قصيده للكابتن

السلام عليكم ورحمه الله تعالى وبركاته
اليوم جايبلكم قصيد للشاعر الكابتن من شعراء منطقة التميمى وكلكم تعرفوها المنطقه(حـــــــــــــــصريا)

طبعا نحنا نعرفو الشاعر هذا تحكيله على موضوع معين يشعرلك عليه فى نفس اللحظه
يوم من الايام ماشى مع شارع ومعاه صديقه المهم الشخص هذا يحكى الجمعه وقالا:
عندى بيت شعر على باب منزل صديقتى لانه كل ماانخطم امعا الشارع نلقا صديقتى امشرعه الباب وقاعده وراه وعندما ايكون الباب مقفول معناها موش وراء الباب..
ما انطولش عليكم
القصيدة :
يابابن شارعك هو الطريق...........ماتسكر اتعطب نهارى
كى تنطبق يركبنى الضيق....وكى تنفتح ينبسطن اسرارى
الى حلتك فى عينى بريق.......وطلعت الى وراك متوارى
ازويله امفضل على الفريق......كلام واثق مو الفاف سهارى
امعاه يبقى ينزمط الريق.... .وتنقلب حلاوه طعمت امرارى
وكل كلمه انقولها بيه اتليق...... انريد انكمل امعاه مشوارى
او ناخذ النهار كله تحليق ........على مول الهدوب مطارى
ومعا صورته من نومى انفيق ....اوننظر احذاى ماله طارى
بلاه ماعاد نقدر انطيق.............ولايحملن بلاه انظارى
ونشكيلك يابورفيق............على حالى اوحال افكارى

والى اللقاء فى قصيد ه اخرى لهذا الشاعر الكبير(قيلت القصيده عام 1992 )

ههههههههههههه
طلعت زبطنا
وين ألقيتها بس
كنت قد حرقت آخر أشعاري

المهندس كتب:راااائع يا كابتن والله قصيده مش عاااديه
بس وين يا بوفرقه في 92 وين القيتها

مشكور باش مهندس على المرور الرائع

امنور يالكابتن ماحسبوكش شاعر

لو في اي قصائد اخرى لو تكرمت وبعد أذن الكابتن نبوهن ..... مشكور

ابوبكر حنتوش كتب:امنور يالكابتن ماحسبوكش شاعر

شاعر لا اليوم ولا امس

المهندس محمد اللافي كتب:لو في اي قصائد اخرى لو تكرمت وبعد أذن الكابتن نبوهن ..... مشكور

اتمنى من الكابتن ان يقوم بتزويدنا ...بجميع قصائده

.

ياجمعه والله قصيده جميله
بس وين الوزن فى الشعر.وشكرا

مهضوم يابوفرقه شكرااااااااااااااا[b]

حمدى عريف كتب:ياجمعه والله قصيده جميله
بس وين الوزن فى الشعر.وشكرا

مشكور بو عريف ..وان شاء الله ايكون سمعك الشاعر

الف ليله وليله كتب:مهضوم يابوفرقه شكرااااااااااااااا[b]

شكر ليله على المرور المهضوم

منور يا بوفرقة طلعت المدسوس

حمدي .....صقع عليك
ههههههههه

مشكور يابوفرقة على هذة القصيدة بس ماعنديش علم ان استاذ جمعة شاعر نرجوا المزيد من قصائدة طبعا بعد اذنة

مفتاح على اجليل كتب:مشكور يابوفرقة على هذة القصيدة بس ماعنديش علم ان استاذ جمعة شاعر نرجوا المزيد من قصائدة طبعا بعد اذنة

مشكور ابن الصديق المؤقت..وان شاء الله اذا كان عنده قصائد اخى اعتقد مايبخلش علينا

THE STAR كتب:منور يا بوفرقة طلعت المدسوس

القصيده تدل على عمق العلاقه بينى وبين الكابتن ولها دلالات وذكريات لاتمحى من الذاكره ولايعرفها الا الكابتن

مشكور

هذا اخر خبر ياكابتن

طلعت شاعر واحني مانندروا هذي فيها حق عليك

وحقنا عليك انك ادير قسم خاص وتكتب فيه كل اشعارك

ومش مسموحلك انك ترفض

مشكور يابو فرقة نلقنك خطير ومايجيبوها غير رجالها هههههههه

الكابتن ساكت على داه ومايبيش ايخبرنا انه شاعر

لكن على ميييين وبوفرقة موجود

مشكور

مشكورين يا اعضاء

عندنا شاعر في المنتدي وساكتين ...؟

قصيدة رائعة يالكابتن ومشكور يابوفرقة على المعلومة الهامة

من خلال التحدث مع الكابتن حاس بانه هناك ملكه شعر ولكن حكايه نضم الشعر هذه جديده ولهذا بو فرقه طلع الزبط ....فلا تحرمنا من اشعارك والله .ايه

باين عليكم ياجماعة الخير ماعندكمش فكرة على أنَّ الكبتن ينحدر من عائلة لا تخلو من كبار الشعراء الشعبيين فى أى جيل عبر تاريخ المنطقة فعلى سبيل المثال فقد كان الساعدى الكبارى من أعظم شعراء عصره ، وابنه عبدالله كان شاعراً بليغاً ، وحتى أخت عبدالله (حمالة ) كانت تُجيد فن القول بالإضافة إلى أنها راوية للشعر عن أبيها. والشاعر أحمد إبن عبدالله مازال يتقن الشعر (ربنا يعطيه الصحة ) .هذه امغير أسرة واحدة أوراه انسيت فاطمة بنت عبد الله السا عدى (الله يرحمها ) حتى هى شاعرة وراوية عن كل من أبيها ، وجدها.
وانكان جيت العثمان بواعطية سيخرس الشعراء بجانب شعره . وانكان جيت السالم بوصالح املقبينه فىعصر ه ب ( القرنج ) نسبةً لإذاعة لندن . ويشتهربأن يقول الشعر الفورى وليد اللحظة . زيد امعاهم موسى بوسليمه حتى هو موش اعطيب العويله فى الشعر. أوراكم تنسوا سعيد بوحوا مازال حى ربنا يعطيه الصحة . أوحتىبوه من أكبر رواة الشعرفالمنطقة وانشد وا ليش امسميينه المطبعة . الكلام اللى انقول فيه .راهم كلهم ماينقربوش فىالشعر ، وانشدو والنشده الدل الذاهب.

مشكور بوفرقة على نشر مثل هذة القصيدة واياريت الكابتن يكتبلنا قصيدة (السباط) اذا كان معندش مانع لانها فكاهية اوغير عادية لا زلت اذكرها
تحياتى
ردا على ليث السبيق الكابتن ((ايحل على شارعين)) عيت بوحوة ظنا عمه ونسابة ههههههههه

ليث السبيق كتب:باين عليكم ياجماعة الخير ماعندكمش فكرة على أنَّ الكبتن ينحدر من عائلة لا تخلو من كبار الشعراء الشعبيين فى أى جيل عبر تاريخ المنطقة فعلى سبيل المثال فقد كان الساعدى الكبارى من أعظم شعراء عصره ، وابنه عبدالله كان شاعراً بليغاً ، وحتى أخت عبدالله (حمالة ) كانت تُجيد فن القول بالإضافة إلى أنها راوية للشعر عن أبيها. والشاعر أحمد إبن عبدالله مازال يتقن الشعر (ربنا يعطيه الصحة ) .هذه امغير أسرة واحدة أوراه انسيت فاطمة بنت عبد الله السا عدى (الله يرحمها ) حتى هى شاعرة وراوية عن كل من أبيها ، وجدها.
وانكان جيت العثمان بواعطية سيخرس الشعراء بجانب شعره . وانكان جيت السالم بوصالح املقبينه فىعصر ه ب ( القرنج ) نسبةً لإذاعة لندن . ويشتهربأن يقول الشعر الفورى وليد اللحظة . زيد امعاهم موسى بوسليمه حتى هو موش اعطيب العويله فى الشعر. أوراكم تنسوا سعيد بوحوا مازال حى ربنا يعطيه الصحة . أوحتىبوه من أكبر رواة الشعرفالمنطقة وانشد وا ليش امسميينه المطبعة . الكلام اللى انقول فيه .راهم كلهم ماينقربوش فىالشعر ، وانشدو والنشده الدل الذاهب.

كلامك مايخرش اميه ياليث ومشكور على هذه المعلومات الجد قيمه بارك الله فيك على المرور والاضافه

قوم قوم قوم قوم ما دوتش شئ جفجفة

كان سمعتوا قصيدة ماتورى الضى هى الى روعة صاح

مشكورين على المرور بارك الله فيكم

مشكور بوفرقة

بارك الله فيك على ما قدمت

نبوا قصيدة متورى الضى

STAR كتب:بارك الله فيك على ما قدمت

نبوا قصيدة متورى الضى

مشكور ستار على المرور وياريت الكابتن يعطيها لنا توا انزلوها لانه ربما موش فاضى