غناوي نادرة ورائعه

نلقانك غليت عليه العقل نين موعاد حاملك .
حنونه ودارت كبد على عزيز وايش يفضها .
بكيت وين علمي ضاق ابغيض نين بكيت جارحي.
للناشد اريد انقول اسمي انسيت سميت جارحي .
تبكي العين يبكي العقل يبكي عزيز نبكوا كلنا .
حوست عقلي بخطاك تحويست دبش بيت بايره .
من كثر ياعزيز غلاك تظلم اندير روحي ظالمك .
ايداعك عليه عزيز العقل نين مني واخذه .
تبطل بطال يا هواي قزونة غلا طار نومها .
بكاته عزيز ادعوه مازالت علينا غايبه .
حسوفه ادير اشقوق فالقبر كان متنا وما قسم .
فكوا ضمايده عالحول لقيوا الجرح كي يوم لمته .
مغطيات روس الهدب اغيوم سود بالياس يهذلن .
كفارة غياب عزيز ابكا عمر وصيام عالغلا .
عليه خاطري مليان عتب وغيظ وارياف وغلا .
مبذور في ضرا ياسات غلا عزيز لا صاف ولا نبت .
يالله نين نلقوا بيش عليهم عما عين غيرنا .
يبسن اكبودنا يلاك ما ملي رديم يابير الغلا.
علي ياعزيز خطرت تحتي اتلين حسيت الوطا .
اليوم في رقيع اهموم رايح ارياح لبرا نومنا .
مظلوم حاكموه غياب مستوه في خطا مو دايره .
علثر دين خلو ايدين وامرضك زاد نجريبك لمن .
بريافك كليت الكبد نلقانك يابعيد ضارني .
الجفن وين خاوا خوه خطر قديم وازا بينهم .
نساولوه زاد مرضه وانغابوا رفع عينه لهم .
تخايلت فيك خيال نحساب هلك ياعين روحوا .
على دميس تحته نار العقل في خلا جارينه .

مشكور يا غالى على ما طرحت

اشكركم جميعا على المرور الذي اعتز به

وين قاعد يا star ان اندور فيك في انكان عندك رد

قاعد يا اطعمة

حبة مسك انها اكثر من رائعة و الاختيار اروع

شكرا حبة مسك و ياريت ديما تثرينا بمواضيعك الحلوه

حسوفه ادير اشقوق ******* فالقبر كان متنا وما قسم .
حسوفه ادير اشقوق ******* فالقبر كان متنا وما قسم .
حسوفه ادير اشقوق ******* فالقبر كان متنا وما قسم .

مشكور يا غالي علي الموضع الرائع

وحيد هله رزيو فيه ....فى الدار حوستى حوست اللى
*******************************

مشكوره علىالاداء الرائع

دارت لسان طويل******النار ياغني دونك لها

شكرا على ما طرحت

لفوا منام دارت نوع
شطاته سمر جار جارها
--------------------------------------------
من ايردها

وعاها بكا هواي ... أنظر العين هي بيش خترفت