لا تعليق من دعاة الفيدرالية على احداث الشرق

من طرف ليبيا واحدة 2012-04-29, 12:18 pm

عودنا دعاة الفيدرالية بتعصبهم وحقدهم الاسود على المنطقة الغربية ويلتقون في هدا مع ازلام الطاغوت الجردافي في الشرق واعضاء اللجان الكفرية الدين كانوا يبعثون الاحقاد تجاه المنطقة الغربية ليحققوا سيطرة طاغوتهم وهم ايضا خانوا الثورة وطعنوها في ظهرها بتحقيقهم لاتهامات حمزة بو خنجر وهالة ومصطفى قادربوه

نلاحظ انهم كلما صارت مشكلة في الغرب يقولون الغرب فيه مشاكل اذاً الفيدرالية شي صحيح ! ويقصدون بدلك ان يقولوا لاهل المنطقة الشرقية فكوكم من صداع اخوتكم في الغرب وتخلوا عنهم واخذلوهم وخلوهم يحلوا مشاكلهم بروحهم وفخروا باقليم الشرق الهاني السعيد فحني في الشرق عايشين في جنة ونعيم وما يهمناش جحيم الغرب !

ونلاحظ انهم يتهموا في الغرب بانه مليان بالموالين يعني كان الثورة هي في الشرق فقط واذا قلت لهم لا تنسوا مصراتة وطرابلس والزاوية والزنتان وجبل نفوسة قالوا صح لكن ثورتنا في الشرق اقوى من الغرب لان احني احسن منهم وافضل منهم وهم في الدرجة التانية بعدنا والثوريين درجات وطبقات وفيهم الراس وفيهم القعر اذاً الفيدرالية صح !

......
ولكن الوقائع اليومية تفضحهم وتكشف عن سوء نواياهم فهم يسكتون ويدفنون رؤسهم عندما تكون المشكلة في الشرق فمهما حدث من اغتيالات في درنة او حدود طبرق او انفجارات بنغازي او نزاعات التبو والزوي في الكفرة لا يتحدثون ابدا عن موضوع الفيدرالية

اما الوطنيين في كل ليبيا فهم يشعرون بجرح زوارة ورقدالين مثل ما يشعروا بجرح بنغازي بالتساوي كما كان ثوار الشرق يتوجعون لطرابلس ومصراتة والزاوية والجبل كانها احداث في طبرق او البيضاء او شحات او الابرق او المرج او بنغازي او اجدابيا

ليبيا واحدة موحدة بحكم ديمقراطي لا مركزي