جيت للعيادة وريت ماريا أبنيه جميله غير ماسيحيه

من طرف **العاشق الصغير** 2012-03-04, 7:37 pm

جيت للعيادة وريت ماريا أبنيه صغيره غير ماسيحيه

شالت أمعاي أعيونها المبليه وقالت تفضل ياولد بوريه

وتميت كيف أللي عطشان وجاته أميه

لا هولي أشرب ولاجاته نيه

نحن دينا لاسلام وهم دينهم الماسيحيه

والله يلعنك ياشيطان أللي نسيتنا وطنا والغيه

ونعودو لحكايه غابيه منسيه

ويامحلا وطنا فالضحي والعشيه

الامصر ماهي اللي مغبيه

الامن رحم ربي منهم أنفوسهم مبليه

ونا أيش جابني ألها القضيه

الاسريب غنايه وجروحنا المرزيه

وخشيت ع الدكتور وحكيتلا عللي ساير فيه

ضحك وقال أزي الكلام ده يابوريه

قال أحمولك واجدات اشويه

قتلا الحمدلله علي ساير فيه

وصرفلي علاج وقال تبقي اتراجع فيه

قتله عارفه دواي في اي صيداليه

ولافي المصانع يلتقي جمليه

دواي حاصل عند الليبيه

لوكان يفضالي بو ولد وبنيه

وناخذوه ويبرن أجروحنا المرزيه

أتسير لولا أخباث النيه

عطوها لسكار حشاش ماتنعطاله وليه

وهو راق وعاش وهي أكتبلها موت حيه

أم الهدوب عشاش تحلف حسك مغربيه

ام الوسط خفخاف وباتت عذاب بوريه

يارب ياعلمن بالواضحه والخفيه

أتصبر العاشق ولد بوريه

ونختم أحكايتي المنسيه

بالصلاه والسلام علي محمد نبيه

وجيت للعيادة وريت ماريا

أبنيه صغيره غير ماسيحيه

هاذي ثاني قصيده لي والقوافي والبحور يمكن موش متوازنه

تحياتــــــــــــــــــــــــــــــــي

العاشــــــــــــــــــــق الصغيــــــــــــــــــــر