جفيت جفاتك ..... ما اذّل عيني بكونها حباتك

جفيت جفاتك ............ ما اذّل عيني بكونها حباتك .... اردود الكفا واجــــب

واجب العين تهونك .... وزايد عليها بيش نين تصونك
مادام هنتها ما عاد اتعد عيونك .... وتعد روحها في الاصل ما غالاتك
انت الغلا للعب في قانونك .... وهي بيه غلطانه اللي ودّاتك
تحسابك انسان قدير في مضمونك .... اتحس اتّألم كيف ما ظنّاتك
القاتك عديم احساس باهت لونك .... شين الطباع بعكسهن صفاتك
وفهمت عليش امبنّيات ظنونك .... اتريد اتسلّى من عدم رأياتك
دوّر اساع تلقا عرب يشرونك .... مادام نفسك بعتها باعاتك
وصيّورك اليد اتعضها بسنونك .... وتندم ندم ما يفيد طول حياتك
الاّ نا ارخصلي مرتحل من دونك .... اعذرني اعفيني من جرر غيّاتك
الله ايسامحك وابعد بعيد بعونك .... نفسي عزيزة تموت ما قبلاتك
ياريت الكلام ايحز في مكنونك .... الاّ نا العين اتعد ما راعاتك

كيف العين غوالي كانوا ....لولا سيتهم ماهانو
مشكورة ميمي

مشكـــــــــــــــــــوره ياميمي

مشكورين على المتابعه وفقكم الله

بـــــــــــــــارك الله فيـــــــــ ـــــــــــك اختيــــــــــار مــــــــوفــــــق