مــــــــــــــــــــانيش داير غيرك...

مانيش داير غيرك *** نين ننعمى والا انموت اسيرك *** يا صاحب الغلا

مانيش داير غية *** ولا يغنو عليك اصحاب لا امواليا
انت النفس والروح ساكن فيا *** ونا راضي باللي عليه يشيرك
عقلك وروحك وفكرتك والنية *** لوكان نلقي يالعزيز انديرك
... كيف النس والروح كي الميه *** ماشي معاك والدليل دليلك
وين ما ترسي نا معاك سويا *** ديما ف بالي وف العيون انشيلك

مانيش داير غيرك *** نين ننعمى والا انموت اسيرك *** يا صاحب الغلا

مانيش داير غالي *** انت جديدي والقديم التالي
انت عيوني وبسمتي وامالي ***ندعي لربي نكون من قسميتك
ندور وما نلقي كيف كيفك والي ***ولا ف العالم فيه زول مثيلك
انت ف عيوني دوم شانك عالي ***وان شاءالله شعوري يكون كيفي كيفك

مانيش داير غيرك *** نين ننعمى والا انموت اسيرك *** يا صاحب الغلا

مانيش داير حد *** ان غبتي يغيب معاك كل الود
وان جي تجيب معاك ود يبد *** علي كل انسان والزمان وجيلك
نا رهن شورك من يد ليد ***وانت اختار ودوم نا نصغيلك
لك اشواق اكثار ما تهمد *** الا بشوفت خد سمح ازويلك

مانيش داير غيرك *** نين ننعمى والا انموت اسيرك *** يا صاحب الغلا