فيكن يالنظار اوحلنل-*-*-*-

من روائع الشاعر مصطفى الشلماني
فـيـكـن يـا لنـظار اوحـلنا
لين احصلنا
في نـقـنــاق غلا تملنا
يـامـا يا لـنـظــار بكيتن
غير خذيتن
صوب وفي دربه عديتن
هـاوا هـاويت اداعـيـتـن
ناره شلنا
ويـــن علي صوبه عدلنا
فـي الـنـار ايـديـنا حطـيـتـن
جار ذبلنا
صوبه واطاول مشكلنا
جــريـتـن جـر اسـتـربـيـتـن
قال وقلنا
جرنانه مشكل دارلنا
يـامـا يـا لـنـظـار مـنـعـنا
لكن طعنا
جـيـناه وصـوبه ضـيعنا
نـا ويـاكـن بـيـه اولـعـنـا
دمعة سلنا
لـكـن مـادمـعك جـابـلنا
هـاويـتـن ومـعـاه شـرعــنـا
له بادرنا
بـقـدار وبـيـهن دللنا
يـالنـظـار الـيوم بكـاكن
غير عماكن
علي شال رحل خـلاكن
تـشـالـن ياطـول رجـاكـن
ومقابلنا
ياســه والمولـى رادلنــا
زول اللي صوبه رداكن
خان خذلنا
واحنا في صوبه مازلنا
كـــان علي لقسام اعباكن
رانا طلنا ...
صوب ومن قبله نولنا
يــالنــظار اوحــلنا فيكن
جــريـتـنـا لـين اتــبـعــكـــــن
لا عــقـلـي يقـدر يطريـكـن
لا بـيـت بـرايـي نـقـنــعكن
عـبـرة تـرفع وتـواطـيـكن
تـــذارن عـلـي لايـعـــكــــن
طــحـتن في النيران بديــكن
سـلــتن هــذا حـــد فزعكن
مــا قابــل لين ايـسـلـيـكن
لا مـن نـاره يـوم اسـمعـــكن
مـن كـاس الحنضل ساقيــكن
صــوبه في الغـوط مدمعكن
مـن يـوم ماهو نـاسيكن
مـاضـني صـوبه يـنـفـعــــــكن
ما تـحـسـابن يـوم ايـجيـكن
يـنـسـاكن ويـغيـب دلـــعكن
تـدرن في الـهـود مغليكن
مـارديـتـن لـيـن قـشـعـــــكن
يــا لنـظـار الله ايـهديكن
هو نــاكر وانـتـن واجـــــعكن
يــا لنـظـار اللوم عليكن
بـايعنـا كي مـو بـايـعـــكـــــن
حـطـن عـالتبن مذاريـكن
طال عذلنا
في جرنان غلا تملنا

مشكــــــــــــــــــــــــور وبارك الله فيك