ثوار مصراتة يطلقون سراح بشير هوادي..

من طرف **زهرة اللوتس** 2011-11-10, 2:50 pm

ثوار مصراته يطلقون سراح بشير هوادى
خاص ايراســا || قال مصدر مطلع من مدينة مصراته أن الثوار اطلقوا سراح الرائد بشير الصغير هوادى عضو المجلس السابق لثورة سبتمبر المنهارة التى قادها معمر القذافى فى ليبيا سنة 1969م.
وقال المصدر أن عملية الافراج جاءت بمناسبة عيد الاضحى فى إطار عفو شمل اكثر من 200 محتجز واسير لدى ثوار مصراته.
واشار إلي أن هوادى ادعى بانه ساعد سكان مدينة ودان ــ مسقط رأسه ــ خلال ثورة 17 فبراير وقدم الكثير من المساعدات للثوار وامدهم بالسلاح والمعلومات حسب قوله .
وظهر بشير هوادى عقب اندلاع ثورة 17 فبراير ( بالتلفزيون ) الليبي الرسمى التابع لنظام القذافى بعد غياب دام 38 عاما عقب قيامه بمحاولة انقلابية فاشله شاركه فيها العديد من ضباط الجيش الليبي كان ابرزهم الرائد عمر عبد الله المحيشى أحد أعضاء مجلس قيادة الثورة آن ذاك.
و نوه المصدر أيضاً إلي أن هوادى قد أجبر على الظهوربالتلفزيون الليبي من خلال اتصال دار بينه وبين معمر القذافي ــ حسب قول هوادى ــ والذى وصفه بالقائد اثناء التحقيق معه من قبل ثوار مصراته وعندما سئل عن هذا الوصف بعد كل تلك الاحداث قال بشير انه مازال موجودا على الساحة.
يذكر ان الرائد هوادى كان رئيسا لمحكمة الشعب التى قامت بمحاكمة مسؤولي العهد الملكى وعلى رأسهم رئيس الوزراء حسين مازق .

من طرف amol 2011-11-10, 5:36 pm

من طرف **عبدالحفيظ عوض ربيع** 2011-11-10, 5:42 pm

من طرف اسماعيل ادريس 2011-11-10, 5:56 pm

له زمان مركون ولما قامت ثورة 17 فبراير ...جابوه وعطوه رتبة فريق
مغلوب علي امره ....وماعليه شي ...
احسن جماعة مصراته ...اللي موش داير شي يجب اطلاق سراحه

من طرف **زهرة اللوتس** 2011-11-11, 6:30 am

مشكورين للمتابعة..وفقكم الله

من طرف ثائر صح 2012-02-24, 10:13 pm

واشار إلي أن هوادى ادعى بانه ساعد سكان مدينة ودان ــ مسقط رأسه ــ خلال ثورة 17 فبراير وقدم الكثير من المساعدات للثوار وامدهم بالسلاح والمعلومات حسب قوله ....

اولا بشير هوادي مش جديد عليه الخيانه قبلها دارها مع القدافي وقلب علا الملك ادريس...انا من ودان واعرف وكل اهل ودان ان بشير هوادي خاين وهو طماع باع وطنه ببطنه واتصل بالقدافي بدايه ثوره 17 فبراير وعرف ان القدافي في زنقه وعرض عليه خدماته باش يبين ليه انه مازال علا العهد وكدلك باش يستفيد وفعلا ارسل له المقبور سيارات و2 مليون وبدخ واولاده بدو يفشكو ع الناس ويقولو بوي بحطه معمر مكانه (طيح والله سعدكم )المهم بشير هوادي قمع الثوار والمتظاهرين عده مرات وحطله القدافي حرس من الاخير خاين وطماع ودم الشهداء مايمشيش هباء ويقول دعمت الثوار امتا دعم الثوار ؟؟؟ فعلا دعمهم لما الثوار في ودان اطلقو النار على احميد بوصبع القدافي امر كتايب القدافي وهرب لبيت بشير هوادي وحماه من اطلاق الرصاص وخباه في بيته.....والا دعم الثوار لما رفض مساعدتهم في اختراق الحصار المفروض من قبل كتايب القدافي والدهاب الى بنغازي عن طريق زله واحضار الاغاثه....اه دعم الثوار لما مشي لعزاء الخويلدي ...اه دعم الثوار لما كان يهدد في اهل المنطقه ويقوللهم جايكم الجراد وبعدها ما نعرفكم ...الحق حق ومعاش فيه مجامالات ولا قبليه ولاجهويه ..وودان كان عابيه على بشير هوادي وامثاله كان هدا ودان ماتحررت يوم 19 رمضان بالكامل....والحمد لله ودان فيها تريسها حرروها بالقوه وتسكير الدماغ والمدعو هوادي لعنه الله عليه خبيت ولئيم نبي نعرف امتا دعم ثوار ودان بالمال والسلاح وهو واضح زلم للقدافي واللي حضر كلامه في قناه القنفود كيف يتكلم من جد جده وواضح مش مضغوط عليه ولا بالسيف وبالعكس كان متحمس وقال كنت في استراحه مقاتل واللي حضر لقاه في قناه مصراته وكيف كان واضح انه يكدب ويقول انا مفلس ومرتبي 400 وينزلن بعد حين وحين؟؟ ومالا كيف يكدب بعدين ويقول دعمت الثوار بالمال من وين حصل ع المال!!! حصل ع المال من القدافي هالمرتشي وفعلا دعم الثوار لما خلاص تحررت ودان وتحررت طرابلس ومشي يجري للمجلس العسكري بودان وكان فيه علي بوديه وسنوسي الطيب وهم عقدا منشقين من بدايه الثوره وهم معروفين ومشالهم هوادي وقاللهم بالحرف الواحد ديرولي حل بعد عرفها خلاص وعارف كان جو الثوار من برا مش حيرحموه ولايتعاطفو معاه زي ودان ويمكن يقتلوه وهو عاد جبان يخاف من الموت المهم كان فيه ثوار من ودان يحاربو مع مصراته نسقو له مع مصراته ومجلس ودان العسكري ومشي مصراته مستسلما وليس منشقا وللامانه حتى مديع قناه مصراته احرجه بسوال لما هوادي قال حميت ودان من كتايب القدافي قاله المديع كيف وهل عندك حضوه عندهم؟؟؟ فعلا لانه زلم معهم وليس له اي دور في تحرير المنطقه بل بالعكس وكدلك قهو ماشي لمصراته رافع معاه قريب مليون وبصدفه وهو يحط فيهن في السياره شافوهن الثوار بدل ما يحطهن في حساب مصرف ودان رافعهن لمصراته وبعد ويش عطاهم 10 الاف للمجلس ...يتبع قريبا

من طرف **زهرة اللوتس** 2012-02-25, 6:31 am

ننتظر الباقي...
مشكورين للمرور الرائع..وفقكم الله

ثوار مصراتة يطلقون سراح بشير هوادي..

ثوار مصراتة يطلقون سراح بشير هوادي..

رد: ثوار مصراتة يطلقون سراح بشير هوادي..

رد: ثوار مصراتة يطلقون سراح بشير هوادي..

رد: ثوار مصراتة يطلقون سراح بشير هوادي..

رد: ثوار مصراتة يطلقون سراح بشير هوادي..

بشير هوادي يدخل مزبله التاريخ من اوسع ابوابها

رد: ثوار مصراتة يطلقون سراح بشير هوادي..