غـــــــــيّــــــــــروه عــــــلـــــــيّـــــــا .....

من طرف اسماعيل ادريس 2011-11-18, 2:49 am

غـــــــــيّــــــــــروه عــــــلـــــــيّـــــــا ..... و نــا راي غـيــره مـــا يـغـيّـر فـيّــا

مــن غـيـر سـيّــه دار فـيّــا الـسـيّـه ..... تغـيّـر و غـيّـر خــط وجـهـة سـيــره

تركـنـي امــواج الـظـن تـلـعـب بـيّــا ..... غير شنو داير شن سبب تغييـره ؟؟

علـى مـا فتشـت الفـكـر طـيّـه طـيّــه ..... مــا لقـيـت غـيـر الطيّـبـه و الخـيـره

الـبـايـن انّـــي بـصـفـا الـنـيـه نــيّــه ..... و انـّـه مخـالـف ظـاهــره لضـمـيـره

رخـانـي و دار قـبــال عـيـنـي غـيّــه ..... يـحـسـاب تقتـلـنـي عـلـيــه الـغـيــره

اخطيـت قلتلـه يــا بــو خــدود نقـيّـه ..... بعـد خونتـك مــا شــان لـيـك نـديـره

داويـتــنــي بـالــلــي تـبــيــه اذيّـــــه ..... مشكـور و انـت مـا تحـض شكـيـره

مصـيـرك تطـيـح و قــول قـالـه لـيـّـا ..... راهــي الدنـيـا يــا صغـيـر صـغـيـره
~~~~~~~~~~~~~~~~~~~~~~~~~~~~~~~~~~~~~~~~~~~~~~~
غـــــــــيّــــــــــروه عــــــلـــــــيّـــــــا ..... 10812