منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
»  قنوات كأس امم افريقيا 2017 + القنوات الناقلة
اليوم في 10:37 am من طرف STAR

» مباريات الخميش 8/12/2016 والقنوات الناقلة
اليوم في 9:39 am من طرف STAR

» مباريات الاربعاء 7/12/2016 والقنوات الناقلة
اليوم في 9:38 am من طرف STAR

» مباريات الثلاثاء 6/12/2016 والقنوات الناقلة
اليوم في 9:37 am من طرف STAR

» مباربات الاثنين 5/12/2016 والقنوات الناقلة
اليوم في 9:36 am من طرف STAR

» Sky Sport News HD Deutschland مجانا على قمر استرا 19 شرقا
اليوم في 9:34 am من طرف STAR

» قنوات الشرينج الناقلة للمباراة برشلونة وريال مدريد
اليوم في 9:31 am من طرف STAR

» ليبيا الجميلة كما لم تشاهدها من قبل.. فيديو
اليوم في 9:21 am من طرف STAR

» كيفية مشاهدة مباراة ريال مدريد وبرشلونة بث مباشر في الكلاسيكو على القنوات التلفزيونية المف
اليوم في 9:19 am من طرف STAR

» مديرية أمن بنغازي تناشد «الموقتة» توفير أجهزة لكشف «المندسين»
اليوم في 9:16 am من طرف STAR

» تكليف 'حمد مفتاح حمد الشلوي' عميدا لبلدية درنة
اليوم في 9:16 am من طرف STAR

» خلفيات اندلاع الاشتباكات في مدينة طرابلس
اليوم في 9:15 am من طرف STAR

» المركز الوطني للصحة الحيوانية بالبيضاء يحذر من ظهور انفلونزا الطيور في ليبيا
اليوم في 9:15 am من طرف STAR

» الجيش يعزز دوره بـ «دعم روسي» و«النواب» ينخرط في حوار جزائري
اليوم في 9:14 am من طرف STAR

» أرخص 8 مدن في العالم للعيش فيها.. بينهم دولة عربية
اليوم في 9:13 am من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


شيماه يا قطع لرحام *** ايباعد الناس القرايب

استعرض الموضوع السابق استعرض الموضوع التالي اذهب الى الأسفل

شيماه يا قطع لرحام *** ايباعد الناس القرايب

مُساهمة من طرف ابن الباديه في 2011-12-15, 10:11 pm

[ هذه قصيده للشاعر "أحمد محمد آدم ارميله" من بيت بو عوصه قبيلة "الفواخر"، وهو من مواليد منطقه" ساونو" حنوب شرق "اجدابيا" سنة 1937. بدأ الشعر كراوي لكبار الشعراء ، منهم عمه " خالد أرميله " و " جلغاف المبروك بو اشعرايه " و " حسن لقطع " ، وغيرهم من شعراء تلك الفترة الزاخرة بكبار الشعراء في مجالات الشعر الشعبي في ليبيا سواءا من بني عمومته "الفواخر" أو من غيرهم من الشعراء الليبيين ، وحفظ حتى لشعراء كانوا من خارج التراب الليبي وتحديدا من "اولاد علي" بمصر . ثم تطورت علاقته بالشعر عيث أصبح يقرضه ودلك في بداية صباه.
يجيد "احمد ارميله" القراءة والكتابة ، وقد تلقى دروسا في القرآن الكريم في "النجع" الذي تربى فيه في بادية مناطق " ساونو" و " النتلات" و "أم البيضان" بنواحي بادية قييلة "الفواخر" القاطنة جنوب اجدابيا. وهو معروف لدى أقرانه ومتابعي شعره بإلمامه الموسوعي بالأمثال والخواطر الشعبية وبأن له مهارة بارعة في قلب القوافي والأبيات الشعرية بطونا ظهورا "سواءا لشعره أو عندما يقوم بالرواية لشعر غيره " منبها لما فيها من جمال أو ناقدا لما اعتراها من ضعف أو قصور. له ابداعات كثيرة في مجالات الشعر الشعبي ولكنه في السنوات الاخيره انصرف إلى نظم قصائد في مجالين فقط هما "كلام لجواد" و "الشعر الديني".منها على سبيل المثال القصيدة التالية المتعلقة بصلة الرحم تحت عنوان "شيناه يا قطع لرحام ......." يذم فيها قطع الأرحام وعدم التواصل بين الأهل والأقارب .


شيناه يا قطع لرحام ........ايباعد الناس القرايب
تلقاهم ضنا عم واسلام ….... اوبينهم اتزيد الغبايب
عداوا ت من عام لاعام ........ عمارهم فنوهن قلايب
اتقول عندهم غيب ليام ... مضمون من جميع الشوايب
ولاايطولهم جور لحكام........ ولا النار يوم الحسايب
امنين الحجر تحت لقدام ......يبقى اتقول قطران ذايب
مكان تنحشر فيه لقوام....... سماه وصف دخان ثايب
وما يمتسك سام في حام...... ولا اعبيد عن زيد نايب
يغيرن علي كل نمام ............حيات يا خذنه نهايب
والطايعين لله في انعام......... واثمار طيبات الهبايب
امثال جابهن فكر كلاّم.............. كبير سن لله تايب
را الدم فالدم عشّام........ ورا ا دعا المظلوم صايب
سكين ينغرس بين لكمام ...رقيق شفر مسنون طايب
وراه البطر سيل هدّام........ للناس دوم لتعاب جايب
كمين صف له طبل واعلام .....جلا ّهم وراحو ذهايب
سابقينا امغيرما دام............ دلالهم اسنين العجايب
بين ريح واتراب ردّام ..........القينا اديارهم خرا يب
قديم الدهرهك برّام ……....مع الزين والشين خايب
ولا مواخذة فقد لكرام ........خلا العقل حاضر وغايب
انحوس وين ما جيت لوهام .....منازل اسماح الدرايب
ركابين مرفوع لسوام ………...الوافر سليم النجايب
إن كان سامر النار مانام ......ايجيب الطوارف هذايب
معاك يوقـفوا كيف تنضام ....لجواد هم اجمال الصلايب
اصحاب نقب مشهور لمـّام......... للجالي قليل الحبايب
ينال بينهم طيب لحلام .........بعيد من هضيب الهضايب
مايخاف ياذيه ذ مـّـام ..............يطول فيه بسوال سايب
نزيل ناس هل شيخ لازام …..…..شديد عزم ينهى العايب
و انجاه واسطة خير يلتام ............يوازي كبار المصايب
يفوت عظم مكسور دمـّـام ..........ومازال تحت العصايب
واتبات كلمته قيد ولجام........... للي كلامهم موش رايب
يملوا بطونهم عيش وايدام ..... وايهارجوك بأدنى سبايب
لا يعرفوا روس لقلام ...............ولا يكبـّروا شيب شايب
على حكم لخلاق بعدام .................ملوا م الدراهم حقايب
ولكن بعد جـر لظلام ..............وارياهم البيض العكايب
اسـّـاع يصبحوا بـور واحطام ......ويسوقن عليهم ضبايب
وعار كيف بنيان لهرام .............من غير الربا والنكايب
قول قال خطـّاط رسـّام............. أوصاف ناكرين النسايب
لحاليح واشدوق ورّام............. وافواه يطلقن في نشايب
حتى بسطهم شين لنغام .............خليط من انواع الهزايب
هم وجوه تزوير واخصام ........... انكان انت هاذين هايب
ناسيين تسكير لنسام.................. بلحود واثقات الترايب
وامدانات ثعبان هجـّـام................. عيونه معاهن لهايب
ينزل الطير لو حام ما حام............... يقولن امثال العرايب
مايجيـبهن لزم لـزّام.................. اخطاهن اطوال النوايب
مامن غـنـي كان غـلاّم.................. عليه بارمات الزرايب
امفـطـّم افطامين وافطام ..............وبيوته يجوهن جلايب
بين ضيف طرقي وجلاّم .............وبين من يشيل الزقايب
واحذاه بـرّكت قدو رزّام ......... افراق من عراض الجنايب
صـدّار من هوادين صيـّـام............... زمازيم ليقة كتايب
على نجع نزال قدّام ..................... اجبال عاليات العقايب
كان واختفى شبه لفلام ...................وغابن معاه الطرايب
الدايم الباري العـلاّم .................... ناشي اثقال السحايب

ابن الباديه
لواء
لواء

ذكر
عدد المشاركات : 1787
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: شيماه يا قطع لرحام *** ايباعد الناس القرايب

مُساهمة من طرف العاشق الصغير في 2011-12-16, 8:04 am

مشكـــــــــــــــــــــــور وبارك الله فيك

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~





العاشق الصغير
مشرف منتدي الشعر الشعبي
مشرف منتدي الشعر الشعبي

ذكر
عدد المشاركات : 13629
العمر : 27
رقم العضوية : 6241
قوة التقييم : 75
تاريخ التسجيل : 03/09/2011

الرجوع الى أعلى الصفحة اذهب الى الأسفل

رد: شيماه يا قطع لرحام *** ايباعد الناس القرايب

مُساهمة من طرف ابن الباديه في 2011-12-16, 10:16 am


كأن "أحمد ارميله" يتحدث بلسان البعض منا عندما يقول عن أهلنا :
ولا مواخذة فقد لكرام ........خلا العقل حاضر وغايب
انحوس وين ما جيت لوهام .....منازل اسماح الدرايب
ركابين مرفوع لسوام ………...الوافر سليم النجايب
معاك يوقـفوا كيف تنضام ....لجواد هم اجمال الصلايب
بين ريح واتراب ردّام ..........القينا اديارهم خرا يب
على نجع نزال قدّام ..................... اجبال عاليات العقايب
كان واختفى شبه لفلام ...................وغابن معاه الطرايب
الدايم الباري العـلاّم .................... ناشي اثقال السحايب




ابن الباديه
لواء
لواء

ذكر
عدد المشاركات : 1787
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: شيماه يا قطع لرحام *** ايباعد الناس القرايب

مُساهمة من طرف التمساح في 2011-12-16, 10:28 am

مشكور اخي ابن الباديه بالفعل معلقه دات قيمه اجتماعيه لهذا الشاعر الفذ وليس بغريب عنه مثل هذه المعله لكون له الكثير من المعلقات المبدعه لمعالجه يوميات المجتمع الواحد ( هل النجع لكرام ) .....

التمساح
فريق
فريق

عدد المشاركات : 3268
العمر : 58
رقم العضوية : 12
قوة التقييم : 18
تاريخ التسجيل : 01/02/2009

الرجوع الى أعلى الصفحة اذهب الى الأسفل

رد: شيماه يا قطع لرحام *** ايباعد الناس القرايب

مُساهمة من طرف نسمة حب في 2011-12-16, 10:30 am

مشكوووووووور يعطيك الصحة

نسمة حب
لواء
لواء

انثى
عدد المشاركات : 2307
العمر : 21
رقم العضوية : 7898
قوة التقييم : 9
تاريخ التسجيل : 04/11/2011

الرجوع الى أعلى الصفحة اذهب الى الأسفل

رد: شيماه يا قطع لرحام *** ايباعد الناس القرايب

مُساهمة من طرف زهرة اللوتس في 2011-12-21, 9:25 am

شكرررررررا لك. .وفقك الله..

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
لحظة الوداع من أصعب اللحظات على البشر .. ولكن ما باليد حيله
وداعا ... لك ايها المنتدى الغالي..وداعا ... لكم يا أعضاء منتديات عيت ارفاد التميمي
وداعا ... لكل من اسعدته ..وداعا ... لكل من احزنته..وداعا ... لكل من أحبني
وداعا ... لكل من كرهني ..وداعا ... لكل من كنت ضيفا خفيفا عليه ..
وداعا ... لكل من كنت ضيفا ثقيلا عليه ..وداعا ... وكلي ألم لفراقكم
لأنكم أفضل من إستقبلني ..وداعا ... وكلي حزن لأنكم خير من شرفني
وداعا ... واجعلوا ايامي التي لم تعجبكم في طي النسيان ..فقط تذكروني بينكم!!
وداعا ... واستودعكــــــــــم الله الذي لا تضيع ودائـــــــــــــعه
اتمني لكم اوقات سعيد
واتمني التقدم لهذا المنتدى الرائع


زهرة اللوتس
إداري
إداري

انثى
عدد المشاركات : 124527
العمر : 34
رقم العضوية : 2346
قوة التقييم : 157
تاريخ التسجيل : 30/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى