يابدر شيل سلامي

من طرف **العاشق الصغير** 2011-12-07, 8:35 am

يابدر شيل سلامى

يابدر شيل سلامى

يا بدر شيل سلامي ..
واحكيله على ظرفي عيون الدامي
وقوله تخمم راقات عزامي ..
ولريد له الجوله غير ماهي فيدي
حتى وين نرسمها ايجن قدامي ..
... عدة عوامل بالات وقيدي
المهم لخصله عكاس أيامي ..
وقوله على معاودين عبيدي
&&&
يابدر وين تشوفه ..
سلم لي عليه عليه وشوف كيف ظروفه
راهي عليه اكبيتي ملهوفه ..
ومازال في قربه مثيل وريدي
حتى لو تباعدنا جميل الطوفه ..
مازال هو همي وبيت قصيدي
&&&
يا بدر تنظر فيه ..
وعندك اطلاله كل يوم عليه
سولتك برب الكون لا تخفيه ..
حالي عليه بلاه وتمر ميدي
ومسامح عزيز انكان مو داريه ..
ولو طايله منا خبر تنكيدي
وانكان يندري والوضع ما يعنيه ..
يا عزتي بالصادقه وغريدي
&&&
يا بدر ضيك ضاوي ..
على وعلي خزرة عيون الناوي
ازعمه كيف ما دمعي عليه سقاوي ..
هو زاد يبكيبي وشايل كيدي
وامرايف علي وفي رجا المهاوي ..
والا انسي مدعاي ومواعيدي
واموثق مع غيري عزيز رساوي ..
ونا يا قمر تما اصفار رصيدي
&&&
يا بدر جيب اخباره ..
وشيله اخباري م الرياف وناره
لها زمان ما جتني عليه ابشاره ..
ولا عد جواب القيت فيه باريدي
ازعمه هالي ناسي غلا بقداره ..
وناسي ايام العز وتمعيدي
والا اسمر كيف جار الجاره ..
بكايا عليه الشين و تودويدي
&&&
يا بدر شيل وصاتي ..
وقوله دموعي خارمات فتاتي
عليه ونتمنى في جميع اوقاتي ..
ملاقا وايبرد عزيز صهيدي
ما تعلم حتى في نهار امماتي ..
في جيت الغسال في تمديدي
لو بغايتي تحضر نديب خواتي ..
واتطبس علي تقول حيه فقيدي
&&&
يا بدر راني حاير ..
وفيك العشم منه اتجيب بشاير
مازال هو وجهه هضاك الناير ..
اللي البح فيه وفيك يومت عيدي
والا موايره ماعاد هي المواير ..
ليام بدلن مله وبايد بيدي
ماعاد نقطع للغزال جراير ..
ولا عد اتوقع صيد يا جليدي
&&&
يا بدر ما توارى ..
علي كل دولة مطلع بالحاره
سولتك ابرب البيت ويش اخباره ..
نظيف العضا مول الغثيث نضيدي
تذرف عليه العين مي صبارة ..
امغير نا اللي حارن على كريدي
لا اقدرت نصله لا انسيت اجراره ..
قليل الهنا سميت روحي بيدي
&&&
يا بدر نورك هادي ..
وريت في جمالك من جمال مرادي
ما كدرك دمعي اللي بدادي ..
ولا لااشغلك تقديدي ولا توديدي
نين يا قمر ترحم عقاب فوادي ..
واتجيبلي بشاره من منازل ريدي
اللي له سنين امحوسه ميعادي ..
مع الوقت ياساعد على تعديدي