أنا غصبن علي ننساك يا ناسيني!!!

من طرف **زهرة اللوتس** 2012-03-25, 8:50 pm

حق الغلا اللي بينا واريافي...يا غالي انتخايل صورتك في عيني...
حتى وهو زولك عليّا خافـي....طيفك في حلمي كل يوم ايجينــــي..
ما نيش عارف امعاي كنك جافي...وكنه غلاك ابود ما يكافينــــي...
غلاك هاللي تحيرفيه اوصافــــي...اشويه غلاك ان قلت لك يحيينـي..
وان قلت كبر الكون ما هو كافــي...غلاك عالدنيا هو اللي مخلينـــي..
غلاك هاللي نا من لهيبه هافــــي...اتزيد ناره في وين ما تلاقينـــي...
نارين نجري بينهن نا حافـــــــــي...جفاك يا غالي ودمعة اهبال حنيني..
كنه اريافك اليوم جمره طافــــــــي...وكنه اغيابك طال يا جافينــــــــــي..
ليش نا انعد النجم وانت غــــــــافي...وليش نا نفرح بيك وتبكينــــــــــي..
وليش كي تخطر يخطر علي اريافي...وتخطـّر علي ايام زهوة عينــــي..
اياما ونا وافي معاك وانـــــت وافي...ايام والغلا مشقيك ومشقينـــــــــي..
ايام كـي تلفى اتكــون اصـــدافــي... با لعين كنت انحاكيك وتحاكينــي..
ليش متغير اليوم مانك صـــــــــافي ...وليش جافي اليوم ومبدينـــــــــي..
اليوم متغير يا الحنون الدافــــــــــي...واليوم ناسي عشرتي واسنينـــــي..
وحق الغلا اللي كان بينا واريافـي ...ما كان غيرك حد مالى عينـــــي..
ودام انك خلاص اليوم غيري لافــي ..أنا غصبن علي ننساك يا ناسيني
منقول