير إصدار الناس اندسوا

ننشد في خطاط الرملة.... قال الياس خذاهم جملة

تلاقينا نا والمرهون...كملنا شيل وحط أعيون

نا والمرهون تلاقينا...قصرن ع التسليم أيدينا

نا والمرهون تلاقينا.... كلتنا يسرق في عينه

أنلاقي في النار أملاقاة.... أمغير ينجي في الله

سما حتا كي تكبر نار.... تواريها حتى ع الجار

من راسي لاعند أقدامي... ميكول انوفي في أيامي

رجيتك نين مشط الشيب.... إن كان سيبتك ماهي عيب

نمشي شور عزيز أبطولي... ما فرغ سري مر سولي

روحك يا مرسال طويلة..... نرجا نحسابك ماشي له

اللي ضرتني في المرسال .... عرب حرفتا قيل قال

عندي مرسال امهنيني......... يجري بين عزيز وبيني

من طرف بنت اجواد 2010-12-20, 4:47 pm

عقلي كان مريض تعافا........ هب عليه نسيم اولافا

من طرف بنت اجواد 2010-12-20, 4:49 pm

أيجيب ما يجيب العقل .....زانتو اعزاز مايجيب كيفكم

من طرف الدرسى 2010-12-23, 4:47 pm

نذاره على النهاي .. ادموع ع القدم ظالماتني

ومنورة يازهرة

من طرف **زهرة اللوتس** 2010-12-24, 2:12 pm

نسعى له دنا لولاف ... والقسم في يد ربي تاركه

من طرف **زهرة اللوتس** 2010-12-25, 12:51 pm

الخاطر لو كان أيشاكيك ... بعزمك هذاك أيبكيك ..

من طرف **زهرة اللوتس** 2010-12-31, 7:45 pm

مجموعة من غناوى العلم من جميع الفواهق

منتقاه من الثراث الليبى الجميل

والذى عنده المزيد يضيف فى الردود

المجال مفتوح للغناوى الجديدة والقديمه

1.اعزاز مالكين العقل ينساهم منامى يجيبهم.

2.اتركهن تنال جميل مالك سبب في ذنبهن.

3. انصيمو ثلاث شهور لوكان يا غوالي تقسموا.

4. اجعن دعاي يامرهون تلقاه في ضراري كبيدتك.

5. اتركهن وتنال الصبر مالك سبب في دمعهن.

6. أنتي سبايبه ياعين غلا عزيز لولاك ما رسم.

7. العقل وين عابوا فيه احمل وقال يا العين ساهلة.

8.العقل ماعطوه حقوق اصحاب الغلا ضالمينه.

9. الـعـقل يابـعاد الـدار يـمـسي مـعاي ويـيات عـندكـم.

10.العقل في بلاد جهال إن دار الغلا ياذوه ياعلم.

11.العقل ما ينام الليل سطير جرح لولاف سمره

12. الدمع ما يجلي الياس أيزيدكن أرياف وتنعمن.

13.الدمع ما ايحيد غليل سماحة البكا فيه نوطرة.

14.العين قسمها في النوم دققة وفيها شاركوا.

15. العين قابلت ووزنت والعقل قال ما كيفك علم.

16.العين هي عـذاب العقل دلاته علي راي ذيبله.

17.الـعـين في العذاب تحمل ترجاهم رجا نين يـقسموا.

18.العين من غلا مرهون تذوح ما دباره لاقيه.

19.العين راضية ابمنـــام تنضر عزيز فيه اوتنعمى.

20.العين في ربيع غلاك تطلب الله ما يوم تفقدك.

21.العين حاسبت لو قات لقت زمانها مايل بكت.

22.النار في قرار العقل نزلت ياعلم دار راكحه.

23.النار قايله للعقل أن صار ياس لولا ف ناخـذك .

24.الناس يحسبوك ربيع وأنت عذاب يانار الغلا .

25.الصبر شين وزين كان عليه يا العين تقدري.

26.اللي بهم الصيف ربيع خشوا الجون ياعين باعدوا.

27.اللي صايرة بالعقل سراقة بها ما تدري.

28.ابكي عليه ليل نهار عزيز كان يا عين واجعك .

29.إينوس خاطري مهيوس من ياس ناس كانو له ونس.

30. اللي دلولك اسنين عليهم ابكي ياعين نين تنعمي .

31. بلا قشوشه للنار تشيط نوحلو في ردمها.

32. بعد رديم الياس شقيت نار لولاف لهلبت.

33.بنيت قصر في لامال اكبر الياس جاني وهدمه.

34. برادة الله ايطيح سعد الياس مو ديمة قوي.

35.بلاك ما نريد انعيشن نفداك بالروح ياعلم .

36.تبقي حايسه وتموح عزيز وين عيني تنظره.

37.تقاز الغلا محتار القي الياس على باب الرجا

38. تقديعك علي لوهام بلا نصيب ياعين تجهلي.

39.تنهاهن يديرن عزم يجيهن الليل ويذرفن.

40.تهايولها واسمرت العين وين ما لاج نومها.

41.ترجاك والرجاء في الله العين ياعلم ما ميسه.

42. تبقي حايسه وتموح عزيز وين عيني تنظره.

43.تشيط في خفا وتبان سبيل عادة النار ياعلم.

44.تاكل بلا دخان جواني دقيله نارهم.

45. ترجي العين تاسع ياس ترقيع في غلا بايد لها.

46.تذوح في عقاب الدار تلقي عزيز هيال بالها.

47. تصليب جابها ع الكبد خبير ياعلم نارا لغلا.

48.تقول شاطات اليوم غيات ياعلم باد جيلهن.

49.تلذيع القديم اقهرك ان درتي جديد يا عين شاوري.

50.ثلاث هن دوا المريض ان جن يموت وان غابن بري.

51.جبد سريب جابك فيه بكا العقل ما حوته سكت.

52.جضيض خاطري م ألنار بكي جميع مولاي ما خلق.

53.جابك لهن يا عين خبير المواهيم عوقك.

54.جروح يا عزيز غلاك م الغيبه برايا ع العدم.

55.حتى الصبح عندي ليل على عزيز عيني باكية .

56.حتي والمواوير يـاس غلا عزيزنا ما نتركه.

57.حرثن فيه نين جبرن شلال دمعتي يوم ياسهم .

58.حتي وانت فيك الياس خلق الله توقاتك فرج .

59.حطيت عالقديم رديم مع جديد يا نار اولعي .

60.حال غايتي في الصوب وان صار الخطا مانحضره.

61.خليت ياعزيز العقل جنازة بلاروح واقفة.

62.خلاني صفا ليام نشاكي اللي مانشغله.

63.خلاني غلا مرهون نشاكي الدانون ياعلم.

64.خلاني غلا مرهون نموج في هواء ماله سند.

65.خلاك حايرة في الراي غلا عزيز يا عين دوخك .

66.خطر ودار لك مشغال عزيز قبل يا عين ناسية.

67.خاطر عليك عزيز اليوم وامس يا عين باكيه.

68.خطاهم اللي داروه قبلوا جميل هانوا با علي.

69.خلفت ياعزيز معاي فواهق بنيران يطلقن.

70.خطاك ياعزيز معاي مشكاه عيب واسكوته مرض .

71.خطاي من خطاك معاي سبق خطاك كافيت بالخطا.

72.خطرها خطاك العيب اللي معاي جا ما لا سبب.

73.خذيته وصار أمعاك رفيق زين ماهو أمطالقك.

74.خطيوبك مكان الجرح حطوك يا ضميدة عالخطا .

75.خوفنا بعد توبات جرونا مراهين ما فضوا.

76.دموعي علي لولاف شلال كيف ماره فالجبل.

77.ديما قبال العين سوا بعاد والا يقربوا.

78.دموعي علي لولاف أسقطن في صفاء دارن حفر.

79.دموعك عليه كبار غلا عزيز يا عين ذيبلك.

80.دهواري بلاهم خير لاهم ولا عرب غيرهم.

81.ديما اقبال العين عزيز لا تواري لا قسم.

82.دموعك عليه حلال عزيز كيف ياعين والدك .

83.دموعك عليه كبار غلا عزيز ياعين ذيبلك .

84.دوا مات غلا مرهون م النوم وين نوعي تصيدني .

85.دموعي علي لولاف ستين ألف وادي جلبن .

86.دعاي ياعزيز عليك أدعا حاج مولاي قابله .

87.ذنوب يا عزيز عليك سمار وانت في نومك هـني.

88.راقد وجاك النوم كذاب مو غلا نا جارحك.

89.رجيت والرجا ما جاب ننساهم الله غلب علي.

90.رماهن صفا ليام علي عويل مو قيسا لهن.

91.رجيتك وطال رجاك وانسيتك وما نيتي نسا.

92.رزاك عرف ما فيك صبا العقل ورماك طوطشه.

93.روامي أرمام العقل خطر عزيز حوما جابهن.

94.زعمه يا عزيز تسال والا سحبك ديوان غيرنا.

95. زعمه كيف صارا لموح مدعي غلاي مازال جابده.

96.زرعت زرع جاب أثمار جنوه ناس ما نالوا شقا.

97.زعزاعة الياس تغير ع العين وين ما دارت نما.

98.زعمه ما يريدا لعقل يزها بيك ولا يوم ياعلم.

99.زعمه كيف صارا لموح مدعي غلاي ما زال جابده.

100.زلازل وفيض ونار غياتك براكين خلفن.

101.سقوه من نقيع الصبر ينسا عزيز مابا خاطري.

102.سياتك صقيع جمود حطيتهن علي نارك طفت.

103.سمرن نين ماح النجم حتمن ياس غاليهن غفن.

104.ستين الف جوز طبيب الجرح جار عانوه كادهن.

105.سفا رديم ع النيران العـقـل وين مافيهن وحل.

106.سحبه صوب مرهونين العقل ما عليه والي نشد.

107.سريب صوب جا للعقـل نساه يا علم طاري الهل

108.شلال من شراب عزيز دموعي علي ياس العلم.

109.شدي عزايمك ياعين يفـني العمر يابال الغلا.

110.شكاع بارقه ما بات غلا جديد لا في خاطري.

111.شكواك له امغير معار للي عليه ماجار فاهقك.

112.شكواك وانت داك كبير للي سليم بورة حا سرة.

113.شراب في المفاصل ذاب غلاك داه ما لا دواء.

114. شقانا وراهم ضاع سعد الغير جا فيهم قوي.

115.شرهان خاطري بغلاك يطولك ولا راضي ع البكاء.

116.صبا العقل يوزن فيك لقيك ردع لوطان كلهن.

117.صبار والكواين فيه شديد شديد عزم ثاريت خاطري.

118.صبرن يا عزيز سنين اللي قبل يوم يكيدهن.

119.صبا لي وزير الياس نساني غلا مو برادتي.

120.صنم شكيت له م الياس جبر بخاطري وقال يقسموا.

121.صعوده تهابي فيه غلا عزيز يا عين كايدك.

122.ضليتي ضلال كبير وراء عزيز يا عين الحياء.

123.ضليله وراء مرهون العين م ا لبكاء نين أنعمت.

124.ضليله وراء مرهون العين م البكا نين انعمت.

125.ضليله رايها مازال العين بالمراهين شاقيه.

126.ضليله وطت في حوض تطول في عزيز وتلتغب.

127.طباعة غلا مرهون تناوض علي رأس حولها.

128.طروا عزيز ع الغفلات سهيت نين ما فيدي وقع.

129.طارح فراش الياس العقل نام نومه ريحه.

130.طالب الله فزاع بيني وبينك ما ايصير وداع ليوم الآخرة.

131. طبيب لطبيب ايقول ايموت بينا راك تلمسه.

132. طبيب ياعزيز غلاك صفق ايديه مولاقي عزاء.

133. ظليمه عليه الصبر جرحه جديد مازال خاطري.

134.علي اثر جيرته مرهون تما بغيبته ما ينطري.

135.عليه أبشري ياعين عزيز كان مرهون وفضي.

136.عليها شرار النار غيات المراهين يعلم.

137.عليهم لها مدات عزاز قابلوا عيني بكت.

138.علي غلاك نين تموت العين ياعلم بات رايها.

139.علي جار طالق نار غلاك وين ماجا لخاطري .

140.عليك بالعلم ياعين اللي عجاج ميراده طرب.

141.عليك خاطري مجروح وياعزيز ناويش درتلك.

142.عيب ياعزيز النقص وهن معاك دجاية غلا.

143.عزيز وقت نوم الناس سريبه يجي دون خاطري

144.عزيز وين ما نطروه يسيلن رقيقات الغرض.

145.عزيز هو سبب لنظار عماهن وما بايقودهن .

146.غفت العين جاب العقل سريب ياعلم طار نومها.

147.غلاي وين دار اثمار مشاله الياس وقطعه.

148. غنايا ونا معتاز العقل قال مالي ومالهم.

149. غني في غني مشتاق زعمه كيف لا ماهم يجي.

150.غربه وجا يـلين عليك زعمه ويش قانوك لهم.

151. غرض العين في مرهون سفاه الا لكن مضت.

152.غلاك عضم كسره قند دقداق ما جبيره تلايمه.

153. غالي علي لنظار حتي وانت مرهون ياعلم.

154.فدا عزيز مو ميجود كبير جا علينا فاهقه.

155.في علو ملزومات حدرن وين نباهن علم.

156.في زمان قل القدر لقي العقل لتراك خير له.

157.فراق ا لعزيز صعـيب تخريج روح يانا موعره.

158.فطنوا باقلال الدين علي مساربه تادروا حرس.

159.فراق العزيز صعيب والصبر في فراقا كادني.

160.قايله مع عقال العين حالفه ما تخونهم.

161.قديم جرحهم لولاف حقا وهم غنا ياما بري.

162.قفزات خاطري م النوم اسبابه الغنايا وجرحهم.

163.قليلة نجا ياعين من يوما وطيـتي نارهم.

164.قسمت ليلها ليلين العين في مراجيي غاليا.

165.كاس ياسهم في اليد يذوق فيه ويقول يقسمو.

166. كلت زنايقه تقديع العقل ياعلم نار الغلا.

167.كبرت نار شاطت نار ولعت نار في نار قابلت.

168.كبرن نار مرهونين كميتها علي جوفي رقت.

169.كثرن كواينك يا وقت وغاب عزمنا بيش نتقوا.

170.كانت العين مزار يجوها مجاذيب يوقعوا.

171.كبيره عليه العقل تجفاه دار ويعاود لها.

172.كنيب تشغلي مولاك علي عزيز يا عين أغردي.

173.كذاب يا منام الليل تجيب في ناس طال ياسهم.

174.كنيبه مغير ايام سعد الياس مو ديما قوي.

175.كذاب من تشيط معاه ويقول نا نواري نارهم

176.كميته علي جار غلا عزيز نشكي بالمن.

177.لو كان بعذابك حاس عزيز ما جفا يا خاطري.

178. لو كان ما خلق مولاي مغير أنت وأنا والغلا.

179. لو كان الوطا تنشال نشيلو عزيز ومقعده.

180.لو كان يقسم المرهون نرجوه ما علينا في البطا.

181. لو كان يا منام الليل تبقي رسيل بيني وبينهم.

182. ليش يا عزيز ادير الصوب وأنت عابي ع الخطا.

183. ليالي مضن وايام طلبنا الله لا أتعاودهن .

184.مغير مذهب الرايات الا العقل رأيه مودعي.

185. مبدوعه نديروا صوب تصير في عقابه مخادعه.

186. مرهون تحت ناس عزاز رزاني وناره مقايله.

187.مرهون يالعين أنسيه ديري عزاوين واصبري.

188.مرهون جاصداف العقل عليه تبت توباتي نقض.

189. مرهون ماعليه رباط يخون ويما قابل نظر.

190.مرهون عند شين اللون غلا عزيز ياناري اقبي.

191.مرهون عند شين اللون احجر نباه ماعاد ينطري.

192.مرهون دارلك ياعين سراقة غلا نين ذيبلك.

193.مرزي العقل كا مي داه من خوفا يشاكيك تنكره.

194.ما طبيب داوا داي تعال يا سبب داي شوفني.

195.ما تقول فيهن زول بعد عزيز لوطان سوتهن.

196.مالك في الغريب نصيب علي هلك ياعين عاودي.

197.نستاهل انكان الحمت نار طافية نابشتها .

198.هني كان هم لولاف بعد رجاي يا عين طلتهم .

199.وحلت فى ضلال العين كبرت نار ع النار لوله.

200.يزازن بنار غلاك الانظار ياعلم واكلتها .

201 ..خان غلاي وقسمي لطه خنجر بين اضلوعي حطه

202..ياجياب نبا فرقاهم ياريتك عديت معاهم

.203..يا جياب نبا الغوالي ياريتك ما قلت الوالي

204..هداهدود الي خبرها جاب نبا العزيز قهرها

205..عزيز اقسامه ريح خريف ايطلطن ماتعرفهن كيف

206...نا والعين شقانا زايد *ترقيع البايد بل البايد

207...عندي عل المرهون دلاله نغمزله قدام اعياله

208...يا مرهون مراتك نيه كيف انجيها تفرح بيا

209..الحوش الي قالو ما انجيه ما اندير اعويله الافيه

210 ..ذابت عليه الكبد عزيز غير ياعين ما قسم

211..اللى جبنونة كى القمر علينا ياعينى خاطر

212..عيون اللى مربى ع الليد ايبوع واحى صيد بعيد

213..صباره عيني ما اسمحها حتى كان عزيز جرحها

214..نهونى عقالي مابيت بروحي عا النار اداعيت

215 ..عينى سالت يوم خطاهم وانعميت ساعة فرقاهم

216 ...عزيز بعد ما دار خطاه توازت بدري نا واياه

217...يا لانظار مسكته صيدي فكنه لاقسام امنيدي

218 ..عندى عين اشكا ما تشكي لكن وين اترايف تبكي

219...من خونه لولاف او جاي انخلط في نومى با ابكاي

220... ياعيني عا الدار حلفتي لكن جروك وخالفتي

من التراث الليبى

وسلمتو

من طرف جلنار 2011-01-06, 6:04 pm

من طرف عطرالمنتدى 2011-01-08, 11:51 am

يالقديم امشيط ريقي......... حتى وين اخطيت طريقي

من طرف عطرالمنتدى 2011-01-08, 11:55 am

الياس
كل غلا نجارو شوره............ ياخذ فيه الياس النوره

من طرف **زهرة اللوتس** 2011-01-08, 1:16 pm

الجرح موش كله جرح الجرح صحيح ألي ماينقرب

من طرف **زهرة اللوتس** 2011-01-08, 1:17 pm

جضيت رفعت ايديك ذليت يا مداوي جرحنا ايبكن شديد العزم اوقات فينا يظلمن

من طرف **زهرة اللوتس** 2011-01-10, 10:35 am

إن كان الشكـر يعـجز أن يفي فلكـم من أعماق القـلب دعوة صادقة لا تنقطع..وكل الشكر للمرور المميز والرائع أسعدني جدا تواجد توقيعكم بصفحتى .... كل الشكر للمرور الرائع واتمنى ان ما قدمته نال رضاكم ولكم كل الود - كوكتيل صح الصح - صفحة 8 5f0dc5cdda

من طرف arb1982 2011-01-10, 11:51 pm

مشكور وسلمت يميينك

من طرف هنوده محمد 2011-01-11, 9:19 pm

منورررررررررررررررر ياستار cheers

من طرف **زهرة اللوتس** 2011-01-11, 10:17 pm

غلاك مو كساد ايام ****اتريك العين على طول عمرها

من طرف طيب ليبيا 2011-01-13, 11:27 am

منور

من طرف ابن المنتدى 2011-01-13, 12:47 pm

لا والله هضا خبر شين

من طرف ابن الباديه 2011-01-13, 2:46 pm

من 201 وما بعدها حتى 220 ماهشن غناوي يا "زهره"

من طرف محمد اللافي 2011-01-13, 2:54 pm

سمرن نين ماح النجم حتمن ياس غاليهن غفن.

من طرف الفراشه 2011-01-13, 3:09 pm

1.كبيره عليه العقل تجفاه دار ويعاود لها

من طرف **STAR** 2011-01-18, 12:10 am

خليت خاطري للناس لهاوه عليه إيميعدوا

من طرف **STAR** 2011-01-18, 12:12 am

صندوق خاطري مقفول مفتاحه مع ناس باعدوا

من طرف **STAR** 2011-01-18, 12:12 am

عزيز الخاطر راح أرياح .... خذ صندوقي والمفتاح

من طرف **STAR** 2011-01-18, 12:13 am

افتشوا خاطري لقيوه اللي مو وخيذه كاينه

من طرف **زهرة اللوتس** 2011-01-18, 1:24 pm

صبارة عيني مااسمحها حتى انكان عزيز جرحها

من طرف **زهرة اللوتس** 2011-01-18, 1:26 pm

غالي بمغلاه لهاني ......... مشاني وقته ورخاني

من طرف **زهرة اللوتس** 2011-01-18, 1:34 pm

ما لقيت من نشكيله يمسح دموعي وين ما نبكيله .. مليان خاطري

من طرف **زهرة اللوتس** 2011-01-18, 1:35 pm

ماعمرنا قصرنا غير وقتنا قاصر كسر خاطرنا والعين بدموعها

من طرف شمس المنتدى 2011-01-18, 1:49 pm

غلاكم موش امغير غلا * أغلى من روحي حتى نا

من طرف شمس المنتدى 2011-01-18, 1:50 pm

نشدت ناس اعزاز علينا * حاجه واثنين اتنسينا

من طرف **زهرة اللوتس** 2011-01-18, 1:52 pm

العقل وين عابو فيه ... ضحك وقال يالعين سامحي

من طرف **زهرة اللوتس** 2011-01-18, 1:53 pm

عالصوب نشعفو شعفان لو كان غير يبراجرحنا.

من طرف محمد عبد الله اسويل 2011-01-23, 12:23 am

رباني ونا قزون *** الياس بوي وانا جنينه
لا انغفل لاننساه *** كتاب الغني هو قرايتي
جبد سريب جابك فيه *** بكا العقل ما حوته سكت
سيور الدنيا منفرجى*** قولوا للمتذايق يرجى

من طرف شمس المنتدى 2011-01-23, 12:31 pm

مشكورة ربي يعطيك العافية

من طرف محمد بومشاظي 2011-02-06, 4:40 pm

جرو عليه ياجديد غلاك ماعمر نين القدم
عزيز من غلاى عليه عزيز جابلى بيه وادنى
ايجد الى ماعمرا جد عزيز ابغيرا فى ايود
عزيز بعد طال التعويز مكانه دل عليه عزيز

من طرف جلنار 2011-02-10, 2:26 pm

من طرف طيب ليبيا 2011-02-13, 12:57 pm

اللي وجعتني صاحب صوب هلبني والقيتة مهلوب

كوكتيل صح الصح

شتاوى جدد فى المنتدى وجدد على الاعضاء.........

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

220 غناوة علم على جميع الفواهق

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

رد: كوكتيل صح الصح

غناوى وشتاوى عالسريع

رد: كوكتيل صح الصح

رد: كوكتيل صح الصح