منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..

انضم إلى المنتدى ، فالأمر سريع وسهل

منتديات عيت ارفاد التميمي
أهلاً وسهلاً بك عزيزي الزائر في منتديات عيت أرفاد التميمي .. تفضل بالدخول ان كنت عضواً وبالتسجيل ان لم يكن لديك حساب وذلك للحصول علي كامل المزايا ولمشاهدة المنتديات المخفية عن الزوار..
منتديات عيت ارفاد التميمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إعلانات المنتدي

الأخوة الزوار

سجل فوراً في منتديات عيت أرفاد التميمي لتنال احقية مشاهدة اخبار المنطقة ومتابعة كل صغيرة وكبيرة في التميمي - اخبار المنطقة محجوبة عن الزوار

الأعضاء الكرام

الكلمة الطيبة صدقة والاحترام المتبادل تاج علي رؤوسكم وتذكروا قول الله عز وجل !! ما يلفظ من قول الا لديه رقيب عتيد
المواضيع الأخيرة
» عناصر غذائية تنشط الغدة الدرقية
هناك ناس تكرههم من اوّل ليله Icon_minitime1أمس في 3:13 pm من طرف STAR

» رونالدو يصب غضبه على الحكم الرابع بعد خسارة مدوية للبرتغال
هناك ناس تكرههم من اوّل ليله Icon_minitime1أمس في 3:13 pm من طرف STAR

» ما الأفضل الاستحمام ليلا أم صباحا؟
هناك ناس تكرههم من اوّل ليله Icon_minitime1أمس في 3:11 pm من طرف STAR

» الصلاة علي رسول الله+الاستغفار+ذكر الشهادة+كفارة المجلس
هناك ناس تكرههم من اوّل ليله Icon_minitime1أمس في 3:10 pm من طرف STAR

» كبدة دجاج مقلية مع حمص بالبصل
هناك ناس تكرههم من اوّل ليله Icon_minitime1أمس في 3:10 pm من طرف STAR

» مباريات الثلاثاء 26/3/2024 وقنوات الناقلة
هناك ناس تكرههم من اوّل ليله Icon_minitime12024-03-26, 4:24 pm من طرف STAR

» جولة على الجسور القديمة... معالم شهيرة صمدت على مر التاريخ
هناك ناس تكرههم من اوّل ليله Icon_minitime12024-03-26, 4:21 pm من طرف STAR

» هل يجب أن تحدد سعة شحن بطارية هاتفك الذكي عند 80%؟
هناك ناس تكرههم من اوّل ليله Icon_minitime12024-03-26, 4:19 pm من طرف STAR

» تتلف أنسجة الدماغ.. ابتعدوا عن الزيوت المعاد تسخينها
هناك ناس تكرههم من اوّل ليله Icon_minitime12024-03-26, 4:18 pm من طرف STAR

» قطايف بقشطة
هناك ناس تكرههم من اوّل ليله Icon_minitime12024-03-26, 4:15 pm من طرف STAR

» برقم خياليّ.. السعودية تريد خطف ليفاندوفسكي
هناك ناس تكرههم من اوّل ليله Icon_minitime12024-03-25, 2:58 pm من طرف STAR

» طبخة اليوم: "رز على دجاج"
هناك ناس تكرههم من اوّل ليله Icon_minitime12024-03-25, 2:57 pm من طرف STAR

» السياحة في إسبانيا... حدائق مختلفة تمزج بين الطبيعة والفن
هناك ناس تكرههم من اوّل ليله Icon_minitime12024-03-24, 3:30 pm من طرف STAR

» إبراهيم دياز يكشف موقفه من المشاركة مع المغرب في أولمبياد باريس
هناك ناس تكرههم من اوّل ليله Icon_minitime12024-03-24, 3:29 pm من طرف STAR

» منها اللوز.. أطعمة تساعدك على النوم بشكل أفضل
هناك ناس تكرههم من اوّل ليله Icon_minitime12024-03-24, 3:29 pm من طرف STAR

بحـث
 
 

نتائج البحث
 


Rechercher بحث متقدم


هناك ناس تكرههم من اوّل ليله

اذهب الى الأسفل

هناك ناس تكرههم من اوّل ليله Empty هناك ناس تكرههم من اوّل ليله

مُساهمة من طرف اسماعيل ادريس 2012-03-04, 4:08 am

هناك ناس تكرههم من اوّل ليله
وهناك ناس ما يهُونوا سْنين طويله

هناك ناس حبايب
... وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله

هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله

هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله

هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله

هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله

هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله

هناك ناس تكرههم من اوّل ليله
وهناك ناس ما يهُونوا سْنين طويله
~~~~~~~~~~~~~~~~~~~~~~~~~~~~~~~
هناك ناس تكرههم من اوّل ليله 494103 هناك ناس تكرههم من اوّل ليله 494103 هناك ناس تكرههم من اوّل ليله 494103 هناك ناس تكرههم من اوّل ليله 494103
اسماعيل ادريس
اسماعيل ادريس
مستشار
مستشار

ذكر
عدد المشاركات : 15213
العمر : 49
رقم العضوية : 1268
قوة التقييم : 66
تاريخ التسجيل : 28/02/2010

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى