العقيد صالـــــــح حسن العبيـــــــدى

من طرف شموخ انثى 2012-01-02, 8:07 pm

صورة لرئيس الاركان الذي تم اعتماده في البرلمان البيضاء يوم امس 1-1-2012
تخصصه الصاعقة - من بنغازي
معسكر بوعطني
معروف باسم (( صالح الزئبق ))

العقيد صالح سالم حسن اكبيره العبيدي من مواليد القبة , درس في سوسه , وعُين آمر كتيبة المضلات في درنه , وانتقل الى معسكر قرناده ,, وسكن فترة في البيضاء , وتزوج من سوسه ثم انتقل الي بنغازي , وعُين آمر كتيبة الصاعقة في معسكر بوعطني بنغازي ., ..... وثم حرم من الحقوق العسكرية والمدنية في الثمانينات ... ... وهو ملقب (( بالزئبق

من طرف اسماعيل ادريس 2012-01-03, 4:04 pm

وهو يتميز بقوة الشخصيه والحكمه اضف الى ذلك شجاعته المشهور بها
................................................
انا من وجهة نظري هذا هو رجل المرحله الراهنخ والقادمه لأنه في وحدين ايخافوا ومايتحشموا ويريدوا واحد زي العميد صالح الزئبق..ولكن بشرط مساندته وموآزرته في بناء الجيش من جميع فئات الشعب الليبي
مشكوره شموخ وبارك فيك

من طرف meme almansory 2012-01-03, 4:11 pm

البيضا تحكي من عندها ومصراته تحكي من عندها
واللجنه المكلفه بتعين رائيس الاركان اختارت من 88 ملف 6 ملفات فقط لاغير
وقالت اللجنه على المستشار هو الي يختار من الملفات السته ولعند توا المجلس مادار شي يبي لبلاد فوض ومايبيش تشكيل جيش .....
مفروض من اول ما استشهد الليواء عين بداله واحد عليش المرخقه لعند توا

من طرف اسماعيل ادريس 2012-01-03, 4:19 pm

هضوم ياميمي الميليشيات المسلحه المحيطه واللي امسيطره ع المجلس يريدوا هكي ومايريدوا جيش ويريدوا هم اللي يحكموا.....
والمجلس لاحول له ولاقوه متكتف ومسيطرين عليه مع جميع الجهات
لكن واااااااااااعره عليهم وتوا ايشوفوا الليبيين شن ايديروا لهم..بس لأنهم توا مازالوا ايتحولوا ومايريدوا فتنه فالبلاد

من طرف meme almansory 2012-01-03, 4:24 pm

حتى في المنتدى فيه تناقض
واحد يقول رائيس الاركان يوسف عبدالسلام المنصورى.
ولاخر يقول صالح حسن اللعبيدي
واحد يقول سالم جحا
وبلاخر يقول خليفه حفتر
من منهم رائيس الاركان ولا هذا كلام بس

من طرف جرذ الصحراء 2012-01-03, 5:02 pm

احيي العقيد صالح سالم علما بأنه صديق شخصي وزميل مهنه وخاصة خلال معركتنا ضد الطاغيه الا انه هناك من يفوقه في الشروط والمعايير بنقطه واحده وهو يسبق الجميع في توليه لمنصب رئيس الاركان العامه وهو العقيد الركن عبد السلام جادالله الصاحين العبيدي وهو احسبه كذلك انشاءالله ثعالى وهو في الصوره السابقه الاول من اليسار ومتحدثا بالهاتف ...اشكر اهتمامكم بوطنكم وبتأسيس جيشكم الليبي الحر القوى بعون الله وهو من سيردع هذه المليشيا المسلحه ونحن لعا بمساندتكم وعين الله ترعانا ...دامت ليبيا حره وامنه

من طرف اسماعيل ادريس 2012-01-03, 5:39 pm

تحياتنا لكل جيش ليبيا وبأذن الله معكم قلبآ وقالبآ
لدحر هذه الفئه الضاله ونزع اسلحتهم
وبارك الله في بوجادلله والزئبق فكلاهما مشهود له ...
ربنا ايكون في عونهم ويسدد خطاهم وينصرهم ويذلل امامهم الصعاب