منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» استقبال جثمان اﻻرهابى موسى بوعين
أمس في 10:24 am من طرف عبدالحفيظ عوض ربيع

» خبر
أمس في 10:15 am من طرف عبدالحفيظ عوض ربيع

» طرابلس العثور على جثثين بمنطقة عين_زارة
أمس في 10:12 am من طرف عبدالحفيظ عوض ربيع

» جحا والقاضي
2016-12-08, 10:32 pm من طرف فرج جا بالله

» كرر ياعلا .. اوقول اغياب لبّاس العبا .. ضر الوطن
2016-12-08, 7:41 pm من طرف naji7931

» "بنغازي" ابرز ماجاء في المؤتمر الصحفي
2016-12-08, 6:02 pm من طرف عبدالحفيظ عوض ربيع

» داعش الإرهابي يعلن عن عملية نوعية
2016-12-08, 6:00 pm من طرف عبدالحفيظ عوض ربيع

» تم نقلهم الى المرج
2016-12-08, 5:55 pm من طرف عبدالحفيظ عوض ربيع

» ماتم الحصول عليه من ارهابى الشركسى
2016-12-08, 5:49 pm من طرف عبدالحفيظ عوض ربيع

» صنع الله ينفي وجدو مرتزقة أفارقة في الهلال النفطي
2016-12-08, 5:39 pm من طرف عبدالحفيظ عوض ربيع

» إجتمع رئيس الحكومة المؤقتة "عبدالله الثني"
2016-12-08, 5:33 pm من طرف عبدالحفيظ عوض ربيع

» 6 غارات جوية مكثفة على تمركزات ميليشيات الجضران
2016-12-08, 5:31 pm من طرف عبدالحفيظ عوض ربيع

» العافية بمدينة هون يستقبل عدد من الجرحي
2016-12-08, 5:26 pm من طرف عبدالحفيظ عوض ربيع

» تقدم القوات المسلحة العربية الليبية
2016-12-08, 5:24 pm من طرف عبدالحفيظ عوض ربيع

» شاهد قناه الكذب النبأ
2016-12-08, 5:22 pm من طرف عبدالحفيظ عوض ربيع

بحـث
 
 

نتائج البحث
 


Rechercher بحث متقدم


الشاعر: نصيب السكوري ( قمة الإبداع )

استعرض الموضوع السابق استعرض الموضوع التالي اذهب الى الأسفل

الشاعر: نصيب السكوري ( قمة الإبداع )

مُساهمة من طرف حبة مسك في 2009-08-02, 10:56 am

الشاعر: نصيب السكوري

خيانة النسا موش من اليوم.. قديمه بثبت الدلايل
الي قلوبهن كيف الحموم.. اقدم في الخدع والرزايل
راه البحر هو الديموم.. وراها تهدر الحايل
مطرا يرق العزوم.. ويفور وسيع البلايل
ياريت خاطري بات محكوم.. في حبس ما يجيه جايل
ياريت خاطري بات مردوم.. في قبر وتراب هايل
ولا في الغلا بات مهزوم.. ولا( حاس) بين العدايل
ولا نريد نندار سلوم.. ولله كل الكمايل
ومازلت ما جاني النوم.. ومازال ها الدمع سايل
ويجن اوقات يبكي المفطوم.. يبقى ع القمر صوت شايل
يسهى يبدله بطرف حلقوم.. عليه كيف حنه تحايل
وناب الجمل راه مسوم.. (زمعيت) الجمل فيه خايل .
الي كي فدر بات مهضوم.. حقه اقصر ع الشوايل
ولو كان يا النيل امخروم.. راك مصر م السيل شايل
لو كان كل من شال( قادوم).. حيد به جبل راه زايل
لو كان كل من بات مظلوم.. (يصبن) معاه القبايل
ما راه بات شي حق مكتوم.. ولا بات (زمط) العلايل
لو كان ها الدنيا تدوم.. ما راه وقت الاجواد مايل
فيهم اطمع كل فقوم.. ان سهراك جنك روايل
يحساب البصل خير م الثوم.. الي الكحل دق النفايل
ولا تنحجز قوم عن قوم.. الا بدم ع الارض سايل

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف الهيلع في 2009-08-02, 12:00 pm

أولاً مشكور حبة مسك على ذلك لكن هذابين فحول الشعر الشعبى يسمى مبتدئ وليس بالمبدع ونوعه أو بحرة ًشبه بالأشناء وهذا غير مر غوب فيه فى الشعر . وثانيا
الوزن فيه بعض الكسور والقافية سهلة لذلك ماتقولش مبدع قول مبتدئ عنده
إن شاء الله مستقبل وارجو منك تقبل ذلك بصدر رحب وروح رياضيه شكراًلك حبة مسك

الهيلع
لواء
لواء

ذكر
عدد المشاركات : 1811
العمر : 41
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-02, 12:36 pm

اولا : بارك الله فيك أنا لم أقول أنه فحل ولا أعتقد أن نصيب السكوري مبتديء أخي الهيلع ... لمعلوميتك قصيدة ( الإبل ليش ) حازة على أفضل جائزة في مهرجان بسيناء وأن لغز القصيدة وصلت لدول الخليج العربي والكل أشاد بها لدرجة أنهم لم يستطيعوا حل لغزها إلي الأن وأنت تعرف أن الخليج موطن الإبل .... فلا أعتقد أخوي الهيلع أن هذا سيكون مبتديء .
أقـــرأ وأحكم خوي الهيلع :
الإبل
الشاعر: نصيب السكوري
البل ليش تكره في اسهيل وليش اتخاف من نوالعمود
والبل ليش في وقت الجفيل اتقبل غير تقطع في الجهود
والبل ليش دمعتها اتسيل حنون مغير في فقد القعود
والبل ليش تمشي للهميل معة تبات في روس الجبود
وليش الدم كي ييبس رزيل الها مرتوع يقتلها القود
والبل ليش في ظلمة الليل اتضوي نار في خط الجلود
والبل ليش منخارها طويل وليمن دوم يبقى فية دود
والبل كيف تعرف في السيل ان راعت برق في مزنة خلود
البل ليش كي تقدراتخيل وفيها شوك جوة في الخدود
والبل ليش ذروتة تميل وفي الميلاد تطرد في الصيود
والبل ليش كي تلقى قتيل تقرقض عظم في فمها اتقود
وليش الخور في صقع الهذ يل اتبرك قبل مايبرك الذود
حليبك ليش يبري في العليل وشين الحمك لأم عيون سود
وينقض ليش في وضو الوكيل سبحان الله صادق في الوعود
رفيقك ليش نشيتي الذليل اللي في الصيف فارق في الرعود
وليش الشعلة هي شكله الجيل ومن الموال ترجا في الردود
والبل ليش في الجرة تهيل وتجفل وين ما ميز العود
وتجادب ليش تاكل في الدقيل واليبس خضر في بطنك ايعود
لو كانت فيك مقدرتي الشيل وليش النقص عندك في الكبود
اعطينا غير من العلم القليل سماك الهول في وطن الهنود
نزلتي فيه الكتاب الجليل ومراحك موش مقبول السجود
غيارات لون مطراها طويل امفيت الربد ولزرق سود
والبل ليش في حموت شعيل اتصادر شمس كي عرض الوفود
ادير مراض بالزور الثقيل وتبرك فيه في مكفات هود
عبسه ليش كي ريح الكليل رضعها حق سموها صعود
فيك امراض ما فيهن وخيم ومنهن طير موش عين الحسود
ان جاك شبار يا بنت الخويل ثلاث اسنين مرجاها امعدود
ويقول انحاز والحاشي سليل ايعادي غير في سن الولود
وان جاك اجذام للكية الكيل رسن بالنار داروه الجدود
وعام 11 درتيه الجميل في شياب لباست جرود
اتشيلي نجع ويلزمك الرحيل نين بنار يرموك اليهود
اتجيبي تمر يطلق في عسيل ما بعد وين من وطن الغرود
وعام 2000 نضولك عويل لعابت اقمار وما يفرزوا في الجلد من العشار
ف والخلاء يا دار القيت جفا لا دوج لا تذكار عليك جابني


فيضان تسونامي
الشاعر: نصيب السكوري

انوصيك يا بحر ع المحبين اللي حذاك راهم أولافي
اصحا اتخونهم كيف لخرين الاي اتقول فيهم اتكافي
اللي جيتهم في الحواشين هايج وفي جو دافي
ورقيت نين طلت البلاكين ورميتهم ع حيط حافي
ألوف موتوا موت غافلين وردوا عليهم السافي
أما يا بحر موش مومنين والا علي شي ما زال خافي
هذول يعبدوا في النسا وين اللي يطلقن في الشعافي
ظلال تبعوا بان موبين ومن لحزاب خذهن اوصافي
زلزال طلعك يا الغلين ولله من المطر بتت جافي
والحوت يا بحر والثعابين ارميتن اصدار السقافي
واللي مكلفك هو المعين عليم قبل علم الصحافي
واللي ساعدك هو ازرهين امريح اقلال العوافي
قبض روح من صدر لامين محمد الصادق العافي
شفيع انته من النوارين نهار عرض وزن الكفافي
عليه صلاة وسلامين ومليار زيده اضافي
ويش خطره ها التظنين للي عليهم اريافي
وصيت البحر ع الجوارين ياللي لذعهم في اطرافي
اللي يخطروا بين نومين ونسمر ونا كنت غافي
واللي تسمرك كثرت الدين ولله عيب من جار لافي
ولله ظلم حكم السلاطين تثبيت زور والحق نافي
ولله وكان في رزق ولدين وتبات جل من نار هافي
ونا في الغلاء من مراهين وهي ماتريده اخلافي
اللي تنطره غير بزين وجميلة برقت شفافي
وانتي هلك كسابة الظين وهم أسياد بيض الحشافي
شهير ملكهم بين رأسين وبيمينهم بعيت الحلافي
وعين بنتهم عين شاهين ولها دور نقض مسافي
كيف صبحها في الغربين سعيد يوم لاجن اصدافي
الله يحفظك حفظ من العين ونية سواد الرفافي
وبجاه من فرز بين دينين وحنا دينا هو الصافي
وبحاه من قرا ذكر ياسين اجعل قسمنا فيك عافي
مليت من الرجاء والتظانين وياس شال بيده اكتافي
ولا ظرنا خلو لدين وبه نقدعوا في الصفافي
ولا انتبعوا في شياطين اللي انغزوا بالمشافي
ولا انميعدوا في التراكين ولا ننفخوا في جمر طافي
عوينه سموم وما مصلحة فيه خاطي الحموم
وما هناك حال تدوم نهار حوزتك يا بوخجل مبروم
افزعي قولي



يجبر وهو مقنود
الشاعر: نصيب السكوري
ويجبر وهو متشاظي.. كسر الغلا يرضى سوا مو راضي
حتى ونا رقات غراضي.. وعارف البكاء ما يجيبش مفقود
ولا تريد تنفع شكوتي للقاضي.. على صوب فايت ما عليه شهود
طناني الياس وحجره مرياضي.. وطاحن ارياحي الاربعة وخمود
وشوخ علي القل ملا قاضي.. شوخة اللي للقدس جاب يهود
يجبر بلا تجبير.. وما يريد يقعدشي بلا تسطير
وحتى ولو غفيت يهفني ونطير.. ويعاود ويبرا والسلف مردود
ويمكن يكون الغيث كي الغدير.. على ام الميامي ياقريني سود
حتى والقسامي جطلن للغير.. وهي بنت شيخ وهم عرب هبود
خذها حنين الواردة للبير.. وشربت وما دارت حساب عمود
ونجيبلك وصايف من بنات الذير.. على امثال لنا عقبوا الجدود
وكيف بايد وحدة تمسك البندير.. وبلا مخلبين الكف مو مسنود
وللهبل كيف نريد عقل ندير.. ان تما يصبي كيف ترشق عود
ولا عمرمضغة رافقت تصفير.. ولا عاش فقري ان غناه قعود


وهالب نريد جديد
الشاعر: نصيب السكوري

هالب نريد غوالي.. مازالوا جد د ما كيفهم لا والي
عيط وراي قديم ذيبل حالي ..سيبته الي حاتم عليه بليل
وماشي ورا مرهون ذاب قبالي.. كي مشيت الكولاس للتصعيد
وهاضا سريبي يا عيون الفالي.. وراك منبلط ما جابني ترديد
واليوم في جفاك امبركات جمالي.. برواحهن وهن لا هن رسن لا قيد
مازال القديم هاضاك هو الهلالي.. حتى لو مشى عريان هو بوزيد
ومازال شاغلهن افكار خيالي.. لاشغال فكر عاقر من سريب وليد
ومازال مو سايل على قصقالي.. ونا كي نحقه مشيتي تقنيد
ومازال ديما في عقاب اسوالي.. ويجي في اوله كي جية المعيد
واضحكلي قديم فرحت صادت بالي.. كي فرحة الصايم بيوم العيد
وهالب عقاب نهارعيطلي.. قديم وفي نازل دار
تحلف عليا الا ملك جبار..وهو كنز مطلب لي فيه رصيد
وتحلف عليه الا خطا ما صار..ولا بينا عرض الياس عنيد
وتحلف عليه غلا مو فخار.. ولاينكسر قاسي تقول حديد
نار نوما ثابت مع كبار.. ونا معايا شاطت من خلاف وقيد
وجوادي حرن معاد حتر مشوار.. الي قبل جيد في حذيه يحيد
وهالب نريد غلاي.. الي جديد نشكيله وهو شكاي
عيطلي قديم وقصره ممشاي.. قصرت ارشا سقاي صيف وميد
حتى وفي الغوالي منقطع مرجاي ..نقطع رزق ميت عيشته تشريد
ونقول يا عزيز ويا عقاب غلاي.. ويا اسعدي ما جابك ولا تسنيد
وان جيت للوساد يحول دون غطاي.. ويحطن انظاري على السمور الكيد
ونحوس حوست العيل ع العواي.. ونشكي ولا هو لانا كسر ولا تثريد
وهالب نريد جديد ..وراي قديم وين انريد.. رديت لاورا


وجيتهن
الشاعر: نصيب السكوري
وجيتهن ونا كنت صبار.. وتمن دموعي سكايب
لا وحي لا ثلب هدار.. ولا صياح لا حس شايب
ولا كوت مطقوق الهجار.. نصيه هضايب هضايب
ان كان قابله راس مندار.. يجي اتقول شاهين طايب
في ايديه ما يعلق مسمار.. مشن في الحصى والترايب
سريب خطره خلو الديار.. الي اليوم تمن خرايب
مكاتيب علام الاسرار.. جياب الفرج والمصايب
ولاتقول راعوا اعشار.. زناقيل كيف الكتايب
يشاوش معانيا بصفار.. عليها لافا كان غايب
خويل سرف وازرق وندار ..رغاويه دارن سكايب
متغيض مع جور الامطار.. هميل مو موالف زرايب
اتقول عبد في سوق سمسار.. دلال سامع هزايب
عليه حلقن جول الافكار.. مجاسير والثلب خايب
وحاشت على نجع الكبار.. ابوادي لهم راي صايب
ولهم لمس في الوطن بابيار.. ايام الصغا والتعياب
وها الضان دارت اسطار.. بامواريد فيهن عكايب
عليهم لافى كل دوار.. بنار عطف تاقت لاهيب
وها البنت لبست سوار.. وتنقض الي كان تايب
وتوعى مع بوخ الافجار.. للي ثديها تقول عايب
وهي في المبارك اصدار.. ضناها جلايب جلايب
ها الشي ما تقولشي صار.. دنيا اجداب واتراب ثايب
يا العقل خليك صبار.. كل يوم ياتن عجايب
منهم خلي الموكار.. وايش الخبر والسبايب
ولاجابوا النهب عطار ..ضربهن كساد دايرهم بعد ياس سود الهماد
تهايوله سبحانه اجواد.. دفنو في صور في جبانه
شيالة السلاح السمح بوذبانه.. ضرابت العايب كان صار عناد
كسابة الي وان الخريف اسنانه.. يسيل م القطاطي ع البوار بداد
مطراح نجعهم ديما هاضاك مكانه ..قدام الزوايا في ظهر مداد
وفيهم نصادر قارت الزيانه.. ومنهم مغرب قابلك مجباد
هاضاك غوشهم ماسك هذيك الحانه.. ويحوشهن عليهم في الخريف اجلاد
اذواد وشوي تسمع زفي دنانه .. في وطن ما داسه ولا رواد
وتسمع انياب الثلب في اسردانه.. مواكير صدن كرهن جباد
وان هدر بغيظ وروحت مليانة.. رعود يعصرن في مزن فوق بلاد
انذرف عليهم في خفا وبيانه.. اجواد طيفهم خلف مغير نكاد
غوش هكي يا ناس قاعد مغير مكانه.. مريب لقيته في خلا صهاد
ورديت منه ردت الدفانه.. بضيقة ملاج ودمعتي بداد
ومن بي مرض يا أجواد.. فيت ما حسايف وطنكم صهاد
ومريب كي اللي يا اجواد ومن بي مرض يا جواد



احكمن خاطري
الشاعر: نصيب السكوري
احكمن خاطري ضيم الأوقات.. وما كل حد ينشكاله
وبقي تقول ما في صوات ..وها الوطن ضايق مجاله
وبقي دمع الأنظار فلات.. وحاست علي العدالة
وبقي البذر من غير الجهات.. وبقي الوقت دالة بداله
وبقي الحج للي خواجات.. والطيب قصر ما مشاله
وبقي السر يمسى وما يبات.. يمشي لصاحبه ينحكاله
وبقي الحق منبوذ بالذات.. وبقي الزور قاعد بداله
وبقي الشكر مو للكلهات.. للذيل عديم الرجاله
ولا نغيهبك بالحكايات.. ولا يريد يفرض سواله
ولا شعرنا بالكنايات.. ولا فيه كلمة رزاله
والناس جايبة في العلالات.. أمثال ينطقن ع السلاله
لا تركبه بو نعالات .. المول بوك يبقى عتاله
وتنباع في جرته بالصدافات.. ويبقى الذيب قمسه وكاله
والشيخ يشهرن فيه رايات.. واصحى تعيب مالك وماله
وراه الصلاة والسلامات.. على إلي ابعث بالرساله
شفيع أمته بعد الممات ..وهي بأمر جل جلاله
ووفى كيل ونقان غايتي.. نار في ليل وقمرة خمود اللوايا
وضان كردست في مقاييل.. وقصله تجيها روايا
وفيه في الجنايب قزاويل.. شميط غزل بين الصبايا
وحاشت على سمح كمبيل.. امبوج ابني في حطايا
وفي الصبح جنها مدابيل.. بناويت ربت سمايا
لا شاوشت ولاهي معاقيل.. اسماح اضراب الحوايا
العب حشوها لعب تجفيل.. تباعد وروح هتايا
وكيف حلبن جن مشاييل.. اقداحه رغاوي ملايا
لهن خدود كيف القناديل ..ولهن عيون سود وسهايا
برم ببيتهن نايل السيل.. ايام والعوايز وعايا
فيه الرحى دارت شليل.. بامهجات بيض النوايا
جايبت الحطب بالعناقيل.. اموالفات جي السرايا
اكلهات ما هم زعاعيل.. ولاهم اخفاف الروايا
وما يضربوا ضرب ثقيل.. ان جا طليب دون الجنايا
ولا عيب يسمع نزيل ..ولا امنتن بالحماية
حطاطت العدد فوق م الخيل.. لابست الدقر للسوايا
هل كوت لصار الوليل.. الاسند رفيع الشوايا
الدير يقسمه بالتشنتيل.. بروق ريح دارن ضوايا
ارشا منقطع من هجاجيل.. عليه جن قرطس ادثايا
سريب خطره عقل عويل.. برم في منازل كبايا
جدبهن مطول محيل.. وجروح فقد هلهن برايا
القول ودير حسبتك فيهن رحيل.. وكل حي عنده نهاية
وكل حي في الارض يدفان.. والله يلعنك يا الشيطان
واعمل الخير في الشر برهان.. يعاود عليك ادورانه
عندي العقل م الغيض مليان.. امغير ما نريد افلتانه
ولانا ذوراي وطشان.. ولا نصالحوا ع الخيانه
وراه الزين م الشكر ينعان ..ويصعب علي اقراضنه
وان كان عفتني حق عيدان.. وجرب البخش اشكعانه
وان كان هنتني راك تنهان.. ويصعب عليك اقندانه
وادي ذكر فيه صوان.. يجي بعرض وقت اجلبانه
عليه الرعد درا جرنان.. تكلم وزاد ادلفانه
تقول يصهدن فيه نيران.. رغاويه وقت اجلبانه
سلوك يقلبن شور غيطان ..علاهن عزق بادفرانه
لعب في البلط ثاب ريغان.. تراب صيف حرك اركانه
وراه الثلب كي يدير الصنان.. ويهدر يزيد اشلكانه
ما يعلقن فيه القعدان.. بعياطه اثناب اصردانه
صهيل كوت قدام فرقان.. الدور يقطعه باشبيانه
لا باس يا مريض البردان.. واصحى تنتكس من السخانة
واشحال خاطرك يا الزعلان.. يالي فمك طايب السانه
وطيت راك في غوط تربان.. كراعك يحيد انوضانه
والله ينقلك شور دفان.. والا تسندك خيزرانه
عليه كان في خيلك حصان ..اركب عليه شوف الهدانه
واصحى يغربك راه عيان.. والا يطيح بك في مكانه
الذلال لا حق فرسان.. يبطل ايديك اعجزانه
شيال للعلل طبع نسوان.. وما تدير غير العفانه
ولانك قدا قدر واحسان.. انت قداك غير الاهانه
وايام قبل والطبل رنان.. اخطيتوه وقت ازوامنه
واليوم يافتى درت جنحان ..يا معظم بدال شانه
حولي جفل بين عقبان.. ايش مصير اجريانه
دورا لابخه طير شيهان.. يبقى افزعه غير اثملانه
القول مارثه موش بهتان.. مرضوع في حليب الحنانه
والشعر ياخذن فيه شرطان.. وفي السوق راه ابيعانه
والي يسمعوا فيه شبان.. وشياب عارفين الضمانه
وحشى من اسمع ها الجرنان.. وامسامحين فيهن قدانا
وحق من فرز بين الاديان.. انك جبتني للشطانة
وحق شيخ شاهر البطنان.. نحرم عليك اقولانه
بندير هام في الشيخ فرجان.. نخليك كيف ارجفانه
وحق من بكر وقت الاذان.. طاح واستراح ..ذيب حاش وحصل جدي في مسراح
ويالعين سوك راح.. كنسها سميت الياس كان سمراح ..اعزاز دارهم



اذكر مولاك
الشاعر: نصيب السكوري

سبعة غير ما دارهن اسبوع.. ستة ايام من غير اسلكان
اذكر مولاك بالفكر البدوع.. إلي م الطين يخلق في الإنسان
حوا كيف حنك في الرضوع ..ويادم الأب ولحوا كيا
عطس كيف سبحان الشروع.. في اول ذكر لله احمدان
احمد مولاك ولله الركوع.. خالق الأنس ومسير الجان
دبوا في الكون الإخوه في الطلوع.. ومن هابيل لقابيل اقتلان
نزل الغراب للتربه قشوع.. وعلم الأخ من خوه ادفنان
منهم كيف تمينا فروع.. يدق الجذر ويمد بغصان
تسعه شهور ما بين الضلوع.. تشيلك ألام ردلها إحسان
وعام ونص كي تنصب النوع.. تعاني فيك مشيول اشيلان
وتجي مولود ما تعرف الجوع.. يرضع فيك ويبكي لسان
وتعيش العمر ويخشك الطوع.. وتتبع راي ولديك اتبعان
ولك مرسال وتسنن شفوع.. ان عندك قسم في خلطة فلان
وتعيش العمر ويشدن صروع.. ويوم الموت في قبرك ادفان
معاك أعملك لله الرجوع ..ويوم البعث مثقالك أوزان
ظلام القبر ما منه أطلوع.. وما م العين كي البوعقربان
فريس الدود يا واسع البوع.. ياكل فيك نين عظمك يبان
شفيع العبد عورج في القلوع ..مع جبريل في ليل اسريان
يشفع فيك من جمر اللذوع ..ان مسلم عشت وان عندك ايمان
بذكر الله الاول في التبوع.. وخمس واقات وتصيم رمضان
وتزكي مال وبرزقك قنوع.. وتصل البيت وتطوف اطوفان
وبالجمرات ترمي يا خشوع.. والشيطان ملعون ارجمان
نوصي كل من تبع منوع ..وواجد ريت ذاهبين اذهبان
اذكر يوم تنزحهن دموع ..وتمسح غير ما يفيد امسحان
وتحق قماش مكفوف الدروع ..ابيض في اللون ويلج الججان
اذكر مولاك لا تكون مخدوع.. وان كان نسيت
لك داير آذان فراج الهموم مسير أمواج البحر بالنسوم


لا ورد لا رساله
الشاعر: نصيب السكوري

لاورد ولا معطان.. واصنت كلامي والعن الشيطان
نحكيلك على الدنيا ولاتطمان.. وتمسي وتصبح كل يوم بحاله
أوقات من إرجاعه غرد الغيطان.. صيام سف عذوتن تجي عجاله
ويديرن زراعه والسبل مليان.. ويتم الحصاد ببتع م الكياله
ويردوا عليه البير للفرقان.. وفيه جلد حق يكيد في النشالة
عليه عطلن ما من ايبال وضان.. ايامه وقناته بالدلي تفاله
واليوم أجدبت لاحرث لا بذران.. والي بأمر ربك لا تقول فساله
إلا البير طري مليان.. سيوف رمل دران للميوح إزاله
وفيه م العطش موت إلا زغلان ..ووصف البوادي ما نجوا عتاله
ولا ورد لا رساله.. وبير الغلا سفين عليه ارماله..

ثانيا : أشكرك على مرورك ... أرجو ما تزعلش منى

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف الهيلع في 2009-08-02, 12:54 pm

قصيدة الأبل موصلتش للخليج ولاخذت الاول فى سيناء شحتبهاهو برااومصار منه شئ لأنه فى ليبيا لم يكن لها اى مردود قدام الفحول الكباراوبعدها اصلاً مافيها ش لغز قصيدة واضحه وأطلع على المجلد الثانى للشعر الشعبى مقتبسها من هناك وفى الموروث الشعبى نصيب السكورى مسجل مقتبس وارجو منك تتأكد من كلامى وبصدر رحب وعلى كلك حال هذا رأى اوممكن خطأ وشكراً

الهيلع
لواء
لواء

ذكر
عدد المشاركات : 1811
العمر : 41
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-02, 12:59 pm

اولا : ليش أنت زعلان واخذ موقف من السكوري
أنا رأي هكذا قد لا يعجبك أنت حر وأحترم رأيك .... وياريت ترسلي أجابات لتساؤلات نصيب السكوري ... أنا أولاد عمي هم فحول الشعر الشعبي في العصر الحديث بدون منازع ( مراد وعبدالكافي ورحيم جبريل وجبريل الرعيدي وغيرهم .... ) وهذا ما منع أن اشيد بنصيب السكوري والله حتى شكله ما نعرفه .
عموما أنا أحترمك لحرصك على التراث أخي الهيلع وتبقى وجهات نظر

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف الهيلع في 2009-08-02, 1:12 pm

فعلاً مراد افضل من يقول الشعر في عصرنا هذا ورحيم جبريل افضل من يوزن في الشعر ولون الطق عبدالكافي فى غناوة العلم الله يرحمه هو الفحل ولامنازع له والرعيدى شاعر ليس سهل وشكراًالاخ حبة مسك وأسمك على مسمى وكلك ذوق وشفافيه

الهيلع
لواء
لواء

ذكر
عدد المشاركات : 1811
العمر : 41
قوة التقييم : 9
تاريخ التسجيل : 09/07/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-02, 2:52 pm

أشكرك أخي الهيلع على رحابة صدرك وكل يوم تثبت أنك أنسان غير عادي
أشكرك وسامحنى

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف المنصوري في 2009-08-16, 5:42 pm

أعتقد أن الهيلع ينتقد باسلوب غير مقبول فمن يكون كي يقول أن الشاعر مبتدئ أو فحل ( فالهيلع إما أن يكون مبتدئ أو فحل ) لذلك وجب عليه البرهان إذا كان فحلاً لكي يقنعنا برده و بالبرهان وإلا فإنه سيكون الثاني وهو ما لا يخوله النقد

المنصوري
عضو جديد

ذكر
عدد المشاركات : 1
العمر : 50
رقم العضوية : 406
قوة التقييم : 0
تاريخ التسجيل : 16/08/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف عبدالحفيظ عوض ربيع في 2009-08-16, 7:12 pm

الاختلاف فى وجهات النظر لايفسد للود قضيه كما يقال ومالكم وهذا الهجوم والدفاع من جهه اخرى على بعض الشعراء- لاتستطيع باى حال من الاحوال ان تقنع شخص بميولك مهما كانت الاسباب اذا كنت انت مقتنع بشخص ما ربما يرجع لااسباب شخصيه ولكن لاتستطيع ان نعمم هذا الشى على الاخرين - على العموم حوار جميل ودفاع من كل طرف على الاخر وفى النهايه لامشكله بينهما - وبراك الله فيكم جميعآ

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~

عبدالحفيظ عوض ربيع
النائب الأول للمشرف العام
النائب الأول للمشرف العام

ذكر
عدد المشاركات : 71964
العمر : 50
رقم العضوية : 13
قوة التقييم : 210
تاريخ التسجيل : 03/02/2009

http://tamimi.own0.com

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف المهندس في 2009-08-16, 8:57 pm

نصيب السكوري مش شاعر مبتدئ هو من اهم الشعراء
مشكور اخي حبة مسك علي ما طرحت

المهندس
فريق اول
فريق اول

ذكر
عدد المشاركات : 3816
العمر : 31
رقم العضوية : 27
قوة التقييم : 119
تاريخ التسجيل : 25/02/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف العبس في 2009-08-17, 12:46 am

لكل انسان وجهة نظر ولكل انسان مايفضله والجميل جدا روح الحوار والمقارن دون التعصب . لكم مني كل الشكر والاحترام ومشكور حبه مسك على ماكتبت

العبس
جندي اول
جندي اول

ذكر
عدد المشاركات : 29
العمر : 35
رقم العضوية : 401
قوة التقييم : 0
تاريخ التسجيل : 12/08/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-19, 10:35 am

المنصوري اشكرك على رأيك الرائع

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-19, 10:37 am

أخي عبدالحفيظ أشكرك على مشاركتك القيمة فعلا الاختلاف لا يفسد للود قضية

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-19, 10:38 am

أشكرك على المرور يا باش مهندس

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف حبة مسك في 2009-08-19, 10:39 am

العبس كتب:لكل انسان وجهة نظر ولكل انسان مايفضله والجميل جدا روح الحوار والمقارن دون التعصب . لكم مني كل الشكر والاحترام ومشكور حبه مسك على ماكتبت

شكرا لك اخي العبس على مرور الرائع

حبة مسك
مشرف
مشرف

ذكر
عدد المشاركات : 3904
العمر : 53
رقم العضوية : 263
قوة التقييم : 57
تاريخ التسجيل : 12/06/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف attiya في 2009-08-21, 6:57 am

لا استطيع الا ان اقول انه مبدع وشاعر من الفحول اصبح له مدرسه خاصه فى الوصف و التشبيهات الرائعه ولولا معلقة المرحوم / خالد ارميله " بعد مراضها فى عفا دير" لقلت انه اوصف الشعراء للابل – تقبل تحياتى

attiya
عضو جديد

ذكر
عدد المشاركات : 4
العمر : 48
رقم العضوية : 410
قوة التقييم : 0
تاريخ التسجيل : 19/08/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف STAR في 2010-06-20, 10:31 am

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل

-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~-~
اشهد ان لا اله الا الله واشهد ان محمد رسول الله

STAR
النائب الثاني للمشرف العام
النائب الثاني للمشرف العام

ذكر
عدد المشاركات : 114821
العمر : 31
رقم العضوية : 31
قوة التقييم : 186
تاريخ التسجيل : 08/03/2009

http://tamimi.own0.com

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف ابراهيم المغربي في 2010-07-01, 8:25 pm

كنك يا اخي هيلع امعا حبة مسك و انا المعلومات تتفاوت بين احدا و اخر ارجو ان يكون الرد بلطف حتى لا تحرمونا من مخزونكم ويكون التنافس على تقديم الاصيل و المعنى العريق لاي شاعر لان الالقا ربما يطرب اذن السامع العادي اما الملم فلا يفوتة المعني وهذا المهم في شعرنا الشعبي و هذا ما نريدة منكم و سامحوووووووني

ابراهيم المغربي
عميد
عميد

ذكر
عدد المشاركات : 1318
العمر : 51
رقم العضوية : 798
قوة التقييم : 16
تاريخ التسجيل : 27/11/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف المارد الأصفر في 2010-07-01, 8:56 pm

شكرا لك أخي الفاضل على هده القصائد بارك الله فيك والشاعر نصيب شاعر جيد ولكن لايقارن مع فحول الشعراء مازال الطريق طويل أمامه وصراحة انا اعريبي لكن أجمل ماقيل في وصف الأبل من شعراء الفواخر خالد ارميله وأحمد ارميله وعبدالسلام بوجلاوي وهدا الأمر لايخفى على أحد أعجبتني طريقة تحاوركم الحضاريه والأنسان العاقل لا تأخده العزة بالأثم يعني ان تقول الحق لك وعليك بارك الله في الجميع

المارد الأصفر
عقيد
عقيد

ذكر
عدد المشاركات : 767
العمر : 35
رقم العضوية : 1673
قوة التقييم : 8
تاريخ التسجيل : 04/05/2010

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف ارفادي الواحات في 2010-07-01, 10:47 pm

مشكور حبه مسك ع الموضوع الاكثر من الرائع.....اما بالنسبه لقصائد الشاعر نصيب السكوري فهي من اروع قصائد الشعر الشعبي في (التشبيه) لان ع الصعيد الشعبي معروف بقوة التشبيه لديه و لعل البيت.....
ومازال شاغلهن افكار خيالي.. لاشغال فكر عاقر من سريب وليد...
اكبر دليل على قوة التشبيه لديه و مره اخرى مشكور اخي حبة مسك

ارفادي الواحات
نقيب
نقيب

ذكر
عدد المشاركات : 368
العمر : 26
رقم العضوية : 2147
قوة التقييم : 2
تاريخ التسجيل : 24/06/2010

http://alrefady2010@facebook.com

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف ابن الباديه في 2010-07-01, 11:43 pm

"نصيب السكوري" شاعر مبتدئ ولا يرقى الى مصاف فحول الشعراء في ليبيا ، والقصيده التي اثارت الجدل "خيانة النسا موش من اليوم.." والتي وصفت (بشكل خاطئ) انها "قمة الابداع" هي قصيده ضعيفه جدا في المحتوى والوزن ،ويكفي قوله ........ (يسهى يبدله بطرف حلقوم.. عليه كيف حنه تحايل) وكذلك قوله ...
(فيهم اطمع كل فقوم.. ان سهراك جنك روايل)
(يحساب البصل خير م الثوم.. الي الكحل دق النفايل)
ضف الى كل ذلك ان الافكار والمحتويات في هذه القصيده مشتته وغير متناسفه .

ابن الباديه
لواء
لواء

ذكر
عدد المشاركات : 1787
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف ابن الباديه في 2010-07-01, 11:49 pm

اما افضل من تحدثوا عن الابل فهم خالد ارميله ، روفه الدعبوب ، عبدالرحيم بوخبينه ، عبدالله بالروين ، ومن يرقى الى مصاف هؤلاءمن كبار شعراء ليبيا ..

ابن الباديه
لواء
لواء

ذكر
عدد المشاركات : 1787
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

رد: الشاعر: نصيب السكوري ( قمة الإبداع )

مُساهمة من طرف ابن الباديه في 2010-07-01, 11:54 pm

ولا ننسى "ابراهيم طاهر بوجلاوي" وملحمته الشهيرة التي تتكون من اكثر من "100" بيت عن الابل واوصافها .

ابن الباديه
لواء
لواء

ذكر
عدد المشاركات : 1787
العمر : 52
رقم العضوية : 648
قوة التقييم : 34
تاريخ التسجيل : 24/10/2009

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى