عضو في المجلس الأنتقالي : قطر تعين رؤساء مخابرات تابعين لها

من طرف شموخ انثى 2012-01-28, 3:45 pm

نقلاً انتفاضة 17 فبراير 2011- لنجعله يوم للغضب في ليبيا
عضو في المجلس الأنتقالي : قطر تعين رؤساء مخابرات تابعين لها وبالإسم !!

تلقينا إتصال هاتفي من احد اعضاء المجلس الإنتقالي وأفادنا بأن قطر اتفقت مع رئيس المجلس علي تعيين رؤساء للمخابرات الليبية تابعين لقطر وبموافقة امريكية. واحدهم جنسيته امريكية .

... عضو المجلس أكد أن هذا يشكل انتهاكاً للسيادة الليبية ويلغيها لزمن لايعلمه الا الله.
والقرار الصادر من المجلس يعتبر قراراً غير شرعياً لانه قرار تنفيذي, ومن صلاحيات الحكومة !! وسيوافينا عضو المجلس بصورة من القرار والأسماء التي عينها الشيخ حمد قريباً جداً.

أخر أخبار الجبهة الشرقية ( مدينة البيضاء ) نفتخر بأننا أول صفحة على الفيس بوك أكتشفت أجندة قطر في ليبيا

بدأت قطر في تنفيذ أجندتها وسمومها في ليبيا : ليبيا العزيزة التي لاطالما ما كُنا نقول مراراً وتكراراً بأن قطر تُريد تنفيذ أجندتها في ليبيا ولكن أتهمونا بالكذب والفتنه وها نحن اليوم نقف أمام الحقيقه

من طرف اسماعيل ادريس 2012-01-28, 4:07 pm

ومازال ياما نبوا انشوفوا منها قطر
.....................................
طبعآ توا أيجوك عيت الصللابي وبوكتف ومااااااازااااااااااااااال
لكن الليبين فاطنين ومافيش حاجه خافيه عليهم
.................................................
مشكوره شموخ وبارك فيك

من طرف pure heart 2012-01-28, 5:59 pm

نبوا نفرحوا ببلادنا يا مجلس !!!!!!!!!!!

لا للتدخل الخارجي
نعم للسيادة الليبية

من طرف التمساح 2012-01-28, 6:11 pm

من هذا العضو ومن اين اتت هذه الاخبار نامل الشفافيه اكثر لتكون مثل الشمس حيث لا غبار عليها وفي المفروض كل من ينوب عن الانتقالي او الحكومه ليبث سموم يطفح علي السطح ويكون في الواجهه اما حكايه قالها فلان غير مجديه في المجتمع الجديد .واذا كان هناك من يقف علي الحقيقه لماذا لا يسرع في نشرها بكل وضوح من اجل الشعب الجريح لآجل تحرره من طاغيه في مزبله التاريخ .
شكرأ شموخ

من طرف ابراهيم المغربي 2012-01-28, 6:22 pm

اخوتي الكرام ارجو التحقق من الخبر قبل نشرة لكي لا يحدث بلبلة بدون تأكيد المعلومة من هوا العضو الي اتهما ليبيا او قاعد في المجلس ايعد في المخالفات و لا يتحرك ساكن و الا هو عندة اجندة و عليش صابر كان ما عطوش دور ايتكلم
اما قطر فهي ليست محتاجة لليبيا هما حارتين او فرد و صبت امعانا و بعدين عليش خايفين منها احنا في بلادنا و من يقدر يضحك علينا بعد المقبور مرة اخرى نبدو من جديد الله ايربحبكم بلاش تنقل اجندة غيرك بدون تثبت ممكن اتكون ساعدة بدون ما تدري

من طرف شموخ انثى 2012-01-28, 7:09 pm

مشكورين على الردود وارائكم فوق راسى لانى حتى انا انصدمت فى لموضوع وانا ماجبتاش من عندى لقيتا فى اكثر من صفحه

https://fr-fr.facebook.com/17022011libya

لو تحبو اطلعو عليه

والخبر اذا كان صاح فليبيا نار لقطر ولغير قطر نحن يجب انكونو متيقضين للخبر وقطر اساسا جايبا الشبهه لروحها حتى لما انتهاء التحالف من الحظر على ليبيا كانو يخططو لناتو عربى بقيادة قطر

وكذا مره حذرونا شخصيات وطنيه مهمه منهم الاستاذ شلقم على الدور الخطير لى تلعب فيه قطر ومن المعروف ان الحدود مفتوحه وكذا مره لقوا مخابرات تجسس على الاراضى الليبيه من الدول المجاوره

عليه نأخذ الحذر ولو طلع الخبراشاعه فالحمدالله وانشالله خير

من طرف محمد اللافي 2012-01-28, 7:36 pm

ماتبيش تأكد من الخبر هذي واضحه من الاول وقالة شلقم وقاله خليفة حفتر وخاصه خليفه حفتر راجل موش اي كلمة ايقولة
اما بالنسبة للمجلس بجد بجد تبيلة انقلاب عسكري والتحقيق معه في كل الكوارث الي سبب فيها

من طرف ابراهيم المغربي 2012-01-28, 8:27 pm

مرحبا خوي محمد الافي نورت المنتدى
فكنا من هل الكلمة خوي محمد راهي تعبتنا
لاكن تبيلة غربال كبير او عينة واسعة و و دمتم بسلام و
عاشت ليبيا حرة ابية بدمأ شهدائها عضو في المجلس الأنتقالي : قطر تعين رؤساء مخابرات تابعين لها 999507

عضو في المجلس الأنتقالي : قطر تعين رؤساء مخابرات تابعين لها 999507

من طرف hosen agiala 2012-01-28, 8:36 pm

شلقم قال أحدرو من القطريين وتدخلهم فى شؤوننا ياليبين قالو واه علينا واه هدا بفسد علينا التورة جيتو لكلامه وقالو معاش نبوه خلهالكم واسعة

من طرف اسماعيل ادريس 2012-01-28, 8:52 pm

ولله شكله دم الشهداء راح فيها واقعدوا ايتاجروا فيه
ويدوروا في مصالحهم
المفروض اي واحد عنده اتجاه واجنده في راسه يبعد عن الساحه
الوقت توا مايسمح بامساومه والمتاجره...
ودور قطر موش خافي علي حد ...وانكان ع المساعده جابت فواتيرها
وتقدر بثلاثه مليار ومشكوره علي مساعدتها لنا وبارك فيها
............................................................زز
كنكم تذكروا زمان لما ايقولوا في وفود المنطقه الغربيه ومره الشرقيه ومره الجنوبيه ...ماشيه لقطر تقدم فالشكر...
كذابين ولله ماكانوا ألا يملوا عليهم في شروط ويريدوهم ايخشوا تحت بلحاج
وعيت الصللابي وغيرهم من هالشراذم ...اللي كانوا اكبر حليف لسيف القذافي
واليوم هم اللي شايخين فالبلاد....
قطر اتريد تاخذ لروحها مكان في ليبيا اكبر من حجمها.....
...........................................................
واللي ايقول لي دولة قطر بتروليه يبقى غلطان...قطر دوله منتجه للغاز فقط
ولها مآرب في بترول ليبياواطماع.....
بدليل كذا قناة الجزيره المموله من المخابرات القطريه اتجيب او تنقل اي مشكله مما يحدث....اوتنتقد آداء المجلس...................
.....................................................
وفالآخر انقولوا ايفكنا الله منهم ومن شرهم علي خير وخلاص
ويحفظ بلادنا من كل مكروه

من طرف شموخ انثى 2012-01-28, 9:00 pm

نعاودو ونقولو نتمنا الخبر يكون مجرد اشاعه
ونحن سنكون متيقظين لاى خطط خبيثه تحاك فى الظلام لليبيا
نحن لقطر او غير قطر بالمرصــــــــــــــــــاد

من طرف **زهرة اللوتس** 2012-01-28, 10:08 pm

ملاحظة:
صفحة مركز ليبيا درنة,,,صفحة انتفاضة 17 فبراير,,صفحة ليبيا اليوم.صفحة مجنون بيك يابنت ليبيا.وعشراات الصفحات...تم اختراقهم من هكر مؤيدي المقبور ومنهن الصفحة الي جايبة هالخبر..طبعا على الفيس بوك وتم اختراقهم من الطحالب ومازالوه قاعدين تحت مسمى انهن صفحات مع الثوار للعلم..ويحطوه في اخبار للفتنة والتفرقة بدون دليل ولا اثبات,,,هذا للعلم,,وشكرااا

من طرف عوض الشلمانى 2012-01-28, 10:23 pm

تكثر الاشاعات بين الحين والاخر ولما الخوف من قطر هل تعلمون ان المواطن القطرى الاول على صعيد العالم فى الدخل دعونا نكون واقعيين نار قطر ولاجنة معمر- دولة قطر كانت سباقة فى الوقوف مع شعبنا والشعب الليبى لاتنطلى عليه اى حيلة

من طرف التمساح 2012-01-28, 10:33 pm

اللافي ..اسماعيل ...بس يا اخساره انا لا اريد (( انبح روحي )) ........
قالها حفتر ههههههههههههههههههههه والله اي كلمه إقولها كان العصاء الغليضه للطاغيه انت شفت كلامه علي الفريق البطل المغدور به .
واماء اسماعيل واخذ موقف غريب (( مصتاعض )) سامحني ؟؟ ايش دخل قطر يا راجل ( دردوحه وشارعين) معقوله هذا رد الجميل في وقت كانو واجدين امكرسين ....وحفظ الله ليبيا اهو ما شي الحال

من طرف اسماعيل ادريس 2012-01-28, 10:43 pm

عارف ان قطر اتسلح في صف علي صف...
عارف قطر مادارت حاجه ببلاش ...ومشكوره عللي قدماته
بس خلاص شئوننا الداخلي لا
قطر تؤيد وتناصر في طرف علي طرف
وهضا غلط....
..........................................
ساعدتنا مشكوره وبارك الله فيها....
لكن غير هكي ماعندها حاجه عندنا ...
...............................................
الموضوع عنوانه قطر ...وللا انا غلطان...
.......................................................
واللي موش عارف يمشي يقعد في بنغازي اسبوع ويشوف ويسمع من اقريب
واللي موش امصدق ايجيني انقعده مع واحد مشى في وفد الشكر المزعوم اللي داروه زمان وهو يسمع شن قالوا لهم ومن ادخلوا عليهم في القاعه وشن كانوا ايريدوا منهم................
...................................................
لا أحد ينكر تغلغل قطر في شئوننا الداخليه و مناصرة فئه على اخرى..