منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» بالفيديو.. طريقة سهلة لتهوية السيارة قبل صعودها
اليوم في 2:19 pm من طرف STAR

» صور أبكت العالم.. طفل هندي يحاول أن يرضع من أمه الميتة على الطريق
اليوم في 2:13 pm من طرف STAR

» بالصور: إحداهن رافقت زوجها إلى مقصلة الإعدام وأخريات انتحرن.. نهاية زوجات أشهر حكام العالم
اليوم في 2:13 pm من طرف STAR

» لأول مرة.. صور ملونة للحرب العالمية الثانية يكشف عنها متحف الحرب البريطاني
اليوم في 2:10 pm من طرف STAR

» ما هدف هذا الصندوق على متن الطائرة؟
اليوم في 2:08 pm من طرف STAR

» بالصور: مراحل بناء “برج إيفل” وحقائق لا يعلمها الكثيرون عنه
اليوم في 2:07 pm من طرف STAR

» شاهد: مطاردة مثيرة لقاتل يقود شاحنة داخل مطار
اليوم في 2:04 pm من طرف STAR

» بالفيديو: مطرب آه يا زهر ينطق الشهادتين في هاني هز الجبل.. والمقلب مرعب ومميت!
اليوم في 2:03 pm من طرف STAR

» شاهد ردود لاذعة لـ أمراء ومشاهير الإعلام السعودي على نشر الجزيرة للكاريكاتير المسيء
اليوم في 1:51 pm من طرف STAR

» بالصور.. خطأ بسيط يكشف سر “سحلية” رامز تحت الأرض
اليوم في 1:50 pm من طرف STAR

» تاريخ السلاح الجوي الليبي
اليوم في 1:48 pm من طرف mohammed.a.awad

» لندن: عطل إلكتروني يسبب اضطرابات في رحلات مطار هيثرو
اليوم في 1:44 pm من طرف mohammed.a.awad

» لماذا تمتلك بعض دول العالم السلاح النووي وتحرمه على غيرها
اليوم في 1:40 pm من طرف STAR

» بالفيديو...ثعبان يشرب الماء بشراهة في الصحراء السعودية
اليوم في 1:38 pm من طرف STAR

» مطر ناري" في الصين (فيديو)
اليوم في 1:36 pm من طرف STAR

بحـث
 
 

نتائج البحث
 


Rechercher بحث متقدم


شعر عن الناس

استعرض الموضوع السابق استعرض الموضوع التالي اذهب الى الأسفل

شعر عن الناس

مُساهمة من طرف هنو ليبيا في 2011-10-16, 11:05 pm

هناك ناس تكرههم من اوّل ليله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *
هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
* * *
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله
* * *
هناك ناس تكرههم من اوّل ليله
وهناك ناس ما يهُونوا سْنين طويله
avatar
هنو ليبيا
نائب عريف
نائب عريف

انثى
عدد المشاركات : 64
العمر : 32
رقم العضوية : 6988
قوة التقييم : 0
تاريخ التسجيل : 30/09/2011

الرجوع الى أعلى الصفحة اذهب الى الأسفل

رد: شعر عن الناس

مُساهمة من طرف محمد اللافي في 2011-10-16, 11:10 pm

هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
*********************************
وهناك اعضاء مواضيعهم موش عادية
مشكورة هنو علي الشعراء
avatar
محمد اللافي
مستشار
مستشار

ذكر
عدد المشاركات : 27313
العمر : 37
رقم العضوية : 208
قوة التقييم : 54
تاريخ التسجيل : 28/06/2009

الرجوع الى أعلى الصفحة اذهب الى الأسفل

رد: شعر عن الناس

مُساهمة من طرف هنو ليبيا في 2011-10-19, 12:38 pm

مشكوررر اخى محمد ع التشيجع هدا بس من ذوقك
يسلموووو
avatar
هنو ليبيا
نائب عريف
نائب عريف

انثى
عدد المشاركات : 64
العمر : 32
رقم العضوية : 6988
قوة التقييم : 0
تاريخ التسجيل : 30/09/2011

الرجوع الى أعلى الصفحة اذهب الى الأسفل

رد: شعر عن الناس

مُساهمة من طرف العاشق الصغير في 2011-10-20, 2:40 am

مشكـــــــــــــــوره وبارك الله فيك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~




avatar
العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 28
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: شعر عن الناس

مُساهمة من طرف هنو ليبيا في 2011-10-22, 8:17 pm

مشكورررين ع مروركم الطيب يسلموو
avatar
هنو ليبيا
نائب عريف
نائب عريف

انثى
عدد المشاركات : 64
العمر : 32
رقم العضوية : 6988
قوة التقييم : 0
تاريخ التسجيل : 30/09/2011

الرجوع الى أعلى الصفحة اذهب الى الأسفل

رد: شعر عن الناس

مُساهمة من طرف زهرة اللوتس في 2011-11-12, 6:26 pm

لكم كل الشكر..وفقكم الله

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
لحظة الوداع من أصعب اللحظات على البشر .. ولكن ما باليد حيله
وداعا ... لك ايها المنتدى الغالي..وداعا ... لكم يا أعضاء منتديات عيت ارفاد التميمي
وداعا ... لكل من اسعدته ..وداعا ... لكل من احزنته..وداعا ... لكل من أحبني
وداعا ... لكل من كرهني ..وداعا ... لكل من كنت ضيفا خفيفا عليه ..
وداعا ... لكل من كنت ضيفا ثقيلا عليه ..وداعا ... وكلي ألم لفراقكم
لأنكم أفضل من إستقبلني ..وداعا ... وكلي حزن لأنكم خير من شرفني
وداعا ... واجعلوا ايامي التي لم تعجبكم في طي النسيان ..فقط تذكروني بينكم!!
وداعا ... واستودعكــــــــــم الله الذي لا تضيع ودائـــــــــــــعه
اتمني لكم اوقات سعيد
واتمني التقدم لهذا المنتدى الرائع

avatar
زهرة اللوتس
إداري
إداري

انثى
عدد المشاركات : 124527
العمر : 35
رقم العضوية : 2346
قوة التقييم : 158
تاريخ التسجيل : 30/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى